Shoqata Shqiptaro-Amerikane Skenderbej Inc.

03/17/2026

https://www.facebook.com/share/p/18zWyStffV/

03/15/2026

Shoqata shqiptaro-amerikane “Skënderbej” Inc. promovon romanin “Brenga” të Dr. Pashko Camaj

Luljeta Xhediku

Në një ndër libraritë më të reja të Brooklyn-it “Ryder library”, të shtunën e 14 marsit, kryesia e shoqatës shqiptaro-amerikane “Skënderbej” Inc., organizoi promovimin e romanit “Brenga” të autorit Dr.Pashko Camaj. Në këtë takim së bashku me autorin Dr. Pashko Camaj, morën pjesë anëtarë të shoqatës shqiptaro-amerikane “Skënderbej”, simpatizantë të saj dhe dashamirës të librit. Ishte i pranishëm edhe drejtori dhe themeluesi i shtëpisë botuese “Onufri” z. Bujar Hudhri. Z.Hudhri ka qenë një nga bashkëpunëtorët më të ngushtë të shkrimtarit tonë të madh, të ndjerit Ismail Kadare, dhe botues ekskluziv i veprave të tij. Z. Hudhri ka dhënë një kontribut të
pazëvendësueshëm jo vetëm në botimin e letërsisë shqipe, por edhe në forcimin e marrëdhënieve me letërsinë ndërkombëtare, përmes përkthimit dhe botimit në shqip të veprave të rëndësishme të autorëve të huaj. Një ndër kontributet më të rëndësishme i z.Bujar Hudhri është edhe krijimi i librarisë shqiptare online të emëruar “Alblibris”, në bashkëpunim me komunitetin shqiptar dhe veçanërisht me Dr. Pashko Camaj. Kjo librari është krijuar posaçërisht për shqiptarët që jetojnë në Shtetet e Bashkuara të Amerikës, dhe lexuesi shqiptar mund të gjejë aty libra të ndryshëm, në gjuhën shqipe dhe të huaj. Libraria u vu në përdorim më 28 janar 2026, në përvjetorin e nëntëdhjetë të lindjes së gjeniut të letrave shqipe, Ismail Kadare.
Romani “Brenga” vjen pas librit të parë autobiografik “Porosia e Kullës”. Autori Pashko Camaj sjell për lexuesin një roman të dedikuar të gjithë atyre që mbetën viktima të një regjimi të egër totalitar të komunizmit në Shqipëri. Romani “Brenga”, i botuar nga shtëpia botuese “Onufri”, përshkruan historinë e dy të rinjve Markut dhe Toninit, ku Tonini arrin të arratiset nga Shqipëria gjatë sistemit të diktaturës dhe Marku për shkak se një natë më parë ishte takuar me shokun e tij, vuan pasojat, përndiqet, internohet dhe burgoset nga regjimi komunist i asaj kohe. Tonini arrin të vijë në tokën e ëndrrave, me një brengë që e shoqëron gjatë gjithë kohës. Autori edhe pse vetë me prejardhje nga Mali i Zi, nuk e ka jetuar plotësisht diktaturën komuniste ka arritur ta përshkruajë më së miri realitetin e asaj kohe. Grupi i punës e kishte ndarë romanin në 17 kapituj, dhe secili referues kishte zgjedhur kapitullin që e kishte tërhequr më shumë, dhe për të cilin do të fliste për përmbajtjen, idetë dhe qëllimin e autorit. Takimin e hapi znj. Alketa Veshi, e cila pasi i falënderoi pjesëmarrësit, i dha fjalën e rastit, kryetarit të shoqatës shqiptaro-amerikane “Skënderbej” Inc. z.Imer Laçaj. Ai falënderoi të pranishmit dhe veçanërisht Dr. Pashko Camaj për pasqyrimin që i ka bërë realitetit të kohës komuniste dhe gjithashtu e përgëzoi për mesazhet që autori përcjell në këtë libër. Pas fjalës së rastit, fjalën e mori nënkryetari i shoqatës z. Lekë Preçi, i cili foli për kapitullin “Qetësi para stuhisë”, Arta Xhaferri diskutoi për kapitullin “Arrestimi i babait dhe internimi”. Z. Imer Laçaj u ndal për të folur rreth kapitullit “Shërbimi në ushtri”. Z.Robert Dajlani foli për kapitullin “Fillimi i makthit”. Znj. Alketa Veshi komentoi rreth kapitullit “Dezertimi nga kampi”. Z. Elton Xhaferri foli për kapitullin “Kalimi drejt lirisë”. Znj. Adelina Laçaj kishte përgatitur një prezantim në Power Point rreth kapitullit “Në botën e lirisë”. Më e reja e këtij takimi ishte nxënësja Erla Lamçe, e cila u shpreh se ky libër e bëri të kuptonte më mirë historinë për sa i përket regjimit diktatorial në Shqipëri. Luljeta Xhediku diskutoi rreth kapitullit të fundit në “Pemën e Gështenjës”. Anëtarët e shoqatës “Skënderbej” Inc jo vetëm folën e diskutuan për vlerat dhe mesazhet që romani “Brenga” përcjell, të cilat po i lëmë që vetë lexuesi t’i zbulojë, por ata ndanë edhe dëshmi nga jeta e tyre për sa i përket periudhës së komunizmit në Shqipëri që do të thotë secili prej tyre gjeti një pjesë të së shkuarës në këtë roman të Dr. Camaj. Dr. Camaj u emocionua teksa dëgjoi me kujdes të gjitha komentet që u bënë dhe falënderoi me thjeshtësinë që e karakterizon pjesëmarrësit. Gjithashtu, drejtori i shtëpisë botuese “Onufri” përgëzoi jo vetëm autorin, por edhe të gjithë anëtarët që me gjithë vrullin që ka jeta amerikane gjejnë kohë të vijnë dhe të diskutojnë rreth librit dhe krijimtarisë së Dr. Pashko Camaj. Drejtori i shtëpisë botuese, Bujar Hurdhri, dhe Dr. Pashko Camaj prezantuan gjithashtu librarinë online “Alblibris”, ku të gjithë shqiptarët që jetojnë në SHBA mund të porosisin libra online dhe libri u vjen në shtëpi. Pasditja që anëtarët kaluan së bashku duke diskutuar rreth librit ishte një pasdite e këndshme dhe ndryshe nga të tjerat. Shoqata shqiptaro-amerikane “Skënderbej” Inc. i uron suksese më tej Dr. Pashko Camajt.

03/10/2026

03/10/2026

Lamtumire Koçi Tahiri, Pishtar i Demokracisë

Sot morëm lajmin e trishtuar për ndarjen nga jeta të Koçi Tahirit, pishtarit të demokracisë, mikut dhe përkrahësit të devotshëm të Shoqatës Shqiptaro-Amerikane “Skënderbej” Inc.
Koçi Tahiri ishte kryetar i shoqatës atdhetare “Besëlidhja Gorare 1906” . Nën drejtimin e tij, u botua gazeta “Besëlidhja Gorare 1906” me qarkullim në Shqipëri. Ai bashkëpunoi ngushtë me shoqatën Shqiptaro-Amerikane Skenderbej, Inc. dhe mori pjesë në disa aktivitete të organizuara nga kryesia e saj ne New York.
Në tetor të vitit 2022, Shoqata Shqiptaro-Amerikane “Skënderbej” Inc., në bashkëpunim me shoqatën
“Besëlidhja Gorare 1906”, organizoi shfaqjen e filmit dokumentar “Kapedanët e Gorës”, në Manhattan, New York. Ky film, u drejtua dhe sponsorizua prej tij.
Në nëntor të vitit 2023, u organizua një tjetër aktivitet i përbashkët i Federatës Pan-Shqiptare “Vatra” dhe Shoqatës Shqiptaro-Amerikane “Skënderbej” Inc. në të cilin, u dorëzuan 20 libra të shkruara prej tij, për bibliotekën e Federatës Pan-Shqiptare “Vatra”, të NY.
Jeta
Koçi Tahiri punoi në minierat e Bulqizës dhe Batër të Martanesh*t gjate viteve 1967-1990.
Me fillimin e proçeseve demokratike në Shqiperi, viti 1990, Koçi Tahiri, u bë përkrahës dhe mbeshtetës i devotshëm i tyre. Ai ishte një nga drejtuesit kryesorë të lëvizjes sindikaliste të Shqipërisë, fillimisht në Sindikatën e Minierave, e më pas në atë të Bujqësisë, në shkallë vendi.
Gjatë viteve 1990–1994, ai drejtoi Sindikatën e Pavarur të Bujqësisë Shqiptare dhe organizata te tjera si: Sindikatën e Bujqve Privatë të Shqipërisë, organizatën e fermerëve të bujqësisë shqiptare, Partinë “Lidhja Fshatare”, Partinë “Demokracia e Re Evropiane Shqiptare” etj.
Në vitet 1988–1990 Koçi u zgjodh Sekretar i Këshillit Koordinues për Kosovën. Në kuadrin e 10-vjetorit të Çlirimit të Kosovës, në vitin 2009, ai u nderua me certifikatën e mirënjohjes, nga Këshilli Koordinues për Çlirimin e Kosovës.
Në vitin 2015, Koçi Tahiri u vlerësua si “Misionar i Paqes” nga Misioni Amerikan i Paqes, i akredituar pranë Organizatës së Kombeve të Bashkuara, SHBA, BE dhe NATO’s.
Më 7 janar 2016, Koci Tahiri, u nderua me titullin “Doktor i Shkencave Sociale (Human Excellence)” nga Akademia Universale e Paqes Globale në New York. Në vitin 2016, ai mori titullin honorifik “Doktor i Shkencave Politike – Honoris Causa”, akorduar nga Universiteti Katolik, shteti i Floridës në SHBA.
Koçi Tahiri, është autor i 22 librave me tematikë sindikaliste, historike, patriotike dhe politike. Më 20 mars 2017, me dekretin nr. 10088, Presidenti i Republikës e dekoroi, Koçi Tahirin, me dekoratën e lartë “Pishtari i Demokracisë së viteve 1990” me motivacion: “Në shenjë vlerësimi dhe mirënjohjeje për sakrificat, përpjekjet e pandërprera dhe rezistencën pa kompromis kundër diktaturës komuniste si edhe për drejtimin e sindikatave të Shqipërisë”.
Zoti Koçi Tahiri ka qenë gjithashtu deputet i Kuvendit të Republikës së Shqipërisë, gjatë legjislaturës 2017–2021.
Shoqata Shqiptaro-Amerikane “Skënderbej” Inc., me 23 Tetor, 2023, i ka dorëzuar Koçi Tahirit Certifikatën e Mirënjohjes me motivacion: Për kontribut të shquar patriotik në evidentimin, ruajtjen dhe promovimin e vlerave historike dhe kulturore të popullit tonë.
Koçi Tahiri, i dha lamtumirën e fundit familjes së tij të dashur, shoqërisë dhe miqve të tij. Ai do të mbetet i paharruar për të gjithë ne, përmes kujtimeve, takimeve, urtësinë së fjalëve dhe këshillave të vyera.
I përjetshëm qoftë kujtimi i pishtarit të demokracisë, Koçi Tahiri!
U prehsh në paqe!
Kryetari i Shoqatës Shqiptaro-Amerikane “Skënderbej” Inc.
Imer Lacaj,
Staten Island, NY,
9 Mars, 2026

03/07/2026

02/08/2026

Me rastin e 18 vjetorit të shpalljes së Pavarësisë së Kosovës, Shoqata Amerikane Shqiptare Kosova organizoi darkën festive, Gala Night, në restorantin Vanderbilt, Staten Island. Aktiviteti mblodhi së bashku përfaqësues të komunitetit shqiptar, miq dhe mbështetës të çështjes kombëtare.
Ishte kënaqësi dhe nder i veçantë që, së bashku me një grup anëtarësh të Shoqatës Shqiptaro Amerikane “Skënderbej”, të merrnim pjesë në këtë mbrëmje festive dhe përkujtimore.
Mbrëmja u karakterizua nga një atmosferë e ngrohtë dhe thellësisht emocionale, e mbushur me ndjenjë krenarie dhe respekti për sakrificat dhe rrugëtimin historik të popullit shqiptar të Kosovës, drejt lirisë dhe shtetësisë. Programi artistik, i pasur me muzikë dhe këngë nga të gjitha trevat shqiptare, krijoi një frymë të fuqishme bashkimi duke theksuar forcën e kulturës dhe identitetit tonë kombëtar.
Ngjarje të tilla forcojnë lidhjet brenda diasporës shqiptare dhe shërbejnë si një kujtesë e rëndësishme për nderimin e historisë sonë, si dhe për angazhimin e vazhdueshëm në mbështetje të vlerave kombëtare.
Gëzuar Kosovë dhe gjithe Kombit Shqiptar!

02/03/2026

Pllakatë Mirënjohjeje për Shoqatën Shqiptaro-Amerikane “Skenderbej” Inc.
Më datë 1 shkurt 2026, në The Historic Old Bermuda Inn, ne Staten Island, Shoqata Ulqini organizoi një konference, me rastin e 4-vjetorit të themelimit të saj. Me këtë rast, Kryetari i Shoqatës Shqiptare Americane Ulqini, z. Dzemal Lanica, i dorëzoi Kryetarit të Shoqatës Shqiptaro-Amerikane “Skënderbej”, z. Imer Laçaj, një Pllakatë Mirënjohjeje për kontributin e dhënë në komunitetin shqiptar.
Në emër të Shoqatës Shqiptaro-Amerikane “Skenderbej” dhe në emrin tim personal, përcjell urimet më të përzemërta me rastin e 4-vjetorit të themelimit të Shoqatës Ulqini. Ju urojmë që ky përvjetor të pasohet nga shumë të tjerë, me suksese të vazhdueshme dhe veprimtari të frytshme në shërbim të ruajtjes së traditave dhe identitetit kombëtar shqiptar, dhe trashegimin tek brezat e rinj.
Shprehim mirënjohjen tonë të sinqertë ndaj Shoqatës Shqiptare Americane Ulqini dhe veçanërisht ndaj Presidentit të saj, z. Dzemal Lanica, për angazhimin dhe kontributin e çmuar në shërbim të komunitetit shqiptar në Nju Jork dhe më gjerë. Shoqata Ulqini përfaqëson një vlerë të rëndësishme për mërgatën shqiptare, duke bashkëpunuar në mënyrë të ngushtë me organizata të tjera në funksion të çështjeve dhe interesave kombëtare shqiptare.Gjithashtu i urojme suksese të metejshme Kryetarit të shoqatës Ulqini z. Dzhemal Lanica per Ri-zgjedhjen e tij për një mandat tjeter 4 Vjeçar, në drejtimin e kësaj shoqate.
Urime dhe gëzuar 4-vjetorin e Shoqatës Ulqini. Ju urojmë suksese dhe arritje të reja në të ardhmen.
Me respekt,
Kryetari i Shoqatës Shqiptaro-Amerikane “Skenderbej” Inc.
Imer Laçaj

12/21/2025

Dhurata, buzëqeshje dhe urime në shkollën shqipe “Skënderbej”

Nga Juljana Latifi

Ndodhemi në prag të festave të fundvitit, ku njerëzit në mbarë botën përgatiten për një
atmosferë sa më të bukur dhe të ngrohtë nën shoqërinë e njëri-tjetrit. Gjatë këtyre
ditëve ata mblidhen me familjarët dhe miqtë e tyre për të festuar, për të shkëmbyer
dhurata, për të ndarë momente të lumtura, por mbi të gjitha për të reflektuar mbi vitin që
lamë pas. Emigrantët janë ajo pjesë e shoqërisë, ku jo të gjithë e kanë mundësinë të
festojnë me familjarët e tyre, ndaj për ta bërë sa më të ngrohtë dhe festive këtë
periudhë, Bordi i Shkolles Shqipe “Skëndebej” organizoi një event festiv me dhurata,
punime dore me temë festash dhe urime të ngrohta me njëri-tjetrin.
Aktiviteti nisi me punime dore nga nxënësit e shkollës, përfshirë këtu vizatime, ngjyrosje
dhe përgatitje zbukurimesh për Krishtlindjesh, ku në përfundim nxënësit I morën në
shtëpitë e tyre si një kujtim I bukur nga shkolla jonë për t’i ndarë me familjarët e tyre. Në
vijim mësueset Adelina Laçaj, Geltiana Bulku dhe Juliana Latifi vijuan me një rikujtesë
të atyre çfarë nxënësit e kësaj shkolle kanë mësuar gjatë këtij viti, përfshirë këtu
shkronjat e alfabetit tonë të bukur shqip. Nxënësit I kanë futur në fjalorin e tyre këto
shkronja duke e pasuruar atë me fjalë të shumta, të cilat ata I kanë mësuar në shkollën
shqipe “Skënderbej”, por edhe në ambientet e tyre familjare.
Momenti më kulminant I këtij aktiviteti ishte prania e oficerit shqiptar Eqrem Gryka,
President of the Port Authority Illyrian Association, I cili së bashku me bashkëshortën
dhe djalin e tij të vogël gëzoi fytyrat e shumë fëmijëve me lodra shumëngjyrëshe duke i
dhënë kështu një suport shumë të madh komunitetit shqiptar në Amerikë, pasi ky nuk
ka qenë I vetmi donacion që ai ka bërë. Bashkepunimi me shoqaten Port Authority
Illyrian Association, u be e mundur fale nismes se kordinatorit se Kryesise se Shoqates
Shqiptaro-Amerikane “Skenderbej” Inc me bordin e shkolles, Z.Ervin Toro.
Më tej nxënësit e shkollës shqipe “Skënderbej” kanë vijuar me programin e këngëve
dhe valleve kushtuar festave të fundvitit për t’u ritakuar sërish në vitin e ardhshëm për të
vijuar kështu me misionin e shenjtë të mësimdhënies në gjuhën e bukur shqipe.
Shkolla shqipe “Skënderbej” me vendndodhje në Brooklyn, New York, I’u uron mbarë
shqiptarëve në të gjithë botën Gëzuar festat e fundvitit, mbarësi dhe mirësi në familjet
tuaja!

12/13/2025

Shkolla Shqipe Skenderbej, Brooklyn, New York

Fort Hamilton Library,
95 street, 4th Avenue
Mësimi zhvillohet çdo të Shtunë 11:30-1:30 P.M.

Porsi kanga e zogut t’veres,
Që vallzon n’blerim të prillit;
Porsi i ambli fllad i erës,
Që lëmojnë gjinjtë e trandofillit;
Porsi vala e bregut t’detit,
Porsi gjama e rrufesë zgjetare,
Porsi ushtima e një tërmeti,
Ashtu asht gjuha jonë shqiptare. 📚✍️