Beni Barka & Ghorghar بني بركة & غرغار

Beni Barka & Ghorghar بني بركة & غرغار منصة محلية تجمع أهالي بني بركة وغرغار
📍 نشارك الأخبار 📰 ، الأفكار💡، والمبادرات🛠️ من أجل واقع أفضل ومستقبل أرقى 🏡

18/09/2026

بني بركة علاش ما تصيرش فيها الحملات والتدخلات اللي تصير في بقية المناطق التابعة للمعتمدية الجنوبية؟ ياخي ما عناش عمدة؟ ما عناش نائب محلي؟ شكون مسؤول على متابعة المنطقة ومطالب متساكنيها؟

سنين تعدّت، وحتى الكيّاس الرئيسي والتروتوار في وسط بني بركة، وين الكثافة السكانية، ما تبدّل فيهم شيء يُذكر. لا تشجير منتظم، لا تنظيف للأودية كيما يصير في مناطق أخرى، لا ترميم ولا تصليح، وحتى الماء ولى ينقص ويتقصّ علينا باستمرار.

شنوّة اللي صاير بالضبط؟ علاش بني بركة بالذات مهمّشة؟ راهو كان جت الدنيا دنيا، بني بركة جزء من المدينة كيفها كيف الرقبة وغيرها من المناطق، ومن حقها كيف غيرها في النظافة، التشجير، صيانة الطرقات، التهيئة والخدمات الأساسية.

حتى التشجير، يجي مرة في العام: يحفرو شوية حفر، يغرسوا فيهم عدد قليل من الشجيرات، وبعدها يتعدّاو ويخلّيوهم للشايح! التشجير موش مجرد غراسة وتصوير، التشجير يلزمو متابعة وسقي وصيانة باش يعيش ويعطي نتيجة.

والمدرسة، فهمنا اللي ما عادش فيها عدد كافٍ من التلامذة وتسكّرت، أما علاش تتخلّى هكّا وتتحوّل إلى فضاء مهجور وملجأ للكلاب الضالة؟ هل ما فماش حتى خطة لاستغلالها أو حمايتها؟

السؤال اليوم موش شكون نلوموا، السؤال: شكون مسؤول على بني بركة؟ وشكون يتابع مطالبها؟ وعلاش التدخلات والتنمية ما توصلهاش بنفس النسق اللي نشوفوه في مناطق أخرى؟

متساكنو بني بركة من حقهم يعرفوا، ومن حق المنطقة تكون عندها نصيبها من التنمية والخدمات، موش تبقى منسية سنين وكأنها خارج الخريطة.

#تطاوين

ياخي وين ماشين بقصان الماء لفترات طويلة
31/08/2026

ياخي وين ماشين بقصان الماء لفترات طويلة

14/08/2026

ياخي بني بركة فيها نايب؟

21/07/2026

ايا مبروك عليكم هاو زادو قصو الماء ، لا ضو لا ماء،
جبل بوقرنين هابط منه الماء كله ضايع الجبل ولا أخضر و SONED تطاوين لا علا بالهم

المشكل هذا منتشر بصفة كبيرة و كل صيف يتعاود ، لوقتاش ؟ علاش ما يصيرش حلول فيه ؟
28/06/2026

المشكل هذا منتشر بصفة كبيرة و كل صيف يتعاود ، لوقتاش ؟ علاش ما يصيرش حلول فيه ؟

20/06/2026

تهنئة للسيد نور الدين بن الناجح البركاوي و حرمه بنجاه ابنتهم البكر آية البركاوي في البكالوريا و تهنئة من خالد ابن عمها علي البركاوي
ألف مبروك ان شاء الله 🎉🎊🎉🎊

20/06/2026

تهنئة بنجاح البكالوريا
ألف مبروك إسراء لرقط علوم تجريبية بمعدل 15.18 ، نتمنى لها التوفيق ان شاء الله
🎉🎊🎉🎊

20/06/2026

ان شاء الله بالتوفيق لكل تلاميذ البكالوريا ..بشرونا في حال صدور النتائج ..ان شاء الله الفرحة تعم الجميع يا رب 👏..

11/06/2026

ياخي وينهم المختصين في الفلاحة؟ ما فماش مهندس فلاحي ولا خبير في الغراسة ينجم يفسّر للناس اللي الغراسة عندها مواسمها؟
في ولاية كيف تطاوين، مع الحرارة المرتفعة والجفاف وقلة الأمطار، غراسة الأشجار في منتصف جوان ما هيش التوقيت الأنسب. الشجرة تحتاج وقت باش تشد بلاصتها وتتأقلم مع التربة والظروف المناخية، وهذا عادة يكون في الخريف أو بداية الشتاء وين تكون درجات الحرارة ألطف ونسبة نجاح الغراسة أكبر.
اليوم الوطني للنظافة والعناية بالبيئة ما يقتصرش على حملات غراسة فقط، خاصة في توقيت غير مناسب. فما برشة أنشطة بيئية أخرى تنجم تكون أكثر فاعلية: حملات نظافة، رسكلة وفرز النفايات، صيانة الطرقات والأرصفة والإنارة، تنظيف وتقليم الأشجار والمنتزهات، والعناية بالمساحات الخضراء الموجودة أصلًا.
للأسف، برشة حملات تولّي مجرد "اغرس وصوّر" باش يبان النشاط، أما السؤال الحقيقي: شكون باش يتابع الغراسات هاذي بعد أيام وأسابيع؟ وشكون باش يسقيها ويحافظ عليها في عز الصيف؟

#تطاوين # # #الوطن #

Address

Tataouine

Website

Alerts

Be the first to know and let us send you an email when Beni Barka & Ghorghar بني بركة & غرغار posts news and promotions. Your email address will not be used for any other purpose, and you can unsubscribe at any time.

Shortcuts

Share