Associação Arquiteto Timorense - AAT

13/03/2026

Congratulations Smiljan Radić Clarke, 2026 Laureate of The Pritzker Architecture Prize.

Learn more about the Laureate and watch him speak about his works at www.PritzkerPrize.com.

Photo courtesy of Tom Welsh for The Pritzker Architecture Prize

28/12/2025

Tipu Arkitetura ne’ebé maioria Arkitetu/a Portugés sira adopta iha tempu pasadu bazeia ba karakterístika rejionál Timor-Leste nian, ne’ebé responde ba rejiaun nia kondisaun iklima tropikál. Ida ne’e bele hare’e iha kompozisaun fasade edifísiu património Portugues sira nian ne’ebé uza forma rektangulár ho variasaun forma no medida ne’ebé diferente, sai hanesan estratéjia ida hodi kaptura sirkulasaun ar natural ba edifísiu laran, filtra intensidade loron manas, fó vista (view) máximu ba liur, no mos garante seguransa ba edifísiu rasik.

Iha tempu hanesan, ita la hare’e utilizasaun símbolu tradisionál hanesan uma kakuluk, ne’ebé reprezenta de’it tipu uma tradisionál husi rejiaun ida nian, ida ne’e tanba abordajen arkiteturál Portugés nian la bazeia ba símbolu kapital no rasional ne’ebé Indonézia sira lori mai Timor, ne’ebé iha teoria arkitetura, hanaran Neo-rasionalismu. Konseitu arkitetura Neo-rationalist diskrimina modelu arkitetura tradisionál Timor nian ne’ebé riku ho tipu kakuluk no kompozisaun/ ornamentasaun oioin.

Tanba ne’e, arkitetu Portugés sira demonstre matenek no sensibilidade atu responde ba kontextu lokal, hodi kria tipu ka konseitu arkitetura ne’ebé hanaran regionalism architecture. Konseitu ida ne’e responde ba karakterístika xave ne’ebé reprezenta jeralmente identidáde arkitetura rejionál ka nasionál ida nian. Rezultadu husi prosesu ida ne’e mak mosu modelu arkitetura Timor nian ne’ebé reprezenta inovasaun, valor estétiku no kapasidade atu kria kondisaun konfortu ba nia abitante sira!

25/12/2025

Klosok Natal ba ita hotu, desezu domin ho dame horik nafatin ho ita.

21/12/2025

20/12/2025

Obrigadu barak ba kolega sira ne’ebe partisipa ona! Ekipa hili ona komentariu ida ne’ebe furak no uniku liu. Parabens ba mana Rose Merry ba esperiensia furak hamutuk ho arkitetu no sei hetan voucher pulsa $5 husi ami!

Hein updates tuir mai husi ami liga ho assuntu arkitetura sira 🙌🏾

15/12/2025

Olá kolega sira! Imi iha esperiensia furak ruma ho imi nia Arkitetu/a sira? Ou imi mak Arkitetu/a sira nebe iha esperiensia furak ho imi nia kliente sira? 🤔

Fahe imi nia esperiensia iha koluna komentáriu konaba esperiensia furak ida ne.
Esperiensia nebe interessante liu ami sei hili hodi manan voucher pulsa $5! Fo imi nia komentáriu lalais too loron 18 Dezembru tuku 5 lokraik! 😇

NB: partisipasaun nakloke ba ema hotu, laos ba Arkitetu/a deit. Iha resposta akompanha mos hakerek ita nia naran no fatin/instituisaun ne’ebe ita servisu ba!

Obrigadu no bom Susesu!

Less is More! 🙌🏾

01/12/2025

22/10/2025

Seminariu Loron Mundial Arkitetura🤝💪🏻🎉🎊

AAU Organiza SEMINÁRIU BA LORON MUNDIÁL ARKITETURA HO TEMA “Hari’i Timor-Leste nia Futuru liu-husi Arkitetura Sustentável”

Loron mundiál Arkitetura, estabelese husi Union Internationale des Architectes (UIA) iha 1985, hodi selebra kada tinan iha primeira semana segunda-feira fulan Outubru.1 Tema global tinan 2025 mak “Architecture for a Sustainable Future”, ne’ebé fó énfaze ba papél arkitetura ne'ebé enfrenta mudansa klimátika, urbanizasaun rápidu no seguransa ambientál. Arkitetura agora laos de’it kona-ba konstrusaun edifísiu, maibé parte integrál ba solusaun sustentável, reziliente, no inkluzivu.

Iha Timor-Leste, arkitetura kontinua evolui husi kombinasaun arkitetura tradisionál (Uma Lulik, Uma Fukun), estilu koloniál Portugés no infrastrutura moderna. Dili no munisípiu sira seluk agora iha nesesidade boot ba planu urbanizasaun sustentável, hodi responde ba kreximentu populasaun, adaptasaun klimátika, no prezervasaun identidade kulturál. Arkitetu sira iha Timor-Leste iha papél fundamental atu proteje patrimóniu kulturál, projekta espasu públiku sustentável no promove inovasaun liu husi integrasaun material lokál.

UNPAZ mak universidade primeiru iha Timor-Leste ne’ebé harii inisiativa hodi loke departamentu Arkitetura, ho objetivu atu forma jerasaun arkitetu/a foun ne’ebé kontribui ba dezenvolvimentu nasionál. Graduadu husi UNPAZ agora servisu iha ministériu (Instituisaun Públiku), setór privadu, NGO, no projetu komunidade.3 Alumni UNPAZ hanesan ponte entre teoria akadémiku no pratika profisionál, parte ativa iha projetu komunidade, no potensiál lideransa iha nivel nasionál no ASEAN. Semináriu ida ne’e sei fó plataforma ba Alumni UNPAZ atu refleta kontribuisaun arkitetura ba dezenvolvimentu, liga UNPAZ ho movimentu global, hametin identidade profesionál no inspira estudante foun no finalista Arkitetura.

Iha enkuadramentu ne’e, Komisaun Organizadora kompostu husi Alumni Arkitetura Universidade da Paz (UNPAZ) sei organiza semináriu ida ne’ebé foka ba papél arkitetura iha dezenvolvimentu sustentável no haforsa identidade nasionál Timor-Leste.

Iha programa ne’e, Oradór Prinsipál (Keynote Speaker) mak konvidadu espesífiku atu partilla hanoin lideransa governamentál no vizaun estratéjiku kona-ba planeamentu, investimentu no arkitetura sustentável, ho temátiku ida ne’ebé sei lori títulu:
“Inovasaun Arkitetura iha Timor-Leste: Valor ba Rekursu Lokál no Mekanizmu Parseria atu Kria Ekonomia Sustentável.”
Kontextu ida ne’e, mensajen oradór sei sai hanesan giaun ba jerasaun arkitetu foun, hodi kontinua dezenvolve solusaun ne’ebé kreativu, lokál, no sustentável atu “harii Timor-Leste nia futuru liu husi arkitetura sustentável.”

18/09/2025

19/08/2025

https://www.facebook.com/share/v/1EzxRNaFqM/?mibextid=wwXIfr