04/10/2026
🌊 OCEAN & UNDERWATER EXHIBITION II
🎨 “Bringing the Ocean Home” / “Lori Tasi Fila Mai Uma”
Iha tinan 2026, Underwater Cinema sei organiza Ocean & Underwater Exhibition ba dala-ruak, ne’ebé sei hala’o iha Fundação Oriente, Díli, hosi 7–28 Novembru 2026.
🌊 Espozisaun ne’e sei lori ita besik liután ba ita-nia tasi liuhosi arte, edukasaun, kreatividade no teknolojia interativu, ho foku ba konservasaun no turizmu tasi nian.
💙 Depois de susesu espozisaun dahuluk iha tinan kotuk, ne’ebé atrai vizitante rihun 10, ami hakarak kontinua kria espasu ida ne’ebé envolve labarik, foin-sa’e, estudante, família no públiku jerál atu aprende, aprecia no komprende liután kona-ba ita-nia tasi, biodiversidade no nia oportunidade sira.
🎨 Tanba ne’e, ami konvida ita hotu atu partisipa iha Nakloke ba Pintura!
Tema:
🌊 “Saida Mak Ita Hatene no Hadomi Kona-ba Tasi?”
👧🧑🎨👨👩👧 Ema hotu-hotu bele partisipa!
✨ La’ós kompetisaun — oportunidade atu fahe ita-nia hanoin, esperiénsia no imajinasaun kona-ba tasi liuhosi pintura.
⚠️ KONVITE LIMITADU: NAKLOKE BA EMA 50 DE’IT
🖼️ Ema ida bele submete pintura 1 de’it.
🖌️ Requisitu:
📐 Tamanhu: 40 cm × 60 cm
🎨 Bele uza akriliku, lápis koloridu, tinta, mídia mista ka materiál arte seluk
✨ Tenke obra orijinal no foun, kria iha 2026
🚫 Kópia/reproduksaun la simu
📅 ENTREGA: Hahu ohin to'o 20 Outubru 2026
📩 Favor submete:
🖼️ Pintura orijinal + foto/PDF
👤 Naran kompletu no idade
📱 Númeru kontaktu
✍️ Deskrisaun badak (máx. 100 liafuan)
📧 Email: [email protected]
📱 WhatsApp: +670 7493 7331 / 7408 4476 / 7757 3472
(Favor kontaktu Underwater Cinema atu kombina entrega pintura orijinal.)
🎁 SORTEIU PRÉMIU ESPESIÁL BA PARTISIPANTE HOTU:
🤿 Ekipamentu snorkeling
🐠 Fun dive iha Atauro ka Ilimano
🌊 Kursu básiku scuba diving & freediving
🐢 Husik Lenuk iha Kasait, lidera husi ekipa Lenuk Tasi
🏠 Pintura sira ne’ebé hili sei konsidera atu hatudu iha Ocean & Underwater Exhibition II, Fundação Oriente, Díli, 7–28 Novembru 2026.
🌊 Mai ita lori tasi fila mai uma liuhosi arte!
💙 Fahe saida mak ita hatene, hadomi no sente kona-ba tasi.
Underwater Cinema, Timor-Leste
