01/08/2026
☕ Hatene ka lae katak Oe-Cusse (RAEOA) mos iha kafé?
Bainhira ema rona naran Oe-Cusse, barak hanoin kedas kona-ba nia istória ne'ebé rico, kultura ne'ebé sei moris di'ak, no natureza ne'ebé furak. Maibé iha kotuk ba foho sira ne'ebé matak, iha mós poténsia ida ne'ebé seidauk barak ema hatene—Kafé Oe-Cusse.
Semana kotuk, Prezidenti Asosiasaun Café Timor (ACT) hamutuk ho equipa halo vizita ba Oe-Cusse atu haree diretamente dezenvolvimentu indústria kafé iha rejiaun ne'e no rona desafiu sira ne'ebé produtor sira hasoru.
Dalak uluk, ami vizita coffee shop balu iha vila Oe-Cusse. Ami haree katak maioria café sira uza kafé ne'ebé torra husi Ermera. Ida-ne'e hatudu katak kultura hemu kafé iha ona, maibé kafé ne'ebé produz iha rai Oe-Cusse rasik seidauk barak to'o iha kopa konsumidor sira.
Durante loron rua, equipa ACT kontinua vizita ba produtor kafé sira.
📍 Pasabe iha poténsia boot ba produzaun kafé, maibé dalan ne'ebé todan no asesu ba merkadu ne'ebé limitadu sei sai dezafiu boot ba produtor sira. Maski nune'e, sira kontinua servisu ho determinasaun atu kuida ai-kafé sira.
📍 Iha Loak Foan, ami hasoru koperativa produtor ida ne'ebé organiza ona. Sira iha vontade boot atu dezenvolve, maibé sei presiza apoiu atu komprende merkadu, hadi'a kualidade, halo marka no loke asesu ba merkadu nasional no internasionál.
Vizita ida-ne'e mós fó hanoin ba programa iha tinan 2018, bainhira ACT hamutuk ho NGO internasionál fó treinamentu kona-ba prosesamentu kafé ho kualidade no ekipamentu pós-kolheita ba produtor sira iha Oe-Cusse. Infelizmente, bainhira programa remata, akompañamentu ba produtor sira mós para, no barak kontinua luta mesak.
Maibé, buat ida ne'ebé la lakon mak esperansa.
ACT fiar katak Kafé Oe-Cusse iha futuru ida ne'ebé di'ak teb-tebes. Ho kolaborasaun entre produtor sira, koperativa, Governu, setor privadu no parseiru dezenvolvimentu sira, indústria kafé Oe-Cusse bele moris fali—husi to'os ba kopa ida (From Farm to Cup).
Iha oportunidade ida-ne'e, equipa ACT mós hetan onra atu hasoru Prezidente Autoridade da Região Administrativa Especial de Oe-Cusse Ambeno (RAEOA), Sr. Régio da Cruz Salu. Nia simu di'ak inisiativa ACT no hatudu nia apoiu ba dezenvolvimentu setor kafé iha Oe-Cusse.
ACT hein katak Governu RAEOA bele kontinua hametin programa sira atu hasa'e kapasidade produtor sira, hadi'a prosesamentu pós-kolheita, loke asesu ba merkadu no promove Kafé Oe-Cusse iha nivel nasional no internasionál.
Liuhusi komodidade ida deit, Kafé Oe-Cusse bele sai identidade foun ba rejiaun ida-ne'e. Hamutuk ho istória, kultura no poténsia turizmu ne'ebé iha, Oe-Cusse bele dezenvolve turizmu kafé (Coffee Tourism) ne'ebé fó oportunidade ba visitante sira atu hatene kultura lokal no disfruta kafé ne'ebé mai diretamente husi rai Oe-Cusse.
Tanba Oe-Cusse la'ós deit iha istória ne'ebé boot. Oe-Cusse mós iha kafé ida ne'ebé merese atu koñesidu iha mundu.
🌱 Husi Oe-Cusse ba Timor-Leste, no husi Timor-Leste ba mundu. Hamutuk ita harii futuru Kafé Oe-Cusse.
************************
☕ Did you know that Oe-Cusse (RAEOA) is also home to coffee?
When people think of Oe-Cusse, they often think of its rich history, vibrant culture, and breathtaking landscapes. Yet beyond its rolling green hills lies another hidden treasure—Oe-Cusse coffee.
Last week, the President of Asosiasaun Café Timor (ACT) and the ACT team visited Oe-Cusse to better understand the current state of the local coffee industry, listen to farmers, and explore opportunities for future collaboration.
The journey began with visits to several coffee shops in the town of Oe-Cusse. Interestingly, most cafés were serving roasted coffee sourced from Ermera. This shows that while coffee culture is already growing in Oe-Cusse, coffee produced locally has yet to find its place in many local cups.
Over the next two days, the ACT team visited coffee farmers in two different communities.
📍 In Pasabe, farmers continue to care for their coffee trees despite difficult road conditions and limited access to markets. Their resilience reflects both the challenges they face and their commitment to producing quality coffee.
📍 In Loak Foan, we met an organized farmers' cooperative. Although the cooperative has strong local leadership, it still requires support in market access, quality improvement, branding, and connecting with buyers.
This visit also reminded us of the partnership established in 2018, when ACT and an international NGO worked together to provide coffee processing training and post-harvest equipment to coffee farmers in Oe-Cusse. While the project created a solid foundation, the end of the program also meant the end of continuous technical support, leaving many farmers to continue their journey on their own.
Yet one thing has never disappeared—hope.
ACT believes that Oe-Cusse coffee has a bright future. Through stronger collaboration among farmers, cooperatives, government institutions, the private sector, and development partners, the coffee industry in Oe-Cusse can grow once again—from Farm to Cup.
During the visit, the ACT delegation also had the honour of meeting Régio da Cruz Salu, President of the Special Administrative Region of Oe-Cusse Ambeno (RAEOA). He warmly welcomed ACT's initiative and expressed his support for strengthening the coffee sector as an important driver of local economic development.
ACT hopes that the RAEOA Government will continue investing in programs that strengthen farmers' capacities, improve post-harvest processing, expand market opportunities, and promote Oe-Cusse coffee both nationally and internationally.
Coffee is more than an agricultural product—it has the potential to become part of Oe-Cusse's identity. Combined with its unique history, culture, and tourism assets, Oe-Cusse has an excellent opportunity to develop coffee tourism, offering visitors an authentic experience from coffee farms to the final cup.
Because Oe-Cusse is not only rich in history—it is also home to coffee worthy of being discovered by the world.
🌱 From Oe-Cusse, for Timor-Leste, and for the world. Together, let's build the future of Oe-Cusse coffee.
