03/12/2025
🔵 “OJQ Lobimi për Autizëm” është themeluar nga prindër të fëmijëve me autizëm si përgjigje ndaj
mungesave të mëdha strukturore në ofrimin e shërbimeve dhe mbështetjes në Kosovë.
Ne avokojmë për politika të drejta, mbështetje institucionale dhe qasje në shërbime të specializuara.
Organizata jonë synon të ofrojë shërbime falas për personat me autizëm, me fokus tek identifikimi i
hershëm, zhvillimi, edukimi dhe përgatitja për jetë të pavarur.
Në Kosovë, shumë familje përballen me mungesë të shërbimeve të specializuara për autizmin. Prindërit
shpesh mbesin të vetëm përballë sfidave të përditshme, duke e marrë mbi vete barrën e një sistemi që
nuk ofron mbështetje të mjaftueshme.
Krijimi i kësaj organizate erdhi si domosdoshmëri e situatës reale në vend — sepse asnjë familje nuk
duhet të mbetet e vetme dhe asnjë fëmijë me autizëm nuk duhet të përjashtohet.
Synimi ynë është që çdo fëmijë të marrë mbështetjen që meriton falas, ndërsa familjet të kenë një
sistem funksional ku mund të marrin shërbime profesionale dhe të standardizuara.
Një nga synimet tona kryesore është përfshirja e autizmit si kategori e veçantë në legjislacionin e
Kosovës dhe lehtësimi i procedurave burokratike për të gjitha familjet. Kjo përfshin ndryshimet në
Projekligjin për vlerësimin, njohjen e statusit, përfitimet dhe sherbimet për personat me aftësi të
kufizuar dhe krijimin e një procesi më të qartë, më të shpejtë dhe më të drejtë për vlerësim, përfitime
dhe shërbime. Po ashtu, ne avokojmë për hartimin e Strategjisë Kombëtare të Autizmit, një dokument
shtetëror që do të sigurojë koordinim institucional dhe qasje të standardizuar për mbështetje, arsimim
dhe punësim.
‼️Andaj, ju ftojmë të na bashkangjteni me dhe , dhe t’I ftoni miqtë në faqen Lobimi për Autizëm
