لو زهقت من الاستغلال والغلاء الغير مبرر من كل المحلات وأصحاب الأعمال والشركات ومقدمى الخدمات العامة والخاصة دلوقتى عندك فرصة تساهم فى ان المهزلة دى يبقالها حد ...تقولولى ازاى ...اقول لكم بان كل واحد فينا عنده حاجة يمكن ما استخدمهاش غير مرة أو مرتين فى حياته ..ايه المانع لو بدىل ما هى مركونة من غير لازمة وزى حاجات كتير عندى أنا شخصيا بتبوظ من قلة الاستخدام ان كلنا نستفيد بيها وتعم المنفعة والثواب .
...ييجى واحد فالوطة و يقول لى طيب ما تبيعها ..أقوله ماهو ده العادى واللى بيعتمد عليه أصحاب الاعمال واللى هم فى الغالب أول من بيسعى لأنه يشترى السلع دى من أصحابها برخص التراب علشان يرجع يستفيد منها ويشغلها بشكل تجارى .
نضرب مثال لو انت عندك مكبس هواء وطبعا هافترض انك مش صاحب ورشة واهو مرمي عندك لا شغلة ولا مشغلة وبدل الركنة ممكن تشغله لجيرانك يضبطوا بيه ضغط هوا العجل فى عربياتهم ببلاش .
طبعا انا سامعك ياللى بتقول "ببلاش ؟!" وهاقولك ايوة ببلاش ..وهاقولك ليه وازاى ..طبعا بعيد عن الاجر والثواب اللى يمكن انت تحبهم بس غيرك مش فارقة معاه قوى ..السبب هو انها دايرة مغلقة..يعنى اللى هتفيد بيه غيرك النهاردة أكيد هتلاقى حاجة من غيرك تفيدك من غير ما تحوج نفسك لمحل أو ورشة يدفعك دم قلبك فى حاجة تمنها أضعاف مضاعفة لقيمتها الحقيقية.
المهم من كل واحد يشوف الصفحة مش بس النشر لأالمشاركة كمان.
Be the first to know and let us send you an email when Bblash posts news and promotions. Your email address will not be used for any other purpose, and you can unsubscribe at any time.
