Community Wildlife Management Areas Consortium

27/05/2026

May this Eid Al Adha remind us that sacrifice, compassion, and unity are at the heart of every strong community. 🌙✨

As we celebrate today, let us continue protecting the people, wildlife, and landscapes that connect us all.

Eid Mubarak from the Community Wildlife Management Areas Consortium (CWMAC). 🤍

25/05/2026

Katika kuadhimisha Siku ya Afrika, tunajivunia mchango wa Jumuiya za Hifadhi za Wanyamapori (WMAs) katika kulinda urithi wa asili wa bara letu huku zikichochea maendeleo ya jamii zinazozunguka maeneo hayo.

Afrika yenye uhifadhi endelevu ni Afrika yenye jamii zenye nguvu, elimu, na uchumi unaokua kupitia matumizi bora ya rasilimali za asili. Kupitia ushirikiano wa jamii, serikali na wadau mbalimbali, tunaendelea kujenga kizazi chenye uelewa wa thamani ya uhifadhi kwa maendeleo ya sasa na ya baadaye.

Heri ya Siku ya Afrika kutoka CWMAC!

25/05/2026

Kupitia elimu na usimamizi bora wa mapato ya WMAs, CWMAC inaendelea kuwawezesha wanajamii kuelewa umuhimu wa kuwekeza fedha za uhifadhi kwenye miradi ya maendeleo k**a elimu, afya na miundombinu. Hii ni hatua muhimu ya kuhakikisha uhifadhi unakuwa chanzo cha maendeleo endelevu kwa jamii zinazozunguka WMAs

23/05/2026

Mpira unaunganisha jamii, na ndani ya WMAs unaendelea kuwa chombo muhimu cha kuimarisha mshik**ano, ushirikiano na maendeleo ya vijana.

Siku ya jana tumeshuhudia ufunguzi wa Ligi ya Mpira wa Miguu ya Ikona WMA, ambapo mechi ya ufunguzi iliwakutanisha timu ya Kijiji cha Natambiso dhidi ya timu ya Kijiji cha Park Nyigoti.

Hongera kwa Ikona WMA kwa kuendelea kuleta jamii pamoja kupitia michezo na kuendeleza mahusiano chanya ndani ya maeneo ya uhifadhi wa jamii.

21/05/2026

Tukisikiliza jamii, tunajenga suluhisho la kudumu.

Hivi karibuni, timu ya CWMAC ilifanya ziara ya kimkakati katika ofisi za Mpimbwe WMA, Wilaya ya Mlele mkoani Katavi, ikiwa ni sehemu ya maandalizi ya utekelezaji wa mradi wa COLOURS utakaotekelezwa kwa ushirikiano kati ya IUCN na CWMAC kwa kipindi cha miaka miwili ijayo.

Ziara hiyo pia ilikuwa sehemu ya tathmini yetu ya kitaifa inayolenga kufahamu changamoto za kiutendaji zinazokabili WMAs zote 24 nchini pamoja na kutoa mwongozo kuhusu mifumo muhimu ya sera na uongozi inayohitaji hatua za haraka.

Katika majadiliano yetu na viongozi wa eneo hilo, changamoto mbalimbali ziliwasilishwa ikiwemo mazingira magumu ya doria, mahitaji ya vifaa vya kazi kwa Askari wa Wanyamapori wa Vijiji (VGS), migogoro ya mipaka, uwazi wa mapato na matumizi, pamoja na uhitaji wa kuboresha vituo vya askari kutoka mahema ya muda kwenda miundombinu ya kudumu.

Kwa sababu uhifadhi wa kisasa hauwezi kufanikiwa bila jamii kuwezeshwa, kusikilizwa na kulindwa.

Tunatoa shukrani za dhati kwa Mpimbwe WMA chini ya uongozi wa Domician Severino Msekalila pamoja na viongozi wote wa jamii kwa ushirikiano wao mkubwa katika zoezi hili.

21/05/2026

20/05/2026

Kuelekea maadhimisho ya Siku ya Askari Wanyamapori Duniani, CWMAC imeshiriki kikamilifu katika maandalizi ya maadhimisho ya hayo yaliyofanyika katika Ofisi za Wizara ya Maliasili na Utalii, Mtumba jijini Dodoma.

Maadhimisho haya yanatoa nafasi ya kutambua na kuthamini mchango mkubwa wa askari wa uhifadhi ambao wameendelea kuwa mstari wa mbele katika kulinda rasilimali za wanyamapori na bioanuwai ndani ya maeneo ya WMA nchini.

Mwaka huu, maadhimisho yanaongozwa na kauli mbiu:
“Askari wa Uhifadhi: Walinzi wa Sayari Inayobadilika” ikiweka mkazo kwenye jukumu lao muhimu katika kukabiliana na changamoto k**a mabadiliko ya tabianchi na upotevu wa makazi ya viumbe hai.

CWMAC inaendelea kutambua na kuenzi moyo, ujasiri na kujitolea kwa askari wa wanyamapori katika kuhakikisha uhifadhi endelevu kwa kizazi cha sasa na kijacho.

19/05/2026

Jamii zinaposhirikishwa kikamilifu katika ulinzi, wanyamapori huwa salama na wanajamii wananufaika moja kwa moja. CWMAC inaendelea kuwa sauti ya jamii, sauti inayotetea, sauti inayolinda, na sauti inayojenga.

18/05/2026

Last Friday in Songea, CWMAC convened leaders from all eight Southern Tanzania WMAs — Mbarang'andu, Kisungule, Kimbanda, Nalika, Magingo, Mungata, Juhiwangumwa, and Chingoli — for a zonal meeting focused on strengthening community conservation governance and unity.

The meeting created space for honest discussions on governance challenges, operational realities facing WMAs, and the future direction of the Consortium. Together, members reviewed the draft CWMAC Constitution and the 2024–2028 Strategic Plan, while reaffirming the importance of collaboration in protecting community-led conservation efforts.

More than a meeting, it was a shared commitment to ensuring that WMAs continue to stand strong through unity, accountability, and collective action.

08/05/2026

Kwa mujibu wa Mpango wa Kitaifa wa WMAs (2023–2033), WMAs hazipo k**a visiwa peke yake, zimeunganishwa na maeneo mengine ya uhifadhi k**a Hifadhi za Taifa (National Parks), Hifadhi za Wanyamapori (Game Reserves), na Game Controlled Areas.

Kwa sababu hiyo, CWMAC inahakikisha kuwa kuna ushirikiano wa karibu kati ya WMAs na vyombo hivi vya uhifadhi. Ushirikiano huu unahusisha kufanya doria za pamoja katika maeneo ya mpakani, kubadilishana taarifa za kiusalama, na kuratibu mikakati ya kukabiliana na uwindaji haramu.

Pia, kwa kupitia ushirikiano huu, migogoro kati ya binadamu na wanyamapori inapunguzwa kwa kuweka mifumo ya tahadhari ya mapema na kuchukua hatua za pamoja kabla ya migogoro kuzidi.

Lengo kuu ni kuhakikisha kwamba wanyamapori wanaweza kutembea kwa uhuru kwenye korido zao za uhamiaji bila kusababisha madhara makubwa kwa jamii, na hivyo wanajamii wanaendelea kupata manufaa kutokana na uhifadhi.