Taraji Scouts & vision

01/08/2026

كيف ما فما جمعيات كي تقرّب تفلس تسكّر أبوابها، فما زادة جمعيات تخدم بالمخ وتلقى حلول ذكية... وهذا بالضبط اللي عملو لانس.

بعد الأزمة المالية اللي عاشها، ومع مشاكل اللعب المالي النظيف اللي مازالت ما تتحلّتش بالكامل، لانس اختار سياسة استثمار عبقرية. راهن على لاعبين جايين من بطولات ما عندهاش برشا أضواء، ونسبة نجاحهم كانت ضعيفة برشا، أما هو شاف فيهم فرصة.

مثلاً، خوسانوف جابوه من البطولة البيلاروسية بـ100 ألف يورو، وبعد باعوه لمانشستر سيتي بـ50 مليون يورو! يعني ربحوا فيه 500 مرة قيمة الصفقة.

وزيد نيل العيناوي، شراوه من نانسي بـ700 ألف يورو، وبعد باعوه بـ23.5 مليون يورو، يعني أكثر من 34 مرة قيمة اللي خلصوه فيه.

وآخر مثال سنغاري، شراوه من رابيد فيينا بـ8 ملايين يورو، واليوم باش يبيعوه بحوالي 48 مليون يورو.

لانس خرج من أزمتو موش بالحظ، أما بسياسة انتدابات ذكية، وصبر، واستثمار ناجح.

احنا في الترجي ان شاء الله نشوفو النوعية هاذي من الاستثمارات عندنا كنز اللي هو أفريقيا منجم متاع لاعبين العالم لكل مستغلو ويدخلو منو في المليارات.. واحنا مازلنا نخدمو بمخ مازال مبرنشي مع الڤوبنطيني وكورة عام 70
متاع شنوا نجيب في ملاعبي ب 4 و5 مليارات في وقت قادر تجيب مواهب في ظرف عام وثنين وثلاثة يوليلك ملاعبي يسوى عشرات اضعاف القيمة متاعو
نصلحو البارك والاطار المشرف على الشبان ونجيبو ناس عندها عين ثاقبة تكتشف المواهب بشوي دعم تو تولي تستغنى عن فكرة شراء الملاعبية بالمليارات

31/05/2026

تيتر آخر قادر تخسرو في جرة ملاعبية ينجمو يجيو كل شي كان ملاعبية متاع كرة قدم :
تقا - بن علي - العيفي
#دانهو الوحيد اللي قاعد يتحرك ويحاول على المرمى

26/04/2026

التعادل امام جرجيس في مقابلة كانت تعطينا اريحية في الترتيب وتخليك متصدر وبعيد نقطين تعس بيهم على طرح ما تميش معاك الكورة
الأريحية هاذي ضيعناها وتو كل طرح يلزمك تتعامل معاه بمثابة نهائي لا مجال للخطأ ولا مجال لمزيد التعثر
طرح جرجيس صفحة ونطويوها نتعلمو منها من الاغلاط نحكي هنا على المدرب بومال
معادش تبدل وتتفلسف برشا حط ال 11 في بلايصهم ظاهرين ديجا ال 11
يزي من التجراب متاع الملاعبية.... ويزي من تبديل الخطط ويزي من اللعب ب زوز راس حربة وجناح خاتر ماريناها في حتى فريق في العالم دانهو اساسي تحب تخرجو وتدخل دياكيتي مركز مكان مركز موش تهبطو وتلعبو كلوار هذا اسمو تلبيز
ملاعبية تكون راقدة أشهرة تلقا روحها ماشية لجتوب افريقيا ويهبط تقريبا 10 دقايق طرح سانداونز قدم فيهم مردود باهي تجي لطرح اللي من بعدو ما تلقاهوش ومتعملش عليه حتى باش ياخو نص ساعة طرح جرجيس؟؟؟ انت بوعالية تعرفو كملك الماتش؟ physiquement ما ينجم يقدملك كان شوط فقط علاش مالاعبتوش للستين دقيقة ماكس وتدخل معشة في بلاصتو؟
تقا كي حضورو كي غيابو خاتر ما تراهوش يعمل appel و لا ياخذ و يعمل relance ولا يعطيك des passes في الظهر ولا في الintervallle ولا يقلبلك كورة من اليمين لليسار ولا حتى يا سيدي يفك الكورة لا تلقاه في الصراعات الأرضية ولا الفضائية نهار لكل وهو يجري مانغير حتى اضافة تذكر اللي يشوفو يلهث يقول هذا مغطي التيران بلكلو لكن لاهو صحيح بدنيا ولاهو ناضج تكتيكيا وهو نقطة ضعف الترجي في وسط الميدان
دراڤر عندو قداه من طرح خارج الحسابات ملي تضرب presque... كايتا اساسي تقريبا اخر 3 ولا 4 مقابلات عاودت رجعتو اساسي ولا تزيد تلعبو 90 دقيقة تقريبا ( دخول بوزيان تطيير لوم وديجا هبط ليوم مضيع الرشمة جملا تحس حتى نكهة اللعب فقدها الراجل ولا يطيح ويقوم ومربوث ويحب يوري روحو ويعمل في برشا زايد ما يتلامش عليه)
اليفي ولا العيفي مافمتش من وقتاه يلعب ومدخلينو في الحسابات تي حتى المدرب اللي جابو ماكانش يلعب فيه علاش يلعب
ماهوش متاع ترجي 90 دقيقة ليوم اللعبة تقريبا عندنا والسيد ما طلعش عمل حتى سونتراج!
نقعد نحكي للصباح على بنحميدة والراكاي اللي موجودين في الترجي مانوفاش كلامي..... لكن
ماعنداش حل الإدارة فرضت علينا نشجعوهم بالسيف وناقفو معاهم رغم انو عارفينهم ما يصلحوش
لوم الإدارة اول حاجة والمدرب يجي من بعد المحاسبة متاعو بره نقولو كبوة اخرى والملاعبية مازالت ممسوسة من الخروج من الشامبيونزليغ ( ولو اني نستبعدها باااارشا)

تنويه : ال statut هذا كتبتو بعد تعادل طرح جرجيس

اليوم ان شاء الله نجيبو 3 نقاط ونستنو cadeau في رادس يخلينا au moins مرتاحين شويا، خاتر الله لا يقدر تتعثر ليوم تصعبها علينا برشا البطولة

23/04/2026

الترجي التونسي 2-2 ترجي جرجيسي
الترجي بدا يظغط ملول لعبو ارتكز على الجهة اليمنى، بوعالية كان مرة بطلع النسق ومرة يهبط الهدفين جاو من عندو تمريرة لدانهو في الهدف الاول ثم مخالفة غالطت الحارس أضاف الثاني بعد مساعدة دون لمس الكورة من الجلاصي
غير هذا فما فرصتين فرصة لدانهو من مقصية تصدالها الحارس متاع جرجيس وتصويبة من كورة راجعة لأوغبيلو تصدالها بصعوبة
غير هذا فما ملاعبية الشوط الاول ماجاتش منهم تقا ورفيعة والليفي ما نحكوش على وسط الدفاع اللي هاجمتك مرتين طيلة 45 دقيقة باغتوك فيهم وحدة جابت ضربة جزاء ومخالفة بعيدة 25 متر لعبوها على deuxièmes poteaux تصدالها بشير لكن كورة راجعة باغتت الدفاع وماكان حتى واحد يكوفري على deuxième Ball
شنوا هالتخبط... المدرب مازال يجرب!! ملاعبية قاعدة تخسر في نقاط منهم ديارا اللي كان نقطة قوة الترجي اصبح مهمش وفقد نكهة اللعب مع بومال ومردودو في تراجع
ربي يستر منعرج حاسم داخلين عليه والجمعية ماتعجبش برشا نقاط في حاجة للمراجعة ويلزم توا نكونو يد واحدة باش نعديو هالفترة وندزو مع الجمعية jusqu'au bout ومن بعد المحاسبة والتقييم لكامل الاطار الفني الإداري

18/04/2026

الترجي يواجه سانداونز بعد ما يقارب ساعة من الآن، في إطار إياب نصف نهائي رابطة الأبطال الإفريقية.

بعد الهزيمة في مباراة الذهاب بتونس بنتيجة 1-0، يدخل الترجي مواجهة اليوم بشعار واحد: تحقيق ريمونتادا تاريخية في جنوب إفريقيا. المهمة صعبة دون شك، لكنها ليست مستحيلة على امتداد تسعين دقيقة، حيث تبقى كل الاحتمالات مفتوحة وكل السيناريوهات واردة.

بعيدًا عن الجدل المتعلق بالتشكيلة ومن يستحق اللعب أكثر من غيره، هناك حقيقة واحدة: اللاعبون مطالبون بخوض هذه المباراة بعقلية المحاربين، بروح الرجال، دون توقف عن الركض أو الاستسلام. إنها مباراة تحتاج إلى القتال حتى آخر ثانية، مباراة "بالدم" كما يقول الجمهور.

ثقتنا كبيرة في اللاعبين، فقد سبق لهم أن صنعوا الفارق في مصر وكسروا عقدة الأهلي، وهم قادرون أيضًا على إعادة السيناريو اليوم. كما أن ذكرى 2024 وهدف بوشنيبة التاريخي ما تزال حاضرة، لتؤكد أن المستحيل لا مكان له مع الترجي.

وجب الحذر كذلك من الظهير الأيمن موداو، الذي أراه شخصيًا من أبرز وأخطر لاعبي الفريق الجنوب إفريقي، لما يملكه من قوة وحضور هجومي كبير.

أما الجوانب الفنية فسيكون لنا حديث عنها لاحقًا، خاصة خيارات المدرب، ومنها الاستغناء عن ديارا كجناح والاعتماد على بوعالية مكانه، رغم أن هذا الخيار لم ينجح في مباراة الذهاب. لعلّه ينجح اليوم، ونكون نحن المخطئين، وهذا ما نتمناه، وأن يكون المدرب صاحب الرؤية الصحيحة.

بالتوفيق للترجي... ويا رب لا تحرمنا فرحة الانتصار.

12/04/2026

Les duels لكل يخسرهم
لا يفك كورة صحيحة لا قوي في الالتحامات لا قوي في الربط بين الدفاع والهجوم لا عندو des passes décisives..
اما هوك يجري برشا في التيران وكهو
نرمالمون يبدل الكورة ويمشي يعمل عدو ريفي خاتر بالرسمي عار مواطن كيف هذا مترسم في وسط الترجي عندوق قداه من عام والمشكله الاكبر انهم يحبو يزيدوه في الكونترا
الواحد بعد ما كان يكور بغيلان الشعلالي وفرانكوم وبن رمضان جانا هالعلة هذا مرضنا بالسكر

22/03/2026

شهرين لتالي وقت اللي الناس لكل انهالت عليه بالسب وكنا من القلة اللي قلنا راهو الراجل كوارجي غير الكنزاري ماهوش يوظف فيه كيف ما يلزم ويلعب على نقاط قوتو
حمدلله رغم قلة متابعينا الا انو نفهمو شوي كورة quand-même ونعرفو نقيو الملاعبية

برشا نقد مبالغ فيه قاعد يضر في اللاعب #دانهو
والمدرب مساهم في تدميرو.... الراجل ما توصلو حتى كورة في ال 18 ويحبوه يسجل ماهوش الظاهرة باش يفسخ 3 و4 ويسجل
ماهوش مهاجم متكامل لكنو ماهوش سيء مع شوي ثقة وتلعب معاه كلوارات باهين قادر يعاونا برشا
ماهوش اول مرة سي guardiola يخرجو من الشوط الاول وهذا يمس برشا اللاعب على المستوى النفسي
علاش ماتش يطلع وماتش يهبط فئة من الجمهور تميح مع الارياح اذا مركا راهو ماكيفو حد واذا مايسجلش يولي بهيم وتتجبد السكاكن ويبداو يذمو فيه ويردوه بهيم وما يصلحش
نفس العباد اللي سبت رودريغو كي لعب الماتشوات الاولى وقالو ماهوش متاع ترجي من بعد شد ثنية البونتوات ومركا العشرة اهداف في نفس الموسم وكمل هداف في الترجي و ماكيفوش وملا رودريغو عندنا ومن بعد رجعو يسبو فيه (لو انو هو يتحمل جزء من المسؤولية بعدم التزامه بعقده مع الترجي وتمرده على النادي)
صارت كيفها زادا على الجبري هاو ولدنا وسيب علينا من الاجانب اللي ما ربحنا منهم شي بدا ربي عاطي خيرو فجأة نفس الفئة تقلبت عليه كي مر بفترة فراغ وشككت فيه وطالبو بخروجو
دياكيتي اول ما جاء و لعب بداو يضحكو عليه ويتنمرو عليه ويضحكو كيفاش ملاعبي هذا يلعب في الترجي سجل في بيترو أتليتيكو الناس لكل رجعت تسأل عليه تو ولاو يطالبو بتثبيتو في التشكيلة الاساسية
هيا بيدها زاده تو اللي اتابع في بن حمودة في الجزائر وقالو كيفاش سيبناه المهاجم هذا وملا ادارة عندنا متعرفش تقيم الملاعبية وهو كيف كان يكور العباد تهبطلو بالذمة للستاد باش تسبو ولاو يعملو عليه في الميمز
خلاصة الحديث الجمهور يلزمو يصبر على الملاعبي الراجل عندو ما يقول في روحو ومليان كورة صحيح ماهوش مهجم متكامل اما عندو le minimum متاع المهاجم قوي بدنيا قوي في الرأسيات قوي في التصويب تبقى ناقص في اللعب بساقيه وكي يخرج من 18 ما يعرفش يتصرف بالكورة وفيسع يخسرها
يلزم الاطار الفني يلعب على نقطة قوة المهاجم لكن ماهر يظهرلي يلعب على نقاط ضعفو

06/03/2026

ملا اعلام متاع مجاري يحب يقول لو كان ماجاوش الاجانب الترجي راهي في المرتبة الرابعة

04/03/2026

ويقولو علاش بطولة تونس مستواها تراجع
ماهو جرة المسؤولين اللي شادين الكورة في البلاد يبرمجلك ماتشوات في رمضان 13:00 متاع القايلة ووحب تشوف مستوى! شوف المغرب الماتشوات وقتاه تبدا تو تفهم

01/03/2026

انتصار مهم لــ الترجي الرياضي التونسي على حساب الأولمبي الباجي بنتيجة ثلاثة أهداف مقابل صفر.

الترجي ما دخلش المقابلة كما يجب في الشوط الأول، وسط الميدان كان غايب نوعًا ما وصارت بعض الهفوات، أما في الشوط الثاني شفنا وجه آخر للفريق: تحكم أكبر في الكورة، ربح للثنائيات، ضغط متواصل وخلق فرص حقيقية

اهدار الفرص المتكررة من المهاجمين نقطة استفهام كبرى دانهو في مناسبة اوثنين كذلك ديكيتي كيف دخل اهدر زوز اهداف واضحة

الأهداف جاو عن طريق جاك ديارا، ثم هدف مباشر جميل برشة من مخالفة مباشرة من بو عالية، قبل ما يختتم أشرف الجبري الثلاثية.

انتصار يعطينا ثقة ويأكد اللي الفريق ينجم يفرض أسلوبو، أما زادة فما برشة نقائص لازم تتصلح، خاصة الدخول في المقابلات والتركيز من الدقيقة الأولى.

النتيجة مطمئنة… والأداء في الشوط الثاني يبشر بالخير. القادم أهم