Somali Diaspora Returnees Network

03/08/2026

03/08/2026

Kuraasta Golaha Deegaanka Dowladgoboleedka Galmudug Iyo ururrada ku guuleystay.

16/07/2026

🎉 𝐇𝐀𝐌𝐁𝐀𝐋𝐘𝐎 𝐌𝐀𝐆𝐀𝐂𝐀𝐀𝐁𝐈𝐒 🎉

Guddiga Sare ee Qurbojoogta Soomaaliyeed ee Dalka Dib ugu Soo Laabtay (SDRN), oo ay ku metelayaan Guddoomiyaha iyo Xoghayaha Guud, waxay hambalyo iyo bogaadin u dirayaan:

𝙈𝙪𝙙𝙖𝙣𝙚 𝙔𝙖𝙖𝙨𝙞𝙞𝙣 𝙈𝙖𝙭𝙖𝙢𝙪𝙪𝙙 𝘾𝙞𝙗𝙖𝙖𝙧

𝙂𝙪𝙙𝙙𝙤𝙤𝙢𝙞𝙮𝙖𝙝𝙖 𝙆𝙪-𝙢𝙚𝙚𝙡-𝙜𝙖𝙖𝙧𝙠𝙖 𝙖𝙝 (𝙆𝙈𝙂) 𝙚𝙚 𝙍𝙪𝙜𝙩𝙖 𝙂𝙖𝙣𝙖𝙘𝙨𝙞𝙜𝙖 𝙎𝙤𝙤𝙢𝙖𝙖𝙡𝙞𝙮𝙚𝙚𝙙

Waxaan si kal iyo laab ah kuugu hambalyeynaynaa magacaabistaada sharafta leh ee aad u qabatay xilka Guddoomiyaha Ku-meel-gaarka ah ee Rugta Ganacsiga Soomaaliyeed.

Waxaan ku kalsoonahay in aqoontaada, kartidaada hoggaamineed iyo waayo-aragnimadaada ay door muuqda ka qaadan doonaan horumarinta ganacsiga Soomaaliyeed, kobcinta maalgashiga, taageeridda ganacsatada Soomaaliyeed iyo xoojinta dhaqaalaha qaranka.

SDRN waxay diyaar u tahay inay si dhow ula shaqeyso Rugta Ganacsiga Soomaaliyeed si loo horumariyo:

* Xoojinta maalgashiga Qurbojoogta Soomaaliyeed.
* Isku xirka ganacsatada gudaha iyo dibadda.
* Kobcinta hal-abuurka iyo shaqo-abuurka.
* Horumarinta dhaqaalaha iyo horumarka waara ee Soomaaliya.

Waxaan Alle SWT kaaga baryeynaa inuu kuu fududeeyo gudashada masuuliyaddan culus, kuna waafajiyo guul, caddaalad, hufnaan iyo adeeg qaran oo miro-dhal ah.

Hambalyo iyo Guul ayaan kuu rajaynaynaa.

Waxaa diraya:

Mudane Cabdalla Maxamed Aadan (Salaamullah)
Guddoomiyaha
Guddiga Sare ee Qurbojoogta Soomaaliyeed ee Dalka Dib ugu Soo Laabtay (SDRN)

Eng. Bashiir Maxamed Maxamuud (Soofe)
Xoghayaha Guud
Guddiga Sare ee Qurbojoogta Soomaaliyeed ee Dalka Dib ugu Soo Laabtay (SDRN)

15/07/2026

📢 𝐒𝐃𝐑𝐍 𝐨𝐨 𝐊𝐚 𝐐𝐚𝐲𝐛 𝐆𝐚𝐬𝐡𝐚𝐲 𝐗𝐚𝐟𝐥𝐚𝐝𝐝𝐚 𝐥𝐚𝐠𝐮 𝐬𝐨𝐨 𝐁𝐚𝐧𝐝𝐡𝐢𝐠𝐚𝐲 𝐃𝐚𝐫𝐚𝐚𝐬𝐚𝐝𝐝𝐚 𝐌𝐮𝐡𝐢𝐢𝐦𝐚𝐝𝐚𝐡𝐚 𝐌𝐚𝐚𝐥𝐠𝐚𝐬𝐡𝐢𝐠𝐚 𝐒𝐨𝐨𝐦𝐚𝐚𝐥𝐢𝐲𝐚.

Waxaa Sharaf weyn u ah Ururka Qurbojoogta Soomaaliyeed ee Dalka Dib ugu Soo Laabatay (SDRN) inay ka qayb noqoto shirweynaha ay soo qabanqaabisay Wasaaradda Qorshaynta, Maalgashiga iyo Horumarinta Dhaqaalaha ee Jamhuuriyadda Federaalka Soomaaliya, kaas oo lagu soo bandhigayo natiijooyinka daraasad muhiim ah oo ku saabsan kaalinta qurbojoogta Soomaaliyeed ee kobaca iyo horumarinta dhaqaalaha dalka.

Daraasaddan ayaa muujinaysa doorka muuqda ee qurbojoogta Soomaaliyeed ay ku leeyihiin dhaqaalaha qaranka. Sida lagu xusay warbixinta:

💰 Qurbojoogta Soomaaliyeed waxay sannad kasta dalka u soo diraan lacag lagu qiyaasay $6.2 bilyan oo Doollarka Mareykanka ah, taas oo door weyn ka qaadata kobcinta dhaqaalaha qoysaska, maalgelinta adeegyada bulshada iyo kor u qaadista dhaqdhaqaaqa ganacsiga.

Sidoo kale, daraasaddu waxay tilmaamaysaa in qurbojoogtu ay yihiin laf-dhabarta maalgashiga ganacsiyada yaryar iyo kuwa dhexdhexaadka ah (MSMEs) ee Soomaaliya, kuwaas oo horseeday:

✅ Kobaca ganacsiga gudaha;
✅ Abuurista kumannaan fursadood oo shaqo oo ay ka faa’iideysteen dhallinyarada Soomaaliyeed;
✅ Kor u qaadista hal-abuurka, wax-soo-saarka iyo adkeysiga dhaqaalaha dalka.

SDRN waxay rumaysan tahay in aqoonta, khibradda, maalgashiga iyo xirfadaha qurbojoogta Soomaaliyeed ay yihiin tiir muhiim u ah hirgelinta qorshayaasha horumarinta qaranka iyo dhismaha Soomaaliya barwaaqo ah.

Waxaan bogaadinaynaa dadaalka Wasaaradda Qorshaynta, Maalgashiga iyo Horumarinta Dhaqaalaha ee soo bandhigista xogtan muhiimka ah, taas oo sii xoojinaysa muhiimadda ay leedahay in la abuuro jawi dhiirrigeliya maalgashiga, dib-u-soo-noqoshada iyo ka-qaybgalka qurbojoogta Soomaaliyeed.

“Qurbojoogtu waa awood dhaqaale, aqooneed iyo maalgashi oo laf-dhabar u ah horumarka Soomaaliya.”

Midnimo | Horumar | Mustaqbal

🇸🇴

12/07/2026

🤝 𝐒𝐃𝐑𝐍 𝐢𝐲𝐨 𝐒𝐎𝐌𝐁𝐀𝐍𝐊 𝐨𝐨 𝐬𝐢 𝐠𝐮𝐮𝐥 𝐥𝐞𝐡 𝐮 𝐪𝐚𝐛𝐭𝐚𝐲 “𝐃𝐢𝐚𝐬𝐩𝐨𝐫𝐚 𝐍𝐞𝐭𝐰𝐨𝐫𝐤𝐢𝐧𝐠 𝐍𝐢𝐠𝐡𝐭”

Xalay waxaa si heer sare ah uga qabsoomay SAFARI Restaurant, Muqdisho, munaasabadda Diaspora Networking Night oo ay soo qabanqaabisay Somali Diaspora Returnees Network (SDRN), isla markaana ay si sharaf leh u taabagalisay SOMBANK.

Madashan oo ay ka soo qayb galeen xubno ka tirsan qurbojoogta Soomaaliyeed, masuuliyiin dowladeed, aqoonyahanno, ganacsato, dhallinyaro iyo bulshada rayidka ah ayaa ahayd fursad muhiim u ah isku xirka, iskaashiga iyo dhiirrigelinta maalgashiga iyo horumarinta Soomaaliya.

Waxaa madasha si rasmi ah uga hadlay mas’uuliyiin kala duwan oo adkeeyay muhiimadda ay qurbojoogtu u leedahay:

* Dib-u-dhiska iyo horumarinta dalka.
* Maalgashiga iyo kobcinta dhaqaalaha.
* Gudbinta aqoonta iyo xirfadaha.
* Abuurista fursado shaqo iyo hal-abuur.
* Xoojinta wada-shaqeynta dowladda, bangiyada iyo qurbojoogta.

SOMBANK, oo ahayd taabagaliyaha rasmiga ah ee munaasabadda, ayaa muujisay sida ay uga go’an tahay taageeridda hindisayaasha dhiirrigeliya maalgashiga qurbojoogta, kobcinta adeegyada maaliyadeed iyo horumarinta dhaqaalaha Soomaaliya.

Dhanka kale, SDRN waxay mar kale xaqiijisay doorkeeda hoggaamineed ee mideynta qurbojoogta Soomaaliyeed, isku xirka xirfadlayaasha, dhiirrigelinta maalgashiga iyo taageeridda siyaasadaha kor u qaadaya horumarka waara ee dalka.

SDRN waxay si gaar ah ugu mahadcelineysaa dhammaan marti-sharaftii, ka qaybgalayaashii, guddiga qabanqaabada iyo gaar ahaan SOMBANK oo suuragelisay qabsoomidda munaasabaddan qiimaha badan.

“Together We Build. Together We Succeed.”

30/06/2026

🤝 𝐒𝐃𝐑𝐍 𝐢𝐲𝐨 𝐒𝐈𝐏 𝐨𝐨 𝐊𝐚𝐥𝐚 𝐒𝐚𝐱𝐢𝐢𝐱𝐝𝐚𝐲 𝐇𝐞𝐬𝐡𝐢𝐢𝐬 𝐈𝐬-𝐚𝐟𝐠𝐚𝐫𝐚𝐝 𝐢𝐲𝐨 𝐖𝐚𝐝𝐚𝐬𝐡𝐚𝐪𝐞𝐲𝐧 (𝐌𝐨𝐔) 🇸🇴

Waxaa maanta si rasmi ah u kala saxiixday Somali Diaspora Returnees Network (SDRN) iyo Somali Institute of Peace (SIP) heshiis is-afgarad iyo iskaashi (MoU) oo lagu xoojinayo wada-shaqeynta labada hay’adood ee dhinacyada horumarinta, nabad-dhisidda iyo ka-qaybgalka qurbojoogta Soomaaliyeed.

Heshiiskan ayaa dhigaya qaab-dhismeed wada-shaqeyn oo ku saleysan:

✅ Ka-qaybgalka iyo abaabulka qurbojoogta Soomaaliyeed;
✅ Isdhexgalka iyo taageeridda dadka dalka dib ugu soo laabtay;
✅ Cilmi-baarista iyo soo saarista xogaha muhiimka ah;
✅ U-doodista siyaasadaha iyo talo-bixinta;
✅ Nabad-dhisidda iyo dib-u-heshiisiinta bulshada;
✅ Xoojinta maamul-wanaagga iyo hoggaaminta;
✅ Isbeddelka iyo kobcinta dhaqaalaha;
✅ Dhiirrigelinta maalgashiga iyo hal-abuurka;
✅ Is-weydaarsiga aqoonta iyo khibradaha;
✅ Dhismaha iyo tayeynta hay’adaha;
✅ Ka-qaybgalka horumarinta iyo dib-u-dhiska qaranka.

Iskaashigan cusub wuxuu ka tarjumayaa aragtida wadajirka ah ee SDRN iyo SIP ee ku aaddan dhismaha Soomaaliya nabdoon, horumarsan, isla markaana si buuxda uga faa’iidaysata awoodda, aqoonta iyo maalgashiga qurbojoogteeda.

SDRN waxay mar kale caddeynaysaa sida ay uga go’an tahay xoojinta iskaashiyada istaraatiijiga ah ee horseedaya midnimo, horumar iyo mustaqbal wanaagsan oo ay wadaagaan dhammaan shacabka Soomaaliyeed.

“Midnimo | Horumar | Mustaqbal”
“Unity | Development | Future”

🇸🇴🤝

29/06/2026

🇸🇴 𝐒𝐃𝐑𝐍 𝐎𝐨 𝐊𝐚 𝐐𝐚𝐲𝐛 𝐆𝐚𝐬𝐡𝐚𝐲 𝐌𝐮𝐧𝐚𝐚𝐬𝐚𝐛𝐚𝐝𝐝𝐚 𝐃𝐚𝐚𝐡-𝐟𝐮𝐫𝐤𝐚 𝐗𝐚𝐫𝐮𝐧𝐭𝐚 𝐐𝐮𝐫𝐛𝐚𝐣𝐨𝐨𝐠𝐭𝐚 𝐒𝐨𝐨𝐦𝐚𝐚𝐥𝐢𝐲𝐞𝐞𝐝

Maanta, xubno ka socday Ururka Qurbajoogta Soomaaliyeed ee Dalka Dib ugu Soo Laabatay (SDRN) ayaa ka qayb galay munaasabadda rasmiga ah ee lagu daah-furayey xarunta cusub ee Qurbajoogta Soomaaliyeed ee hoos timaadda Wasaaradda Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya.

Munaasabaddan taariikhiga ah ayaa astaan u ah dadaallada joogtada ah ee Dowladda Federaalka Soomaaliya ay ugu jirto xoojinta xiriirka qurbajoogta Soomaaliyeed, ilaalinta xuquuqdooda, iyo kor u qaadista kaalintooda ku aaddan dib-u-dhiska, nabadeynta, maalgashiga iyo horumarinta dalka.

SDRN waxay si weyn u soo dhoweynaysaa furitaanka xaruntan cusub, iyadoo aaminsan inay noqon doonto madal mideysa codka, talada iyo awoodda qurbojoogta Soomaaliyeed ee ku kala nool dunida, isla markaana fududayn doonta wada-shaqeyn miro-dhal ah oo dhex marta dowladda iyo bulshada qurbojoogta.

Intii ay munaasabaddu socotay, masuuliyiinta SDRN waxay la yeesheen kulamo is-barasho iyo wada-tashi madaxda Waaxda Jaaliyadaha iyo marti-sharaftii ka soo qaybgashay, iyagoo adkeeyey muhiimadda ay leedahay in la xoojiyo iskaashiga ku saabsan:

✅ Isku-xirka qurbojoogta dalka dib ugu soo laabatay;
✅ Dhiirrigelinta maalgashiga iyo fursadaha shaqo-abuurka;
✅ Ka qaybgalka nabad-dhisidda iyo isdhexgalka bulshada;
✅ Awood-siinta dhalinyarada iyo haweenka qurbojoogta;
✅ Taageeridda hirgelinta Siyaasadda Qaranka ee Qurbajoogta Soomaaliyeed.

SDRN waxay mar kale caddeynaysaa inay diyaar u tahay inay la shaqeyso Wasaaradda Arrimaha Dibadda, Waaxda Jaaliyadaha & Qurbojoogta iyo dhammaan hay’adaha dowladda si loo xaqiijiyo ka-qaybgal buuxa oo qurbojoogtu ku yeelato horumarka iyo mustaqbalka Soomaaliya.

Midnimo | Horumar | Mustaqbal

🇸🇴

18/06/2026

📍 𝐐𝐚𝐝𝐨-𝐒𝐡𝐚𝐫𝐚𝐟 𝐢𝐲𝐨 𝐊𝐮𝐥𝐚𝐧 𝐈𝐬𝐛𝐚𝐫𝐚𝐬𝐡𝐨 𝐨𝐨 𝐚𝐲 𝐒𝐃𝐑𝐍 𝐮 𝐐𝐚𝐛𝐚𝐭𝐚𝐲 𝐌𝐚𝐫𝐭𝐢 𝐒𝐡𝐚𝐫𝐚𝐟 𝐒𝐨𝐨𝐦𝐚𝐚𝐥𝐢𝐲𝐞𝐞𝐝 𝐨𝐨 𝐂𝐚𝐚𝐥𝐚𝐦𝐢 𝐚𝐡

Maanta waxaa Somali Diaspora Returnees Network (SDRN) ay qabatay kulan qado-sharaf, soo dhoweyn, hambalyo iyo bogaadin isugu jira oo lagu maamuusay marti sharaf Soomaaliyeed oo door muuqda ka qaadanaya horumarinta xiriirka qurbojoogta, ganacsiga iyo maalgashiga Soomaaliya.

Martida la sharfay waxaa ka mid ahaa:

▪️ Hon. Amb. Ahmed Sodani – Qunsulka Soomaaliya ee Talyaaniga
▪️ Mohamed Shegow – PolLink Group
▪️ Abdulkadir Shegow – PolLink Group
▪️ Khalif Hussain – Somalia in South Africa
▪️ Mohamed Abdullahi – Somali Diaspora Investment Council (SDIC)
▪️ Xubnaha Waaxda Jaaliyadaha & Qurbojoogta Soomaaliyeed

Kulankan ayaa ahaa mid lagu muujinayay soo dhoweyn iyo hambalyo ku aaddan guusha iyo muhiimadda ay leedahay Somalia–Italy Business Week 2026, oo toddobaadkan si heer sare ah uga qabsoontay Xarunta Xalane iyo Hotel AMARA, taasoo isu keentay madax dowladeed, ganacsato, maalgashadayaal, hay’ado iyo wafuud heer qaran ah oo ka kala socotay Soomaaliya iyo Talyaaniga.

Intii uu socday kulanku, waxaa la isla qaatay in xiriirka u dhexeeya qurbojoogta Soomaaliyeed iyo dalkooda hooyo uu yahay tiir muhiim u ah dib-u-dhiska dhaqaalaha, kobcinta maalgashiga, abuurista shaqooyinka iyo xoojinta iskaashiga caalamiga ah.

Waxaa sidoo kale si qoto dheer looga dooday:

✅ Sida loo xoojin karo isku xirnaanta iyo wada shaqeynta qurbojoogta Soomaaliyeed ee dib ugu soo laabatay dalka.
✅ Fursadaha maalgashi, ganacsi iyo horumarineed ee ka jira Soomaaliya.
✅ Caqabadaha ay la kulmaan qurbojoogta dib ugu soo laabaneysa dalka iyo sidii xalal waara loogu heli lahaa.
✅ Doorka ay hay’adaha sida SDRN uga qaadan karaan fududeynta isku xirka qurbojoogta, dowladda iyo ganacsatada.
✅ Dhisidda madal wadajir ah oo kor u qaadda kalsoonida, wada shaqeynta iyo isdhaafsiga khibradaha qurbojoogta Soomaaliyeed ee caalamka ku nool.

SDRN waxay mar kale muujinaysaa sida ay uga go’an tahay xoojinta doorka qurbojoogta Soomaaliyeed ee dib ugu soo laabatay dalka, iyada oo aaminsan in aqoonta, waayo-aragnimada iyo maalgelinta qurbojoogtu ay laf-dhabar u yihiin horumarka iyo mustaqbalka Soomaaliya.

Waxaan u mahadcelineynaa dhammaan marti sharaftii iyo ka qaybgalayaashii kulankan qiimaha badan ee horseedaya iskaashi, isfaham iyo horumar waara.