02/04/2026
Hadithi ya Jiwe la Thamani na Nuru ya Ewang’an Aai
Hapo zamani, aliishi mzee mmoja mwenye hekima kando ya milima ya Meru. Siku moja, akiwa anatembea mtoni, aliona kitu kiking’ara chini ya maji. Alikiokota na kugundua kuwa ni jiwe kubwa la thamani (diamond). Bila papara, aliliweka mfukoni na kuendelea na safari yake.
Siku iliyofuata, alikutana na msafiri mmoja aliyekuwa na njaa, amechoka, na amepoteza matumaini. Mzee alifungua mfuko wake ampe chakula, lakini yule msafiri alipoona lile jiwe la thamani, macho yake yalilevuka. Alijua lile jiwe lingempa utajiri wa maisha yake yote.
Kwa ujasiri, msafiri akasema, "Mzee, naomba unipe lile jiwe." Bila kusita, mzee alimkabidhi lile jiwe na kusema, "Chukua kijana, likusaidie."
Msafiri aliondoka akikimbia kwa furaha, akipanga kununua mashamba, mifugo, na majumba. Lakini kadiri siku zilivyopita, msafiri alikosa amani. Alijiuliza: "Je, huyu mzee ana utajiri gani mwingine mkubwa zaidi kiasi cha kunipa jiwe hili kirahisi hivi?"
Siku tatu baadaye, msafiri alirudi na kumrudishia mzee lile jiwe. Akasema: "Mzee, siruhusu jiwe hili linitawale. Nimekurudishia kwa sababu nataka unipe kile kitu kilichokufanya unipe jiwe hili bila hofu: Nataka unipe Nuru iliyo ndani yako."
Baada ya msafiri yule kumrudishia mzee jiwe la thamani na kumuomba ampe "Nuru" iliyomfanya atoe bila hofu, mzee alitabasamu. Hakumjibu kwa maneno mengi, bali alimnyooshea mkono na kumwambia, "Andamana nami."
ITAENDELEA!!! ITAENDELEA!!!!!!!
