25/09/2025
𝗞𝗮𝗿𝘁𝗮 𝗞𝗼𝗺𝘂𝗻𝗶𝗸𝗮𝗱𝘂 𝗜𝗻𝗽𝗿𝗲𝗻𝘀𝗮 𝗕𝗮 𝗗𝗲𝗽𝘂𝘁𝗮𝗱𝘂 𝟲𝟱 𝗶𝗵𝗮 𝗣𝗮𝗿𝗹𝗮𝗺𝗲𝗻𝘁𝘂 𝗡𝗮𝘀𝗶𝗼𝗻𝗮𝗹
𝗞𝗼𝗺𝘂𝗻𝗶𝗸𝗮𝗱𝘂 𝗜𝗻𝗽𝗿𝗲𝗻𝘀𝗮
𝗦𝗲𝗻𝘁𝗿𝘂 𝗕𝗮 𝗛𝗮𝗯𝘂𝗿𝗮𝘀 𝗠𝗼𝘃𝗶𝗺𝗲𝗻𝘁𝘂 𝗗𝗶𝗿𝗲𝗶𝘁𝘂𝘀 𝗨𝗺𝗮𝗻𝘂𝘀
(𝗦𝗕𝗛𝗠𝗗𝗨)
Sentru Ba Haburas Movimentu Direitus Umanus (SBHMDU) nudar kamadas sosiais ne'ebe 'hamrik hanesan organizasaun social independente, iha papel kontrolu sosial ba politika injustu, iha nasional no internasional. SBHMDU mos iha responsabilidade hodi luta ba defende dezenvolvimentu no distribuisaun justisa sosial ne'ebe mak hanesan tuir vizaun estado ba libertasaun povu hodi garantia sustentabilidade RDTL ba Timor Oan hotu ba oin.
Organizasaun ida neé nudar kamada popular neébe mak junta forsa kamadas sosiedade Civil sira iha Timor-Leste hodi ezizi direitu povu maubere nian hasoru Parlamentu Nasional hahu husi 15- 17 Setembru 2025, toó hamosu resolusaun ba kanselamentu sosa kareta, no kontinua hamosu akordu entre Bankada 5 CNRT, FRETILIN, PD, PLP no KHUNTO Hamutuk ho estudante Universitariu Timor-Leste hodi halakon lei pensaun mensal Vitalisia ho Totalmente (retroativu) neébe sei hakotu iha lorn 25 Setembru 2025.
Ho akordu neébe selebradu hodi Garantia justisa Social no responsabilidade Fiscal ba sustentabilidade estadu RDTL ba tinan 10 sei mai. SBHMDU hein katak desizaun ida neé Bankada sira la desidi ho tendensia politika atu desmantela forsa popular nia atensaun, hodi sarani hikas previlejiu neé ho naran seluk.
Mudansa la konduz ho seriu, Masa popular sei kontinua asumi responsabilidade hamutuk ho kamadas sosial hotu hodi mantein luta ba ba harahun sistema koruptor Legal no Mafia iha RDTL hodi diresiona ba moris diak komun neebe livre husi esplorasaun, opresaun no dependensia.
la iha munutu ida atu hakiduk, masa popular sei halakan nafatin espiritu luta nian hahu husi tempu kolonialismu mai toó ukun rasik aan hodi hakat ba oin determina Libertasaun total ba Povu liu husi Abaixo (Sistema Burgesia, Sistema Feudal, Neokolonialismu No Imperalista, Koruptores No Mafia Internasional) iha Ita nia estadu hodi hatuur prinsipiu demokratiku ho loloos ba moris diak povu maubere nian.
SBHMDU Husu ba Deputadu 65, halo preparasaun ba esbosu ho konsiensia neébe loloos Katak "mai husi povu, ba povu, fila ba povu", hodi koresponde duni ba ezizensia husi forsa popular.
Entre Timor Oan hotu la iha Inimigu, maibe ita nia inimigu loloos mak sistema, sujeitu neébe produs lei no hakuak metin lei neé hodi esplora no oprimi povu maubere iha nia rain, komersializa juventude forsadamente ba empregu exterior, trabalhador domestika, Funsionariu publiku, PNTL, FFDTL, Bombeirus, negosiante sira, halo eviksaun forsadu ba povu, hadau sira nia rain, kiak sidade, kamponezas hodi ignora seitor Saude, Edukasaun, Agrikultura, Infra-estrutura Bazika, Turismu no peskas iha Ita nia rain.
𝐀𝐩𝐞𝐥𝐮 𝐛𝐚 𝐁𝐚𝐧𝐤𝐚𝐝𝐚𝐬 𝐩𝐚𝐫𝐥𝐚𝐦𝐞𝐧𝐭𝐚𝐫𝐞𝐬 𝐬𝐢𝐫𝐚 𝐡𝐨𝐭𝐮 𝐤𝐚𝐭𝐚𝐤;;
1. Vitoria ne'e Povu Maubere nian
2. Vitoria ne'e kamadas social sira nian
3. Vitoria ne'e traballador sira nian
4. Vitoria ne'e kiak sidade sira nian
5. Vitoria ne'e juventude sira nian
6. Vitoria ne'e negosiantes sira nian
7. Vitoria ne'e toos nain sira nian
8. Vitoria ne'e religiosu/a sira nian
9. Vitoria ne'e universitariu sira nian
10. Vitoria ne'e ba Timor oan Hotu
𝐀𝐭𝐞𝐧𝐬𝐚𝐮𝐧 𝐁𝐚 𝐦𝐞𝐧𝐛𝐫𝐮 𝐏𝐚𝐫𝐥𝐚𝐦𝐞𝐧𝐭𝐮 𝐍𝐚𝐬𝐢𝐨𝐧𝐚𝐥 𝐡𝐨𝐭𝐮-𝐡𝐨𝐭𝐮 𝐧𝐨 𝐨𝐫𝐠𝐚𝐮𝐧 𝐬𝐨𝐛𝐞𝐫𝐚𝐧𝐢𝐚 𝐢𝐧𝐭𝐞𝐫𝐝𝐞𝐩𝐞𝐧𝐝𝐞𝐧𝐬𝐢𝐚
1.Deskuti no desidi ho loloos ba interese komun
2. Hatuur esensia loloos ba halakon lei pensaun mensal Vitalisia, regalias no gastus desnesesariu sira ho baze Fundu petrolifeiru sei hotu iha tempu badak
3. Tetu didiak kuandu desmantela no politizasaun interese komun
4. Ita la iha inimigu ba malu, maibe masa popular nia inimigu mak sistema ne'ebé oprimi povu no hirak ne'ebé produs sistema no hakuak metin sistema neé rasik
𝐈𝐭𝐚 𝐧𝐢𝐚 𝐞𝐳𝐢𝐳𝐞𝐧𝐬𝐢𝐚 𝟑 𝐧𝐞'𝐞𝐛é 𝐤𝐨𝐧𝐭𝐢𝐧𝐮𝐚 𝐢𝐡𝐚 𝐞𝐬𝐩𝐞𝐫𝐚𝐧𝐬𝐚 𝐦𝐚𝐦𝐮𝐤 𝐧𝐢𝐚 𝐥𝐚𝐫𝐚𝐧;
1. Pensaun Mensal Vitalisia ho regalias la nesesariu tenke hamoos ho total
2. Hamoos lei 100 m neébe limita Liberdade Manifestasaun
3. Investe Makaas iha Seitor Vital hanesan Saude, Agrikultura, Edukasaun no Infra-Estrutura Bazika neébe benefisia direita ba povu.
Masa popular kontinua mantein pozisaun, halo vizilansia ba Parlamentu Nasional, nuneé bainhira desizaun sira la tuir ezizensia komun, ita hamriik fila fali ho asaun pasifika toó hetan desiaun final bo ultima rekursu mak Dizolve Parlamentu Nasional fo fila ba povu hodi desidi ninia destinu.
Iha momentu ne'ebé hanesan SBHMDU husu ba kamadas sosiais, Estudantes husi Publiku no Privadu, Kamponezas, Negosiantes, Traballador Nasional no internasional, Movimentus Sosiais, Klibur estudantil, Uniaun agrikultores, Kiak Sidade, Juventude Dalan Ninin, NGO, Igreja, Organizasaun Rejistensia, Komunidade arte, Movimenentu Ocean, Universidade no Institutu sira Taxista, no Timor oan tomak iha rai laran no rai liur foti pozisaun hamutuk ho forsa popular ita fo mudansa ba ita nia estadu hodi salva RDTL husi Krize ekonomia politika no legal. Povu nia kanek mak ita nia luta, ita nia mate mak povunia libertasaun Total.
𝐃𝐢𝐥𝐢 𝟐𝟐 𝐒𝐞𝐭𝐞𝐦𝐛𝐫𝐮 𝟐𝟎𝟐𝟓
𝐏𝐨𝐫𝐭𝐚𝐯𝐨𝐬 𝐒𝐁𝐇𝐌𝐃𝐔
-------------------------------------------------------------------------‐----
Ami ho firmi nafatin atu hato'o hodih Ezizi Povu Maubere nia demanda politika 4:
1. Para toman at sosa kareta Prado kada tinan-tinan
2.Halakon Lei Pensaun Mensal Vitalisa
3.Altera Lei demonstrasaun 100 Metros
4. Investe iha Setor Produtivu sira
𝘼 𝙡𝙪𝙩𝙖 𝙠𝙤𝙣𝙩𝙞𝙣𝙪𝙖!✊🌹🌹
![ℝ𝕖𝕝𝕖𝕞𝕓𝕣𝕒 𝕗𝕦𝕝𝕒𝕟 𝕄𝕒𝕚𝕦 𝕋𝕚𝕟𝕒𝕟 𝟚𝟘𝟚𝟝🧭🕑𝑺𝒆𝒏𝒕𝒓𝒖 𝑩𝒂 𝑯𝒂𝒃𝒖𝒓𝒂𝒔 𝑴𝒐𝒗𝒊𝒎𝒆𝒏𝒕𝒖 𝑫𝒊𝒓𝒆𝒊𝒕𝒖 𝑼𝒎𝒂𝒏𝒖 [𝑺𝑩𝑴𝑫𝑼] 𝑲𝒐𝒎𝒆𝒎𝒐𝒓𝒂 𝒕𝒊𝒏𝒂𝒏 𝑿𝑿𝑰𝑰𝑰 𝒂𝒏𝒊𝒗𝒆𝒓𝒔á𝒓𝒊𝒖 𝑹𝒆𝒔𝒕𝒂...](https://img5.ngos1.com/623/275/728087266232751.jpg)
