VLU-Leeuklip

09/06/2026

08/06/2026

💛BAIE DANKIE 💛

Ons wil graag baie dankie sê aan elke persoon wat Leeuklip se fondsinsameling ondersteun het.

Dankie aan almal wat vetkoeke en spookasem gekoop het en kinders gebring het om kolwyntjies versier. Lede wat donasies gemaak het, gehelp het met voorbereiding, gebak het, voorraad geskenk het en hul tyd opgeoffer het om die oggend moontlik te maak! Julle ondersteuning, groot en klein, het 'n verskil gemaak!

'n Spesiale dankie aan Lavender Mill en Sonopmark vir die geleentheid.

04/06/2026

🌷🌸 Net 'n herhinnering!🌸🌷

Ons fondsinsameling is hierdie Saterdag, 6 Junie, by Lavender Mill Sonopmark van 7:00 - 11:00.

Heerlike vetkoek (maalvleis en hoendermayo) - R40
Versier 'n kolwyntjie - R20

Kom kuier en geniet die oggend saam met ons! 🌻

28/05/2026

🐝🌸Kom kuier by ons fondsinsameling!🌸🐝

🏠 The Lavender Mill, Middelburg Sonopmark
📅 6 Junie 2026
⏰ 07:00 - 11:00

😋 Vetkoek met maalvleis en hoendermayo vulsels - R40
🧁Versier jou eie kolwyntjie - R20

Pret vir die kinders én iets lekkers om te eet! ❤️
Ons sien jul daar!

20/05/2026

13 Mei 2026 - Leeuklip hou vergadering by Hospice Middelburg en dis weereens heerlik om mekaar weer te sien!

Ons tema vir die dag is 'Tyd steel vs tyd belê'.

Ons gasvroue is Elsa van Vuuren, Amanda Cass en Jacqui Miller wat met hul 'special touch' van die oggend 'n groot sukses gemaak het!
Ons is baie bevoorreg om Ezette Prinsloo van Farm Inn teenwoordig te hê. Ezette het 'n praatjie gelewer oor ons tema - 'Tyd steel vs tyd belê'. Vir 'n oomblik het tyd stilgestaan en haar woorde het diep indruk gemaak by almal. Ons kan ons geld tel, maar nie ons tyd nie - bestee dit wys.

Peter Cravenagh het ons kom inlig oor wat 'Noir' fotografie is. Die gasvrouens het die oggend se dekor aangepas by die 'Noir' fotografie-era wat dateer rondom 1950.

Dis miniskou en ons bedank Isobel Geyser wat ons beoordelaar was!

05/05/2026

29 April 2026 - Leeukliplede wat teenwoordig was tydens die Streeksvergadering by NHK Middelburg is Elsabé Steele, sekretaresse Celmari van der Berg , Dina Botha, vise-voorsitster Shan van Niekerk, voorsitster Lenette Bredenkamp en Lianné Harris.

20/04/2026

15 April 2026 - Leeuklip hou prysuitdeling langs die Klein-Olifantsrivier by Old Goats Pub buite Middelburg. Gelukkig laat die weer ons toe om heerlik buite te kuier in die mooi natuur.

Ons is baie trots op al ons lede se prestasies tydens die onlangse konferensie - en deel graag die welverdiende sertifikate uit!

Ons tema vir die oggend is 'God se Tyd'. Geluk aan Yolette Wentzel wat ons Geluksmandjie vol bederfies wen. Ons sluit die oggend af met lekker braaivleis en pap met sous.

Dankie Celmari van der Berg vir die onganisering en uitdeel van al die pragtige sertifikate.

17/02/2026

11 Februarie 2026 - Leeuklip hou maandvergadering by Hospice Middelburg.
Die tema van die vergadering is "Vandag - Leef teenwoordig"
Gasvroue is Tersia van der Berg en Christine Roux. Tersia van der Berg open ons vergadering met 'n pragtige boodskap.

Ons het ook 'n nuwe lid in ons midde - baie welkom Melissa Enslin!
Ons sien uit om jou beter te leer ken.

Felicity Monk, van Monk Mama, kom stal haar tuisgemaakte produkte uit en vertêl ons meer van haar besigheid en die ontstaan daarvan. Haar produkte is vry van gluten, suiker en preseveermiddels en proe heerlik!

Dis weereens 'n heerlike en vervullende oggend!

04/02/2026

28 Januarie 2026 - Leeukliplede wat die Streeksvergadering bywoon by NHK Middelburg is Lenette Bredenkamp, Shan van Niekerk, Celmari van der Berg en Lianné Harris.