Qendra e Kujdesit Ditor - PEMA

Qendra e Kujdesit Ditor - PEMA Kjo është faqja zyrtare e Qendrës së Kujdesit Ditor PEMA, përmes së cilës ju mund të informoheni rreth aktiviteteve dhe të rejave më të fundit të qendrës.

Qendra e Kujdesit Ditor - PEMA është organizatë jo qeveritare e cila synon bashkëpunimin e mirëfilltë me partnerë ndërkombëtar dhe vendor, institucione qeveritare dhe të shoqërisë civile me qëllim që të përkrah dhe të asistojë në zhvillimin dhe avancimin e shërbimeve sociale të bazuara në komunitet për fëmijë me aftësi të kufizuara si dhe fëmijë nga kategoritë tjera të cenuara, dhe familjet e tyre. PEMA ofron:

• Shërbime psikosociale/rehabilituese dhe këshilluese për fëmijë me aftësi të kufizuara dhe fëmijë nga kategoritë e tjera të cenuara përmes Qendrave të Kujdesit Ditor.

• Këshillime psikologjike për prindër/kujdestarë të fëmijëve në nevojë;

• Vetëdijësimin dhe fuqizimin e prindërve për të avokuar dhe lobuar për të drejtat e fëmijëve;

• Organizimin e tryezave të rrumbullakëta, seminareve dhe konferencave që adresojnë nevojat dhe të drejtat e fëmijëve nga kategoritë e cenuara;

• Krijimin e hapësirave për zhvillimin e praktikave më të mira në fushën e ofrimit të shërbimeve për fëmijë;

• Monitorimin e zbatimit të ligjieve dhe politikave kombëtare për fëmijët;

• Senzibilizimin dhe mobilizimin e autoriteteve shtetërore relevante në nivel lokal dhe nacional, sensibilizimin e ofruesve të shërbimeve dhe të aktorëve të tjerë në çështjet e mbrojtjes dhe të drejtave të fëmijëve;

• Rritjen e vetëdijësimit tek opinioni i gjerë për çështjet e mbrojtjës së fëmijëve pa dallim;

• Rritjen e pjesmarrjes së fëmijëve dhe të gjitha grupeve që janë më të ekspozuara ndaj shkeljes së të drejtave të fëmijëve. PEMA ka krijuar dhe zhvilluar katër qendra të specializuara ditore në katër komuna të Kosovës (Prizren, Pejë, Ferizaj dhe Gjilan). Adresat:

Zyra menaxhuese në Prishtinë:
Rruga Tirana Blloku A6, Hyrja B5 Nr.18
Numri kontaktues: +383 44 491 623

Qendra e Kujdesit Ditor - PEMA në Prizren:
Rruga Engjëll Berisha – QMF Nr.1
Numri kontaktues: 048-656-065

Qendra e Kujdesit Ditor - PEMA në Pejë:
Rruga Filip Shiroka, pa numër
Numri kontaktues: 048-656-066

Qendra e Kujdesit Ditor - PEMA në Ferizaj:
Rruga Driton Islami - Llamella B 03, Nr.1
Numri kontaktues: 048-656-067

Qendra e Kujdesit Ditor - PEMA në Gjilan:
Ruga 7 Shtatori, nr.2
Numri kontaktues: 048-656-068

Shëndeti mendor fillon me kujdesin dhe mbështetjen – Sesion informues me prindërit në PEMAMe rastin e Ditës Botërore të ...
09/10/2026

Shëndeti mendor fillon me kujdesin dhe mbështetjen – Sesion informues me prindërit në PEMA

Me rastin e Ditës Botërore të Shëndetit Mendor, e cila shënohet më 10 tetor, në Qendrën e Kujdesit Ditor – PEMA në Gjilan u mbajt një sesion informues për prindërit e fëmijëve të qendrës. Sesioni u udhëhoq nga psikologët klinikë Besnik Sherifi dhe Bujar Shabani, nga Qendra Labirint.

Gjatë sesionit, prindërit u informuan mbi rëndësinë e shëndetit mendor, ndikimin e tij në jetën e individit dhe në dinamikat familjare, si dhe mënyrat e përballimit të stresit dhe sfidave emocionale në përditshmëri.

Vëmendje e veçantë iu kushtua kujdesit për shëndetin mendor të prindërve, rëndësisë së mbështetjes emocionale dhe krijimit të një mjedisi të shëndetshëm e mbështetës për fëmijët.

Përmes këtij aktiviteti, synohet të rritet ndërgjegjësimi i prindërve për rëndësinë e shëndetit mendor dhe të promovohet kujdesi, mirëkuptimi dhe mbështetja emocionale si pjesë e rëndësishme e mirëqenies familjare.

Qendra e Kujdesit Ditor – PEMA në aktivitetin për Ditën Botërore të ShikimitMe rastin e 8 Tetorit – Ditës Botërore të Sh...
08/10/2026

Qendra e Kujdesit Ditor – PEMA në aktivitetin për Ditën Botërore të Shikimit

Me rastin e 8 Tetorit – Ditës Botërore të Shikimit, Qendra e Kujdesit Ditor – PEMA mori pjesë në aktivitetin e organizuar nga Asociacioni i të Sëmurëve nga Diabeti në Pejë (ASDP), në sheshin e qytetit të Pejës.

Gjatë aktivitetit u realizuan kontrolle oftalmologjike, si dhe m***e të tensionit arterial dhe nivelit të sheqerit në gjak, me qëllim të informimit dhe identifikimit të hershëm të rasteve që kërkojnë vlerësim të mëtejshëm shëndetësor.

Përfaqësuesit e Qendrës PEMA iu bashkuan këtij aktiviteti, duke kontribuar në mbështetjen e nismave që promovojnë kujdesin dhe ndërgjegjësimin për shëndetin në komunitet.

Falënderojmë ASDP-në për ftesën dhe organizimin, si dhe të gjithë profesionistët, organizatat dhe pjesëmarrësit për kontributin në realizimin e këtij aktiviteti.

SESION INFORMUES: ROLI I ASISTENTIT NË MBËSHTETJEN PEDAGOGJIKE DHE PËRFSHIRJEN E FËMIJËVENë Qendrën e Kujdesit Ditor – P...
02/10/2026

SESION INFORMUES: ROLI I ASISTENTIT NË MBËSHTETJEN PEDAGOGJIKE DHE PËRFSHIRJEN E FËMIJËVE

Në Qendrën e Kujdesit Ditor – PEMA në Ferizaj u realizua një sesion informues me temën “Roli i asistentit në mbështetjen e fëmijëve me nevoja të veçanta dhe bashkëpunimi me prindërit”.

Sesioni u udhëhoq nga Pedagogu Special Burim Sylejmani, i cili ndau informacione profesionale dhe praktike mbi rolin e asistentit në mbështetjen e fëmijëve, si dhe rëndësinë e bashkëpunimit të vazhdueshëm me prindërit.

Përmes këtij sesioni, prindërit patën mundësi të marrin informacione të sakta dhe të zbatueshme në praktikë, duke kontribuar në forcimin e mbështetjes dhe bashkëpunimit rreth fëmijëve.

NJOHIM PROFESIONET, ZBULOJMË MUNDËSITËTË RINJTË NGA PEMA VIZITOJNË QENDRËN E AFTËSIMIT PROFESIONAL NË GJILANQendra e Kuj...
02/10/2026

NJOHIM PROFESIONET, ZBULOJMË MUNDËSITË
TË RINJTË NGA PEMA VIZITOJNË QENDRËN E AFTËSIMIT PROFESIONAL NË GJILAN

Qendra e Kujdesit Ditor – PEMA, së bashku me fëmijët e qendrës, realizoi një vizitë në Qendrën e Aftësimit Profesional (QAP) në Gjilan, me qëllim njohjen nga afër me programet e aftësimit profesional, mundësitë për zhvillimin e shkathtësive praktike dhe perspektivat për integrim në tregun e punës.

Gjatë vizitës, fëmijët u njohën me profilet dhe drejtimet profesionale që ofrohen nga QAP, përfshirë rrobaqepësinë, kuzhinën, kontabilitetin, dizajnin grafik, saldimin dhe zdrukthtarinë, si dhe me mundësitë për zhvillimin e njohurive dhe shkathtësive përmes punës praktike.

Në kuadër të takimit me drejtorin e QAP-së, z. Mujedin Zylfijaj, u diskutuan mundësitë për bashkëpunim ndërmjet QAP-së dhe PEMA-s, me fokus në krijimin e mundësive të përshtatshme për përfshirjen dhe integrimin e të rinjve me aftësi të kufizuara në programet e aftësimit profesional.

Z. Zylfijaj shprehu gatishmërinë për bashkëpunim dhe mbështetje në funksion të krijimit të mundësive të reja për zhvillimin profesional dhe fuqizimin e të rinjve të PEMA-s.

NATYRA SI HAPËSIRË PËR LOJË, SHOQËRI DHE GËZIMFëmijët e Qendrës së Kujdesit Ditor - PEMA kaluan një ditë të bukur në Par...
30/09/2026

NATYRA SI HAPËSIRË PËR LOJË, SHOQËRI DHE GËZIM

Fëmijët e Qendrës së Kujdesit Ditor - PEMA kaluan një ditë të bukur në Parkun Karagaq, ku zhvilluan aktivitete në natyrë dhe shijuan një piknik të përbashkët me prindërit dhe stafin e PEMA-s.

Përmes lojërave, bashkëpunimit dhe kohës së kaluar së bashku, kjo ditë solli momente të bukura, argëtim dhe afërsi mes fëmijëve, prindërve dhe stafit të qendrës.

SESION INFORMUES PËR KUJDESIN DHE SHËNDETIN E GRUASNë Qendrën e Kujdesit Ditor – PEMA në Gjilan u realizua një sesion in...
29/09/2026

SESION INFORMUES PËR KUJDESIN DHE SHËNDETIN E GRUAS

Në Qendrën e Kujdesit Ditor – PEMA në Gjilan u realizua një sesion informues për prindërit, në bashkëpunim me gjinekologen Dr. Shqipe Presheva nga Reparti i Gjinekologjisë në Spitalin Regjional të Gjilanit, me temën “Shëndeti gjinekologjik i grave dhe vajzave”.

Gjatë sesionit u trajtuan çështje të rëndësishme lidhur me higjienën intime, ciklin menstrual, ndryshimet gjatë pubertetit, infeksionet gjinekologjike, shenjat që kërkojnë konsultim profesional dhe rëndësinë e kontrolleve të rregullta. Vëmendje e veçantë iu kushtua rolit të prindërve në mbështetjen e vajzave gjatë pubertetit, përmes komunikimit të hapur dhe krijimit të një mjedisi të sigurt e mbështetës.

Prindërit patën mundësi të parashtrojnë pyetje dhe të marrin këshilla profesionale lidhur me shqetësime të ndryshme. Sesioni kontribuoi në rritjen e informimit dhe ndërgjegjësimit për kujdesin dhe parandalimin në kohë të problemeve të shëndetit gjinekologjik.

BASHKËPUNIM PËR MUNDËSI TË REJA PËR TË RINJTË ME AFTËSI TË KUFIZUARAQendra e Kujdesit Ditor – PEMA në Gjilan, së bashku ...
28/09/2026

BASHKËPUNIM PËR MUNDËSI TË REJA PËR TË RINJTË ME AFTËSI TË KUFIZUARA

Qendra e Kujdesit Ditor – PEMA në Gjilan, së bashku me fëmijët e qendrës, realizoi një vizitë në Entin e Punësimit, në kuadër të bashkëpunimit dhe mbështetjes për integrimin e të rinjve me aftësi të kufizuara në tregun e punës.

Gjatë vizitës u zhvillua një takim me drejtorin e Entit të Punësimit, z. Petrit Vokshi, ku u diskutua për bashkëpunimin ndërmjet institucioneve, mundësitë për përfshirjen e të rinjve me aftësi të kufizuara në punë praktike dhe mundësitë për bashkëpunim edhe në të ardhmen.

Gjatë vizitës, Bleona, njëra nga fëmijët e QENDRËS SË KUJDESIT DITOR – PEMA, e cila është duke zhvilluar praktikën në Entin e Punësimit, na priti së bashku me kolegët e saj. Ata kishin përgatitur një prezantim të shkurtër mbi punën, shërbimet dhe aktivitetet e Entit të Punësimit. Në shenjë mikpritjeje dhe kujdesi, ata kishin përgatitur edhe dhurata me ëmbëlsira për fëmijët.

Vizita u vlerësua si një mundësi e mirë për forcimin e bashkëpunimit dhe krijimin e mundësive të reja për përfshirjen dhe fuqizimin e të rinjve me aftësi të kufizuara në jetën profesionale dhe shoqërore.

PROMOVIMI I PËRFSHIRJES PËRMES BASHKËPUNIMITQendrën e Kujdesit Ditor – PEMA në Gjilan e vizituan nxënësit e Hello Academ...
28/09/2026

PROMOVIMI I PËRFSHIRJES PËRMES BASHKËPUNIMIT

Qendrën e Kujdesit Ditor – PEMA në Gjilan e vizituan nxënësit e Hello Academy, me iniciativën e mësueses Vlora Berisha. Me këtë rast, nxënësit kishin përgatitur kartolina të dedikuara për fëmijët e PEMA-s, të cilat ua dhuruan gjatë vizitës, duke shprehur edhe dëshirën për t’i takuar dhe për të kaluar kohë së bashku.

Gjatë vizitës, fëmijët e Hello Academy dhe fëmijët e PEMA-s patën mundësi të bashkëveprojnë dhe të marrin pjesë në aktivitetet që po zhvilloheshin në qendër. Takimi krijoi një hapësirë të ngrohtë për komunikim, socializim dhe ndërveprim mes tyre.

Në kuadër të vizitës, koordinatorja e Qendrës PEMA i njoftoi nxënësit dhe mësuesen Vlora Berisha me punën e qendrës, shërbimet që ofrohen dhe aktivitetet që realizohen me fëmijët gjatë vitit.

Kjo vizitë kontribuoi në promovimin e përfshirjes, pranimit dhe bashkëpunimit, duke përcjellë një mesazh të rëndësishëm solidariteti dhe respekti për çdo fëmijë.

SESION INFORMUES PËR RËNDËSINË E KUJDESIT ORAL TE FËMIJËTNë Qendrën e Kujdesit Ditor – PEMA në Pejë u realizua një sesio...
22/09/2026

SESION INFORMUES PËR RËNDËSINË E KUJDESIT ORAL TE FËMIJËT

Në Qendrën e Kujdesit Ditor – PEMA në Pejë u realizua një sesion informues me prindër, me fokus rëndësinë e kujdesit dhe higjienës orale te fëmijët.

Gjatë këtij sesioni, stomatologia Dorina Mema Kelmendi ndau informacione dhe udhëzime praktike lidhur me kujdesin e përditshëm oral, ruajtjen e shëndetit të dhëmbëve dhe rëndësinë e kontrolleve të rregullta stomatologjike.

Në kuadër të aktivitetit, prindërve iu ofruan materiale informuese me këshilla të dobishme për kujdesin oral të fëmijëve, ndërsa për fëmijët u përgatitën dhurata dhe materiale edukative të dedikuara për promovimin e higjienës orale.

Gjithashtu, stomatologia Dorina Mema Kelmendi ofroi mundësinë për realizimin e vizitave dhe kontrolleve stomatologjike për të gjithë fëmijët e Qendrës, në ordinancën e saj.

PEMA shpreh mirënjohjen për Dorina Mema Kelmendi për kontributin, përkushtimin dhe mbështetjen e ofruar për fëmijët dhe familjet e Qendrës, duke kontribuar në promovimin e kujdesit të duhur oral që në moshë të hershme.

SESION INFORMUES ME OFTALMOLOGUN: KUJDESI PËR SYTË FILLON ME INFORMIMINNë Qendrën e Kujdesit Ditor - PEMA në Ferizaj u z...
17/09/2026

SESION INFORMUES ME OFTALMOLOGUN: KUJDESI PËR SYTË FILLON ME INFORMIMIN

Në Qendrën e Kujdesit Ditor - PEMA në Ferizaj u zhvillua një sesion informues me oftalmologun Dr. Ardi Hakiu, me fokus në shëndetin e syve dhe problemet oftalmologjike që mund të shfaqen tek fëmijët.

Gjatë sesionit, Dr. Ardi ndau informacione të rëndësishme rreth sëmundjeve dhe problemeve të ndryshme të syve, shenjave të hershme që prindërit mund t’i vërejnë tek fëmijët, si dhe rëndësisë së kontrolleve të rregullta oftalmologjike.

Prindërit patën mundësi të parashtrojnë pyetje dhe të marrin këshilla profesionale për kujdesin ndaj shëndetit të syve të fëmijëve.

Në kuadër të këtij bashkëpunimi, Dr. Ardi Hakiu ofroi kontrolle oftalmologjike falas për fëmijët, prindërit dhe stafin e Qendrës PEMA, duke kontribuar në promovimin e kujdesit dhe parandalimit të problemeve të shikimit.

Address

Rruga: Tirana, Blloku A6, Hyrja B5 Nr. 18
Prishtinë
10000

Telephone

+38344491623

Website

Alerts

Be the first to know and let us send you an email when Qendra e Kujdesit Ditor - PEMA posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Qendra e Kujdesit Ditor - PEMA:

Shortcuts

Share