Greenpeace 綠色和平 - 香港網站

  • Home
  • Greenpeace 綠色和平 - 香港網站
Website Contact the organization

Greenpeace 綠色和平 - 香港網站 綠色和平 Greenpeace 是一個獨立的國際環保組織,致力以實際行動推動積極的改變,保護地球環境與世界和平。https://www.greenpeace.org/hongkong 綠色和平 Greenpeace 是一個國際環保組織,成立於1971年,致力於以實際行動推動積極改變,保護地球環境與世界和平。

但保護地球的使命不能單靠綠色和平來完成,唯有結合你的力量,才能夠讓地球變得更綠色、更和平。

綠色和平目前在世界55個國家和地區設有分部,擁有超過300萬名支持者。

【船到橋頭生活節 2026】離島風景你可能有睇過,但生活喺其中嘅「居民」,你又認識幾多?綠色和平將參與本屆船到橋頭生活節!我哋會喺11月14日同15日同大家走遍芝麻灣半島,透過四場活動,帶你以唔同角度,了解半島中嘅生態面貌!呢兩日,我哋將會...
28/10/2026

【船到橋頭生活節 2026】離島風景你可能有睇過,但生活喺其中嘅「居民」,你又認識幾多?

綠色和平將參與本屆船到橋頭生活節!我哋會喺11月14日同15日同大家走遍芝麻灣半島,透過四場活動,帶你以唔同角度,了解半島中嘅生態面貌!

呢兩日,我哋將會舉辦濕地生態遊同生態繪畫工作坊,歡迎大家報名參加!
──────────────
導賞團-《逐水而居 - 芝麻灣半島濕地生態遊》

帶你從芝麻灣碼頭一路走到貝澳,一起穿梭水流途經之地,細看每個濕地生境蘊藏嘅不同生物。喺今次導賞,我哋將一同探索,認識物種喺呢度棲息嘅原因,並了解半島生態系統同人文足跡之間唔易察覺嘅聯繫。

🗓️日期:2026年11月14日(六)或15日(日)
⏳時間:10:30–14:00
📍地點:芝麻灣碼頭集合

*活動適合11歲或以上人士參加
──────────────
工作坊-《貝澳濕地生態繪畫工作坊》

一同漫步貝澳濕地,了解水牛如何喺「退休」後繼續幫忙「管理」濕地,為維持生物多樣性作出貢獻。之後再跟隨梅窩藝術家水木其嘅指導,學習以貝澳濕地上嘅動植物為靈感同題材,透過水彩呈現出你眼中嘅生態。

🗓️日期:2026年11月14日(六)或15日(日)
⏳時間:15:30–17:30
📍地點:杯澳公立學校(貝澳羅屋村2號)

*活動適合任何年齡層人士參與

立即報名,同我哋一齊探訪島上嘅「非人類居民」:
https://forms.gle/SSLVYPBidyFjsTmD7

#綠色和平 #船到橋頭生活節 #香港生態

27/10/2026

【負重8kg行20分鐘去避暑?】「今次應該係我最後一次同綠色和平合作🫠」咁大件事?!全因好青年荼毒室嘅白水今次戴起沙包同束縛帶,嘗試模擬長者嘅身體機能👴🏻 跟住綠色和平落區「試一次」去避暑中心,親身體會長者喺酷熱天氣下長途跋涉、舉步維艱搵避暑空間嘅日常🔥

連健康嘅成年人都大嗌辛苦,何況係體弱嘅長者?隨住氣候變化加劇,極端高溫只會愈嚟愈嚴重,我哋必須要積極提升城市氣候韌性,保障大眾、尤其脆弱群組喺極端天氣下嘅安全!

想知白水實測嘅心路歷程?去片! ⏯️

#綠色和平 #恒大 #氣候變化

【大嶼山最強「飯腳」🐃𓅥】大家可能喺非洲動物紀錄片見過,牛背鷺總係跟住大型草食動物周圍走。其實呢個畫面,喺大嶼山都日日上演!喺水口、貝澳、梅窩嘅濕地,有「濕地生態工程師」之稱嘅水牛低頭食草、踩過泥土,身後總有幾隻牛背鷺痴到實一實。點解牛背鷺...
27/10/2026

【大嶼山最強「飯腳」🐃𓅥】大家可能喺非洲動物紀錄片見過,牛背鷺總係跟住大型草食動物周圍走。其實呢個畫面,喺大嶼山都日日上演!

喺水口、貝澳、梅窩嘅濕地,有「濕地生態工程師」之稱嘅水牛低頭食草、踩過泥土,身後總有幾隻牛背鷺痴到實一實。

點解牛背鷺咁鍾意跟住水牛?👀
水牛每行一步,都會擾動沼澤入面嘅昆蟲🦗昆蟲一旦飛出嚟,牛背鷺就即刻喺後面「執雞」,順便幫水牛啄走身上嘅寄生蟲,享受佢嘅 Buffet Time 🍽️ 一個負責「開路」,一個負責「開飯」,各取所需,互不傷害,形成「偏利共生」嘅關係。

不過,呢對「飯腳」嘅日常,慢慢變得唔再尋常💔

城市發展步步進逼,原本可以畀水牛、牛背鷺覓食嘅濕地不斷縮減。2022年,香港僅剩約170隻水牛(當中超過六成棲息喺大嶼山南部),貝澳、水口等濕地一旦消失,唔單止少咗片靚景,更意味住呢對老 Best 隨時面臨無處相遇嘅困境。

對我哋嚟講,可能只係一隻牛同一隻雀;但對佢哋嚟講,卻係一段無可取代嘅生存命脈🤝🏻面對濕地消失、郊野發展,呢對老 Best 仲可以一齊行幾遠?

呢段故事,綠色和平請嚟香港產品設計師 Alize Lam 認真做無聊事 聯同本地復康人士利用回收紅酒木箱,轉化成可以親手製作嘅木製機關盲盒📦
輕輕推動水牛向前,牛背鷺便會緊隨其後,重現佢哋形影不離嘅畫面。每一下推動,唔單止係重新認識呢對老 Best,更係以行動支持本地守護生態工作、藝術創作同社區共融💚

立即認養「不愉快動物餅」盲盒 👉🏽 https://act.gp/48h0xGe

#綠色和平 #不愉快動物餅 #香港生態 #水牛 #牛背鷺

【焚化爐出師不利,聞到𤓓味?🔥】石鼓洲焚化爐(I·PARK1) 試運唔夠一年,都仲未真正開始「燒垃圾」,今日(26日)竟然發生三級火警!綠色和平高度關注事件,今次事故反映焚化設施並唔係零風險,依賴大型焚化設施處理廢物唔單止成本昂貴,更存在潛...
26/10/2026

【焚化爐出師不利,聞到𤓓味?🔥】石鼓洲焚化爐(I·PARK1) 試運唔夠一年,都仲未真正開始「燒垃圾」,今日(26日)竟然發生三級火警!綠色和平高度關注事件,今次事故反映焚化設施並唔係零風險,依賴大型焚化設施處理廢物唔單止成本昂貴,更存在潛在嘅安全同環境風險。

🚨綠色和平促請環保署:
1️⃣ 必須確保所有工人同附近居民嘅安全
2️⃣ 盡快向公眾交代起火嘅具體位置、原因,以及風險評估同應急措施嘅執行進度
3️⃣即時公佈火災後嘅空氣質素同污染物監測結果
4️⃣喺未完成全面調查同確認安全之前,暫停受影響設施嘅工程同測試運作

大型焚化設施一旦發生意外,影響可以極之深遠,環保署必須全面公開調查結果,確保公眾嘅知情權。

⚠️ 綠色和平重申,「轉廢為能」並唔係可持續嘅廢物政策,唔可以取代真正嘅源頭減廢。政府應審慎運用公帑,將源頭減廢同重用政策作為廢物政策首位,加快推進減塑,先係從根本處理香港廢物問題嘅出路!

#綠色和平 ·PARK1 #石鼓洲焚化爐 #三級火警 #源頭減廢 #減塑

23/10/2026

【印尼肺苦之言】印尼野火持續肆虐,截至9月底已經焚毁超過192萬公頃土地,相當於17個香港嘅面積!大火所產生嘅有毒煙霾更加威脅居民健康,印尼當地錄得超過27萬宗急性呼吸道病例😷 而毒霾更加飄至鄰近國家,如新加坡、馬來西亞,多地出現嚴重空氣污染,天空更因污染物而變成橙黃色,好似世界末日嘅景象一樣!

今次印尼野火咁嚴重,並唔係巧合。印尼多年來因為企業違法使用「火耕」方式清理植被,以致火災不斷;同時,大規模種植嘅棕櫚園等開發天然泥炭地,令本身濕潤嘅泥炭層變得乾涸,更因為充滿有機物而非常易燃,火勢喺地底下持續悶燒,難以撲滅。加上今年撞正「超級厄爾尼諾」,旱季延長,令火勢蔓延得更快,人為破壞遇上自然現象,火災一發不可收拾🔥

野火唔單止焚毁土地、對人嘅健康造成影響,更加威脅野生動物及全球氣候:大火期間,保育團體從大火中救出多隻被列為極度瀕危物種嘅紅毛猩猩;而燃燒森林及泥炭地更會釋出大量儲存嘅二氧化碳,有大氣監測組織估計,單喺九月第一個星期,大火已經釋出1,970萬噸嘅碳,加劇氣候變化 🥵

綠色和平印尼分部正進行以下工作:
🧯部署防火小組進行滅火與監測,與受災社區合作,推廣防護技術
🧯深入調查、比對煙霧源點,搵出同大火有關聯嘅企業,並發布調查報告
🧯要求印尼當局徹查起火原因,懲處相關企業,並加強保護同復育當地天然泥炭地

呼吸唔應該有害,一齊關注印尼大火,遏止毀林!

#綠色和平 #印尼 #氣候變化 #野火

22/10/2026

【體驗酷熱日常】要了解社區唔同群體嘅處境,有咩好得過親身走入社區?綠色和平應恒生大學共同核心課程講師關灝泉博士邀請,為一班恒大嘅同學設計咗一場社區體驗,邀請同學代入弱勢群體,例如長者同基層市民,走訪黃大仙區尋找降溫空間,體驗佢哋喺高溫下嘅日常🥵

一齊聽吓同學參加完體驗後嘅感受啦!去片 ⏯️

#綠色和平 #恒大 #氣候變化

【少少涼你就以為係秋意?🌞】上星期開始有啲涼爽,以為秋天來臨?今日(21日)香港多區錄得氣溫超過33°C,新界部分地區如元朗、流浮山更錄得超過36°C,打破歷來最遲發出酷熱天氣警告嘅紀錄!夏季愈來愈長,酷熱天氣日數愈來愈多,唔係今年先發生🥵...
21/10/2026

【少少涼你就以為係秋意?🌞】上星期開始有啲涼爽,以為秋天來臨?今日(21日)香港多區錄得氣溫超過33°C,新界部分地區如元朗、流浮山更錄得超過36°C,打破歷來最遲發出酷熱天氣警告嘅紀錄!夏季愈來愈長,酷熱天氣日數愈來愈多,唔係今年先發生🥵 綠色和平分析天文台公開數據,發現2021年至2025年,每年都錄得超過50日酷熱天氣🔥

雖然今年受「超級厄爾尼諾」影響,但喺氣候變化加劇下,極端高溫變得更頻繁同嚴重係不爭嘅事實。美國芝加哥大學Climate Impact Lab最新研究更形容,目前厄爾尼諾現象下嘅高溫,就好似「由未來寄出嘅明信片」,預告20年後全球都要面對因氣候變化而造成嘅極端高溫情況😰

全球都要處理酷熱危機,香港當然無法獨善其身。綠色和平多年來持續關注弱勢群組喺酷熱天氣下嘅處境同相關政策。政府預計將於今年年尾檢討《氣候行動藍圖2050》,我哋促請政府盡快制定《高溫行動計劃》,建立跨部門協作,落實以人為本嘅氣候適應政策!

#綠色和平 #酷熱天氣 #氣候變化 #厄爾尼諾

13/10/2026

【升級再造魔術師 Alize✨】能夠將廢棄嘅紅酒箱木材升級再造,設計成四款得意好玩嘅「不愉快動物餅」木製機關,全靠香港產品設計師 Alize Lam 同聖雅各福群會升級再造中心嘅合作!

「不愉快動物餅」四款機關嘅設計入面,每個都蘊藏咗 Alize 嘅小巧思,希望藉此令大家更加了解本地生態面對緊嘅困境,聽吓佢點講 👂🏼

快啲認養你嘅「不愉快動物餅」返屋企啦!👉🏽 https://act.gp/4yc7TWl

#綠色和平 #不愉快動物餅 #盲盒 #守護香港生態

【郊野迫爆 行動控訴】每逢旅遊旺季,本港郊野遭受過度旅遊威脅,綠色和平喺十一黃金周,分別喺破邊洲、廈門灣同浪茄三大過度旅遊黑點,走入迫爆人群中,高舉「郊野超載 停止迫爆」橫額,警告郊野承載力已屆臨界點!綠色和平促請政府立即為全港郊野熱點進行...
07/10/2026

【郊野迫爆 行動控訴】每逢旅遊旺季,本港郊野遭受過度旅遊威脅,綠色和平喺十一黃金周,分別喺破邊洲、廈門灣同浪茄三大過度旅遊黑點,走入迫爆人群中,高舉「郊野超載 停止迫爆」橫額,警告郊野承載力已屆臨界點!

綠色和平促請政府立即為全港郊野熱點進行承載力研究,並為各熱點設立人數上限;長遠而言,文體旅局須聯同環境局制定保育優先嘅生態旅遊政策,包括監察人流構成嘅環境壓力同制定相應管理措施,避免過度旅遊亂象屢次重演。

一齊促請政府制訂保育優先嘅生態旅遊政策 👉🏼https://act.gp/4hv7DfU

#綠色和平 #西貢 #廈門灣 #十一黃金周

【百人部署 亂象依舊】正值十一黃金周,綠色和平團隊一連五日(10月1至5號)實地考察多個郊野熱點,發現單日超過3千人迫爆西貢廈門灣,更見活捉海參、執珊瑚等破壞亂象,卻未見有政府人員執法;浪茄更有遊人疑向牛隻掉果實,可見當局花費大量公帑、派駐...
06/10/2026

【百人部署 亂象依舊】正值十一黃金周,綠色和平團隊一連五日(10月1至5號)實地考察多個郊野熱點,發現單日超過3千人迫爆西貢廈門灣,更見活捉海參、執珊瑚等破壞亂象,卻未見有政府人員執法;浪茄更有遊人疑向牛隻掉果實,可見當局花費大量公帑、派駐過百人嘅行政措施效果有限,無助解決過度旅遊同郊野亂象。

☠️活捉海參執珊瑚「無皇管」
綠色和平團隊前日(4號)喺廈門灣統計人流同記錄環境破壞行為,發現全日多達3千人迫爆海灘,大量遊人肆意挖掘海岸生物,同日累計逾百次挖掘行為,有人活捉海參並向鏡頭展示「戰利品」、以金屬工具挖掘海螺同蜆、甚至執起石珊瑚骨骼,恐怕對海岸生態構成龐大壓力。雖然今次政府有加派人手駐守橋咀連島沙洲一帶,但位於橋咀洲南邊、唔屬於橋咀海岸公園範圍嘅熱門景點廈門灣,卻未見任何政府人員巡邏同勸阻。

🤯浪茄掉牛爬樹威脅郊野動物
至於政府增派人員駐守嘅浪茄亦同樣失守,綠色和平團隊喺黃金周首日(1號)發現全日到訪人數超過1千5百人,並錄得近90宗環境破壞行為,包括無視警告標示爬樹,甚至有遊人疑向牛隻掉果實,可見過度旅遊不但對環境造成龐大壓力,更令郊野動物喺旅遊熱潮下備受威脅。

由舊年十一橋咀踩珊瑚、今年農曆新年鹹田露營亂象、五一廈門灣遭過度挖掘,綠色和平團隊揭發過度旅遊亂象至今整整一年,當局卻仍未汲取教訓,僅於個別郊野熱點加強監管,反映措施只屬頭痛醫頭、腳痛醫腳嘅「止痛藥」,無助從根源解決持續擴散嘅過度旅遊問題。

綠色和平促請政府立即為全港郊野熱點進行承載力研究,並為各熱點設立人數上限;長遠而言,文體旅局須聯同環境局制定保育優先嘅生態旅遊政策,包括監察人流構成嘅環境壓力同制定相應管理措施,避免過度旅遊亂象屢次重演,有損香港作為香港國際旅遊城市嘅聲譽。

一齊促請政府制訂保育優先嘅生態旅遊政策 👉🏼https://act.gp/4hv7DfU

#綠色和平 #西貢 #廈門灣 #十一黃金周

Address


Alerts

Be the first to know and let us send you an email when Greenpeace 綠色和平 - 香港網站 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Greenpeace 綠色和平 - 香港網站:

Shortcuts

  • Want your organization to be the top-listed non profit organization?

Share