07/02/2026
عملنا صفحة على فايسبوك باش نحكيو فيها على منطقتنا،
1️⃣باش تكون أوّل باب نحلّو بيه مشاكل الحومة،
وباش تكون فضاء نحكيو فيه، نسألو، ونقترحو حلول.
2️⃣ نعرف اللي الناس الكل عندها مشاغلها،
وعلى خاطر هاكا قلت:
صفحة فايسبوك تنجّم تجمعنا،
نحكيو فيها خير، ونوصلو صوتنا خير.
3️⃣ بصراحة، كنت متصوّر تفاعل أكبر،
كنت نستنى نشوف الأهالي تدخل، تحكي، تقترح، تسأل،
أما للأسف… ما صار شي.
وكأنّو الحكاية ما تعنيناش،
ولا منطقتنا ما تهمّناش.
وهنا السؤال اللي حيّرني:
وقتاش باش بادرو؟
وقتاش باش نتحرّكو؟
ولا مستنّين غيرنا؟
أبسط حاجة تنجّم تعملها اليوم:
إنفيتي 5 من أصحابك.
خمسة برك.
موش فلوس، موش وقت،
غير إحساس بالمسؤولية.
خلّيو الباج تكبر،
خلّيو الكلام يطلع،
اللي عندو مشكلة يتكلم،
اللي عندو مقترح يكتب،
واللي يحب الخير لمنطقتو يشارك.
المنطقة ما تتبدّلش بالسكات،
تتبدّل بالناس اللي تقول:
“راهي مسؤوليتنا.
