Bashkësia e Tarikateve të Kosovës

04/04/2026

GËZUAR PASHKËT
Vëllazërve dhe motrave tona krishtere,
me të cilit u krijuam nga i njejti njeri,
dhe e ndajmë besimin në Një Zot,
me të cilit do të ringjallemi
në të njejtën Ditë të Gjykimi,
Në Paqe dhe Me Gëzim Ju Dëshirojmë Kremtimin e Festës së Pashkës,
Mirësia dhe Bereqeti Qofshin në Shtëpi tona!

21/03/2026

SULLTAN NEVRUZI
21-24 mars 2026

GËZUAR DRITËN E DITËS SË RE!

KUR DRITA E MBIZOTËRON NATËN,
KUR NEFSIN E VET E MUND NJERIU,
ËSHTË SULLTAN NEVRUZI,
DRITË PËR NE, DATËLINDJA E ALIUT.

ME ZIKR E TUBIME DO E PËRKUJTOJMË
LINDJEN E BOTËKUPTIMIT TË RI,
KUR DRITA E IRFANIT E MUNDI
FENË SA PËR FAQE E SY.

(shiko edhe komentin)

19/03/2026

14/03/2026

NATA E MADHE E KADRIT
PERKUJTOHËT ME 16 MARS 2026
E TË PASTËRTIT E GJEJNË
NË 10 DITËT E FUNDUT
TË MUAJIT RAMAZAN

18/02/2026

Sonte fillon
RAMAZANI 2026

Ramazani është periudha e vitit lunar kur Kurani u zbrit si udhëzim, me prova dhe kritere të qarta.
Qëllimi i agjerimit në muajin e Ramazanit është arritja e takvës dhe mirënjohjes ndaj Zotit të botëve.
Takva është gjendja e brendshme e ndërgjegjes ndaj Zotit dhe arrihet duke e bë një përkujdesje mbi vetën, një vëzhgim i brendshëm, vetpërmbajtje dhe përzgjedhje e së drejtës dhe të ndershmës edhe atëherë kur mund të veprohet ndryshe, sepse kështu jena këshillu.

E për ata që u kapën për Udhëzim,
që e përqafuam Kriteriumet,
që zemrën e hapën për Nur
Zoti thotë:
"
Kur robërit e Mi
të pyesin për Mua,
Unë jam afër.
Unë i përgjigjem thirrësit
kur ai më thërret.
Pra, le të më përgjigjen Mua
dhe le të më besojnë Mua,
në mënyrë që të jenë
në rrugën e drejtë.
"
(Për Takvimin e plotë të Ramazanit 2026, shiko komentin)

16/02/2026

Nga okupimi deri në liri.
pat shum vuajtje dhe mëri,
dhe qe:

18 VITE PAVARËSI!?

Tash mbetet,
pas miqëve rreshtim,
me botën bashkëpunim,
brenda shtëpisë ujdi,
për popullin barazi dhe drejtësi,
ligji mu respektu,
paragjykimet mos me na drejtu,
urrejtja mu harru,
puna me lulëzu,
Pleshta në institucione tona
duhet me kuptu demokracinë
t'mos përhapin diskriminim,
mos me na ngushtu lirinë.
Atëhere shpallja e Pavarësisë
do merr kuptim,
deri atherê duhet me bë
sabër e durim. Nejse ...

GËZUAR DITËN E PAVARËSISË!

01/02/2026

NATA E MADHE E BERATIT
(2 shkurt 2026)

URIME
NATA E BERATIT
UVERTYRA E DERVISHËVE
NË 40 DITËT E INSPIRIMIT

Porta është hapë,
Bekimi zbret,
nga Hiri dhe Mëshira e Perëndisë.
Prej Qiellit
kumbon ftesa,
e afër është Dera e Zotërisë.

Shtëpi tona
janë faltore,
s'ka nevojë
për tempull e xhamî.
Zoti nuk është
nepër godina,
Ai qëndëron në zemër
te çdo njerî.

Kërkoni falje,
kërkoni shpëtim,
Për popull kërkoni,
o ju të Denjë!
Nata e Madhe
ofron mundësi,
lirim nga e liga
që na mbërthen.

MEDET JA HU!

Me ibadete e dua
pendim, e për Zotin përkujtim,
në Teqe tona do të shënohet
hyrja në periudhë
më të lartësuar të vitit.

29/01/2026

15/01/2026

NATA E MADHE E MIRAXHIT
15 JANAR 2026

PËRGËZIME!
NATËN E MADHE
TË MIRAXHIT SIMBOLIN DHE SHEMBULLIN E POTENCIALIT NJERËZOR PËR TË KOMUNIKUAR
ME KRIJUESIN,
ZOTIN E BOTËRAVE.

MIRAXHI ËSHTË HAXHI I DERVISHËVE, UDHËTIMI PËR ATA QË PËR HAKUN KAN MALL. PELEGRINAZHI QË FILLON NGA KJO BOTË HAJAL E DERI TË SIDRA, VENDTAKIMI ME ZOTIN MADHËSHTOR.

KUSH ËSHTË I GATËSHËM PËR MREKULLI, NË KËTË NATË TË MREKULLIVE, FUADI I KUJT TË VËRTETËN NUK DO TA MOHON.
NË KËTË NATË ME ILAHI DHE FIQËR, ME ASHK NË ZEMËR DHE ZIQËR, NË RRUGË TË MBARË DO TË SHKOJ.

JU QOFT RRUGË E MBARË

31/12/2025

GËZUAR FESTËN!

Ne Vitin e Ri 2026
Ju Dëshirojmë:
Shëndet dhe Bereqet në Familje,
Paqe dhe Prosperitet në Shoqëri,
Nur dhe Lumturi në Shpirt!
Të Festojme!
Zoti Është Një!

23/12/2025

NATA E MADHE E REGAIBIT
E ENJTE 25 DHJETOR 2025

Në këtë Natë të Madhe
Qielli Rri i Hapur për të Gjithë,
ELHAMDULILAH !

Me njet të pastër për t'u dëlirë,
në vigjile të Natës së Mirë
me shembullin nga Profeti
do t'lypet nga Hyu himeti.

Nga Qielli do vjen Dhurata,
për ata që falje kërkojnë.
për ata që pendohen,
të mirën për të gjithë shpresojnë.

Ky është çasti i duhur
për Fjalën dhe Udhëzim,
për atë që bekimin e do,
me të zemres ngazëllim.

Kush mundet dhe di
e pret këtë natë në agjërim,
me fiqër dhe duar te hapëta
dhe ziqër pa pushim.

Kështu Zoti do adhurohet,
buzët me Esma e lutje plot,
Ezelin e Kalubelan do e kujtojnë
dervishet me përmallim e lot.

Të mekuren bëhet njeti i agjërimit, e të enjtën pas akshamit me ziqër, ibadete e me lutje do hyjmë në vigjile të Natës së Madhe të Regaibit.

ZOTI YNË, JA ALLAH!
PRANO LUTJEN!
DHURONA UDHËZIM DHE FALJE!
AMIN!

27/11/2025

DITËT E FLAMURIT

Flamuri është shenjë,
nën të cilën mbrohem,
nën të cilën festojmë,
vajtojmë e gëzohem,

Ai tregon mëvetësi,
të kombit liri
dhe dëshirën tonë
me ndërtu mbarësi.

I kombit flamuri,
Fesë nuk i pengon.
Kush pengesa sheh
gabon çka mendon.

Flamuri është shenjë,
si Mëmdheun m'e pa.
Pa Liri vuan Besimi,
e Atdhe pa Besim s'ka.

Pejgamberi është
nga Zoti paralajmërues,
e çdo popull
ka udhërrëfyes.