17/03/2026
Wat ’n besonderse en geseënde Damesoggend.
🌸 FLOREER 🌸
’n Groep vroue het Saterdag 14 Maart by Misty Valley byeengekom vir ’n verrykende oggend gevul met vreugde, opregte lag, diep nadenke en selfs ’n paar trane. Dit was ’n tyd van ware konneksie en betekenisvolle oomblikke wat elkeen geraak het.
Ons wil graag ons opregte waardering uitspreek teenoor ons inspirerende gasspreker, Anzell Myburgh, asook ons uitstekende seremoniemeester, Cornelle Carstens. Julle bydraes het elke vrou aangemoedig en op ’n besondere manier geïnspireer.
’n Hartlike dankie ook aan Misty Valley vir die pragtige omgewing en warm gasvryheid wat die dag nog meer spesiaal gemaak het.
Die doel van die oggend was nie net om saam te kuier nie, maar ook om terug te gee aan die gemeenskap. Elke vrou het ’n herwinbare inkopiesak saamgebring – gevul met bederfies of noodsaaklike toiletware vir vroue in nood. Dit was ongelooflik om te sien hoe hierdie gebaar van omgee reeds dieselfde aand vrug gedra het, toe ’n pakkie aan ’n behoeftige vrou oorhandig is.
Elke gas het die geleentheid verlaat met ’n voller hart en ’n siel wat verkwik is – iets wat nog lank sal bybly.
Sonder ons borge sou hierdie dag nie moontlik gewees het nie. Baie dankie aan elke borg, groot en klein, vir julle bydraes en ondersteuning. Julle het gehelp om hierdie dag werklik onvergeetlik te maak.
GEGROND IN GELOOF.
Misty Valley Farms
Fancy Functions
Annabelle Sparkling
Blom
Giano Jewellers
Sanlam Concept Wealth Tanya van der Merwe
Oasis Water De Nova Mosselbaai
Vredebest Packaging
Elegant Fuel Mosselbaai Zandri Hamman
Simone Du Plessis Counselling
EDEN Bounce
SKIN Aesthetic Spa.Pinnacle Point
Fanies Apteek
Royal Roots
Studio Y4 DESIGN
Picasso's
Charlene Lotz
Diederiks Incorporated
