Qual é o horário de funcionamento?

Segunda-feira 08:00 - 17:00 Terça-feira 08:00 - 17:00 Quarta-feira 08:00 - 17:00 Quinta-feira 08:00 - 17:00 Sexta-feira 08:00 - 17:00

Sentru Informasaun Suku Mascarenhas

Página Inicial
Timor-leste
Dili
Sentru Informasaun Suku Mascarenhas

Suku Mascarenhas nu'udar suku ida iha Timor-Leste lokaliza iha Postu Administrativu Vera Cruz, Munisípiu Dili ho luan hamutuk 1.26 km².

Suku Mascarenhas iha Aldeia 6 mak hanesan: Alto Balide, Manu Cocorec, Zero Tres, Baixo PM, Alto PM no Baixo Balide.

09/05/2026

“ AKTIVIDADE LIMPEZA “ Sentru Informasaun Suku Mascarenhas
Loron Sabado, 09/Maio/2026

Hanesan Bain-bain Suco Mascarenhas Nafatin Mantein halo Limpeza iha Suco Laran.

Importante tebes atu garante ambiente ida ne’ebé SAUDAVEL,LIMPU no KONFORTAVEL ba ema hotu. Limpeza la’ós deit responsabilidade ema ida, maibé responsabilidade hamutuk husi komunidade tomak. Bainhira ita hotu halo servisu limpeza regularmente, ita bele prevene MORAS.

HADIA AMBIENTE, NO MOS HALO ITA NIA SUCO SAI FURAK LIU TAN.

04/05/2026

"SENSIBILIZASAUN PREVENE KONFLITOS IHA SUCO MASCARENHAS".

(Dili Mascarenhas Segunda-Feria dia 04 de Maio 2026).

Actividade ida nee halo iha sede suku mascarenhas,no Partisipa husi estrutura suku mascarenhas, membro (KPK) ho joventude suku mascarenhas, actividade ne foka liu ba materia kona ba lei no prevensaun, hodi sidadaun hotu bele iha koñesemento no hamenus konflitu iha suku no kria paz no estabilidade iha komunidade.

Iha sensibilizasaun ne hetan materia Lima (5) mak hanesan tuir mai ne:

1. NATUREZA NO AMBIENTE
2. GENERO NO VIOLENCIA DOMESTICA
3. TRANZITU SEGURANSA RODAVIARIU
4. POLISIAMENTU KOMUNITARIA
5. INVESTIZASAUN.

Orador ba Programa Sensibilizasaun iha suku mascarenhas.

1. SUUPERT.ASST (DOMINGOS GAMA)
●Koalia Kona ba Polisiamentu Komunitaria

2. INSPECTUR XEFE (ANASTACIO RIBEIRO)
●Koalia kona ba Prevenção Natureza no Ambiente.

3. SUPERT.ASST.(MARIA FATIMA)
● Koalia Kona ba Igualidade Generu no Violencia Domestica.

4. INSPECTUR. (ARNALDO)
●Koalia Kona ba Tranxito Segurança Rodaviario.

5. INSPECTUR ASST. (MANUEL BARRETO)
● Koalia Kona ba Investigação Kriminal, Trafico Humanu no Droga.

Atividade sensibilizasaun ne halo tamba servisu hamotuk ho isntitituisaun policia nasional Timor-Leste(PNTL) liu husi polisiamentu komunitaria no hetan apoiu husi (TLPDP)

Atividade ne'e Realiza durante loron ida tomak
Oras Hahu husi (08:30 to'o 17:00 Otl).

01/05/2026

Mascarenhas Data, 01/05/2026

Visita Nossa Senhora de Fatima Hahu Husi Capela Suco Mascarenhas, dia 01 de maio de 2026,Lori ba Paroquia Balide Atu Hala’o Selebração Missa Abertura.

Depois de Missa Se Lori Fali Nossa Senhora de Fatima ba iha Aldeia Alto P.M (05) Durante Kalan Lima Loron Lima, e Se Entrega Fila Fali ba Aldeia Manucocorec (02).

Nain Feto Tama Sai Aldeia Durante Fulan ida nia Laran Hahu Husi Dia ( 01 de Maio to’o 31 de Maio 2026).

25/04/2026

Loron Sabado Data, 25/04/2026,
Actividade Limpeza iha Aldeia Baixo P.M, Suco Mascarenhas,Posto Administrativo Vera Cruz

Chefe Aldeia Ho Delegado/a Hamutuk Ho Komunidade Sira Hodi Hamos sira nia Fatin no dalan ninin. atu nune nafatin mantein ita nia ambiente mos no saudavel iha Suco no Aldeia laran.

23/04/2026

AKTIVIDADE TARA BANDO SUCO MACARENHAS

Mascarenhas, Quinta-Feira 23 de Abril de 2026 resolve problema: Sunu LABARIK MENORIDADE NIA LIMAN HO SIGARU ROHAN

Problema ne'e akontese tuir assunto nebe menciona iha leten Data,16/03/2026,iha Aldeia Zero Tres,Suco Macarenhas.
Iha loron segunda-feria data 30/03/2026,labarik nia Inan/Aman no familia sira hare ba labarik nia liman bubu a'as foin lori ba hospital Vera Cruz,Baixa durante semana ida.

Iha Loron Quinta-Feria Data 16/04/2026,chefe aldeia,Delegado/a,Lian Nain suco,Hamutuk ho OPS ba iha vitima ho familia sira nia uma hodi hatene tuir kazu nebe'e akontese vitima nia Inan/Aman ho familia sira deklara tauk problema tamba sunu labarik ne nia liman hasai liafuan amiasa.

Depois delegada ba bolu suspeito mai ho nia avo feto fo tempo nia deklara nia rekonese labarik ne hau mak sunu duni tamba hau hemu tua lanu, e la kontrola an.

Tuir mai membro konselho Aldeia,Chefe Aldeia,Delegado/a,Lia nain suco,ho OPS analiza ba suspeito nia deklarasaun hasoru labarik menoridade sai vitima ho ida ne hatun ukun ho bandu,Nahe biti,Lulun Biti.

Iha loron Quinta-feira Data,23/04/2026, Halao Tara Bandu,Nahe biti,Lulun biti, iha Oras 10:00 OTL to'o Remata iha Sede Suco Mascarenhas, Nebe partisipa husi Lia-Nain, Konselho suku,OPS Suku, parte vitima no suspeito e familia husi parte nain Rua, e mos hetan akompanhamento Husi parte DNPKK ( Dirasaun Nasional Prevensaun komflitus komunitario).

31/01/2026

Konselhu Suku Mascarenhas Rezolve Desentendimentu Entre Família Rua husi Aldeia Baixo PM Liuhusi Tara Bandu”

Mascarenhas, Sesta Feira, 23/01/2026 – Konselhu Suku Mascarenhas konsege rezolve problema desentendimentu entre família rua ne’ebé hela iha Aldeia Baixo PM, liuhusi mekanismu kultura lokal Tara Bandu, ho prosesu nahe biti no lulun biti ne’ebé hala’o iha Aitos Sede Suku Mascarenhas.

Prosesu rezolusaun ne’e envolve diretamente Xefe suku, OPS, lia nain, Xefe Aldeia, delegado/a no família sira ne’ebé mak hola parte iha konflitu. Abordajen kultura ne’e hodi fó espasu ba diálugu aberto, atu família rua bele hato’o sira-nia hanoin no sentimentu ho laran hakmatek, no buka solusaun dame ne’ebé bele simu hamutuk.

Desentendimentu ne’e mosu husi diferensa relasaun sosial no problema rua ne’ebé seidauk rezolve durante tempu balu. Ho inisiativa Konselhu Suku, prosesu Tara Bandu sai hanesan dalan dame atu hakotu konflitu no prevene problema ne’e sai boot liu iha komunidade.

Iha momentu nahe biti no lulun biti, lia nain hato’o liafuan kultura kona-ba valor respeitu malu, dame, no moris hamutuk iha komunidade. Família sira ne’ebé envolvidu hato’o kompromisu atu respeita rezolusaun ne’ebé hetan hamutuk no la repete problema hanesan iha futuru ho komitmentu nebe maka hakerek ona iha deklarasaun akordu no Ref : 37 / SMC / PAVC / MD / I /2026.

Chefe Suku Mascarenhas (Sr. Francisco Lopes), iha okaziaun ne’e, hato’o apresiasaun ba hotu-hotu ne’ebé mak fó kontribuisaun iha prosesu rezolusaun ne’e, no apela ba komunidade atu kontinua uza diálugu no kultura lokal hanesan dalan prinsipál atu rezolve problema sosial.

Rezolusaun konflitu liuhusi Tara Bandu ne’e hatudu katak sistema kultura lokal sei iha papel importante iha hametin koesaun sosial, hadia relasaun komunidade no garante dame no estabilidade iha Suku Mascarenhas.

Official Media Suku Mascarenhas.

23/12/2025

Konsellu Suku Mascarenhas Hamutuk ho KPK Hala’o Enkontru ba Preparasaun Seguransa ba Misa Natal, Tinan Foun no Distribui Mos Uniforme ba KPK (Konsellu polísiamentu Komunitário)”

Mascarenhas 22 / 12 / 2025, Hodi garante seguransa, ordem públiku (ketertiban umum) no estabilidade durante selebrasaun Misa Loron Natal no hasoru Tinan Foun 2026, Konsellu Suku Mascarenhas hamutuk ho Konsellu Polísiamentu Komunitária (KPK) hala’o ona enkontru koordinasaun ida iha sede suku Mascarenhas. Enkontru ida nee ho objetivu atu prepara medida seguransa no planeamentu preventivu, hodi evita insidente ne’ebé bele perturba (mengganggu) selebrasaun relijioza no sosial.

Enkontru nee partisipa husi Xefe Suku Mascarenhas Interino, OPS (Offisial Polisia Suku), membru Konsellu Suku, membru KPK, lideransa lokal, joventude no membru komunidade. Iha diskusaun, parte sira identifika risku ne’ebé bele mosu durante misa Natal no selebrasaun Tinan Foun, espesialmente iha juntamentu ema barak, movimentu tráfiku, no uza bebida alkoolika ne’ebé la kontrola.

Xefe Suku Mascarenhas (Sr. Francisco Lopes) maske la marka prezensa maibe envia hela Mensagem ba iha enkontru refere hateten katak Natal no Tinan Foun mak momentu importante ba komunidade atu hamutuk no selebra, tan ne’e seguransa mak responsabilidade hamutuk. Nia sublinha katak koordinasaun entre suku ho KPK importante loos atu halo prevensaun hodi garante ema hotu bele selebra ho laran dame no haksolok.

Husi OPS (Ofisial Polisia Suku) hamutuk ho KPK informa katak sira sei aumenta patrulha iha fatin stratejiku, hanesan igreja, dalan boot, no fatin ajuntamentu ema. KPK mos sei kooperasaun ho konsellu suku hodi monitoriza situasaun seguransa durante períodu Natal to’o Tinan Foun.

Alende enkontru koordinasaun nee, iha momentu ida ne’e mos, konsellu Suku Mascarenhas hala’o distribuisaun uniforme ba membru KPK. Distribuisaun uniforme nee hetan apoiu husi Komandante Polisia Komunitaria Munisipiu Dili ho total 25 uniforme, apoiu hirak ne’e nu’udar forma apoiu ba apresiasaun servisu voluntáriu ne’ebé KPK halo iha komunidade, liuhusi esforsu hodi hadia disiplina, identidade no profesionalismo KPK nia servisu iha área suku.

Xefe Suku hateten tan katak fornesimentu uniforme ba KPK sei ajuda sira halo knaar ho liu organizadu no aumenta konfiansa komunidade ba sistema seguransa lokal. Nia mos hamoris mensajen ba KPK atu kontinua servisu ho laran metin, onestu no respeita lei.

Ho realizasaun enkontru nee no distribuisaun uniforme ba KPK, Konsellu Suku Mascarenhas espera katak selebrasaun Misa Loron Natal no Tinan Foun sei la’o ho situasaun seguru, ordenadu no dame, hodi fortalece estabilidade, solidariedade no pas iha komunidade suku Mascarenhas.

Ofisisal Media suku Mascarenhas

23/12/2025

Mascarenhas 21 / 12 / 2025, Suku Mascarenhas realiza ona atividade pinta foun iha sede suku nian hodi simu tinan foun 2026 ho ambienti ne’ebé diak no foun. Atividade ne’e hala’o husi Konselho suku Mascarenhas hamutuk ho juventude sira, no komunidade lokal sira, hanesan parte husi preparasaun atu simu tinan foun ho espiritu renovasaun, unidade no esperansa.

Pinta foun sede suku ne’e hahú iha loron 21 fulan Dezembru tinan 2025 no aktividade refere hahu husi dader to lokraik, ho objetivu atu halo sede suku Mascarenhas haree foun, naroman no representativu ba servisu públiku. Kór pinta ne’ebé uza mak kór azul, ne’ebé konsidera hanesan símbolu limpeza, dame no seguransa.

Xefe Suku Mascarenhas (Sr. Francisco Lopes), iha nia intervensaun, hateten katak pinta foun sede suku la’ós de’it atividade fisiku, maibé mos parte husi esforsu atu hadia imajen administrasaun suku nian. “Ami hakarak simu tinan foun 2026 ho animu foun. Sede suku mak fatin servisu ba povu, tan ne’e presiza iha kondisaun di’ak no konfortavel,” hateten xefe suku.

Juventude sira iha suku Mascarenhas mos partisipa aktivamente iha prosesu pinta foun ne’e. Sira voluntáriu ho fuan boot, pinta sede suku liur no laran. Ida husi representante juventude hateten katak atividade ne’e fo oportunidade ba juventude atu kontribui direta ba dezenvolvimentu suku nian no hamoris sentidu responsabilidade no solidariedade iha komunidade.

Komunidade lokal sira apresia iniciativa ne’e tanba konsidera katak sede suku ne’ebé naroman no organizadu bele fó konfiansa ba povu bainhira mai trata dokumentu ka halo konsultasaun administrativa. Sira mos espera katak iha tinan 2026, lideransa suku bele kontinua hadia servisu no fó atensaun ba presiza moris komunidade nian.

Ho pinta foun sede suku Mascarenhas, komunidade ho lideransa lokal fó sinal klaru katak sira prontu simu tinan foun 2026 ho hanoin positivu, ho hakarak hametin dame, unidade no dezenvolvimentu sustentavel iha nivel suku.

(“Boasfesta do Santo Natal 2025 e Feliz do Ano Novo 2026”)

“Official Media Suku Mascarenhas”

15/12/2025

ESTUDANTE ESTAGIADO FACULDADE DE CIENSIAS SOCIAIS E POLITICAS UNIVERSIDADE NASIONAL TIMOR LOROSA’E (UNTL) HALO ENSERAMENTO.

Segunda-Feria 15/12/2025 estudante Estagiado husi Universidade Nasional Timor Lorosa’e (UNTL) halo estagio estudo pratika profesional iha sede Suco Mascarenhas durante fulan 3 nia Laran,
Ohin Loron halo seremonia enseramento

Iha Actividade ne hetan mos partisipa husi chefe orientador,chefe departamento Ciensias Sociais e Politicas,Chefe Suco Interino,chefe Aldeia no Konselhu suco.

Iha Actividade ida ne’e Aumesmo tempo entrega mos rekordasaun Estrutura Suco husi estudante estagiado Universidade Nasional Timor Lorosa’e (UNTL)

13/12/2025

Actividade Limpeza Jeral iha Suco Mascarenhas
Loron Sabado 13/12/2025. Actividade Limpeza Jeral ida ne Lidera Husi Chefe Suco.

Estrutura Suco Hamutuk Ho Komunidade Sira Hodi Hamos sira nia Fatin no dalan ninin. Actividade Limpeza ne hahu husi Aldeia Manucocorec to Aldeia Baixo Balide

Ba Limpeza ida ne hanesan parte ida hodi mantein ita nia ambiente mos no saudavel iha suco laran.

12/12/2025

Seremonia ritual troka ai to’os suku Mascarenhas iha loron 11/12/2025
Seremonia refere Lidera Husi Lia Nain Suco Mascarenhas no participa husi Chefe aldeia 01-06 ho Delegado/a no estudante estagiado husi UNTL no pessoal apoio suku nain4..

Endereço

Mascarenhas
Dili

Horário de Funcionamento

Segunda-feira	08:00 - 17:00
Terça-feira	08:00 - 17:00
Quarta-feira	08:00 - 17:00
Quinta-feira	08:00 - 17:00
Sexta-feira	08:00 - 17:00

Website

https://mascarenhas.suku.tl/

Notificações

Seja o primeiro a receber as novidades e deixe-nos enviar-lhe um email quando Sentru Informasaun Suku Mascarenhas publica notícias e promoções. O seu endereço de email não será utilizado para qualquer outro propósito, e pode cancelar a subscrição a qualquer momento.