Golaha barbaarta araga la.

23/02/2026

Toronto Developmental Association of Youth (TODAY) – Qeybta Soomaaliya
Ururka TODAY waa urur u taagan horumarinta dhalinyarada, isaga oo diiradda saaraya in la fahansiiyo dhaqankeena suuban iyo diinteena Islaamka, lana kobciyo aqoontooda, akhlaaqdooda iyo kartidooda hoggaamineed.

Qeybta Soomaaliya waxaa loo aas aasay si ay u noqoto hoy mideeya dhalinyarada, una abuurta jawi ay ku horumaraan maskax ahaan iyo jir ahaanba, isla markaana ay uga fogaadaan waxyaabaha waxyeelada leh.

Hawlaha iyo Himilada
Wacyigelin ku saabsan dhaqan, diinta iyo midnimada bulshada

Qabanqaabinta tartamo iyo madadaalo waxbarasho leh

Taageeridda dhalinyarada leh baahiyaha gaarka ah

Dhisidda jiil leh akhlaaq, aqoon iyo karti

Bilow Wanaagsan – Goalball League
Markii ugu h**eysay ee la furay qeybta Soomaaliya, ururku wuxuu qabtay tartanka Goalball League, oo ay ciyaaraan dadka aragga la’. Tani waa tallaabo sharaf leh oo muujinaysa in ururku uu garab taagan yahay dhammaan bulshada, gaar ahaan dadka leh baahiyaha gaarka ah.

Waxay ahayd bilow rajo leh, muujinaya in TODAY Somalia aysan ku koobneyn hadal oo kaliya, balse ay ficil ku muujisay adeeg iyo horumar.

18/02/2026

17/02/2026

Kulan saaxiibtinimo oo dhex maray kooxaha SYL iyo Horseed, ciyaarta loo yaqaano blind football oo ku dhammaatay 2 gool iyo gool, ayaa waxay guusha ku raacday kooxda Horseed. Madaxa sports-ka Golaha Barbaarta Aragga La’a Mudane Xalane ayaa ka waramaya.

13/02/2026

Guddoomiyaha, Guddoomiye Ku-xigeenka,

Golaha Fulinta, Golaha Dhexe iyo guud ahaan Golaha Barbaarta Aragga La’a waxay si sharaf iyo maamuus leh hambalyo iyo bogaadin ugu dirayaan Mudane Cabaas Ibraahim Amiin Xaliye, oo ka tirsan golaha, kaddib magacaabistiisa xilka Agaasimaha Somali Blind Sports Federation (Xiriirka Indhoolayaasha Soomaaliyeed).

Magacaabistan waa mid muujinaysa kalsoonida, kartida iyo hufnaanta uu Mudane Xaliye ku kasbaday bulshada iyo bahda isboortiga dhallinyarta argagalla. Goluhu waxay ku faanayaan in hoggaan aqoon iyo waayo-aragnimo leh loo doortay xilkan muhiimka ah, iyagoo ku kalsoon in uu ka soo bixi doono waajibaadka iyo masuuliyadda culus ee loo igmaday.

Goluhu waxay Alle uga baryayaan in uu ku asturo xilka, ku garab galo dadaalka uu u gelayo horumarinta isboortiga dhallinyarta aragga la ee Soomaaliyeed, kana dhigo mid guul iyo miro-dhal leh.

Hambalyo iyo horumar joogto ah ayaan u rajaynaynaa Agaasimaha.

# golaha barbaarta aragga la

11/02/2026

Hadaljeedin:-Gudoomiye Alpha Trust Daahir Cali Kulmiye ee Xafladda Xeritaanka Tartanka Barbaarta Goalball League 2026.

11/02/2026

Maxamed cabdisalaan diiriye oo ah dalladda xoojinta naafada ee sodan ayaa ka jeediyay khudbad naasabadda Tartanka Barbaarta Goalball League.

11/02/2026

Garsoorihii ugu wanaagsanaa ee Soomaaliya, Ustaad Asad Maxamed firdhiye, ayaa lagu guddoonsiiyay shahaado sharaf qiimo leh xafladdii xiritaanka Tartanka Barbaarta Goalball League, taas oo uu si buuxda ugu mutaystay dadaalkiisa, hufnaantiisa, iyo garsoorkiisii caddaaladda ahaa. Hambalyo sharaf leh! 👏🏆

11/02/2026

Wasiirkii h**e wasaaradda dhallinyarada iyo isboortiska xildhibaan maxamed barre ayaa xafladda xiritaanka Tartanka Barbaarta Goalball League Ayaa ku amaanay golaha barbaarta aragga la qabashada sanadkii lixaad oo xiriir ah Tartanka Barbaarta Goalball League.

11/02/2026

Waa dokumentiri dhameystiran oo laga sameeyay
Tartanka Barbaarta Goalball League