08/10/2026
Fondacioni Akili shënoi Ditën Ndërkombëtare të Disleksisë në Kosovë me temën: “Arti si gjuhë universale – Perspektiva mbi disleksinë”.
Në kuadër të këtij aktiviteti u zhvillua një panel-diskutim me profesionistë nga fusha të ndryshme, ku u trajtuan sfidat, mundësitë dhe rëndësia e mbështetjes për personat me disleksi.
Mesazhi kryesor ishte i qartë: disleksia nuk e kufizon talentin, kreativitetin dhe potencialin e individit.
Falënderojmë të gjithë panelistët dhe pjesëmarrësit, si dhe Ministrinë e Shëndetësisë, Ministrinë e Arsimit, Shkencës, Teknologjisë dhe Inovacionit, Ambasadën e Francës në Kosovë dhe Institutin Kombëtar të Shëndetësisë Publike të Kosovës për mbështetjen dhe bashkëpunimin e tyre.
Bashkë për një shoqëri më gjithëpërfshirëse!
Fondacioni Akili
