Dardanët

Dardanët Faqja Zyrtare e Tifozëve të Kosovës .

Vashat vazhdojnë të na zbardhin fytyrën. Fitore bindëse ndaj Gjibraltarit për të ecur tutje në fazën e ardhshme. Krenarë...
09/06/2026

Vashat vazhdojnë të na zbardhin fytyrën. Fitore bindëse ndaj Gjibraltarit për të ecur tutje në fazën e ardhshme. Krenarë me to!

Sot, kur bëhen 8 vjet nga ndarja fizike me legjendën tonë Fadil Vokrri, kujtojmë punën, pasionin dhe vullnetin e tij për...
09/06/2026

Sot, kur bëhen 8 vjet nga ndarja fizike me legjendën tonë Fadil Vokrri, kujtojmë punën, pasionin dhe vullnetin e tij për futbollin e Kosovës.

Duke e kujtuar Fadil Vokrrin, kujtojmë edhe të gjitha gjeneratat e sportistave dhe punëtorëve sportiv që kontribuan në ngritjen dhe zhvillimin e futbollit dhe sportit tonë.

FADIL VOKRRI - përgjithmonë në zemrat tona.

Të tronditur me lajmin e vdekjes së Fatjon (Fatmir) Bunjaku, ish-përfaqësues i kombëtares U21, i cili vdiq tragjikisht. ...
07/06/2026

Të tronditur me lajmin e vdekjes së Fatjon (Fatmir) Bunjaku, ish-përfaqësues i kombëtares U21, i cili vdiq tragjikisht. Në këto kohë të rënda, mendja jonë është te familja e tij, me ç’rast urojmë ta gjejnë forcën ta përballojnë këtë dhimbje! Ngushëllimet më të sinqerta!

DITA E KOSOVËSSot, kombëtarja jonë zhvillon ndeshjen e fundit miqësore të grumbullimit të muajit qershor para se të nisë...
07/06/2026

DITA E KOSOVËS

Sot, kombëtarja jonë zhvillon ndeshjen e fundit miqësore të grumbullimit të muajit qershor para se të nisë kampanja kualifikuese e Ligës së Kombeve pas tre muajsh në shtator. Jemi vendës në “Fadil Vokrri” kundër Andorrës, me ndeshjen që fillon në ora 20:00.

Si gjithmonë, ftojmë të gjithë anëtarët e tifogrupit tonë që t’iu drejtohemi tribunës që na përket neve dhe t’i përkrahim djemtë tanë ashtu siç e meritojnë.

Pesha dhe rëndësia e ndeshjeve nuk diskutohen sa herë që në fushën e blertë zbret fanela që simbolizon përfaqësimin tonë si shtet, qytetarët e këtij vendi dhe shqiptarët kudo që ndodhen e krenohen me këtë kombëtare.

Pas ecurisë së mrekullueshme që kemi gëzuar deri tani me rezultate dhe paraqitje, si dhe para ndeshjeve kualifikuese që na presin në vjeshtë, djemtë meritojnë përkrahje të gjithëmbarshme qytetare, qoftë si shenjë mirënjohje për atë që dhanë e po japin, ashtu edhe si shtysë për sfidat e radhës që do t’i kenë para vetes së shpejti, drejt ambicies së re, Euro 2028.

Besa-besë, Kosovë! 🇽🇰

Të dielën mbrëma na pret ndeshja miqësore e radhës dhe e fundit për këtë grumbullim, ku në tempullin “Fadil Vokrri” pres...
03/06/2026

Të dielën mbrëma na pret ndeshja miqësore e radhës dhe e fundit për këtë grumbullim, ku në tempullin “Fadil Vokrri” presim Andorrën, me fillim në ora 20:00.

Nga dita e premte, njoftojmë të gjithë anëtarët tonë që do të fillojë shpërndarja e biletave për sektorin që na përket. Ftojmë që të koordinoheni me përfaqësuesit nëpër qytetet e ndryshme për t’i marrë biletat ose të vini te fanclub-i ynë në Prishtinë.

Si gjithmonë, mezi presim t’i përkrahim djemtë tanë, përfshirë ata që për herë të parë do të debutojnë në Prishtinë me bluzën dardane.

Më i rëndësishëm sesa çdo epitet i ndeshjes apo emër kundërshtari, është përkrahja e djemve tanë, krenarisë së kombit.

Forca Kosova! 🇽🇰

Çdoherë dita më e bukur është kur luan kombëtarja e shtetit tënd, pavarësisht karakterit apo epitetit të ndeshjes, sikur...
31/05/2026

Çdoherë dita më e bukur është kur luan kombëtarja e shtetit tënd, pavarësisht karakterit apo epitetit të ndeshjes, sikur sot, në “Epet Arena” të Pragës kundër Çekisë, në ndeshjen e parë miqësore që e zhvillojmë në këtë grumbullim. Shpresojmë që momentumi pozitiv i djemve tanë të vazhdojë dhe një paraqitje e dinjitetshme sot të na japë vendosmëri, forcë dhe shtysë për sfidat e ngjeshura në vjeshtë që na presin në Ligën e Kombeve.

Besa-besë, Kosovë! 🇽🇰

Me fat Kurban Bajrami të gjithë besimtarëve të fesë islame. Ju sjelltë kjo festë gjithsecilit prej jush shumë mirësi, da...
27/05/2026

Me fat Kurban Bajrami të gjithë besimtarëve të fesë islame.

Ju sjelltë kjo festë gjithsecilit prej jush shumë mirësi, dashuri, shëndet dhe bekim pranë më të dashurve.

Ndeshja e parë miqësore kundër Çekisë po afrohet. Si në çdo ndeshje tjetër, pavarësisht karakterit të saj si miqësore, D...
25/05/2026

Ndeshja e parë miqësore kundër Çekisë po afrohet. Si në çdo ndeshje tjetër, pavarësisht karakterit të saj si miqësore, Dardanët do të jenë pranë Kombetarës së Kosovës. Ftojmë të gjithë ata që kanë bërë anëtarësimin vjetor që të komunikojnë me ne përmes kanaleve zyrtare apo përfaqësuesve tonë, për t’u pajisur me biletë për ndeshjen e 31 majit në udhëtim, në Pragë. Djemtë meritojnë përkrahjen kudo që luajnë dhe sidomos kur dihet se këto janë ndeshjet e fundit para fillimit të ciklit kualifikues të Ligës së Kombeve pas tre muajsh.

Gjithmonë krah teje, Kosovë! 🇽🇰

Çfarë fitore! Urime, luanesha! 🇽🇰 Nuk ka kundërshtare që i ndalë këto vajza heroina. Fitore e jashtëzakonshme kundër Bul...
18/04/2026

Çfarë fitore! Urime, luanesha! 🇽🇰

Nuk ka kundërshtare që i ndalë këto vajza heroina. Fitore e jashtëzakonshme kundër Bullgarisë, e katërta me radhë, duke konfirmuar sërish epitetin e lideres së Grupit C2. Kupa e Botës më shumë se ëndërr tashmë. Presim në konakun tonë Kroacinë në qershor për ta vulosur sigurimin e play off-it. 👏

Të gjitha rrugët nesër çojnë drejt Prishtinës, aty ky Kombëtarja e Kosovës në konkurrencën e vajzave ndeshet kundër Bull...
17/04/2026

Të gjitha rrugët nesër çojnë drejt Prishtinës, aty ky Kombëtarja e Kosovës në konkurrencën e vajzave ndeshet kundër Bullgarisë me fillim në ora 18:00, në stadiumin “Fadil Vokrri”.

Ftojmë të gjithë anëtarët e tifogrupit tonë që të vijnë në përkrahje të Dardaneve, të cilat janë rrugës së mirë drejt sukseseve kulminante, qoftë si plasmani në Ligën B të Ligës së Kombeve, ashtu edhe si sigurimi i play off-it për kualifikim në Botëror, që mbetet ëndrra e madhe për t’u realizuar.

Për t’iu afruar këtyre synimeve, një fitore e radhës ndaj Bullgarisë është jetike, pasi do ta përforconte vendin e parë në Grupin C2.

Prandaj Dardanet gjatë ditës së nesërme meritojnë përkrahjen e gjithsecilit prej nesh, pa hezitim.

Përpara Kosova! 🇽🇰

Address

Rr. Enver Zymberi, Prishtinë 10000
Prishtinë
10000PRISHTINË

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00
Saturday 08:00 - 17:00
Sunday 08:00 - 17:00

Telephone

+38343766766

Website

Alerts

Be the first to know and let us send you an email when Dardanët posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Dardanët:

Shortcuts

Share

Category