KJAS FEG

18/08/2026

*FAHE PRÉMIU BA VENSEDÓR KOMPETISAUN.*

Komunidade Jovem ba Asaun Solidariedade (KJAS) FEG/UNTL realiza serimónia fahe prémiu ba vensedór kompetisaun:
•Tata kanuru berlindus
•Halai karon
•Dansa kadeira/Konsentrasaun
•Puzzle
•Sama bulaun
•Dada tali
•Pinta
•Tata krupuk,
Kompetisaun sira ne’e hanesan parte husi programa atividade solidariedade iha Suku Hola-Rua, Postu Administrativu Same, Munisipiu Manufahi.

Fahe prémiu ne’e hanesan forma apresiasaun ba esforsu, kooperasaun no partisipasaun ativa husi ekipa hotu ne’ebé partisipa iha kompetisaun. Liuhusi atividade ida-ne’e, espera bele hametin unidade, solidariedade no amizade entre komunidade.

KJAS-FEG/UNTL hato’o parabéns ba vensedór sira no agradese ba partisipante, autoridade lokal, komunidade no parseiru hotu ne’ebé fó apoiu hodi atividade ne’e bele realiza ho susesu.

🫀❤️

18/08/2026

KOMUNIDADE JOVEM BA ASAUN SOLIDARIEDADE (KJAS) FEG/UNTL HALA’O ATIVIDADE KARITATIVA IHA MUNISIPIU MANUFAHI.

Blaro,18-25 Jullu 2026

Komunidade Jovem ba Asaun Solidariedade (KJAS) FEG/UNTL ho orgullu realiza atividade karitativa durante semana ida iha Munisipiu Manufahi, Postu Administrativu Same, Suku Hola-Rua, Aldeia Blaro, hanesan implementasaun ba misaun organizasaun atu promove solidariedade, voluntarizmu no responsabilidade sosiál ba komunidade.

Iha atividade ida-ne’e, KJAS implementa Programa Fiziku no Programa Non-Fiziku, ne’ebé hamutuk servisu sosiál atu fó benefísiu ba komunidade no estudante sira.

Atividade ne’e la’o ho susesu tanba hetan apoiu no partisipasaun ativa husi autoridade lokal, profesór sira, estudante sira no komunidade Suku Hola-Rua. Espiritu servisu voluntáriu no servisu hamutuk ne’e sai prova katak solidariedade mak dalan ida atu hametin unidade no promove dezenvolvimentu komunidade.

KJAS hato’o agradesimentu boot ba autoridade lokal, profesór sira, estudante sira, komunidade no parseiru hotu ne’ebé fó kontribuisaun hodi halo atividade ida-ne’e sai realidade.

Agradesimentu ba benfetór no parseiru sira:
✅ Ministériu Solidariedade Sosiál no Inkluzaun (MSSI)
✅ CAMSTL
✅ ROCDLAF
✅ CARE iha Timor
✅ Super Merkadu Kampu-Alor
✅ Country Juice

KJAS sei nafatin komprometidu atu implementa programa sira ne’ebé tuir estatutu organizasaun, liuhusi atividade solidariedade, voluntarizmu, edukasaun no servisu ba komunidade. Hamutuk ita bele kria sosiedade ida ne’ebé forte, nakloke no dame.

Liman Ne’ebé Ajuda Santu Liu Ibun Ne’ebé Reja

❤️🫀

15/06/2026

07/06/2026

“SEMINARIU AKADÉMIKA”

LIDERANSA TRANSFORMATIVU IHA ORGANIZASAUN: FORTALESIMENTU GOVERNASAUN, ÉTIKA NO RESPONSABILIDADE SOSIÁL.

Dili.Sabádo, 6 juñu 2026

Komunidade jovem ba Asaun Solidariedade(KJAS), realiza seminariu Akadémika iha FEG-UNTL, ne’ebé partisipa husi Orador Cesar João nudar Senadu Geral UNTL no partisipasaun husi membru KJAS sira no estudante UNTL.

Husi Seminariu ne’e tema ne’ebé Orador Cesar João lori mak, Lideransa Juventude Iha Organizasaun Akadémika no Sosiál, além de ne’e mos membru KJAS no estudante UNTL sira ható nia pergunta no kestaun sira ne’ebé relevante ba tema refere.

KJAS entuziasmu hetan matéria foun husi Orador Cesar João tamba sai hanesan prosesu importante atu forma Juventude sira sai lider ne’ebe diak iha Lokál no Nasionál.


❤️

03/06/2026

SEMINARIU AKADÉMIKA

LIDERANSA TRANSFORMATIVU IHA ORGANIZASAUN: FORTALESIMENTU GOVERNASAUN, ÉTIKA NO RESPONSABILIDADE SOSIÁL.

Fulan foun no formasaun foun, liman ne’ebé ajuda santu liu ibun ne’ebé reza, sei realiza seminariu akadémika iha loron ne’ebé mensionadu.

Atividade refere sei lori ita atu hatene liu-tan lideransa ne’ebé hatur ona ba jovem sira nia partisipasaun iha vida akadémiku.

Oportunidade ne’ebé furak ba KJAS tamba bele hetan orador ne’ebé kredivel no exselente, atu hafasil ita mai registu hodi hetan sertifikadu.

❤️

03/06/2026

LORON TASI 🌊

ATIVIDADE LIMPEZA IHA TASI-IBUN HODI KOMEMORA LORON NASIONÁL OCEANO.

Komunidade Jovem ba Asaun Solidariedade(KJAS) sei hala’o atividade limpeza iha tasi-ibun Motael-Largo hodi komemora loron Mundiál Oceano, tan ne’e hamutuk ho KJAS ita kontribui liu husi limpeza hamutuk hodi proteze tasi nia furak.

📍
❤️

16/05/2026

16/05/2026

FORMASAUN LIDERANSA NO PUBLIC SPEAKING

Dili,16 Maio 2026

Komunidade Jovem ba Asaun Solidariedade (KJAS) Realiza Atividade Formasaun iha Edifisu Faculdade Economia e Gestão.

KJAS Agradese tebes tamba bele hetan Formador Rio Araujo ne’ebe mak bele fahe ona ninia koñesimentu ba iha KJAS liu husi Formasaun ho nia Topiku: Lideransa no Public Speaking.

Objetivu husi Formasaun ne’e sai hanesan Baze ida oinsa Jovem sira bele dezenvolve kapasidade ne’ebe intelektual no konstrutivu.

LIMAN NE’EBE AJUDA SANTU LIU IBUN NE’EBE REZA

❤️

09/05/2026

FORMASAUN AI TOOLS FOR YOUTH 2026

Iha loron Sábadu, 09 Maiu 2026, membru sira husi organizasaun KJAS partisipa iha formasaun inspirativu ho tema “AI TOOLS FOR YOUTH” ne’ebé realiza iha Auditorium Fakuldade Ekonomia no Jestaun UNTL

Formasaun ida ne’e lori diretamente husi orador joven no peritu sira:
1. Miqueias Conceicao
2. Romario Dev

Objetivu husi atividade ida ne’e mak atu hasa’e koñesimentu no kapasidade juventude sira kona-ba utilizasaun teknologia AI (Artificial Intelligence), nune’e mos prepara joven sira atu bele adapta an ho mundu digital no inovasaun modernu iha tempu agora no futuru.

Obrigadu ba orador sira ne’ebé fahe experiénsia no koñesimentu valiozu, no ba partisipante hotu ne’ebé aktivamente partisipa hodi aprende no dezenvolve an.

“Juventude ne’ebé domina teknolojia ohin, sei lidera mudansa iha futuru.”


❤️