29/04/2024
Publika Tarde
Klibur Juventude Iliomar (KJI) komemora loron mundial Kriatividade no Inonasaun ba Arte liu hosi diskusaun hamutuk ho Sr. Iliwato Danapere hanesan Diretor Arte-Moris.
Iha diskusaun ida-ne’e partisipante sira aprende kona-ba servisu Arte-Moris nian, no oinsá ita ida-idak bele deskobre no senti valor hosi arte ba ita-nia an rasik. Iha diskusaun ne’e rasik partisipante sira mós aprveita hala’o vizita tour badak ida ba Arte-Moris ninia fatin hodi hare’e direita photografia sira ne’ebé Arte-Moris iha.
Nune’e ami hato’o ami-nia agradesimetu ba Direitor Arte-Moris ho ekipa ne’ebé disponivel ona ninia tempu hodi fahé koñesimentu ba ami Joven Klibur Juventude Iliomar (KJI)
