Associação Académica Estudantil do Departamento de Agro Sócio-Economia

24/04/2025

Hera，UNTL, Fakuldade Agrikultura, Departmentu Agro Sósio-Ekonomia

PRE-TREINAMENTO BA PRÁTICA SERVIÇO PROFESSIONAL CAMPO- SESAUN DAHULUK 🙌

Públika Tarde!

Iha loron tersa-feira, 22 fulan abril tinan 2025 AAED-ASE servisu hamutuk ho Comisão organizadora ba Prática Serviço Professional Campo (PKL) 2025 hodi organiza aktividade signifikante ida kona-ba "Pre-treinamento ba preparasaun Prática Serviço professional Campo nian" Ne'ebé facilita husi Estudante finalista sira "Mana Berta Tilman no maun Camilo".

Actividade Pre-treinamento ida ne'e ho nia objetivu atu facilita no prepara Estudante Prática Serviço professional Campo iha tinan 2025 nian ho di'ak molok tuun ba komunidade.

Ami hato'o agrradese ne'ebé profundu liu ba Facilitador/a nain rua ne'e ba disponibilidade no experiência brilhante sira ne'ebé nafatin hatutan ba malu.

15/04/2025

UNTL, Fakuldade Agrikultura, Departmentu Agro Sósio-Ekonomia

Klase Public Speaking Speaking dahuluk

Públika Tarde!

Iha loron Sesta-Feira, 11 Abril 2025, Asosiasaun Akadémiku Estudantil Departmentu Agro Sósio-Ekonomia (AAED-ASE) hala'o klase dahuluk ba programa intensivu Public Speaking ne'ebé fasilita husi formadór Adilson Fernandes (Estudante Finalista Agro Sósio-Ekonomia).
Klase refere inisia husi AAED-ASE hodi foka ba estudante ativu sira-nia dezenvolvimentu akadémiku.
Iha klase dahuluk fasilitadór halo introdusaun kona-ba fundamentu husi Public Speaking no oinsá forma hanoin lójiku, rasionál no krítiku hodi hamosu ambiente ne'ebé interativu.

14/04/2025

UNTL, Fakuldade Agrikultura, Departmentu Agro Sósio-Ekonomia

Klase dahuluk ba reativasaun klase Hakerek Sientífiku husi programa Dezenvolvimentu Akadémiku

Públika Tarde!

Iha loron Kuarta-Feira, 09 Abril 2025, Asosiasaun Akadémiku Estudantil Departmentu Agro Sósio-Ekonomia halo reativasaun ba klase Hakerek Sientífiku ne'ebé fasilita husi estudante finalista Adilson Fernandes. Fó hanoin fali katak klase refere hahu ona iha tinan Akadémiku 2024 maibé tamba kestaun feriadu no klase ne'e paradu, nune'e foin reativa fila-fali.

12/04/2025

SESAUN DARUAK SENSIBILIZA PROGRAMA BA ESTUDANTE SIRA

Hera, Segunda-Feira, 07Abril 2025, Asosiasaun Akadémiku Estudantil Departmentu Agro Sósio-Ekonomia (AAED-ASE) halo enkontru ho estudante periodu 2024 (Semestre III) hodi sensibiliza programa sira.
Iha ámbitu hanesan, AAED-ASE mós halo rejistrasaun ba estudante sira ba programa ne'ebé sei hala'o ezekusan hanesan; Academic Development/Dezenvolvimentu Akadémiku foku ba Hakerek Sientífiku, Formasaun Public Speaking, Reading Club ka Klubu Leitura no English Club/Klubu Inglés.

11/04/2025

Hera, UNTL, Fakuldade Agrikultura, Departmentu Agro Sósio-Ekonomia

Postajem Tarde

Iha Segunda-Feira, 07 Abril, 2025 Asosiasaun Akadémiku Estudantil Departmentu Agro Sósio-Ekonomia (AAED-ASE) realiza enkontru hamutuk ho estudante sira Agro Sócio-Economia Semetre I (Periodu 2025) hodi sensibiliza planu sira ne'ebé dezeña ona.
Iha enkontru refere partisipa máximu husi estudante sira no sira entuzaismu los atu sai benefisiadór iha programa sira ne'e. Pograma sira ne'ebé fixu atu halo ezekusaun hanesan Academic Development/Dezenvolvimentu Akadémiku foku ba Hakerek Sientífiku, Formasaun Public Speaking, Reading Club ka Klubu Leitura no English Club/Klubu Inglés ho nível rua ; Beginner no Conversation.
Ikus liu estrutura AAED-ASE fó mensajem ba estudante foun sira atu aproveita didi'ak programa sira-ne'e hodi bele eleva sira-nia abilidade personál iha mundu akadémiku.

10/04/2025

Hera, UNTL, Fakuldade Agrikultura, Departmentu Agro Sósio-Ekonomia

Postajem Tarde

Iha Kinta-Feira, 03 Abril, 2025 núkleu Asosiasaun Akadémiku Estudantil Departmentu Agro Sósio-Ekonomia (AAED-ASE) konvoka reuniaun hamutuk ho seksaun sira no xefe periodu ativu sira hahu husi periodu 2022 to'o 2025 hodi prepara ba ezekusaun atividade extra-kurikulér sira ne'ebé planeadu.
Iha enkontru refere mós partisipa husi Finalista maun Adilson Fernandes hodi diskute kona-ba reativasaun programa Academic Development/Dezenvolvimentu Akadémiku foku ba Hakerek Sientífiku.
Rezultadu husi enkontru refere mak AAED-ASE sei hala'o tan programa tolu hanesan Formasaun Public Speaking, Reading Club ka Klubu Leitura no English Club/Klubu Inglés ho nível rua ; Beginner no Conversation.

Anexu: foto depoizde enkontru

19/02/2025

Continua ba kontribuisaun bém comun ✨

06/01/2025

07/12/2024

ACADEMIC DEVELOPMENT TRAINING

UNTL, Faculdade Agricultura, Departmento Agro Sócio-Economia

Sesta-Feira, 06 Dezembru 2024 Associação Académico Estudantil do Departmento de Agro Sócio-Economia (AAED-ASE) ezekuta programa Dezenvolvimentu Akadémiku ba dahuluk.
Iha loron extraordináriu ida ne'e AAED-ASE 2024-2026 hala'o aula dahuluk ba Klase Hakerek (Writing Club) nian, ne'ebé sai hanesan demanda ida husi estudante departmentu Agro Sócio-Economia sira.
Ba klase dahuluk foka liu ba Metodologia Hakerek Makalah ne'ebé fasilita husi estudante finalista maun Adilson Fernandes (Relampago Fitun).

Objetivu husi atividade ida ne'e mak atu mellora formandu sira-nia abilidade hakerek sientífiku ho efetivu no artikuladu liu tan.
Ami fiar katak ida ne'e sei furak liu tan bainhira aplika iha mundu Akadémiku nian liu-liu oinsa bele hakerek traballu ne'ebé adekuadu.

Estrutura AAED-ASE fó agradese genuinu ba maun Facilitador ho laran-luak no espera bele kolabora di'ak liu tan iha atividade sira tuir mai.

Stay tuned ba Atividade sira tuir mai!

05/12/2024

UNTL, Faculdade Agricultura, Departmentu Agro Sócio-Economia

AKTUALIDADE

Ohin, Kinta-Feira, 05 Dezembru 2024, estudante sira semetre VI (periodu 2022) husi Departamento Agro Sócio-Economia, Faculdade Agricultura, inapropriadamente tuir aula ho kondisaun hamriik no tur de'it iha rai relasiona ho menus karteira iha sala aula, aleinde ne'e preokupasaun lójistika seluk iha aula mak laiha kuadru hodi hakerek no laiha projetor. Mezmu ho kondisaun ne'ebé lamentavél tebes maibé estudante sira nafatin tuir aula husi Dosente Guilhermino da Cruz, Ph. D. ne'e to'o remata.

Mídia Associação Académico Estudantil Departmento Agro Sócio-Economia

Kréditu ba foto sira : Estudante Agro Sócio-Economia semetre VI