13/07/2026
NJOFTIM MORTOR
Me dhimbje të thellë morëm lajmin për ndarjen nga jeta të veteranit të Ushtrisë Çlirimtare të Kosovës, Jupë Krasniqi, nga fshati Tërpezë e Poshtme, Komuna e Malishevës.
I ndjeri ishte luftëtar i lirisë dhe shërbeu me nder në Brigadën 122 “Imer Krasniqi”, në detyrën e komandantit të togut, duke dhënë kontribut të çmuar në luftën për çlirimin e Kosovës.
Jupë Krasniqi do të kujtohet gjithmonë si njeri i ndershëm, trim, i përkushtuar dhe atdhetar, që me veprën e tij la gjurmë të pashlyeshme në shërbim të lirisë dhe të vendit.
Në këto çaste zie, u shprehim ngushëllimet më të sinqerta familjes Krasniqi, të afërmve, bashkëluftëtarëve dhe të gjithë miqve e dashamirëve.
Lavdi e përjetshme jetës dhe veprës së tij!
I qoftë i lehtë dheu i Kosovës dhe i përjetshëm kujtimi për luftëtarin e lirisë.
Për kohën dhe vendin e ceremonisë së varrimit do të njoftoheni me kohë.
