ليش طفلي بعمل هيك؟

01/10/2023

#كيف #اساعد #طفلي #يتخلص #من #عاده #الصراخ #بلبيت ؟
زي ما حكينا قبل كل تصرف الو هدف والصراخ زيو زي اي سلوك اهدافه بتكون واضحه حسب الموقف وعادا بتكون للحصول على شيء معين .. يعني طفل بصرخ بصرخ بصوت عالي بدو اللعبه او بدو ياكل شيء او بدو يلفت انتباهك او بدو يفلت من عمل وظيفه معينه هون كيف ممكن نعالج ونفهم الموضوع بعلم السلوك ؟؟؟
بعلم السلوك في اداه بنسميها Extinction ، شو هاي الاداه وكيف ممكن نستعملها بلبيت مع الطفل الي بستعمل الصراخ كأداة تعبير عن الاشياء الي بدو اياها ؟؟
هاي الاداه بختصار بتعلم الام انها ما تعزز هاد التصرف الي كانت تعطي انتباه وتتجاهله تماما ( التجاهل ) ، يعني انا لما كنت ارد على الطفل واعطي كل اشي لمًا كان يصرخ هلا هاد صار اسلوب يستعمله لما بدو الشيء ولانو عرف انو نقطه ضعفك .. انتي كأم بتبطلي تردي على الصراخ وبتتجاهلي تماما ، وبتحكي ل الطفل انو انا رح اسمعك بس تهدى … الي رح يصير اشي اسمو Extinction brust … وهوً عباره عن انفجار غضب عند الطفل رح يعمل كل اشي ممكن تتخيلي مشان تردي عليه ويضل يكبس على زرار غضبك ويصرخ لحتى تردي عليه ويختبر مدى تحملك وهون اخطر مرحله انو الام تتحمل وتكون هاديه وتكون حازمه ولا زي كأنها سامعه اشي وبعدين بلحظه سريعه رح تلاقي انو الطفل سكت … سكت ولما يسكت على السريع بتعلمي اسلوب يطلب في ويعبر عنه زي مثلا احكي شو بدك بهدوء وحاوري الطفل واوصلو لنقطه زي يعني مثلا انت بدك كاندي او اللعبه الفلانيه تعال انضف الغرفه مع بعض وبعدين اعطيك واذا رجع عيط اتجاهلي احد ما يرجع يسكت .. في ظرف تلت ايام عاده الصراخ رح تختفي اذا ما عززتيها ورديتي على الطفل وهو بصرخ … بعد الفتره بعد ما الطفل ينهي هاي العاده لانو ببساطه ما بتخلي يوصل للي بدو اياه وما رح ياخد الي بدو اياه عن طريقها ، بعد فتره ممكن يرجع يستعملها مشان يشوف اذا انتي لسى بتضعفي امامو لما يصرخ وساعاتها اتجاهلي كمان مره وحولي التصرف ل اشي تاني .
* ملاحظتين :
* اذا اقدرتي تحولي انتباه الطفل عن الشيء الي بصرخ عليه وتلهي ب اشي تاني غير مشابه للي بدو اياه زي مثلا بطلب كاندي ، حاولي غير انتباهه لشيء مفيد زي مثلا تعال نلعب او تعال نلون مش تعطي سناك تاني ،، اعطي شيء ما الو علاقه بللي اصلا بدو اياه هاي بتكون طريقه ذكيه واذا ما اقدرتي لازم اتجاهلي .
* هاي القاعده بتطبق والاباء او الاجداد خارج البيت لانو الاباء رح يخربو الخطه وما رح يتحملو الصراخ والاجداد رح يحزنو على الطفل وما رح يستوعبو انك بتعملي هيك لمصلحته .
*
معكم هبه الفريحات
American board-registered behavior therapist
Heba Frihat

24/09/2023

هنالك بعض الاطعمه التي يجب على من يعاني من اطياف التوحد او اي اضطرابات سلوكيه الابتعاد عنها او تجنبها وذلك ل تأثيرها سلبا على الاطفال مما يؤدي الى بطىء في تطور المهارات والاستجابه للمؤثرات الخارجيه وهنا بعض منها :

الأطعمة الخالية من مادة الجلوتين (بالانجليزية: Gluten) التي توجد في حبوب القمح، والشعير، والشيلم، والدخن.

الأطعمة الخالية من مادة الكازين (بالإنجليزية: Casein) التي توجد في الحليب ومشتقاته.

الأرز.

نشا البطاطا أو طحين البطاطا .

طحين حبوب المكسرات كالبندق واللوز.

مسحوق الفاصوليا.
**
***أغذية غير مناسبة لمريض التوحد

يوجد العديد من الأغذية غير المناسبة للمرضى المصابين بالتوحد، ومنها:

الأغذية المعلبة أو المجمدة.
أي أغذية معالجة بالهرمونات أو الأسمدة الكيميائية.
أي غذاء مضاف له أصباغ أو مواد حافظة.
وقلل أو امنع تناول الطفل لمادة السكر والأغذية التي تحتوي على السكر في تكوينها مثل الشكولاتة والحلويات وغيرها.

18/09/2023

#الثواب #والعقاب #في #عالم #تعديل #السلوك

لازم يعرف الطفل انو في عواقب للتصرفات مشان يتعلم المسؤوليه وبعلم السلوك في قسم كامل عن الثواب والعقاب … الثواب في منو ايجابي وفي منو سلبي والعقاب في منو ايجابي وفي منو سلبي … الثواب الايجابي مثل المدح او اعطاء قطعه من الكاندي اذا اتصرف بشكل صحيح لتعزيز السلوك ، الثواب السلبي زي مثلا لمًا تحكي المعلمه للطفل انا رح اعفيك اليوم من الواجب مشان اليوم انت كنت رائع بلصف .. هون انتي شلتي شيء بتعب الولد بس بنفس الوقت كافئتي. العقاب الايجابي لما اعطي الولد واجب زياده او اكلفه انو ينضف الغرفه مشان اقلل من تصرف سيء عمله زي مثلا توسيخ الغرفه او الصراخ بشكل عالي ، والعقاب السلبي لما اسحب منو شيء بحبه زي مثلا البلايستيشن او الايباد مشان اعاقبه على سلوك سيء لمده من الوقت . العقاب لازم يكون الو وقت محدد يبدء وينتهي في وما بصير يتعاقب الطفل على الفعل مرتين ولازم يكون في اسلوب حوار ونكون حازمين من غير لؤم وتشرحيله ليش اتعاقب. طبعا تعزيز وتحفيز الطفل دائما لازم يكون موجود

18/09/2023

#شو #يعني #حريه #الطفل #وكيف #اعطي #الحريه #لأولادي ؟

في طبيعه الحال الاطفال بتكره التقيد وبتحب يكون عندها حريه زيها زينا احنا الاهالي ، لكن من الضروري اهل الطفل يعلمو كيف يكون حر ويختار بحريه وكيف يفكر بحريه . ببساطه الحريه تنتهي لما الطفل يتعدى على حدود غيره والحريه تعني انك مخير بين منطقين او تلاته ولكن في ضريبه كبيره بتيجي مع هاي الحريه وهي العواقب . انت حر ان تختار اختيارك ولكنك انت الوحيد الذي سوف تتحمل عواقب الامور . قانون الحريه المشروطة بعواقب وتبعات ممكن يطبق مع طفل السنه ومافوق وسهل جدا ، مثال : لما الطفل بدو يختار انو يلعب بالطباشير فضلا على انو يلعب بلألوان هون الو كامل الحريه يختار بين اللعبتين ولكن لازم نذكره انو اذا اساء استخدام هاي الحريه وما نضف بعد استعمال اللوح رح يخسر اللوح والطباشير او مثلا اذا اختار الطباشير ووسخ اواعي ما رح يقدر يروح المشوار الفلاني وهكذا، شروط وحريه اختيار مع تحمل التوابع . هيك بنبي اطفال قادرين على تحمل المسؤولية وتحمل العواقب و بتعلم الطفل انو مش مشكله اغلط بس اتعلم من غلطي .

15/09/2023

#كيف #ابرمج #دماغ #طفلي #ايجابيا #خلال #النوم ؟

اثناء النوم ، يغط العقل الوعي في النوم عميقا بينما يبقى العقل الاوعي مستيقظ .. في هذه الوضع وعند النوم تكون فرصه رائعه للأم لبرمجه دماغ طفلها .
مثال: احمد شاطر و احمد نشيط واحمد ذكي واحمد جميل . مره على مره رح تلاقي في تحسن
مثال : وحده من الطرق الي اتبعتها صديقه الي بمعالجه طفلها الذي كان متاخر بلنطق وهي الهمس بأذن طفلها وقراءه بعض ايات من سوره طه والايات هم ( بسم الله الرحمن الرحيم) رَبِّ اشْرَحْ لِي صَدْرِي* وَيَسِّرْ لِي أَمْرِي* وَاحْلُلْ عُقْدَةً مِّن لِّسَانِي * يَفْقَهُوا قَوْلِي[([1]). مع تكرار واحلل عقدةمن لساني يفقه قولي اكتر من مره بأذن الطفل ، والطفل بفضل الله اتحسن وبدء بلنطق .
التوكيدات الايجابيه ( Positive affiermitions)تأثيرها جدا جدا رائع على الطفل وطريقه مجديه للكثير من الامهات .
ملاحظه مهمه جدا : اثناء البرمجه او الهمس لا تذكري كلمه (لا) بتاتا لان الاوعي يترجمها بلإيجاب ، طريقه الهمس تكون فقط اشياء ايجابيه وجمل كامله ( احمد شاطر، احمد هادي وهكذا)

#توكيدات #تحفيز #طاقة #ايجابية للاطفال تؤثر بشكل ايجابي على طفلك وتعزز من ثقته في نفسهبرمجة العقل الباطن من الطفولة على السعادة ...

15/09/2023

#انا #اتغيرت
كيف بتأثر التجارب الي بنتعرض الها على #الدماغ وبتالي على السلوك ؟؟ وهل عنجد لما انسان يحكي انا اتغيرت طريقه تفكيري بعد ما صار معي موقف معين هل بكون عنجد اتغير الدماغ ؟؟؟

عمليه ربط اجزاء الدماغ ببعضها بعد كل تجربه جيده بتعرض الها
الانسان عمليه بنسميها بللدونه العصبيه ،ولما هاي الاجزاء بتنربط من اول وجديد ، بتتغير بنيه بعض الخلايا العصبيه المجهرية وبتصير تشعباتها اكثر كثافه وبتصير الروابط الي بترتبط فيها اكثر كفاءة ومنظمه ومنضبطه اكتر وفعليا طريقه تفكيرك بتتغير وبتصير اكتر حذر وانضباط . فعليا الدماغ بنمو وبتغير بلمؤثرات الي بتمر علينا … نفس الاشي الطفل ، لما بحتوي الطفل الي عندو مشاكل سلوكيه وبشعرو بلأمان وبحسسه انو قادر على فعل اشياء كتيره وفي امل طريقه تفكيره كلها بتتغير وبصير بني ادم اخر مع الوقت وبتالي التغير بصير دائم وبصاحبه لمرحله البلوغ .

13/09/2023

#من #هو #الشخص #المسؤول #عن #تشخيص #التوحد ؟
هل المعلمه او الجاره او الاب او الام او حتى مديره المدرسه مؤهلين لتشخيص التوحد او غيرها من الاضطرابات ؟؟؟
طبعا لا ، الاشخاص المؤهلين لتشخيص التوحد هم : طبيب اعصاب الاطفال ، طبيب الاطفال النفسي ، طبيب اطفال مختص بلنمو او القياس والتقيم فقط
Heba Frihat

13/09/2023

اعراض #اضطراب #فرط #الحركه #وتشتت #الانتباه

الاندفاعية كما في الامثله التاليه : صعوبة انتظار الدور في الطوابير .
مقاطعة الآخرين في الحديث.
عدم التفكير والاهتمام بعواقب الأمور أو الخوف منها.
التهور والمشاركة في الأنشطة الخطرة دون تردد.
عدم القدرة على كبت ما يريد قوله بغض النظر عمن يتحدث معه.
لا يستقر الطفل في مكان واحد، ويحرك أعضاء جسمه سواء في وضع الجلوس أو الوقوف، كما يقفز على الأشياء ويتسلقها. – لديه مشكلة في اللعب بهدوء ويتحدث كثيرا، كما يبالغ في مقاطعة الآخرين. – لا يلتزم بالألعاب والأنشطة الحركية التي تحتاج لمجهود كبير، فيخرج عن نظام اللعبة، ويجري بمفرده أو يضايق أصدقاءه

Heba Frihat

13/09/2023

#اضطراب #فرط #الحركه و #تشتت #الانتباه
ما هو اضطراب فرط الحركه وتشتت الانتباه او الADHD?
هو اضطراب مزمن يصيب ملايين الاطفال وعاده ما يستمر حتى مرحله البلوغ ، وسيمات هذه الاضراب هي فرط النشاط، صعوبه التركيز والانتباه والاندفاعية .
#كيفيه #التعامل مع طفل ؟
عمل الفحوصات من قبل دكتور متخصص في القياس والتقويم وبعدها عند ثبوت الحاله المباشره السريعه بعلاج تعديل السلوك وفي بعض الاحيان اللجوء للأدوية في الحالات التي تستدعي التدخل الدوائي.
#ماهي #الحالات التي تستعدي #التدخل #الدوائي ؟
في بعض الحالات التي تصعب على طفل الADHD الجلوس في مكان معين لإكمال العمليه التعليميه والتي ممكن ان تنتج منها تأخر في المحصل العلمي الذي ممكن ان يؤثر على المستوى التعليمي لدى هذه الاطفال
وايضا طفل ال ADHD يواجه مشكله الاندفاعية التي تشبه بفلتر الدماغ بحيث انه لا يعطي نفسه مجال للتفكير في الخطأ والصواب ويندفع نحو الامور مما يسبب له مشاكل كثيره في تكوين علاقات وان يتصرف بشكل طبيعي في البيئه الطبيعيه .
#هل #سيبقى #طفلي #على #هذه #الادويه #للأبد؟
يعتمد بقاء الطفل على ادويه فرط الحركه على استجابه الطفل للعلاج السلوكي ، استقبال الآهل لهذه الحاله والتعامل معها بشكل صحيح ومساعده المدرسه للتعامل مع الوضع بحيث يتم تخفيف الجرعات مع الوقت حتى يصل الطفل الى النقطه الذي يستطيع السيطره على نفسه والتحكم بانفعالاته وتصرفاته وايضا عامل النمو العقلي يشكل جزء كبيرا من التطور .
Heba Frihat