Hasina sy Kolontsaina Mahagasy HKM AEDM FDSP

19/08/2026

Soavatsara tena Andriamanitra ry Ambanilanitra.
Ny vary raraka an-keniheny hono ka ombay mitsimpona , ombay mitady ; fa na intelo misandratra aza ny avoko , ka intelo tsinana ny Alahamady , ny fitia aza mba atao lany, fa mifandimbiasa fitia : ny ray ho tia zanaka , ny zanaka ho tia ray , ny zoky ho tia zandry , ny zandry ho tia zandry ; fa ny fitia mifamaly no mahatsara fihavanana.
Izany hafatra izany no andeha hanafarana sy hiarabana anareo zandry rehetra izay nahavita fiofanana makasika ny kabary teto anivon'ny HASINA SY KOLONTSAINA MAHAGASY.
# ANDIANY VORONDREO
# NY MIFANKATIA NO MAHATSARA FIHAVANANA.

28/07/2026

Tsy tery lalana marina ilay HKM an 😂 jereo fa milalao sary mihetsika i Ellah🔥
# kopatanana kely "Sonoa"🙋‍♂️

13/07/2026

Soavatsara tena Andriamanitra ry Ambanilanitra 🇵🇱.
Mamy tokoa hono tantely , fa misy faikany; mamy ihany ny sira , fa mitarehimbato ; mamy koa ny fary , fa toa hazo ; fa ny soa atao anefa no tsy ara-javatra. Koa manoloana izany dia indroa atolotra ho anareo rehetra namita adidy nandritra izay andro maromaro izay ary mbola manantena ihany koa fiaraha-miasa aminareo.
Eny , leretsy , matokia ianareo , fa ny soa atao tsy mba hatao sitrak'andro anaovana, toa tongotr'omby mihosy ; fa hatao sitraka enti-matory, ka hovaliana raha mahatsiaro. Izany no rano handroana mahafa-tseroka , menaka hihosorana mahamandina , ary lamba hotafina hahafa-kenatra. Fa ny vola tokoa no manam-pahalaniana , ary ny zavatra hafa manam-paharitana, fa izany no FIHAVANA-MATEZA.🔥

manan-kasina mahalala ny rariny , mitandro ny hitsiny ary mijoro amin'ny marina✊

19/06/2026

🌹🌹🌹

🥳Fisaorana mitafotafo ho an'ireo mpandihy antsika avy ao amin'ny Hasina sy Kolontsaina Mahagasy HKM AEDM FDSP .
Nahafinaritra ary nitondra avo ny anaran'ny FDSP izy ireo ❤️

03/06/2026

✨Tsy mijanona ny ezaka ao amin'ny klioba fa miroso hatrany! 🇲🇬
Tamin'ny fihaonantsika farany teo, nomem-boninahitra manokana isika nandray vahiny nampianatra antsika ny fitendrena ny Valiha, ilay zavamaneno nentim-paharazana tena reharehan'ny kolontsaina malagasy. 🎶
Teo ny fizarana traikefa, tsikitsiky, ary indrindra ireo tsiambaratelo kely nampitainy ho an'ireo mpikambana mba hifehezana ny fototra amin'ity zavamaneno ity. Tena fotoana nahafinaritra, feno hafanana ary nitondra fahalalana✨

✨Mankasitraka tanteraka an'i Kiajy Hanitriniaina✨

Dingana voalohany ihany iny niarahana taminy iny, fa mbola hitohy amin’ireo fotoana manaraka ny fampiofanana sy ny fandalinana miaraka aminy.
Misaotra ny rehetra ihany koa tamin'ny fahavitrihana, ary miomana sahady amin’ny tohiny! ✨

31/05/2026

✨ Ho anareo Reny rehetra 🤱🏻
Ianareo no herin’ny fianakaviana,
Loharanon’ny kanto sy ny fitiavana.
Ny fandeferanareo no loharanom-pifaliana,
Ary ny teninareo no feno fahalemem-panahy sy fihavanana.
N’aiza n’aiza misy anareo, ry Reny malala,
Miezaka isan’andro, tsy mitsahatra mikolokolo.
Ny fo tsara fanahy, feno fahendrena sy mahalala,
No manome hery sy manova ny tontolo
Ny Hasina sy Kolontsaina Mahagasy dia miarahaba anareo 🫂
Reny mpankahery, reny mpanoro hevitra sy mpanorina.
Hafaliana sy fiadanana anie no hameno ny fiainanareo,
Ho feno tsiky sy jiro ny lalanareo rehetra voasorina✨

✨Tratry ny Fetin'ny Reny, ry Reny sarobidy rehetra✨

29/05/2026

Hoy ny tenin-drazana : « Raha revom-potaka hono ,rano no manala azy ; Raha revon-teny , ny vava manala ; Fa raha revon'alahelo kosa ny havana no idodododoana. »
Mpimaso kely fotsiny ho an'ireto mafatifatyyyy kelinay ireto ao anaty izany hafatra izany😉💕
manan-kasina tsy very mandeha✊🇵🇱

13/05/2026

✨"Tsy tapaka ny rohy, tsy mivaha ny fihavanana!"✨
Mitohy hatrany ny fandalinana ny kanton’ny kabary 🗣️🎤 ato amin’ny klioba. Toerana feno fifaliana sy finamanana foana ny eto amintsika, ary tena mahafinaritra ny miara-mizara izany fahalalana izany 🫂.

05/04/2026

Arahaba tompokolahy, arahaba tompokovavy !
✨Tratry ny P***a isika rehetra ✨ !

Rehefa avy mifaly amin'ny vatomamy sy ny fiaraha-misakafo isika, dia andao kosa hamelona ny "Hasina sy Kolontsaina Mahagasy" 🇲🇬
Ny fety mandalo, fa ny maha-malagasy antsika kosa mitoetra. Te hahafehy ny kanton'ny kabary ve ianao? Na koa te hihomehy sady hiana-desona amin'i Ikotofetsy sy Imakaha?

Manasa anao ary amin'ny fotoanantsika manaraka ny Talata 07 Aprily 2026 :
➡️ Ny Kabary 🇲🇬🎤 : Hianarantsika ny Vohavaravarana (Ny kanto entina manokatra ny teny)
➡️ Ny Tantara 🇲🇬📖 : Hiditra ao anatin'ny tontolon'i Ikotofetsy sy Imakaha isika (Hafetsena sa fahendrena?)

📍Fotoana 🕑 : 2 ora tolakandro
📍Toerana 🏡 : AEDM

Tongava maro, fa ny tanora mahalala ny kolontsainy dia tanora manana ho avy ! ✨