FAK Kultuurnetwerke: Sentraal

17/08/2026

17/08/2026

30/07/2026

Weens omstandighede buite ons beheer is die Vroueoggend van 29 Augustus gekanselleer.
Hou asseblief steeds die blad dop vir toekomstige funksies en geleenthede.

30/07/2026

30/07/2026

Ons benodig jou hulp.

23/07/2026

FAK-Sentraal het vanjaar saam met die ADK hande gevat en ’n FAK-wisseltrofee geborg vir die ADK Oos-Vrystaat Kunstefees se Toppresteerder.

Uit meer as 200 deelnemers het Ella Nel van Primêre Skool Senekal as die toppresteerder uitgestaan en die trofee verower.

Met die eerste skooldag van die nuwe kwartaal het die FAK en ADK vir Ella tydens die skool se saalopening verras met die amptelike oorhandiging van haar trofee.

Baie geluk, Ella! Ons is ongelooflik trots op jou prestasie. Hou aan droom, oefen en uitblink – die toekoms lê oop voor jou. 🌟🏆

23/07/2026

Het jy al jou kaartjie gekoop?

👒 𝗧𝗿𝗲𝗸 𝗷𝗼𝘂 𝗺𝗼𝗼𝗶𝘀𝘁𝗲 𝗵𝗼𝗲𝗱 𝗮𝗮𝗻, 𝗵𝗮𝗮𝗹 𝗱𝗶𝗲 𝗯𝗹𝗶𝗻𝗸𝘀𝘁𝗲 𝗷𝘂𝘄𝗲𝗹𝗲 𝘂𝗶𝘁 𝗲𝗻 𝗸𝗼𝗺 𝗴𝗲𝗻𝗶𝗲𝘁 ’𝗻 𝗼𝗴𝗴𝗲𝗻𝗱 𝘃𝗼𝗹 𝗹𝗮𝗴, 𝘀𝘁𝘆𝗹 𝗲𝗻 𝗼𝗺𝗴𝗲𝗲!

Sluit op 29 Augustus 2026 by ons aan vir ’n besonderse Vroueoggend ten bate van die Tetelesti Hospice by Hoërskool Ficksburg.

Die geliefde aktrise en komediant Lizz Meiring sorg vir skaterlag met haar skreeusnaakse solostuk, Die Real Housewife, terwyl Ansie Fourie die verrigtinge met haar eie unieke bydrae afrond.

Kom kuier semiformeel saam, geniet heerlike sop en broodjies wat by jou kaartjie ingesluit is, en wys jou kreatiwiteit met jou mooiste – of mees uitspattige – hoed en juwele. Daar is ook fantastiese pryse op die spel!

Ter ondersteuning van die Tetelesti Hospice vra ons dat elke gas ’n niebederfbare voedselitem of versorgingsproduk as skenking saambring.

💛 Lag saam. Kuier saam. Gee saam. Maak ’n verskil.

🎟️ Koop jou kaartjie hier: https://www.q2b.co.za/OnlineTickets/Index/1552

10/07/2026

Die FAK se kultuurkoördineerder vir die Sentraalstreek, Lieandri Ackermann, het die voorreg gehad om dr. Pieter W.A. Mulder by die Sewe Damme-aftreeoord in Bloemfontein bekend te stel tydens sy insiggewende toespraak en die bekendstelling van sy jongste boek, Parlementpraatjies.
Die geleentheid, wat deur Pamela Grandwell van U3A gereël is, het aan die gehoor 'n unieke geleentheid gebied om eerstehands te luister na iemand wat byna drie dekades lank deel van Suid-Afrika se parlementêre geskiedenis was. Met sy kenmerkende styl het dr. Mulder die wêreld van die Parlement toeganklik gemaak deur interessante geskiedenis, humor en persoonlike staaltjies te verweef.
Die FAK is trots om deel te wees van geleenthede waar kennis, kultuur en geskiedenis oorgedra word, en gesprekke gevoer word wat ons help om ons verlede beter te verstaan en met groter wysheid na die toekoms te kyk.