Yes for less

Yes for less Ти помагаме да живееш поодржливо и да допреш до екосвесна публика 🌿

На саемот на еко бизниcи, ќе имате можност да се запознаете и со Природна Козметика - BIM, бренд за 100% природна и висо...
29/09/2026

На саемот на еко бизниcи, ќе имате можност да се запознаете и со Природна Козметика - BIM, бренд за 100% природна и висококвалитетна нега. Нивната мисија е секој човек да се чувствува уверено и задоволно со својот изглед.🥰

Лосионот во тврда форма е направен од комбинација од масло од сладок бадем, пчелин восок и шеа путер, а е создаден да ја негува кожата и да ѝ подари мекост, мазност и природен сјај. Етерични масла со антибактериско дејство ги негуваат сетилата за мирис.👃

Рачно изработените сапуни се направени со природни состојки и имаат неодоливи мириси. 😊 Тие нежно ја чистат кожата без да ја сушат, благодарение на природните масла и билки кои ја хранат и ја оставаат мека, свежа и балансирана.

Целта на БИМ е да се ужива во процесот, промената и истражувањето. Баш како природата, без отпор, само љубов за сè што следи. ⛰️

Данче ја познаваме повеќе години, а таа со својот бизнис е дел од нашата мрежа на еко бизниси буквално од првиот ден на ...
28/09/2026

Данче ја познаваме повеќе години, а таа со својот бизнис е дел од нашата мрежа на еко бизниси буквално од првиот ден на создавање на својот најпродаван производ - детергентот за перење алишта.🙌🏻 На самиот почеток во време од две години споделувала рецепти и организирала различни работилници, а дури потоа го има ставено производот во продажба поради големиот интерес од публиката. Денес таа има повеќе свои производи меѓу кои и прашакот за машинско миење садови, како и универзално средство за чистење од билки наменето за сите површини. 💯

Таа е професор, мајка и претприемач посветена на создавање посвесен и поздрав начин на живеење. Преку нејзината работа развива природни производи за домот и го промовира концептот „Low Tox Dom“ - помалку непотребни хемикалии, помалку отпад и посвесни избори за семејството и околината. И таа како нас верува дека промената започнува од домот, преку малите секојдневни одлуки, и токму затоа создава производи, содржини и иницијативи што ги поврзуваат здравјето, одржливоста и одговорниот начин на живот. Поттикната од личното искуство и загубата на нејзиното второ дете, започнала да користи природна козметика и да прави сопствен детергент за алишта. ❤️‍🩹

Детергентот е во стаклена, реупотреблива амбалажа која може да и ја вратите и да добиете за возврат попуст, која е 2.5 литри (односно 41 перење) и е безбеден за сите возрасти и типови алишта. Составен е од природен сапун врз база на растителни масла, сода за перење и вода. Со неговата употреба се намалува изложеноста на токсини присутни во комерцијалните производи. Таа има создадено и бесплатен водич со информации за козметички состојки и сертификати, кој го добива секој купувач во PDF формат. Па ве покануваме да дојдете на нејзиниот штанд на 17 и 18ти октомври во Laboratorium и да се уверите во квалитетот на производот кој веруваме секој треба да го има, како и прекрасната енергија на Dance Serafimova | советник за low tox дом

На саемот на 17ти и 18ти октомври, ќе имате можност да го посетите штандот на Соња од ECO bees wax wraps/EKO vosocni obv...
27/09/2026

На саемот на 17ти и 18ти октомври, ќе имате можност да го посетите штандот на Соња од ECO bees wax wraps/EKO vosocni obvivki, чии производи се изработени од памук и природен пчелин восок и служат како одржлива замена за пластичните и алуминиумските фолии. Наменети се за чување овошје, зеленчук, јаткасти плодови, леб и слично. На тој начин, храната останува подолго свежа, а фрлањето храна се намалува. 💯

И двете ги користиме и потпишуваме со две раце дека покрај тоа што се еколошки и убав дизајн, се доста практични и лесно се одржуваат. Можат да се користат за пакување сендвичи, покривање садови или завиткување предмети. Со топлината на дланките лесно се обликуваат, а по употреба се мијат со млака вода и благ детергент. 💦

Инаку, Соња има учествувано на сите претходни изданија на нашите саеми на еко-бизниси и толку многу сме среќни што повторно, по 4ти пат годинава, ќе можеме заедно да направиме промена и да го намалиме отпадот од храна во домовите 🥰

На штандот на Filigree LARGO ќе најдете рачно изработен сребрен накит во традиционална филигранска техника, но со сосема...
26/09/2026

На штандот на Filigree LARGO ќе најдете рачно изработен сребрен накит во традиционална филигранска техника, но со сосема нетрадиционален дизајн. Накитот е современ, модерен, несекојдневен, а најчесто и со мотиви од природата. Лада, креаторката на брендот, од кога ја запознавме на ланскиот саем буквално не можеме да ја извадиме од мисла- таа со нејзината прекрасна енергија, насмевка и страст кон она што го прави е она кое ни доаѓа како прво кога ќе помислиме на накит. Кај и да ја сретнеме на други базари постојано се заљубуваме од ново и ново во производите кои ги изработува🥰 Лада инаку е и виолинистка, па низ нежната структура на сребрените жици протекува музика, исто како низ жиците на виолината, давајќи му на секое парче накит уметнички изглед. 🎻

За разлика од накитот од брзата мода, сребрениот накит е дизајниран да трае цел живот. Сепак, многу важен момент за нас е тоа што дел од накитот е изработен од рециклирано сребро, кое може да се преработува неограничен број пати без да изгуби на квалитет. Ни рече дека за нашиот саем спремала специјална колекција 🥹🥹🥹🥹🥹 Каква чест!

Среќни сме да ви го презентираме Калинка - Природна Женска Нега, македонски бренд за природна женска нега, создаден и пр...
25/09/2026

Среќни сме да ви го презентираме Калинка - Природна Женска Нега, македонски бренд за природна женска нега, создаден и предводен од млад тим со визија за поприроден, посвесен и поодговорен пристап кон целокупното женско здравје и нега.

Нивните менструални влошки се изработени од 100% природни материјали, со сертифициран органски памук, без SAP, парфеми, бои и хлор. Влошките и нивното пакување се биоразградливи, како дел од посветеноста кон намалување на непотребниот отпад.🥰

Тие се еколошки свесен бренд со едноставна мисија- грижата за жената да оди рака под рака со грижата за природата, без непотребни компромиси. 🥹

Дојдете на 17 и 18ти октомври на саемот на еко бизниси и посетете го нивниот штанд.

На саемот на еко бизниси во склоп на Yes for Less викендот ќе имате можност да го посетите штандот на Игнеа. Со Јана се ...
24/09/2026

На саемот на еко бизниси во склоп на Yes for Less викендот ќе имате можност да го посетите штандот на Игнеа. Со Јана се познаваме скоро од самиот старт на Yes for Less, и од првиот ден е наш најголем поддржувач и учесник на скоро сите наши изданија, а и ние нејзин. Имаме отидено кај неа во Куманово, а она има гостувано на нашиот поткаст и се имаат видено со Сара во Париз. Оваа година приказната и соработката ни продолжува 🥰 Премногу сме горди што токму таа е дел од нашата мрежа на бизниси, и знаеме точно низ што се има пројдено за да стигне да биде финалист на престижната Европска награда Beauty awards 👏 Покрај тоа, номинирана е и за врвен квалитет од страна на CleanCert, од Америка. Со неа се зафркаваме и велиме-од Куманово па до светот и назад. 😍 Важно е да се знае дека Ignea eco aroma cosmetics работи на принцип на фито, ароматерапија и скинимализам, а секој препарат содржи минимум 99% суровини од природно потекло. Ве чекаме на нејзиниот штанд да ја прашате се што сакате за вашата кожа и да си изберете производ кој одговара за вас.

Како прв еко-бизнис кој ќе биде изложен на саемот на еко бизниси на 17 и 18ти октомври во Laboratorium ви ги претставува...
24/09/2026

Како прв еко-бизнис кој ќе биде изложен на саемот на еко бизниси на 17 и 18ти октомври во Laboratorium ви ги претставуваме нашите пријатели Zao MakeUp MK 💚 Овој француски бренд кој е достапен кај нас во Македонија, го користиме и ние самите повеќе години, бидејќи сметаме дека она што го ставаме на нашата кожа не може да е туку така било кој продукт или шминка. Целата формула е базирана на природни состојки од органско земјоделство - растителни масла, восоци и екстракти од бамбус, шеа путер, кајсиеви семки и пченка. Не користат синтетички конзерванси, ниту мириси, а се безбедни за секој тип на кожа.

Дури и боите се природни - добиени им се исклучиво од минерали и растителни пигменти, додека пак пакувањето е реупотребливо, направено од бамбус. Па така кога ќе се потроши шминката, се купувате дополна, но не и ново пакување секој пат. Од промени и грижа кон природата обожаваме вакви 🥹

🏅 Сертифицирани се инаку од Ecocert, CosmeBio, Cosmos Organic, PETA Approved и Slow Cosmetics.

Ве чекаме да дојдете и да ги запознаете и пробате на еко саемот! 🌱

“Што можам да направам јас за поодржлива иднина?“ е прашањето кое нè води уште од самиот почеток.Проблемите за кои збору...
22/09/2026

“Што можам да направам јас за поодржлива иднина?“ е прашањето кое нè води уште од самиот почеток.

Проблемите за кои зборуваме секогаш се трудиме да ги поврземе со конкретни решенија – од мали навики кои можеме да ги практикуваме секојдневно, до поголеми акции и движења со потенцијал за системско влијание.

На 17 и 18.10 се собираме во Laboratorium по повод нашиот годишен настан, и ви носиме дел од решенијата и луѓето од кои црпиме инспирација во текот на целата година.

🦋Што е ново?
Оваа година, покрај традиционалниот саем на еко бизниси кој го организираме неколку пати по ред, ја прошируваме програмата со нови активности и содржини.

Повеќе инфо следува наскоро.

🙏🏻 Настанот е поддржан од ГРИН ЛЕНД ГРУП СКОПЈЕ Voden Makedonija wolt.makedonija & Eko-svest Skopje .

Носиме 1/10 од најголемиот настан за одржливост - во Скопје! 😳🌱Одржливоста не е тема со која треба да се занимаваат неко...
11/09/2026

Носиме 1/10 од најголемиот настан за одржливост - во Скопје! 😳🌱

Одржливоста не е тема со која треба да се занимаваат неколку луѓе.

Прашувањето што купуваш и зошто, е одржливост.
Ако имаш бизнис, размислувањето за тоа каде ќе завршат твоите производи откако некој ќе ги купи, е одржливост.
Зборувањето за воздух, вода, отпад и давајќи им значење на овие теми, е одржливост.

Во април во Париз го посетивме ChangeNOW, настан на кој што беа собрани над 40.000 луѓе од цел свет - бизнисмени, земјоделци, научници, режисери, едукатори и луѓе од многу други професии, да зборуваат за конкретни решенија и акција.

И она што го мислиме последниве 5 години, повторно ни се докажа и во пракса. Секој еден може да придонесе – со своите знаења, изборите што ги прави, или прашањата што ги поставува.

На 17 и 18 октомври, преку нашиот годишен настан сакаме да ви донесеме мал дел од атмосферата која ја искусивме во Париз, и која не држи мотивирани и неколку месеци подоцна.

📍Локацијата и сите други детали ги откриваме наскоро!

На овој посебен ден, посакуваме луѓето кои ја уништуваат убавината на оваа наша татковина за (свој личен) профит да се о...
08/09/2026

На овој посебен ден, посакуваме луѓето кои ја уништуваат убавината на оваа наша татковина за (свој личен) профит да се освестат, а оние кои ја чуваме да продолжиме заедно да се бориме и да си ја сакаме. Веруваме дека овој прекрасен народ може и МОРА да се сплоти како едно ❤️

Address


1106

Website

Alerts

Be the first to know and let us send you an email when Yes for less posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Yes for less:

Shortcuts

  • Want your organization to be the top-listed non profit organization?

Share