09/09/2026
MATUMIZI YA SIMU KWA WATOTO WETU NI HATARI ..WAZAZI MTOTO ASIPEWE SIMU pasipo uangalizi au kuweka parent control cz nguvu ya internet ni kubwa kuliko furaha unayoisi unampatia mwanao kuangalia katuni ambazo huzijui
Mtoto mwenye umri wa miaka 10, Juma Malanga, mkazi wa Mtaa wa Swaswa, Kata ya Ipagala jijini Dodoma, amefariki dunia baada ya kukutwa akiwa amejinyonga na shuka ndani ya chumba alichokuwa akilala na kaka yake.
Tukio hilo limetokea Septemba 7, 2026 huku chanzo cha tukio hilo kikiwa bado hakijafahamika.
Akizungumza kuhusu tukio hilo baba mzazi wa mtoto huyo, Simon Mzengo, amesema Juma alijifungia ndani ya chumba hicho kabla ya familia kumkuta akiwa amefariki. Amesema familia haikujua kilichomsukuma mtoto huyo kuchukua hatua hiyo.
Mzengo amesema Juma alikuwa mtoto wa mwisho kati ya watoto saba na hakuwa na tatizo lolote la kiafya. Aidha, amesema familia haikuwahi kugombana wala kuwa na ugomvi na mtoto huyo ambao ungeweza kuashiria kuwepo kwa changamoto yoyote.
Amesema Juma alikuwa na tabia ya kumuomba simu ili kutazama video za katuni, na mara ya mwisho alichukua simu hiyo na kuingia uvunguni mwa kitanda kwa ajili ya kuangalia katuni hizo, kabla ya baadaye kukutwa akiwa amefariki.
