Thismoment Zone

16/05/2026

“ဗုဒ္ဓနည်းလာ ခေါင်းဆောင်မှုပညာ”
A Buddhist Approach to Compassionate Leadership for the Modern Era

15/05/2026

◾တကယ်တော့ လူသားတွေဟာ သိလျက်နဲ့ဖြစ်စေ၊ မသိလျက်နဲ့ဖြစ်စေ "ဒေါသထွက်ရတာကို သဘောကျတတ်ကြတယ်" ဆိုရင် အံ့သြသွားမလား...

◾ဘာကြောင့်လဲဆိုတော့ ဒေါသထွက်လိုက်ရတဲ့အချိန်မှာ လူက ယာယီအားဖြင့် နေလို့ထိုင်လို့ ကောင်းသွားလို့ပါ။

တစ်ဖက်လူကို အော်ဟစ်လိုက်ရတာ၊
ပစ္စည်းတစ်ခုခုကို လွှင့်ပစ်လိုက်ရတာက ကိုယ့်ကိုယ်ကိုယ် အားရှိသွားသလို၊
အနိုင်ရသွားသလို ခံစားရစေပါတယ်။

◾စိတ်ပညာအရ ပြောရရင် ဒေါသဟာ ကိုယ့်ရဲ့ နာကျင်မှု ဒါမှမဟုတ် အားငယ်မှုကို ဖုံးကွယ်ပေးထားတဲ့ "မာန်မာန ခံတပ်"ကြီးတစ်ခုလို ဖြစ်နေလို့ပါ။ Defense Mechanism တစ်ခုလိုဖြစ်နေလို့ပါ။

◾ဒီအကြောင်းနဲ့ ပတ်သက်ပြီး မာဃသုတ် (SN 2.3) မှာ မာဃနတ်သားက မြတ်စွာဘုရားကို အရမ်းစိတ်ဝင်စားဖို့ကောင်းတဲ့ မေးခွန်းလေးတွေမေးခဲ့ဖူးတယ်-

"အရှင်ဘုရား... ဘယ်အရာကို သ-တ်ပစ်လိုက်ရင် ချမ်းသာစွာ အိပ်စက်နိုင်မလဲ? ဘာကို သ-တ်လိုက်ရင် စိုးရိမ်ပူပန်မှုတွေ ကင်းဝေးသွားမလဲ? ဘယ်လိုအရာကို သ-တ်လိုက်တာကိုရော အရှင်ဘုရားတို့လို သူတော်ကောင်းတွေက ချီးမွမ်းကြသလဲ?" တဲ့။

တကယ်တော့ "သ-တ်တယ်" ဆိုတဲ့ စကားလုံးက ကြမ်းတမ်းသလိုရှိပေမဲ့ မြတ်စွာဘုရား ပြန်ပေးတဲ့ အဖြေက အရမ်းကို နက်နဲပါတယ်။

◾မြတ်စွာဘုရားက "ဒေါသကိုသာ သ-တ်ပစ်လိုက်ပါ" လို့ ဖြေခဲ့တယ်။
ဘာကြောင့် ဒေါသကိုမှ ရွေးပြီး သ-တ်ခိုင်းရတာလဲဆိုတာကိုလည်း သေချာလေး ရှင်းပြခဲ့ပါတယ်။

◾မြတ်စွာဘုရားက ဒေါသကို "ဓားသွားပေါ်က ပျားရည်စက်" လိုပဲ အဖျားမှာတော့ ချိုမြိန်နေတတ်တယ်လို့ မိန့်ပါတယ်။

ပျားရည်စက်လေးက လျှာပေါ်တင်လိုက်ရင်တော့ ချိုပါတယ်။ ဒါပေမဲ့ အဲ့ဒီပျားရည် တင်နေတာက ထက်လှတဲ့ "ဓားသွား" ပေါ်မှာပါ။

ဒေါသထွက်လိုက်ရလို့ ရလာတဲ့ ယာယီကျေနပ်မှု (ပျားရည်) ကို ယူမိတဲ့အခါ ကိုယ့်ရဲ့ အသိဉာဏ်၊ ကိုယ့်ရဲ့ ဂုဏ်သိက္ခာနဲ့ ကိုယ့်ရဲ့ ဆက်ဆံရေး (လျှာ) ကို ဓားနဲ့ လှီးဖြတ်လိုက်သလိုမျိုး ပျက်စီးသွားစေပါတယ်။

ဒို့တွေဟာ ဒေါသထွက်လိုက်ရင် တစ်ဖက်လူကို အဆိ-ပ်ခတ်လိုက်နိုင်ပြီလို့ ထင်ကြတာ။

◾ဒါပေမဲ့ တကယ်တမ်းကျတော့ ဒေါသဆိုတာ "ကိုယ့်ကိုယ်ကိုယ် အဆိ-ပ်သောက်ပြီး တစ်ဖက်လူ ေသပါစေ" လို့ ဆုတောင်းနေတာနဲ့ တူတူပါပဲ။

သူ့ရဲ့ အခြေခံက ကိုယ့်ကို အရင်ဆုံး လောင်မြိုက်စေတဲ့ အဆိ-ပ်ဖြစ်လို့ "ဒေါသကို သ-တ်မှသာ ချမ်းသာစစ်ကို ရမယ်" လို့ ဟောခဲ့တာပါ။

ဒီနေရာမှာ ဒေါသကို သ-တ်တယ်ဆိုတာ အတင်းအဓမ္မ ဖိနှိပ်ထားတာမျိုး မဟုတ်ပါဘူး။

🌱 သတိနဲ့ ဖြတ်ပါ - ဒေါသထွက်လာတဲ့အခါ "ငါ အခု ပျားရည်ကို လျက်ဖို့ ပြင်နေတာလား၊ ဓားသွားကို သတိမမူမိတာလား" လို့ ကိုယ့်ကိုယ်ကိုယ် ပြန်မေးတာဟာ ဒေါသကို သ-တ်ဖို့ ဓားစွဲလိုက်တာပါပဲ။

🌱 မေတ္တာနဲ့ အစားထိုးပါ - အဆိပ်မြစ်ကို ဆက်ပြီး ရေမလောင်းပါနဲ့။ တစ်ဖက်လူကို အပြစ်တင်တာထက် "ငါ ဘာကြောင့် နာကျင်နေရတာလဲ" ဆိုတာကို အေးအေးဆေးဆေး ပြန်ဆန်းစစ်တာက ပိုပြီး ကောင်းမွန်တဲ့ နည်းလမ်းပါ။

အိပ်ရာဝင်တဲ့အခါ စိတ်ထဲမှာ ဒေါသတွေ၊ ရန်ငြိုးတွေ ရှိနေရင် ဘယ်လိုမှ အေးချမ်းစွာ အိပ်မပျော်နိုင်ပါဘူး။

ဒါကြောင့် မြတ်စွာဘုရားက "ဒေါသကို သ-တ်နိုင်မှသာ ချမ်းသာစွာ အိပ်စက်နိုင်မယ်" လို့ လမ်းညွှန်ခဲ့တာ ဖြစ်ပါတယ်။

ဒေါသကင်းဝေးပြီး နှလုံးစိတ်ဝမ်းအေးချမ်းပါစေ....

အရှင်နန္ဒာစာရ
15.5.2026

14/05/2026

✨ 𝐖𝐨𝐫𝐝𝐬 𝐨𝐟 𝐖𝐢𝐬𝐝𝐨𝐦 [Facebook Live] ❝ ဗုဒ္ဓနည်းလာ ခေါင်းဆောင်မှုပညာ❞ ✨

(A Buddhist Approach to Compassionate Leadership for the Modern Era)

ကျွန်တော်တို့ရဲ့ ပတ်ဝန်းကျင်မှာ ခေါင်းဆောင်မှု (Leadership) နဲ့ ပတ်သက်တဲ့ ဉာဏ်ပညာတွေ၊ အတွေ့အကြုံတွေ အများကြီး ရှိပါတယ်။

Words of Wisdom Program လေးကတော့ သင်ယူလေ့လာမှုနဲ့ ကိုယ်ပိုင်အတွေ့အကြုံ/အတွေးအခေါ်ပေါ် အခြေခံပြီး အများအတွက် အကျိုးရှိစေမယ့် အယူအဆသဘောတရားတွေကို နားထောင်နိုင်စေဖို့၊ စူးစမ်းချင်မှုနဲ့ လေးလေးနက်နက် ဆင်ခြင်သုံးသပ်နိုင်စေဖို့ ရည်ရွယ်ထားတာပါ။

◾ဒီတစ်ခေါက် Words of Wisdom Facebook Live မှာ ဆွေးနွေးမယ့် ခေါင်းစဉ်ကတော့—

“ဗုဒ္ဓနည်းလာ ခေါင်းဆောင်မှုပညာ”
A Buddhist Approach to Compassionate Leadership for the Modern Era ဖြစ်ပါတယ်။

ခေါင်းဆောင်ဆိုတာ ထက်မြတ်တက်ကြွမှု၊ ပြတ်သားရဲရင့်မှု တွေလိုအပ်သလို တစ်ဖက်မှာလည်း သိမ်မွေ့တဲ့ မေတ္တာတရား၊ ကရုဏာတရား ကို အခြေခံထားဖို့လည်း လိုအပ်ပါတယ်။

ဒီနေ့ခေတ်မှာ Leadership ဆိုတာ “စွမ်းရည်” တင်မကတော့ပဲ ethics (ကျင့်ဝတ်) ကလည်း ပိုပြီး အရေးကြီးလာပါတယ်။

နိုင်ငံတကာက leadership theory တွေကို လက်တွေ့အသုံးချတဲ့အခါ ဒေသအလိုက် ယဉ်ကျေးမှုအလိုက် ပြောင်းလဲညှိနှိုင်းရမယ့် အချက်တွေ ရှိနေတတ်လို့ ဗုဒ္ဓဘာသာယဉ်ကျေးမှု ထွန်းကားတဲ့ မြန်မာပြည်အတွက် “ဗုဒ္ဓနည်းလာ ခေါင်းဆောင်မှုပညာ” က အင်မတန်အသုံးဝင်မယ့် လမ်းညွှန်တစ်ခုဖြစ်ပါလိမ့်မယ်။

ဒီအကြောင်းအရာကို ဆရာတော်ဦးဇဝန နဲ့ မအေမီတို့က Live မှာ ဆွေးနွေးမျှဝေပေးသွားမှာ ဖြစ်ပါတယ်ခင်ဗျာ။

✨ ဆရာတော်ဦးဇဝန ကတော့ MA Buddhist Studies (University of Kelaniya-Sri Lanka) ကို ရရှိထားပြီး၊ လက်ရှိမှာ Buddhist Leadership Skills and Ethics ဆိုင်ရာတွေကိုလေ့လာနေတဲ့ M.Phil သုတေသနကျောင်းသားရဟန်းတော် တစ်ပါးဖြစ်ပါတယ်။

✨ မအေမီ ကတော့ Thismoment Zone ရဲ့ Founding Member တစ်ဦးဖြစ်ပြီး Lay Counsellor တစ်ဦးအနေနဲ့ စိတ်ပိုင်းဆိုင်ရာ အခက်အခဲတွေကို ကြုံတွေ့နေရသူများကို အကူအညီပေးနေသူလည်း ဖြစ်ပါတယ်။ ထို့အပြင် MSc. Occupational & Business Psychology ကို Kington University-UK မှာ လေ့လာပြီးမြောက်ထားသူလည်းဖြစ်ပါတယ်ခင်ဗျာ။

အစီအစဉ်လေးကို အောက်ပါ အတိုင်း စောင့်မျှော်ကြည့်ရှုအားပေးနိုင်ပါတယ်ခင်ဗျာ...

𝘿𝙖𝙩𝙚: May 16, 2026 (Saturday)
𝙏𝙞𝙢𝙚: 7:00 PM (Myanmar Time)
𝙋𝙡𝙖𝙩𝙛𝙤𝙧𝙢: Facebook Live only

အတွေးအခေါ်အသစ်၊ အမြင်အသစ်တွေကို ရရှိဖလှယ်နိုင်စေဖို့ Thismoment Zone ရဲ့ Words of Wisdom Facebook Live အစီအစဉ်လေးကို စောင့်မျှော်ကြည့်ရှုဖို့ မမေ့ပါနဲ့ခင်ဗျာ။

06/05/2026

🌷 ❝ မိမိကိုယ်ကိုယ် စောင့်ရှောက်ခြင်းမှသည် ….. ❞

မိမိကိုယ်ကိုယ် စောင့်ရှောက်ခြင်း ဆိုတာဘာကိုဆိုလိုတာလဲ။ ကိုယ်ရော ကိုယ့် ကိုယ်ကိုယ် တကယ် စောင့်ရှောက်နေရဲ့လား လို့ခဏဖြစ်ဖြစ် စဉ်းစားကြည့်ကြရအောင်....

ကျွန်မတို့ရဲ့ လူမှုဘဝမှာ "သူတစ်ပါး စိတ်ကျေနပ်အောင် နေထိုင်သူ" (People Pleaser) တစ်ယောက်အဖြစ် ရှင်သန်ရတာဟာ အလွန်ပင်ပန်းနွမ်းနယ်ရတဲ့ ခရီးတစ်ခုပါ။ ငယ်ဘဝကနေ အလုပ်ခွင်အထိ အားလုံးရဲ့ ဂရုစိုက်မှုနဲ့ မေတ္တာကို ရဖို့အတွက် ကိုယ့်ဆန္ဒထက် သူတစ်ပါးအလိုကို ဦးစားပေးခဲ့ဖူးပါတယ်။

ဒါပေမဲ့ အဲဒီလို လိုက်လျောမှုတွေဟာ ကြောက်ရွံ့မှုနဲ့ ပဋိပက္ခကို ရှောင်ရှားလိုမှုအပေါ်မှာပဲ အခြေခံနေခဲ့တာကြောင့် စစ်မှန်တဲ့ (Authentic) ခံစားချက် မဟုတ်ခဲ့ပါဘူး။ နောက်ဆုံးမှာတော့ မျိုသိပ်ထားသမျှတွေ ပေါက်ကွဲထွက်ပြီး ဆက်ဆံရေးတွေ ပျက်စီးသွားတဲ့ အကျည်းတန်တဲ့ ရလဒ်မျိုးကိုပဲ ရင်ဆိုင်ခဲ့ရပါတယ်။

ဒီအခြေအနေကနေ လွတ်မြောက်ဖို့ လမ်းစကို မြတ်စွာဘုရားရှင်ရဲ့ သေဒကသုတ် (Sedaka Sutta) လာ ဆပ်ကပ်ဆရာတပည့်ပုံပြင်ကနေ ကျွန်မကိုပြန်ပြီး စဉ်းစားဆင်ခြင်စေခဲ့ပါတယ်။

မကြာသေးမီက ကျရောက်ခဲ့တဲ့ Buddha Day မှာ Insight Dialogue (ID) ကျင့်စဉ်ကို လေ့ကျင့်ရင်း ဒီသုတ္တန်ရဲ့ အနှစ်သာရကို ပိုမိုလေးနက်စွာ နားလည်ခွင့်ရပြီး ကိုယ်သွားနေတဲ့ စိတ်ပညာလမ်းကြောင်းနဲ့ ချက်ဆက်ကြည့်နိုင်ခဲ့တယ်။

🌱 "မိမိကိုယ်ကို စောင့်ရှောက်ခြင်း" နှင့် Projection (ပုံချခြင်း/လွှဲချခြင်း)

ဆပ်ကပ်ဆရာရဲ့တပည့်လေး ပြောခဲ့သလို "ကျွန်ုပ်က ကျွန်ုပ်ကိုယ်တိုင် စောင့်ရှောက်ပါမယ်" ဆိုတဲ့ စကားဟာ အပေါ်ယံ နားလည်တာထက် အများကြီး ပိုလေးနက်ပါတယ်။ ၎င်းဟာ မိမိရဲ့ ခံစားချက်ကို မိမိကိုယ်တိုင် တာဝန်ယူခြင်း (Taking responsibility for your feelings) ပဲ ဖြစ်ပါတယ်။

ID ဆရာမ သင်ကြားပေးခဲ့တဲ့ Projection အကြောင်းကိုကြားတော့ ကျွန်မအတွက်တော့ အရင်ကိုယ်နားလည်ထားတဲ့ Projection ဆိုတဲ့အပေါ်မှာ ထပ်ပြီး အသိအမြင်သစ်ရလိုက်တဲ့ အခိုက်အတန့်တစ်ခု ဖြစ်ခဲ့ပါတယ်။

Projection ဆိုတာ ကိုယ့်ကိုယ်ကိုယ် မမြင်နိုင်တဲ့၊ ဒါမှမဟုတ် လက်မခံနိုင်တဲ့ အစိတ်အပိုင်းတွေ (ဥပမာ - ကိုယ့်ရဲ့ မကောင်းတဲ့ အမူအကျင့်၊ နာကျင်စရာ ခံစားချက်) ကို မသိစိတ်ကနေ သူတစ်ပါးဆီ ပုံချလိုက်တဲ့ စိတ်ပိုင်းဆိုင်ရာ ခုခံကာကွယ်မှု ယန္တရားတစ်ခုပါ။

မိမိရဲ့ ကိုယ့်ကိုယ်ကိုယ် လေးစားမှု (Self-esteem) ထိခိုက်မှာ ကြောက်လို့ဖြစ်စေ၊ ကိုယ့်ရဲ့ မနှစ်မြို့ဖွယ်ရာ အမှန်တရားတွေကို ရင်မဆိုင်ချင်လို့ဖြစ်စေ သူတစ်ပါးအပေါ် ပုံချတတ်ကြပါတယ်။

ဥပမာအားဖြင့် - ကိုယ် ငယ်စဉ်ကတည်းက ပြုစုစောင့်ရှောက်သူထံမှ မရရှိခဲ့တဲ့ (သို့မဟုတ် လိုအပ်ခဲ့တဲ့) ဂရုစိုက်မှုမျိုးကို ကိုယ့်ရဲ့ ချစ်သူ၊ မိတ်ဆွေသူငယ်ချင်းတွေထံမှ ရရှိဖို့ အဆမတန် မျှော်လင့်တောင်းဆိုမိတဲ့အခါ... အမှန်တကယ်တော့ ကိုယ့်အတွင်းစိတ်ထဲက ကွက်လပ်ကို တစ်ဖက်လူအပေါ် ပုံချ (Project လုပ်) နေမိတာ ဖြစ်ပါတယ်။

တစ်ဖက်လူက ကိုယ့်ကို ဂရုမစိုက်ဘူးလို့ အပြစ်တင်နေမိပေမဲ့ တကယ်တမ်းမှာတော့ ကိုယ့်ရဲ့ မသိစိတ်ထဲက လိုအပ်ချက်ဟောင်းတွေကို တစ်ဖက်လူဆီကနေ အစားထိုးဖြည့်ဆည်းပေးဖို့ တွန်းအားပေးနေမိခြင်းသာ ဖြစ်ပါတယ်။

ဒီဖြစ်စဉ်ကို သတိပြုမိလိုက်တာနဲ့ ကျွန်မတို့ဟာ အဲဒီ Projection ကို ပြန်လည် ရုပ်သိမ်းဖို့ လမ်းပေါ်ကို ရောက်သွားပါပြီ။ ဒါဟာ ချက်ချင်းကြီး ဖြစ်သွားတာမျိုး မဟုတ်ဘဲ အသိတရား၊ ကုစားမှုနဲ့ ထိုးထွင်းသိမြင်မှုတွေ တဖြည်းဖြည်း ရင့်ကျက်လာမှသာ အဲဒီ ပုံချတတ်တဲ့ သံသရာကနေ လွတ်မြောက်နိုင်မှာ ဖြစ်ပါတယ်။

🌱 Mindfulness ဖြင့် မိမိကိုယ်ကို စောင့်ရှောက်ခြင်း

မိမိစိတ်ထဲမှာ ဖြစ်ပေါ်လာတဲ့ ခံစားချက်တိုင်းကို အပြစ်တင်တာ၊ ငြင်းပယ်တာမျိုး မလုပ်ဘဲ လက်ခံပေးတာ (Allowing and Accepting) ဟာ ပထမခြေလှမ်းပါ။ "ငါ အခု ဝမ်းနည်းနေတယ်" သို့မဟုတ် "ငါ အခု အသိအမှတ်ပြုခံချင်နေတယ်" ဆိုတာကို ရှောင်မပြေးဘဲ ရိုးရိုးသားသား အသိအမှတ်ပြုလိုက်တဲ့အခါ စိတ်ဟာ တည်ငြိမ်သွားပါတယ်။

ကိုယ့်ကိုယ်ကိုယ် အကဲမဖြတ်ဘဲ ကြင်နာခြင်း (Non-judgmental Kindness) ဟာ စစ်မှန်တဲ့ ကိုယ့်ကိုယ်ကိုယ် ချစ်ခြင်း (Self-love) ကို ရရှိစေပြီး မိမိကိုယ်ကို ပြန်လည် ကုစားနိုင်စေပါတယ်။

🌱 သူတစ်ပါးကို စောင့်ရှောက်ရင်း မိမိကိုယ်ကို စောင့်ရှောက်ခြင်း

သေဒကသုတ်မှာ မြတ်စွာဘုရားရှင်က "သူတစ်ပါးကို စောင့်ရှောက်ခြင်းဖြင့်လည်း မိမိကိုယ်ကို စောင့်ရှောက်ရာရောက်တယ်" လို့ ဟောကြားခဲ့ပါတယ်။

တစ်ဖက်လူအပေါ် ဆက်ဆံရာမှာ သည်းခံခြင်း (Patience)၊ မညှဉ်းဆဲခြင်း (Non-violence)၊ မေတ္တာ (Loving-kindness) နဲ့ ကြင်နာသနားခြင်း (Compassion) ဆိုတဲ့ တရား (၄) ပါးကို အခြေခံလိုက်တဲ့အခါ သင့်စိတ်ဟာ အလိုလို ငြိမ်းချမ်းသွားပါတယ်။

တစ်ဖက်လူကလည်း သင့်အနားမှာ နေရတာ လုံခြုံတယ်လို့ ခံစားရပြီး သင့်ကို ပွင့်ပွင့်လင်းလင်း စကားပြောရတာ သက်သောင့်သက်သာ ရှိလာပါတယ်။ ဒါဟာ သူတစ်ပါးကို စောင့်ရှောက်ခြင်းအားဖြင့် မိမိရဲ့ စိတ်ပိုင်းဆိုင်ရာ ပတ်ဝန်းကျင်ကိုပါ ပြန်လည်စောင့်ရှောက်လိုက်တာပဲ ဖြစ်ပါတယ်။

🌱 Self-love သည် တစ်ကိုယ်ကောင်းဆန်ခြင်း မဟုတ်ပါ

အရေးကြီးဆုံး သင်ခန်းစာကတော့ မိမိကိုယ်ကို ချစ်ခြင်း (Self-love) နဲ့ ဂရုစိုက်ခြင်း (Self-care) ဟာ တစ်ကိုယ်ကောင်းဆန်တာ (Selfish) လုံးဝ မဟုတ်ပါဘူး။

မိမိကိုယ်တိုင်က ဝါးတိုင်ပေါ်မှာ ဟန်ချက်ညီညီ ရပ်တည်နိုင်မှသာ တစ်ဖက်လူကိုလည်း ဟန်ချက်ညီအောင် ကူညီနိုင်မှာပါ။

ID ကျင့်စဉ်က သင်ပေးခဲ့သလိုပဲ... အခြေအနေတစ်ခုမှာ ချက်ချင်း တုံ့ပြန် (React) လိုက်မယ့်အစား၊ ကိုယ့်ခံစားချက်ကိုယ် အချိန်ယူ သတိပြုပြီးမှ တုံ့ပြန် (Respond) တတ်လာတဲ့အခါ ဆက်ဆံရေးတွေဟာ မျှော်လင့်ချက်တွေ (Expectations) ကနေ လွတ်မြောက်သွားပါတယ်။

အဲဒီအခါမှာမှ ဆက်ဆံရေးတွေဟာ ပိုပြီး စစ်မှန် (Authentic) လာပြီး "မိမိကိုယ်ကို စောင့်ရှောက်ခြင်းသည် သူတစ်ပါးကို စောင့်ရှောက်ခြင်းဖြစ်၏" ဆိုသည့် စကား၏ အနှစ်သာရကို လက်တွေ့ခံစားရမှာ ဖြစ်ပါတယ်။ ကိုယ်နဲ့ကိုယ်ကြားမှာလဲ ပိုမိုနားလည်လာပြီး ပိုမိုငြိမ်းချမ်း လာတယ်ဆိုတာ လက်တွ့ခံစားရပါလိမ့်မယ်။

အားလုံးနှလုံးစိတ်ဝမ်းအေးချမ်းကြပါစေ....🍀

- မအေမီ -
May 6, 2026

30/04/2026

ကိုယ့်ကိုယ်ကိုယ် “လိုသုံး” တစ်ယောက်လို ခံစားနေရတာမျိုး ကြုံဖူးလား ❓

လူတွေက သူတို့မှာ အခက်အခဲရှိမှ၊ တစ်ခုခု အကူအညီလိုမှသာ ကိုယ့်ဆီကို ရောက်လာတတ်ကြတာမျိုးပေါ့။

◾အဲ့ဒီအခါမျိုးမှာ “ငါက သူတို့အတွက် တကယ်ပဲ အရေးပါတဲ့သူလား၊ ဒါမှမဟုတ် လိုတဲ့အခါမှ သုံးတဲ့ လူလို ဖြစ်နေပြီလား” ဆိုပြီး စိတ်မကောင်းဖြစ်မိနိုင်ပါတယ်။

◾တကယ်တော့ စိတ်ပညာသဘောအရ ကြည့်မယ်ဆိုရင် လူတွေက ကိုယ့်ကို အဲ့လိုဆက်ဆံလာအောင် ကိုယ်တိုင်ကပဲ လမ်းဖွင့်ပေးထားသလို ဖြစ်နေတတ်ပါတယ်။ ဒါဟာ ကိုယ်က လူဆိုးမို့လို့ မဟုတ်ပါဘူး။

◾ကိုယ်က စိတ်ထားကောင်းလွန်းလို့၊ အမြဲတမ်း အဆင်သင့်ရှိနေပေးတတ်လို့နဲ့ “ဟင့်အင်း” လို့ မငြင်းရက်ခဲ့လို့ပါပဲ။

အမြဲတမ်း ဖြည့်ဆည်းပေးနေတဲ့အခါ တစ်ဖက်လူအတွက် ကိုယ်ဟာ တန်ဖိုးထားရမယ့် လူသားတစ်ယောက် ဆိုတာထက် လိုအပ်ရင် အမြဲရနိုင်တဲ့ Option တစ်ခု ဖြစ်သွားတတ်ပါတယ်။

◾ကိုယ့်ရဲ့ တန်ဖိုးကို ပြန်ရှာချင်တယ်ဆိုရင် ကိုယ့်ရဲ့ တုံ့ပြန်ပုံတွေကို ပြောင်းလဲကြည့်ဖို့ လိုအပ်ပါတယ်။

🌱 Boundaries (စည်းဘောင်) သတ်မှတ်ပါ

ကိုယ်က ဘယ်အချိန်မှာ အားလဲ၊ ဘယ်အရာတွေကိုပဲ ကူညီနိုင်မလဲဆိုတာကို ရှင်းရှင်းလင်းလင်း ရှိပါစေ။
ကိုယ့်ရဲ့ ကိုယ်ပိုင်အချိန်နဲ့ စိတ်အေးချမ်းမှုကို အထိခိုက်ခံပြီး အမြဲတမ်း အလိုက်သင့် လိုက်မလုပ်ပေးပါနဲ့။

🌱 "ငြင်းဆိုခြင်း" အတတ်ပညာကို ကျင့်သုံးပါ

တစ်ခုခုကို မလုပ်ပေးနိုင်တဲ့အခါ ဒါမှမဟုတ် မလုပ်ချင်တဲ့အခါ “အားနာလို့” ဆိုပြီး အတင်းလုပ်မပေးပါနဲ့။

“အခုလောလောဆယ်တော့ မအားသေးလို့ မကူညီနိုင်သေးဘူး” ဆိုတာမျိုးကို ယဉ်ယဉ်ကျေးကျေးနဲ့ ပြတ်ပြတ်သားသား ပြောတတ်အောင် ကြိုးစားကြည့်ပါ။
ကိုယ်က ငြင်းတတ်မှ တစ်ဖက်လူက ကိုယ့်ရဲ့ အချိန်နဲ့ အားထုတ်မှုကို တန်ဖိုးထားတတ်လာမှာပါ။

🌱 ကိုယ့်ကိုယ်ကိုယ် ဦးစားပေးပါ

သူများကိစ္စတွေထဲမှာ အချိန်ကုန်နေမယ့်အစား ကိုယ့်ရဲ့ တိုးတက်မှု၊ ကိုယ့်ရဲ့ စိတ်ပျော်ရွှင်မှုအတွက် အချိန်ပေးပါ။
ကိုယ်က ကိုယ့်ကိုယ်ကိုယ် တန်ဖိုးထားကြောင်း ပြသတဲ့အခါ ဘေးကလူတွေကလည်း ကိုယ့်ကို လိုသလို ခိုင်းလို့ရတဲ့သူလို့ မသတ်မှတ်ရဲတော့ပါဘူး။

🌱 ချက်ချင်း တုံ့ပြန်တာမျိုးကို ဆင်ခြင်ပါ

ဖုန်းဆက်တာပဲဖြစ်ဖြစ်၊ စာပို့တာပဲဖြစ်ဖြစ် ချက်ချင်း Reply ပြန်ရမယ်၊ ချက်ချင်း ပြေးကူညီရမယ်ဆိုတဲ့ အကျင့်ကို လျှော့ကြည့်ပါ။ ကိုယ့်မှာလည်း ကိုယ်ပိုင် အလုပ်ကိစ္စတွေ ရှိနေတယ်ဆိုတာ တစ်ဖက်လူ သိပါစေ။

🌱 ဆက်ဆံရေးကို ပြန်လည် ဆန်းစစ်ပါ

ကိုယ့်ဘက်ကပဲ အမြဲပေးဆပ်နေရပြီး တစ်ဖက်လူကတော့ လိုမှလာတယ်၊ ကိုယ်ခက်ခဲချိန်မှာတော့ ပျောက်နေတယ်ဆိုရင် အဲ့ဒီဆက်ဆံရေးကို အဝေးကပဲ စောင့်ကြည့်သင့်ပါတယ်။ အဆိပ်အတောက်ဖြစ်စေတဲ့ ဆက်ဆံရေးတွေကနေ ရုန်းထွက်ဖို့ ဝန်မလေးပါနဲ့။

◾ကိုယ့်ရဲ့ တုံ့ပြန်ပုံတွေ ပြောင်းလဲသွားတဲ့အခါ အစပိုင်းမှာတော့ ဘေးကလူတွေက ကိုယ့်ကိုပြောင်းလဲသွားလိုက်တာလို့ ထင်ကောင်းထင်နိုင်ပါတယ်။

ဒါပေမဲ့ ဒါဟာ ကိုယ့်ရဲ့ စိတ်ကျန်းမာရေးနဲ့ ကိုယ့်တန်ဖိုးကို ကာကွယ်ဖို့အတွက် လုပ်သင့်တဲ့ အပြောင်းအလဲတစ်ခုပါ။

ကိုယ်က တန်ဖိုးရှိတဲ့သူတစ်ယောက်လို နေထိုင်မှသာ တစ်ဖက်လူကလည်း တန်ဖိုးထားပြီး ဆက်ဆံလာမှာပါ...

- အရှင်နန္ဒာစာရ -
30.4.2026

(Dark Mind စာမျက်နှာမှ Why do people come to you only when they need something ဆိုတဲ့ content တစ်ခုကို ကြည့်ပြီး ဒီစာကို ဖြည့်စွက်ရေးသားထားတာဖြစ်ပါတယ်)

29/04/2026

🅔🅓🅘🅣 သတ်မှတ်လူဦးရေ ပြည့်သွားပြီမို့ Registration ပိတ်ပါပြီ...
စိတ်ဝင်တစား လျှောက်ထားကြတဲ့အတွက် ကျေးဇူးအများကြီးတင်ပါတယ်...🙏😊
*******************************************************
အခြေခံ ဗုဒ္ဓစိတ်ကုထုံး ပညာဒါနသင်တန်း
(Online Class 1/2026)

မင်္ဂလာပါခင်ဗျာ 😃

𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 ကနေ ✨အရှင်နန္ဒာစာရ✨ သင်ကြားမျှဝေပေးနေတဲ့ အခြေခံ ဗုဒ္ဓစိတ်ကုထုံး ပညာဒါနသင်တန်း "Introduction to Buddhist Psychotherapy" ကို သင်ခန်းစာများလေ့လာရာတွင် အချိန် flexible ဖြစ်ဖြစ်၊ video recordings များနဲ့ လေ့လာနိုင်ပြီး... ဆရာတော်နှင့် zoom session မှာ အမေးအဖြေပြန်ဆွေးနွေးနိုင်မဲ့ ပုံစံအသစ်နဲ့ ထပ်မံဖွင့်လှစ်တော့မှာ ဖြစ်ပါတယ်။

🎯 ဒီသင်တန်းလေးရဲ့ ရည်ရွယ်ချက်ကတော့ ဗုဒ္ဓစိတ်ကုထုံးပညာရပ်ကို စနစ်တကျ လေ့လာလိုသူများ၊ သုတေသနနယ်ပယ်မှာ ခြေချ၍ အသေးစိတ်လေ့လာလိုသူများအတွက် အခြေခံရစေဖို့... ဗုဒ္ဓစာပေများကို စိတ်ကုထုံးပညာရှုထောင့်ကနေ လေ့လာနိုင်ပြီး လူ့အဖွဲ့အစည်းအတွင်း ကရုဏာကို အခြေခံတဲ့အသိပညာများ ပြန့်ပွားစေဖို့... ဖြစ်ပါတယ်။

🔰 ဘယ်သူတွေ တက်ရောက်သင့်ပါလဲ?
- ဗုဒ္ဓစိတ်ကုထုံးအကြောင်း အခြေခံကစ၍ သိရှိလိုသူများ
- စိတ်ပညာကို စိတ်ဝင်စား၍ နေ့စဉ်ဘဝမှာ မှန်မှန်ကန်ကန်အသုံးချလိုသူများ တက်ရောက်သင့်ပါတယ်။

🔰 သင်တန်းအတွက် လိုအပ်ချက်?
- ဗုဒ္ဓစိတ်ကုထုံး ပညာရပ်ကို လေ့လာဖို့ရန် အခြေခံစိတ်ပညာအကြောင်း သိနားလည်မှု လိုအပ်တဲ့အတွက် psychology basic knowledge ရှိကြောင်း evidence အဖြစ် certificate တစ်ခုခုကို ပူးတွဲပေးပို့ လျှောက်ထားရန် လိုအပ်ပါတယ်။
အခြေခံစိတ်ပညာသင်တန်း အနည်းဆုံး (၅)ရက်နှင့်အထက် သင်တန်းဖြစ်ရန်လိုပါတယ်။
Short course၊ Webinar၊ Workshop Certificates များ မပါဝင်ပါဘူး။
- ဒ့ါအပြင် သင်တန်းအတွက် သတ်မှတ်ပေးထားတဲ့ စာအုပ်တစ်အုပ်ကိုလည်း ကြိုတင်ဖတ်ရှုရမှာပါ။

🔰 သင်တန်းစာများကို ဘယ်လိုလေ့လာရမလဲ?
- အပတ်စဉ် တနင်္လာနေ့တိုင်း ထိုတစ်ပတ်အတွက် လေ့လာရမဲ့ သင်ခန်းစာ(၂)ခုကို Google classroom မှာ လင့်ခ်များ ဖွင့်ပေးမှာပါ။ တစ်ပတ်အတွင်း ကိုယ်အဆင်ပြေတဲ့အချိန်မှာ ဝင်ရောက်လေ့လာနိုင်ပါမယ်။ သင်ခန်းစာတစ်ခုအတွက် ပျှမ်းမျှ (၂)နာရီနှုန်းနဲ့ လေ့လာပြီး ထိုသင်ခန်းစာနှင့်သက်ဆိုင်သော အမေးအဖြ quizzes များကို ပေးထားတဲ့ google form link များမှတဆင့် ဖြေပေးရမှာ ဖြစ်ပါတယ်။ တစ်ပတ်အတွက် လေ့လာရန်ဖြစ်သော သင်ခန်းစာ(၂)ခုရဲ့ quizzes များကို ဖြေဆိုပြီးချိန်မှ နောက်တစ်ပတ်တနင်္လာနေ့မှာ နောက်ထပ်သင်ခန်းစာဗီဒီယိုလင့်ခ်များ ထပ်မံရရှိမှာပါ။
- အတန်းအတွက် Orientation Day၊ ဆရာတော် အရှင်နန္ဒာစာရနှင့် အမေးအဖြေအတွက် Zoom session (၂)ချိန် စုစုပေါင်း Zoom session (၃)ခုကိုလည်း တက်ရောက်ပေးဖို့ လိုအပ်ပါတယ်။

🔰 သင်တန်းကာလ?
၂ဝ၂၆ မေလ (၄)ရက်နေ့မှာ စတင်ပြီး ဇွန်လ (၁၂)ရက်မှာ ပြီးဆုံးမှာဖြစ်လို့၊ သင်တန်းကာလမှာ ရက်သတ္တပတ် (၆)ပတ်နီးပါး ကြာမြင့်မှာ ဖြစ်ပါတယ်။

🔰 သင်တန်းဘယ်လိုအပ်ရမလဲ?
သင်တန်းအတွက် အောက်တွင်ပေးထားသော Registration Form Link ကနေ စာရင်းပေးသွင်းနိုင်ပါတယ်။
👉🏻 https://forms.gle/G8XXDRnnqsaq5X1T8

သင်တန်းအတွက် သိချင်တာများရှိရင် admin တို့ကို မေးမြန်းနိုင်ပါတယ်။

ကျေးဇူးပါခင်ဗျ။

28/04/2026

🎓အခြေခံ ဗုဒ္ဓစိတ်ကုထုံး ပညာဒါနသင်တန်း 🎓
(Online Class 1/2026)

မင်္ဂလာပါခင်ဗျာ 😃

𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 ကနေ “အရှင်နန္ဒာစာရ” သင်ကြားမျှဝေပေးနေတဲ့ အခြေခံ ဗုဒ္ဓစိတ်ကုထုံး ပညာဒါနသင်တန်း "𝐈𝐧𝐭𝐫𝐨𝐝𝐮𝐜𝐭𝐢𝐨𝐧 𝐭𝐨 𝐁𝐮𝐝𝐝𝐡𝐢𝐬𝐭 𝐏𝐬𝐲𝐜𝐡𝐨𝐭𝐡𝐞𝐫𝐚𝐩𝐲" ကို သင်ခန်းစာများလေ့လာရာတွင် အချိန် flexible ဖြစ်ဖြစ်၊ video recordings များနဲ့ လေ့လာနိုင်ပြီး... ဆရာတော်နှင့် zoom session မှာ အမေးအဖြေပြန်ဆွေးနွေးနိုင်မဲ့ ပုံစံအသစ်နဲ့ ထပ်မံဖွင့်လှစ်တော့မှာ ဖြစ်ပါတယ်။

🎯 ဒီသင်တန်းလေးရဲ့ ရည်ရွယ်ချက်ကတော့ ဗုဒ္ဓစိတ်ကုထုံးပညာရပ်ကို စနစ်တကျ လေ့လာလိုသူများ၊ သုတေသနနယ်ပယ်မှာ ခြေချ၍ အသေးစိတ်လေ့လာလိုသူများအတွက် အခြေခံရစေဖို့... ဗုဒ္ဓစာပေများကို စိတ်ကုထုံးပညာရှုထောင့်ကနေ လေ့လာနိုင်ပြီး လူ့အဖွဲ့အစည်းအတွင်း ကရုဏာကို အခြေခံတဲ့အသိပညာများ ပြန့်ပွားစေဖို့... ဖြစ်ပါတယ်။

🔰 ဘယ်သူတွေ တက်ရောက်သင့်ပါလဲ?
- ဗုဒ္ဓစိတ်ကုထုံးအကြောင်း အခြေခံကစ၍ သိရှိလိုသူများ
- စိတ်ပညာကို စိတ်ဝင်စား၍ နေ့စဉ်ဘဝမှာ မှန်မှန်ကန်ကန်အသုံးချလိုသူများ တက်ရောက်သင့်ပါတယ်။

🔰 သင်တန်းအတွက် လိုအပ်ချက်?
ဗုဒ္ဓစိတ်ကုထုံး ပညာရပ်ကို လေ့လာဖို့ရန် အခြေခံစိတ်ပညာအကြောင်း သိနားလည်မှု လိုအပ်တဲ့အတွက် psychology basic knowledge ရှိကြောင်း evidence အဖြစ် certificate တစ်ခုခုကို ပူးတွဲပေးပို့ လျှောက်ထားရန် လိုအပ်ပါတယ်။
‼️ အခြေခံစိတ်ပညာသင်တန်း အနည်းဆုံး (၅)ရက်နှင့်အထက် သင်တန်း Certificate ဖြစ်ရန် လိုပါတယ်။
❌ Short course၊ Webinar၊ Workshop Certificates များ မပါဝင်ပါဘူး။

ဒါ့အပြင် သင်တန်းအတွက် သတ်မှတ်ပေးထားတဲ့ စာအုပ်တစ်အုပ်ကိုလည်း ကြိုတင်ဖတ်ရှုရမှာပါ။

🔰 သင်တန်းစာများကို ဘယ်လိုလေ့လာရမလဲ?
အပတ်စဉ် တနင်္လာနေ့တိုင်း ထိုတစ်ပတ်အတွက် လေ့လာရမဲ့ သင်ခန်းစာ(၂)ခုကို Google classroom မှာ လင့်ခ်များ ဖွင့်ပေးမှာပါ။ တစ်ပတ်အတွင်း ကိုယ်အဆင်ပြေတဲ့အချိန်မှာ ဝင်ရောက်လေ့လာနိုင်ပါမယ်။ သင်ခန်းစာတစ်ခုအတွက် ပျှမ်းမျှ (၂)နာရီနှုန်းနဲ့ လေ့လာပြီး ထိုသင်ခန်းစာနှင့်သက်ဆိုင်သော အမေးအဖြ quizzes များကို ပေးထားတဲ့ google form link များမှတဆင့် ဖြေပေးရမှာ ဖြစ်ပါတယ်။ တစ်ပတ်အတွက် လေ့လာရန်ဖြစ်သော သင်ခန်းစာ(၂)ခုရဲ့ quizzes များကို ဖြေဆိုပြီးချိန်မှ နောက်တစ်ပတ်တနင်္လာနေ့မှာ နောက်ထပ်သင်ခန်းစာဗီဒီယိုလင့်ခ်များ ထပ်မံရရှိမှာပါ။
အတန်းအတွက် Orientation Day၊ ဆရာတော် အရှင်နန္ဒာစာရနှင့် အမေးအဖြေအတွက် Zoom session (၂)ချိန် စုစုပေါင်း Zoom session (၃)ခုကိုလည်း တက်ရောက်ပေးဖို့ လိုအပ်ပါတယ်။

🔰 သင်တန်းကာလ?
၂ဝ၂၆ မေလ (၄)ရက်နေ့မှာ စတင်ပြီး ဇွန်လ (၁၂)ရက်မှာ ပြီးဆုံးမှာဖြစ်လို့၊ သင်တန်းကာလမှာ ရက်သတ္တပတ် (၆)ပတ်နီးပါး ကြာမြင့်မှာဖြစ်ပါတယ်။

🔰 သင်တန်းဘယ်လိုအပ်ရမလဲ?

သင်တန်းအတွက် Registration Form ကို
မနက်ဖြန် 👉 ဧပြီလ (၂၉)ရက် ည(၇)နာရီ 👈မှာ
𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 ရဲ့ 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 နဲ့ 𝐓𝐞𝐥𝐞𝐠𝐫𝐚𝐦 များမှ တပြိုင်တည်း ဖွင့်လှစ်ပေးမှာပါ။
Form ဖွင့်တာနဲ့ အဆင်သင့်ဖြစ်အောင် ပူးတွဲပေးပို့ရမဲ့ certificates များ ကြိုတင်ပြင်ဆင်ပေးထားနိုင်ပါတယ်။

သင်တန်းသားဦးရေ (၁၀၀)သာ လက်ခံမှာမို့ သတ်မှတ်လူဦးရေပြည့်တာနဲ့ Form ကို ပြန်လည်ပိတ်သွားမှာဖြစ်ပါတယ်။ မြန်မြန်လျှောက်ထားဖို့နဲ့ Registration Post လေးကို မလွတ်သွားရအောင် 𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 𝐏𝐚𝐠𝐞 ကို စောင့်ကြည့်နေပေးဖို့ မေတ္တာရပ်ခံချင်ပါတယ်ဗျ။

သင်တန်းအသေးစိတ်ကို မနက်ဖြန်မှာ ထပ်မံကြေငြာပေးသွားပါမယ်။ သိချင်တာများရှိရင်တော့ 𝐓𝐡𝐢𝐬𝐦𝐨𝐦𝐞𝐧𝐭 𝐙𝐨𝐧𝐞 Facebook Messenger ကတဆင့် မေးမြန်းနိုင်ပါတယ်ခင်ဗျာ။ 🤗

𝗣𝗹𝗲𝗮𝘀𝗲 𝗷𝗼𝗶𝗻 𝗼𝘂𝗿 𝗰𝗵𝗮𝗻𝗻𝗲𝗹𝘀 𝗳𝗼𝗿 𝘂𝗽𝗱𝗮𝘁𝗲𝘀... ⬇️ ⬇️ ⬇️

Telegram: https://t.me/ThismomentZone
YouTube: https://www.youtube.com/
Instagram: https://instagram.com/thismomentzone
Facebook: https://www.facebook.com/ThismomentZone

25/04/2026

🧘‍♀️𝐒𝐩𝐢𝐫𝐢𝐭𝐮𝐚𝐥 𝐎𝐚𝐬𝐢𝐬: 𝐌𝐢𝐧𝐝𝐟𝐮𝐥 𝐁𝐨𝐝𝐲 𝐒𝐜𝐚𝐧 𝐒𝐞𝐬𝐬𝐢𝐨𝐧𝐬🧘
[5-day Program]

ဒီနေ့ ၂၅.၄.၂၀၂၆ စနေနေ့မှာ 𝐌𝐢𝐧𝐝𝐟𝐮𝐥 𝐁𝐨𝐝𝐲 𝐒𝐜𝐚𝐧 𝐒𝐞𝐬𝐬𝐢𝐨𝐧 (Session 5) ရှိပါတယ်ရှင်။ 5-day Program လေးရဲ့ နောက်ဆုံးနေ့လည်း ဖြစ်ပါတယ်။ Registered စာရင်းပေးထားပြီးသူများအတွက် Reminder ပို့စ်ပါ။ 🙌☺️
Email ကတဆင့် Zoom link များလည်း ပေးပို့ထားပြီးပါပြီ။

ဒီ sessions တွေကို စိတ်ငြိမ်းချမ်းမှုရရှိရန် အခြေခံဖြစ်သော "မိမိကိုယ်နှင့်စိတ်ကို သတိပြုမိခြင်း" ဖြစ်စေဖို့အတွက် ရည်ရွယ်ပြုလုပ်ရခြင်း ဖြစ်ပါတယ်။ Session မှာ ဆုံကြပါမယ်နော်။ 🤗

𝗣𝗹𝗲𝗮𝘀𝗲 𝗷𝗼𝗶𝗻 𝗼𝘂𝗿 𝗰𝗵𝗮𝗻𝗻𝗲𝗹𝘀 𝗳𝗼𝗿 𝘂𝗽𝗱𝗮𝘁𝗲𝘀... ⬇️ ⬇️ ⬇️
Telegram: https://t.me/ThismomentZone
YouTube: https://www.youtube.com/
Instagram: https://instagram.com/thismomentzone
Facebook: https://www.facebook.com/ThismomentZone

24/04/2026

◾ဒီနေ့ခေတ်မှာ Online Shopping ဆိုပြီး အလွယ်တကူ စျေးဝယ်လို့ရတာ အင်မတန်ကောင်းပါတယ်။

ဒါပေမယ့် အဲ့တာကို အလွန်အကျွံလုပ်မိပြီး လိုအပ်တာတွေ ပိုဝယ်ဖြစ်ကုန်တယ်။ မလိုအပ်ဘဲ ဝယ်ဖြစ်တယ်။ စတဲ့ ဖြုန်းတီးမှုပိုင်းဆိုင်ရာတွေပါဖြစ်လာတဲ့အပြင် စိတ်ပိုင်းဆိုင်ရာ ထွက်ပေါက်တခုလိုလည်း အသုံးပြုမိလာကြပါတယ်။

◾တစ်ခါတလေ စိတ်ထဲမှာ နေလို့မကောင်းတဲ့အခါ၊ ဒါမှမဟုတ် ပျင်းသလိုလို၊ အလိုမကျသလိုလို ဖြစ်လာတဲ့အခါမျိုးမှာ “တစ်ခုခုဝယ်လိုက်ရင် ကောင်းသွားမလား” ဆိုတဲ့ စိတ်က အလွယ်တကူ ထလာတတ်တယ်။

လက်ထဲမှာ ငွေလေးပါ နည်းနည်းရှိနေမယ်ဆိုရင်တော့ အဲ့ဒီစိတ်က ပိုပြီး အားကောင်းလာတတ်တာပေါ့။

◾တကယ်တော့ ဒါဟာ ပစ္စည်းတစ်ခုခုကို လိုချင်တာထက်၊ ကိုယ့်စိတ်ထဲက မတည်ငြိမ်မှုတွေကို ခဏလောက် မျက်ကွယ်ပြုချင်တဲ့စိတ်က အတွင်းထဲမှာ ထိုးထွက်လာတာနဲ့ ပိုတူပါတယ်။

အဲဒီလိုဖြစ်လာပြီဆိုတာနဲ့ အာရုံက တစ်နေရာတည်းကို ကပ်သွားတော့တာပဲ။ ဝယ်ချင်တဲ့ပစ္စည်းနဲ့ပတ်သက်ပြီး မနားတမ်း လိုက်လေ့လာတယ်၊ Review တွေကြည့်တယ်၊ Brand တွေ နှိုင်းယှဉ်တယ်။

◾အပြင်ကကြည့်ရင်တော့ စဉ်းစားဆုံးဖြတ်မှုကြီးတစ်ခု လုပ်နေသလိုပဲ၊ ဒါပေမဲ့ အမှန်ကတော့ စိတ်ထဲက နေလို့မကောင်းမှုကို ခဏပိတ်ထားဖို့ အာရုံကို တင်းတင်းကျပ်ကျပ် ဆုပ်ထားတာပါ။

ဒီအချိန်မှာ စိတ်က ထူးထူးခြားခြား တက်ကြွလာတတ်ပြီး အဲ့ဒီခံစားချက်ကို “ပျော်နေပြီ” လို့ မှားယူမိတတ်တယ်။

◾ဒါပေမဲ့ အဲဒါက ပျော်ရွှင်မှုထက် “စိတ်လှုပ်ရှားမှု” နဲ့ ပိုနီးစပ်ပါတယ်။ မီးပွားလေးလိုပါပဲ—လင်းတယ်၊ တောက်တယ်၊ ဒါပေမဲ့ သိပ်မကြာပါဘူး။

နောက်ဆုံးမှာတော့ မရအရ ဝယ်ဖြစ်သွားရော။

Online Shopping ခေတ်မှာ Order တင်လိုက်တာနဲ့ “ကဲ… အခုတော့ အဆင်ပြေပြီ” ဆိုတဲ့ ခဏတာ အားရမှုက ရောက်လာတယ်။

◾Delivery ရောက်လာလို့ ဘောက်စ်ဖွင့်လိုက်တဲ့အခိုက်အတန့်၊ အသစ်စက်စက်နံ့လေးနဲ့ ပစ္စည်းကို ထိလိုက်ရတဲ့အချိန်ဟာ ဘဝကြီး ခဏတာ “အသစ်” ဖြစ်သွားသလို ခံစားရစေတယ်။ ဒါကို သဘောကျကြလို့ပဲ ဒီနေ့ခေတ်မှာဆို Unboxing Video ဆိုပြီး တကူးတကကို ကြည့်ကြရတာမျိုး ဖြစ်လာပြီလေ။

◾ဒါပေမဲ့ အဲဒီ “အသစ်” က သိပ်သက်တမ်းတိုပါတယ်။

ပစ္စည်းလေး လက်ထဲရောက်ပြီး တစ်ရက်နှစ်ရက်နေရင်ပဲ စိတ်လှုပ်ရှားမှုက ကျသွားပြီး “ဒါလည်း ဒီလိုပဲ” ဆိုတဲ့ ခံစားချက်နဲ့ သာမန်ပစ္စည်းတစ်ခု ဖြစ်သွားပြန်ရော။

◾အဆုံးမှာတော့ ပစ္စည်းကို ဝယ်နေတာမဟုတ်ဘဲ “စိတ်လှုပ်ရှားမှု” ကို ငွေပေးပြီး ဝယ်နေသလို ဖြစ်သွားတာပါ။

ဒီနေ့ခေတ်မှာ ဒီလိုစိတ်လှုပ်ရှားမှုကို မပြတ်ထုတ်ပေးနိုင်အောင် စနစ်တစ်ခုလုံးက အဆင်သင့် စောင့်နေကြပါတယ်။

“Limited Time Offer” တို့၊ “Recommended for you” တို့ဆိုတဲ့ စကားလုံးတွေက တို့ရဲ့ အာရုံကို တောက်လောင်အောင် ထိုးဆွပေးတယ်။

◾ငြီးငွေ့လွယ်လာအောင်၊ မလုံလောက်သလို ခံစားလာအောင် လုပ်ထားပြီး ဖြစ်လာရင်လည်း “ဝယ်လိုက်” ဆိုတဲ့ ဖြေဆေးကို အသင့်ချပေးထားတာပဲ။ ဒါပေမဲ့ ဝယ်လိုက်တာက ပြဿနာကို ဖြေရှင်းတာမဟုတ်ဘဲ ပြဿနာကို ခဏပိတ်ထားတာပါ။ အာရုံပြန်လွတ်သွားတဲ့အခါ မပျောက်သေးတဲ့ စိတ်မကောင်းစရာတွေက အဲ့ဒီနေရာမှာပဲ ရှိနေဆဲပါ။

🔳 ဒီလို စက်ဝိုင်းထဲမှာ ပတ်ချာလည်မနေရအောင် ဘာတွေလုပ်နိုင်မလဲ။

🌱 ၁။ "၁၀ မိနစ်" စည်းမျဉ်းကို သုံးပါ

တစ်ခုခု ဝယ်ချင်စိတ် ပြင်းထန်လာတဲ့အခါ ချက်ချင်း Order မတင်လိုက်ပါနဲ့ဦး။ အနည်းဆုံး ၁၀ မိနစ် (ဒါမှမဟုတ် တစ်ရက်လောက်) စောင့်ကြည့်လိုက်ပါ။ အဲ့ဒီအချိန်အတောအတွင်းမှာ စိတ်လှုပ်ရှားမှုက ကျသွားတတ်ပါတယ်။ အကယ်၍ စောင့်ကြည့်ပြီးတဲ့နောက်မှာ ဝယ်ချင်စိတ် မရှိတော့ဘူးဆိုရင် ဒါဟာ လိုအပ်ချက်မဟုတ်ဘဲ ခဏတာ အာရုံလွှဲချင်တာပဲဆိုတာ သိသာသွားပါလိမ့်မယ်။

🌱၂။ စိတ်လှုပ်ရှားမှု (Excitement) နဲ့ ပျော်ရွှင်မှု (Happiness) ကို ခွဲခြားပါ

အသစ်အဆန်းကြောင့်ဖြစ်တဲ့ ရင်ခုန်သံဟာ အပေါ်ယံ စိတ်လှုပ်ရှားမှုဖြစ်ပြီး ကြာရှည်မခံပါဘူး။

တကယ့်ပျော်ရွှင်မှုဆိုတာဟာ တစ်စုံတစ်ခုကို ပိုင်ဆိုင်လိုက်ရလို့ ဖြစ်လာတာမျိုးထက်၊ တစ်စုံတစ်ခုကို ဖန်တီးလိုက်ရလို့၊ တစ်စုံတစ်ယောက်ကို ကူညီလိုက်ရလို့ ဒါမှမဟုတ် ကိုယ့်ရဲ့အတွင်းစိတ်က တည်ငြိမ်နေလို့ ရရှိလာတဲ့အရာမျိုး ဖြစ်ပါတယ်။

🌱၃။ အာရုံလွှဲစရာ "အခြားနည်းလမ်း" ရှာထားပါ

စိတ်မှာ နေလို့မကောင်းတဲ့အခါ Shopping App တွေထဲကို ဝင်မယ့်အစား စာအုပ်ဖတ်တာ၊ လမ်းလျှောက်ထွက်တာ၊ ဒါမှမဟုတ် ဝါသနာပါတဲ့ အလုပ်တစ်ခုခု (ဥပမာ- ပန်းချီဆွဲတာ၊ သီချင်းနားထောင်တာ) ကို လုပ်ကြည့်ပါ။ ပစ္စည်းဝယ်တာထက် ပိုပြီး အဓိပ္ပာယ်ရှိတဲ့ အာရုံလွှဲနည်းတွေက စိတ်ကို ပိုပြီး ကြာရှည်တည်ငြိမ်စေပါတယ်။

🌱 ၄။ မေးခွန်းထုတ်ပါ

ပစ္စည်းတစ်ခုကို ကြည့်ပြီး ကိုယ့်ကိုယ်ကိုယ် ပြန်မေးကြည့်ပါ— "ငါ လိုချင်တာက ဒီပစ္စည်းလား၊ ဒါမှမဟုတ် ငါ့ရဲ့ ငြီးငွေ့မှုကို ခဏမတွေ့ချင်တာလား" ဆိုတာကိုပါ။ အဖြေက ဒုတိယတစ်ခု ဖြစ်နေမယ်ဆိုရင်တော့ ဝယ်လိုက်ရင်တောင် ခဏပဲ နေလို့ကောင်းမှာ ဖြစ်ပါတယ်။

◾စိတ်ပိုင်းဆိုင်ရာ ပြဿနာတွေကို ရှောင်ပြေးနေမိသလို Shopping လား၊ တကယ်လိုအပ်လို့ လုပ်နေတဲ့ Shopping လားဆိုတာကို သိရင်ကို တော်တော် လုံလောက်ပါပြီ။

◾အဆုံးမှာတော့ ပျော်ရွှင်မှုဆိုတာ အပြင်ကပစ္စည်းတွေဆီက လာတာမဟုတ်ဘဲ ကိုယ့်ရဲ့ အတွင်းစိတ်နဲ့ အခြေအနေကို လက်ခံနိုင်မှုကနေပဲ လာတာပါ။

◾လင်းပြီး ပျောက်သွားတဲ့ မီးပွားတစ်စက်ကို လိုက်ဖမ်းနေမယ့်အစား ကိုယ့်စိတ်ထဲမှာ အေးမြတဲ့ အလင်းတစ်ခုရှိအောင် တည်ဆောက်တာက ပိုပြီး ခိုင်မြဲတဲ့ ဖြေဆေး ဖြစ်ပါလိမ့်မယ်။

- အရှင်နန္ဒာစာရ -
24.4.2026.

22/04/2026

◾တစ်ခါတလေ စိတ်က မငြိမ်ဘူး...

အလုပ်ပင်ပန်းမှု၊ စိတ်ဖိစီးမှု၊ သတင်းအချက်အလက်တွေ စုလုံးဝင်လာမှု၊ social media scrolling လုပ်ရင်း သတိပျံ့လွင့်သွားမှု… စတဲ့အရာတွေဟာ တနေ့တနေ့မှာ နည်းနည်းချင်း စုသွားပြီး နောက်ဆုံးတော့ စိတ်ကို “အနှောင့်အယှက်များတဲ့ mode” ထဲ ထည့်ထားတတ်ပါတယ်။

◾အဲဒီအချိန်မှာ “အတွေးကို မတွေးနဲ့” လို့ ကိုယ့်ကိုယ်ကို ပြောနေပေမဲ့ အတွေးဆိုတာ တားလိုက်လေ ပိုပြင်းထန်လာလေ ဖြစ်တတ်တာကြောင့် စိတ်ကို တိုက်ရိုက်ထိန်းဖို့ ခက်လာတဲ့အခါတွေရှိပါတယ်။

ဒါကြောင့်ပဲ ခေတ်သစ် neuroscience က “စိတ်ကို စိတ်နဲ့ပဲ အတင်းချုပ်ဖို့” မဟုတ်ဘဲ ခန္ဓာကိုယ်ဘက်ကနေ စပြီး စိတ်ကိုပြန်ညှိနိုင်မလားဆိုတာကို စိတ်ဝင်စားလာပါတယ်။

◾ခေတ်သစ်ဆေးပညာအရ လူ့ခန္ဓာကိုယ်ထဲမှာ Vagus Nerve လို့ခေါ်တဲ့ အာရုံကြောကြီးက ဦးနှောက်နဲ့ ခန္ဓာကိုယ်အင်္ဂါအစိတ်အပိုင်းများကို ဆက်သွယ်ပေးနေပြီး ခန္ဓာကိုယ်ကို တည်ငြိမ်အေးချမ်းစေတဲ့ Parasympathetic Nervous System (အနားယူမှုစနစ်) ကို လှုံ့ဆော်ရာမှာ အရေးပါတယ်လို့ ရှင်းပြကြပါတယ်။

◾ဒီလိုအမြင်ကိုအခြေခံပြီး “အချိန်ကြာကြာ လေ့ကျင့်ရမယ့်အရာ” မဟုတ်ဘဲ ၁ မိနစ်လောက်နဲ့ စိတ်/ကိုယ်ကို အနည်းငယ်တည်ငြိမ်လာစေမယ့် body trick လိုမျိုးတွေကိုလည်း မျှဝေလာကြတာတွေ့ရပါတယ်။

◾အဲဒီထဲက တစ်ခုကတော့ လျှာကို အထက်အာခေါင်မှာ အနည်းငယ်ဖိကပ်ထားပြီး အသက်ကို ဖြေးဖြေးနဲ့ ရှည်ရှည်ရှူတာပါ။

လျှာလှုပ်ရှားမှုကို ထိန်းချုပ်တဲ့ ကြွက်သားအချို့ (ဥပမာ Palatoglossus) နဲ့ အာရုံကြောစနစ်တို့ ဆက်နွှယ်နေတဲ့အတွက် လျှာဖိကပ်ထားတာက Vagus Nerve/Parasympathetic response ကို ကူညီလှုံ့ဆော်နိုင်တယ်လို့ဆိုပါတယ်။

အဲဒီကနေ “ခန္ဓာကိုယ်က နည်းနည်းအနားယူလာတဲ့အခါ” စိတ်လည်း လိုက်ပြီး တည်ငြိမ်လာနိုင်ပါတယ်။

❗ဒီနေရာမှာ မှတ်သားစရာက—
ဒီနည်းလမ်းဟာ “အရာရာကုသပေးတဲ့ magic” မဟုတ်ပါဘူး။

ဒါပေမဲ့ စိတ်က လွန်စွာပျံ့လွင့်နေတဲ့အချိန်မှာ အနည်းဆုံး ‘ပြန်တည်ဖို့’ အစပြုရာနည်းလမ်းကောင်းအဖြစ် အသုံးဝင်နိုင်ပါတယ်။

◾အံ့ဩဖို့ကောင်းတာက ဒီလို “ခန္ဓာကိုယ်လှုပ်ရှားမှုအသေးငယ်တစ်ခုနဲ့ စိတ်ကိုပြန်ညှိ” ဆိုတဲ့အမြင်က ခေတ်သစ်ရဲ့ trend လို့ပဲ ထင်ရပေမဲ့ လွန်ခဲ့တဲ့နှစ်ပေါင်း ၂၆၀၀ ကျော်ကတည်းက ဗုဒ္ဓဟောကြားချက်ထဲမှာ အလားတူနည်းစနစ်တစ်ခု ရှိပြီးသားဖြစ်ပါတယ်။

◾မဇ္ဈိမနိကာယ်ထဲက ဝိတက္ကသဏ္ဌာနသုတ် (Vitakkasanthana Sutta, MN 20) မှာ မလိုလားအပ်တဲ့ အတွေးတွေ (အကုသိုလ်အတွေးတွေ) အကြိမ်ကြိမ်ဝင်လာတဲ့အခါ နည်းလမ်းတွေကို အဆင့်ဆင့်အသုံးချပြီး ဖယ်ရှားသင့်ကြောင်း ရှင်းပြထားပြီး၊

နောက်ဆုံးအနေနဲ့ “မဖြစ်မနေ ထိန်းချုပ်ရတဲ့အချိန်” မှာ လုပ်ရမယ့် နည်းလမ်းတစ်ခုအဖြစ် သွားချင်းကြိတ် (အံကိုကြိတ်)၍ လျှာကို အထက်အာခေါင်မှာ ဖိကပ်ထားပြီး “စိတ်ဖြင့် စိတ်ကို နှိမ်နင်း” သလိုမျိုး သတိတရားကို တင်းတင်းကျပ်ကျပ် တင်ခြင်းကို ညွှန်ပြထားပါတယ်။

◾ဒါကို ယနေ့ခေတ်စကားနဲ့ ပြန်ပြောမယ်ဆိုရင် ခန္ဓာကိုယ်ကို တချို့နေရာတွေမှာ တင်းကျပ်စွာ ထိန်းညှိပြီး သတိတရားကို မြှင့်တင်ကာ စိတ်လှုပ်ရှားမှုကို ဖြတ်တောက်ခြင်းလိုမျိုးပါ။

◾Neuroscience ဘက်က “parasympathetic/relaxation response” လို့ ရှင်းပြနိုင်သလို ဗုဒ္ဓနည်းစနစ်ဘက်ကတော့ အနှောင့်အယှက်အတွေးနောက်ကို မလိုက်ဘဲ စိတ်ကို တည်ငြိမ်အောင် ပြန်လုပ်ဖို့ ရည်ရွယ်ထားတဲ့သဘောပါ။

မတူတဲ့ဘာသာစကားနှစ်ခုနဲ့ စိတ်နဲ့ကိုယ် ဆက်နွှယ်မှု (mind–body connection) ကိုတူတူ အလေးထားနေတယ်လို့ မြင်နိုင်ပါတယ်။

◾လက်တွေ့အနေနဲ့ စိတ်က အရမ်းပျံ့လွင့်နေတဲ့အချိန် “အတွေးကို မတွေးနဲ့” လို့ တိုက်ရိုက်တားနေခြင်းထက် လျှာကို အထက်အာခေါင်မှာ အနည်းငယ်ဖိကပ်ထားပြီး အသက်ကို ဖြေးဖြေးနဲ့ ရှည်ရှည်ရှူကြည့်တာမျိုးကို (အနည်းဆုံး ၅–၁၀ ကြိမ်) လုပ်ကြည့်နိုင်ပါတယ်။

ဒီနည်းလမ်းက အရာအားလုံးကို တစ်ခါတည်း ဖြေရှင်းပေးမယ်ဆိုတာထက် တည်ငြိမ်မှုအနည်းငယ်ကို ပြန်ရအောင်စတင်ပေးနိုင်တဲ့ reset လိုမျိုးအဖြစ် မြင်ရင် ပိုသင့်တော်ပါတယ်။

အဲဒီ ၁ မိနစ်လောက်တည်ငြိမ်လာခြင်းကနေပြီး နောက်ထပ် ဆင်ခြင်နိုင်မှု၊ ခွဲခြမ်းနိုင်မှု၊ သတိတရားပြန်တက်လာမှုတွေ စဖြစ်လာတတ်ပါတယ်။

- အရှင်နန္ဒာစာရ -
12.4.2026.

21/04/2026

Guided Mindful Body Scanning Practice (30 minutes) ကို အောက်ပါ Thismoment Zone youtube link ကနေဝင်ရောက်လေ့ကျင့်လို့ရပါပြီ....🧘‍♀️🧘🧘‍♂️

30mins Guided mindful body scanning