Paranas Local Youth Development Office

04/08/2026

02/08/2026

29/07/2026

𝐌𝐠𝐚 𝐢𝐬𝐲𝐮𝐧𝐠 𝐩𝐚𝐧𝐥𝐢𝐩𝐮𝐧𝐚𝐧, 𝐢𝐬𝐢𝐧𝐞𝐧𝐭𝐫𝐨 𝐬𝐚 𝐲𝐨𝐮𝐭𝐡 𝐥𝐞𝐚𝐝𝐞𝐫𝐬𝐡𝐢𝐩 𝐭𝐫𝐚𝐢𝐧𝐢𝐧𝐠 𝐬𝐚 𝐏𝐚𝐫𝐚𝐧𝐚𝐬

Mga usaping may direktang epekto sa kabataan at komunidad ang naging pangunahing pokus ng Youth Leadership Training and Capability Building na isinagawa sa Barangay Cantaguic noong Hulyo 25–26, 2026.

Sa loob ng dalawang araw, tinalakay ang mabuting pamamahala, reproductive health, basic life support, cybercrime, illegal recruitment, violence against women and children, fire prevention, mental health, at HIV/AIDS upang palawakin ang kaalaman ng mga kalahok sa iba't ibang hamong panlipunan.

Hindi lamang sa lecture umikot ang programa dahil sinundan ito ng serye ng leadership at team-building activities na nagbigay ng pagkakataon sa mga kalahok na isabuhay ang koordinasyon, disiplina, at pagtutulungan.

Nagtapos ang pagsasanay sa pagbabahagi ng mga karanasan at natutuhan ng mga kalahok, kasunod ang pamamahagi ng mga sertipiko.

Pinalitan ng Youth Leadership Training and Capability Building ang dating Linggo ng Kabataan na taunang inihahanda ng Local Youth Development Office (LYDO) at SK Federation ng Paranas.

𝘗𝘢𝘶𝘯𝘢𝘸𝘢: 𝘈𝘯𝘨 𝘬𝘢𝘣𝘢𝘵𝘢𝘢𝘯𝘨 𝘵𝘢𝘮𝘱𝘰𝘬 𝘴𝘢 𝘮𝘨𝘢 𝘭𝘢𝘳𝘢𝘸𝘢𝘯𝘨 𝘪𝘵𝘰 𝘢𝘺 𝘮𝘢𝘺 𝘱𝘢𝘩𝘪𝘯𝘵𝘶𝘭𝘰𝘵 𝘮𝘶𝘭𝘢 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘮𝘢𝘨𝘶𝘭𝘢𝘯𝘨 𝘰 𝘭𝘦𝘨𝘢𝘭 𝘯𝘢 𝘵𝘢𝘨𝘢𝘱𝘢𝘨-𝘢𝘭𝘢𝘨𝘢 𝘱𝘢𝘳𝘢 𝘴𝘢 𝘬𝘢𝘯𝘪𝘭𝘢𝘯𝘨 𝘱𝘢𝘨𝘭𝘢𝘩𝘰𝘬 𝘴𝘢 𝘱𝘳𝘰𝘨𝘳𝘢𝘮𝘢 𝘢𝘵 𝘴𝘢 𝘱𝘢𝘨𝘬𝘶𝘩𝘢 𝘢𝘵 𝘱𝘢𝘨𝘨𝘢𝘮𝘪𝘵 𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘭𝘢𝘳𝘢𝘸𝘢𝘯 𝘱𝘢𝘳𝘢 𝘴𝘢 𝘰𝘱𝘪𝘴𝘺𝘢𝘭 𝘯𝘢 𝘥𝘰𝘬𝘶𝘮𝘦𝘯𝘵𝘢𝘴𝘺𝘰𝘯 𝘢𝘵 𝘱𝘢𝘨𝘣𝘢𝘣𝘢𝘩𝘢𝘨𝘪 𝘯𝘨 𝘪𝘮𝘱𝘰𝘳𝘮𝘢𝘴𝘺𝘰𝘯 𝘯𝘨 𝘓𝘰𝘬𝘢𝘭 𝘯𝘢 𝘗𝘢𝘮𝘢𝘩𝘢𝘭𝘢𝘢𝘯 𝘯𝘨 𝘗𝘢𝘳𝘢𝘯𝘢𝘴

(Susunod pa ang iba pang mga larawan noong Day 2.)

22/07/2026

𝐏𝐀𝐇𝐈𝐌𝐎𝐒𝐀𝐍 𝐘𝐨𝐮𝐭𝐡 𝐙𝐨𝐧𝐞 𝐂𝐨𝐨𝐫𝐝𝐢𝐧𝐚𝐭𝐢𝐨𝐧 𝐌𝐞𝐞𝐭𝐢𝐧𝐠 | 22 Hulyo 2026

Bilang paghahanda sa pakikilahok ng PAHIMOSAN Youth Zone sa pagdiriwang ng ika-5 Anibersaryo ng SIRAK Kabataan sa darating na Agosto 11, 2026, nagsagawa ng coordination meeting ang mga kinatawan mula sa mga bayan ng Paranas, Hinabangan, Motiong, at San Jose de Buan.

Dumalo sa pagpupulong ang mga Local Youth Development Officers (LYDOs), mga PPSK President ng nasabing mga bayan, at mga SIRAK Kabataan coordinators upang pagtibayin at isapinal ang paghahati ng mga gawain at iba pang mahahalagang paghahanda para sa pagdiriwang ng SIRAK Day 2026.

18/07/2026

𝐒𝐮𝐦𝐦𝐞𝐫 𝐘𝐨𝐮𝐭𝐡 𝐇𝐞𝐚𝐥𝐭𝐡 & 𝐖𝐞𝐥𝐥𝐧𝐞𝐬𝐬 𝐂𝐚𝐫𝐚𝐯𝐚𝐧, 𝐧𝐚𝐠𝐥𝐚𝐩𝐢𝐭 𝐧𝐠 𝐬𝐞𝐫𝐛𝐢𝐬𝐲𝐨 𝐚𝐭 𝐩𝐚𝐠-𝐚𝐬𝐚 𝐬𝐚 𝐤𝐚𝐛𝐚𝐭𝐚𝐚𝐧𝐠 𝐂𝐚𝐬𝐚𝐧𝐝𝐢𝐠𝐚𝐧𝐨𝐧

Para sa kabataan, sapat na minsan ang isang taong handang makinig. Para sa iba, isang tamang impormasyon ang maaaring magbago ng direksiyon ng kanilang kinabukasan.

Ito ang layuning isinabuhay ng Summer Youth Health & Wellness Caravan na ginanap nitong Sabado, Hulyo 18, 2026, sa Casandig II Covered Court, kung saan nagtipon ang mga kabataan mula sa Barangay Casandig I at II upang makilahok sa isang araw ng pagkatuto, konsultasyon, at pangangalaga sa kanilang kalusugan at kapakanan.

Sa ilalim ng Joint Program on Accelerating the Reduction of Adolescent Pregnancy (JPARAP), tinalakay sa caravan ang mahahalagang usapin hinggil sa mental health, adolescent pregnancy, at HIV at AIDS na mga paksang madalas na iniiwasang pag-usapan, ngunit higit na kailangang maunawaan ng kabataan.

Higit pa sa mga talakayan, inilapit din sa mga kalahok ang mga serbisyong nagbibigay ng agarang suporta. Nagbigay ang TrucKabataan ng libreng HIV testing, peer counseling, at mental health support, habang naghatid naman ang Rural Health Unit ng Paranas ng medical counseling, HEEADSSS adolescent assessment, at libreng mga gamot.

Nakaantabay rin sa buong aktibidad ang isang social worker at kinatawan mula sa Women and Children Protection Desk (WCPD) ng Philippine National Police, bilang patunay na ang pangangalaga sa kabataan ay hindi lamang usapin ng kalusugan, kundi maging ng kanilang kaligtasan at proteksiyon.

Naging posible ang programa sa pagtutulungan ng Barangay Local Government Units ng Casandig I at II, Paranas Local Youth Development Office (LYDO), Paranas Peer Educators Network (PPEN), Paranas Gender Section (PGS), SK Federation of Paranas, UNICEF, Waray-Waray Youth Advocates, at iba pang katuwang sa pagsusulong ng adbokasiya para sa kabataan.

Sa bawat kabataang nabigyan ng tamang impormasyon, sa bawat tanong na nasagot, at sa bawat boses na napakinggan, muling pinatunayan ng Summer Youth Health & Wellness Caravan na ang paghubog ng isang mas malusog at mas responsableng henerasyon ay nagsisimula sa paglapit sa kanila.

𝘗𝘢𝘶𝘯𝘢𝘸𝘢: 𝘈𝘯𝘨 𝘬𝘢𝘣𝘢𝘵𝘢𝘢𝘯𝘨 𝘵𝘢𝘮𝘱𝘰𝘬 𝘴𝘢 𝘮𝘨𝘢 𝘭𝘢𝘳𝘢𝘸𝘢𝘯𝘨 𝘪𝘵𝘰 𝘢𝘺 𝘮𝘢𝘺 𝘱𝘢𝘩𝘪𝘯𝘵𝘶𝘭𝘰𝘵 𝘮𝘶𝘭𝘢 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘮𝘢𝘨𝘶𝘭𝘢𝘯𝘨 𝘰 𝘭𝘦𝘨𝘢𝘭 𝘯𝘢 𝘵𝘢𝘨𝘢𝘱𝘢𝘨-𝘢𝘭𝘢𝘨𝘢 𝘱𝘢𝘳𝘢 𝘴𝘢 𝘬𝘢𝘯𝘪𝘭𝘢𝘯𝘨 𝘱𝘢𝘨𝘭𝘢𝘩𝘰𝘬 𝘴𝘢 𝘱𝘳𝘰𝘨𝘳𝘢𝘮𝘢 𝘢𝘵 𝘴𝘢 𝘱𝘢𝘨𝘬𝘶𝘩𝘢 𝘢𝘵 𝘱𝘢𝘨𝘨𝘢𝘮𝘪𝘵 𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘭𝘢𝘳𝘢𝘸𝘢𝘯 𝘱𝘢𝘳𝘢 𝘴𝘢 𝘰𝘱𝘪𝘴𝘺𝘢𝘭 𝘯𝘢 𝘥𝘰𝘬𝘶𝘮𝘦𝘯𝘵𝘢𝘴𝘺𝘰𝘯 𝘢𝘵 𝘱𝘢𝘨𝘣𝘢𝘣𝘢𝘩𝘢𝘨𝘪 𝘯𝘨 𝘪𝘮𝘱𝘰𝘳𝘮𝘢𝘴𝘺𝘰𝘯 𝘯𝘨 𝘓𝘰𝘬𝘢𝘭 𝘯𝘢 𝘗𝘢𝘮𝘢𝘩𝘢𝘭𝘢𝘢𝘯 𝘯𝘨 𝘗𝘢𝘳𝘢𝘯𝘢𝘴.

(Mga litrato mula sa Municipal Public Information Office)