Somali Diaspora Returnees Network

02/10/2026

30/09/2026

29/09/2026

🌧️ 𝐊𝐔𝐋𝐀𝐍 𝐈𝐒-𝐀𝐁𝐀𝐀𝐁𝐔𝐋 𝐀𝐇 𝐎𝐎 𝐊𝐔 𝐒𝐀𝐀𝐁𝐒𝐀𝐍 𝐃𝐈𝐘𝐀𝐀𝐑-𝐆𝐀𝐑𝐎𝐖𝐆𝐀 𝐈𝐘𝐎 𝐓𝐀𝐋𝐋𝐀𝐀𝐁𝐀𝐃𝐀 𝐇𝐎𝐑𝐄 𝐄𝐄 𝐄𝐋 𝐍𝐈𝐍̃𝐎 𝟐𝟎𝟐𝟔

Maanta, 29 Sebtembar 2026, magaalada Gaalkacyo, Galmudug, waxaa lagu qabtay kulan muhiim ah oo ku saabsan “From Early to Early Action: Mobilizing Resources and Readiness for 2026 El Niño”, kaas oo lagu qabtay Mudug Plaza Hotel.

Kulanka waxaa daahfuray Wasiirka Deegaanka iyo Isbeddelka Cimilada ee Xukuumadda Federaalka Soomaaliya, Sareeye Guud Mudane Xil. Bashiir Maxamed Jaamac, oo uu wehelinayay Wasiirka Beeraha iyo Waraabka, Mudane Maxamed Cabdi Xayir. Waxaa sidoo kale ka qaybgalay Guddoomiye Ku-xigeenka Baarlamaanka Galmudug, Marwo Faadumo Faandho, Wasiirka Beeraha Galmudug, Guddoomiyaha Gobolka Mudug, Ku-xigeenka Duqa Magaalada Gaalkacyo, iyo khubaro iyo mas’uuliyiin ka kala socday Dowladda Federaalka Soomaaliya, Dowladda Galmudug iyo bah-wadaagta taageerta Galmudug.

Kulanka ayaa diiradda lagu saaray muhiimadda digniinta h**e, diyaar-garowga iyo tallaabada h**e, iyadoo xoogga la saaray in saadaasha cimilada iyo digniinaha h**e loo beddelo qorshe iyo waxqabad waqtigiisa ku habboon, si loo yareeyo saameynta roobabka Deyrta, fatahaadaha, buux-dhaafka biyo-mareennada, waxyeellada kaabayaasha iyo saameynta ay xaaladaha cimiladu ku yeelan karaan beeraha iyo nolol-maalmeedka bulshada.

Xogahayaha Guud Ee Somali Diaspora Returnees Network (SDRN) Bashiir Soofe, waxaa uu carrabka ku adkeeyay muhiimadda ay leedahay in laga gudbo sugitaanka musiibada marka ay dhacdo, loona gudbo qorsheyn, diyaar-garow iyo tallaabo h**e. SDRN waxay diyaar u tahay inay kaalin ka qaadato isku-xirka aqoonta, khibradda, xirfadaha, xiriirrada caalamiga ah iyo kheyraadka qurba-joogta Soomaaliyeed si loogu taageero adkeysiga bulshada, diyaar-garowga musiibooyinka iyo wax-ka-qabashada isbeddelka cimilada.

Kulanku wuxuu sidoo kale xoojiyay baahida loo qabo wada-shaqeyn iyo isku-duwid dhex marta dowladda, hay’adaha caalamiga ah, bulshada rayidka ah, bah-wadaagta horumarineed, bulshada deegaanka iyo qurba-joogta Soomaaliyeed, si loo abaabulo khayraadka loona qaado tallaabooyin wax-ku-ool ah ka hor inta aysan khataruhu isu beddelin khasaaro.

Fariinta kulanku waxay ahayd mid cad: Digniin h**e waa inay dhalisaa tallaabo h**e; tallaabo h**ena waa inay badbaadisaa nolosha, hantida iyo nolol-maalmeedka bulshada.

20/09/2026

Madaxda SDRN oo Kulan La Qaatay Wasiirka MoECC

Madaxda Somali Diaspora Returnees Network (SDRN), Prof. Cabdalla Maxamed Aadan (SalaamuAllaah) iyo Drs. Horia Hagi Dahir, ayaa booqasho iyo kulan shaqo ku tagay xafiiska Wasiirka Deegaanka iyo Isbeddelka Cimilada (MoECC), Mudane Bashiir Goobe.

Kulanka ayaa looga warbixiyey Wasiirka howlaha, qorshayaasha iyo doorka SDRN, iyadoo sidoo kale laga wada hadlay meelaha istiraatiijiga ah ee ay SDRN iyo MoECC iska kaashan karaan, gaar ahaan ilaalinta deegaanka, isbeddelka cimilada, adkeysiga bulshada, aqoonta iyo khibradda qurbo-joogta, iyo abaabulka maalgelinta mashaariicda deegaanka.

SDRN waxay sii xoojinaysaa xiriirka iyo wada-shaqeynta hay’adaha dowladda si aqoonta, khibradda iyo awoodda qurbo-joogta Soomaaliyeed loogu beddelo waxqabad iyo horumar waara oo dalka ah.

15/09/2026

🇸🇴 𝐒𝐃𝐑𝐍 𝐢𝐲𝐨 𝐖𝐚𝐬𝐚𝐚𝐫𝐚𝐝𝐝𝐚 𝐀𝐫𝐫𝐢𝐦𝐚𝐡𝐚 𝐆𝐮𝐝𝐚𝐡𝐚 𝐨𝐨 𝐊𝐚 𝐖𝐚𝐝𝐚 𝐇𝐚𝐝𝐥𝐚𝐲 𝐈𝐬𝐤𝐚𝐚𝐬𝐡𝐢𝐠𝐚 𝐃𝐡𝐚𝐪𝐚𝐧𝐤𝐚 𝐢𝐲𝐨 𝐐𝐮𝐫𝐛𝐚-𝐣𝐨𝐨𝐠𝐭𝐚

15-ka Agoosto 2026, xubno ka tirsan Somali Diaspora Returnees Network (SDRN) iyo qaybaha dhaqanka Soomaaliyeed ayaa kulan isbarasho iyo xog-warran ah kula yeeshay Xafiiska Agaasimaha Waaxda Dhaqanka ee Wasaaradda Arrimaha Gudaha, Federaalka iyo Dib-u-heshiisiinta.

Kulanka ayaa si qoto dheer looga wada hadlay sidii loo waafajin lahaa doorka qurba-joogta iyo dhaqanka Soomaaliyeed, loona dhisi lahaa iskaashi joogto ah oo dhex mara SDRN, qaybaha dhaqanka iyo Wasaaradda Arrimaha Gudaha.

Agaasimaha Waaxda Dhaqanka ayaa ka warbixiyey qaab-dhismeedka iyo shaqada waaxda, isagoo xusay in dhawaan la horgeyn doono golayaasha dowladda qorshe-hawleed cusub oo ku saabsan dhaqanka Soomaaliyeed. Waxa kale oo uu ballanqaaday in Wasaaraddu ay si buuxda ula shaqayn doonto SDRN iyo qaybaha qurba-joogta ee arrimaha la xiriira dhaqanka, dib-u-heshiisiinta iyo isku-xirka bulshada.

Qodobadii Lagu Heshiiyey

Kulanka waxaa lagu heshiiyey:

🔹 In si wadajir ah loo diyaariyo wada-hadal iyo Action Plan cad oo qeexaya meelaha iskaashiga.
🔹 In la yeesho xog-is-weydaarsi iyo xiriir joogto ah.
🔹 In la isla qorsheeyo hawlaha la wada qaban karo, kuwa muddo-gaaban iyo kuwa muddo-dheer.
🔹 In la xoojiyo doorka qurba-joogta ee ilaalinta, horumarinta iyo gudbinta dhaqanka iyo hidda Soomaaliyeed.

Ugu dambayn, xubnaha SDRN waxay xiriir iyo is-dhexgal la sameeyeen Agaasimaha Dib-u-heshiisiinta ee Wasaaradda Arrimaha Gudaha, kaas oo xubnaha SDRN iyo qaybaha dhaqanka ku casuumay kulan wada-tashi iyo iskaashi oo mustaqbalka la qaban doono.

SDRN waxay aaminsan tahay in isku-xirka qurba-joogta, dhaqanka, bulshada iyo hay’adaha dowladda uu yahay tiir muhiim u ah dhismaha kalsoonida, dib-u-heshiisiinta, wadajirka bulshada iyo ilaalinta hiddaha Soomaaliyeed.

13/09/2026

Gunaanadkii iyo Gabagabadii Kulankii Maanta ee Xarunta Diaspora Center

Khudbadda Gunaanadka Guddoomiyaha SDRN

Mudane Cabdalla Maxamed Aadan (Salaamullaahi)

Mowduuca: Ka Faa’iidaysiga Hoggaanka Qurba-joogta ee Nabadda, Xasilloonida iyo Adkeysiga Isbeddelka Cimilada

Waxaa maanta Xarunta Diaspora Center lagu soo gabagabeeyey kulan muhiim ah oo looga hadlayay doorka iyo hoggaanka qurba-joogta Soomaaliyeed, gaar ahaan sidii aqoonta, khibradda, maalgelinta iyo xiriirrada caalamiga ah ee qurba-joogtu ugaalin muuqata uga qaadan lahaayeen nabadda, xasilloonida iyo adkeysiga Soomaaliya ee isbeddelka cimilada.

Gabagabadii kulanka, Guddoomiyaha Somali Diaspora Returnees Network (SDRN), Mudane Cabdalla Maxamed Aadan (Salaamullaahi), ayaa jeediyey khudbad kooban oo uu ku muujiyey muhiimadda ay leedahay in qurba-joogta Soomaaliyeed laga faa’iidaysto, lagana dhigo qayb firfircoon oo ka mid ah dadaallada lagu dhisayo mustaqbalka dalka.

Guddoomiyuhu wuxuu carrabka ku adkeeyey in qurba-joogtu aysan ahayn oo keliya il dhaqaale, balse ay yihiin hanti qaran oo leh aqoon, xirfad, khibrad, maalgelin iyo xiriirro caalami ah oo loo adeegsan karo horumarinta Soomaaliya, xoojinta nabadda iyo dib-u-heshiisiinta, dhismaha hay’adaha iyo kobcinta dhaqaalaha.

Sidoo kale, wuxuu tilmaamay in loo baahan yahay in laga gudbo qaabka qurba-joogta loogu arko oo keliya “ka qayb-qaateyaal”, loona beddelo “hoggaamiyeyaal iyo xal-abuurayaal” si ay si toos ah uga qayb qaataan qorsheynta, siyaasadda, maalgashiga, wareejinta aqoonta iyo horumarinta adeegyada bulshada.

Ugu dambayn, Guddoomiyaha SDRN wuxuu sheegay in saameynta isbeddelka cimilada, abaaraha iyo fatahaadaha ay u baahan yihiin iskaashi ballaaran iyo xalal waara, iyadoo qurba-joogtu ay door muhiim ah ka qaadan karaan maalgelinta biyaha, tamarta nadiifta ah, caafimaadka, beeraha iyo mashaariicda adkeysiga bulshada.

SDRN waxay mar kale xaqiijisay inay ka go’an tahay inay noqoto madal isku xirta qurba-joogta Soomaaliyeed, Dowladda, bulshada, ganacsatada iyo bah-wadaagta caalamiga ah, si loo mideeyo aqoonta, khibradda iyo kheyraadka qurba-joogta looguna adeego Soomaaliya nabad ah, xasilloon, horumarsan oo adkaysi u leh caqabadaha mustaqbalka.

13/09/2026

𝐒𝐃𝐑𝐍 𝐨𝐨 𝐊𝐮𝐥𝐚𝐧 𝐈𝐬𝐛𝐚𝐫𝐚𝐬𝐡𝐨 𝐢𝐲𝐨 𝐈𝐬𝐤𝐚𝐚𝐬𝐡𝐢 𝐥𝐚 𝐘𝐞𝐞𝐬𝐡𝐚𝐲 𝐌𝐢𝐝 𝐤𝐚 𝐦𝐢𝐝 𝐚𝐡 𝐌𝐚𝐝𝐚𝐱𝐝𝐚 𝐌𝐢𝐝𝐨𝐰𝐠𝐚 𝐘𝐮𝐫𝐮𝐛 𝐞𝐞 𝐒𝐨𝐨𝐦𝐚𝐚𝐥𝐢𝐲𝐚

Guddiga Sare ee Somali Diaspora Returnees Network (SDRN) ayaa maanta kulan isbarasho iyo wada-tashi ah la yeeshay 𝑴𝒂𝒓𝒘𝒐 𝑲𝒂𝒓𝒊𝒏 𝑮𝒂𝒕𝒕-𝑹𝒖𝒕𝒕𝒆𝒓, 𝑭𝒊𝒓𝒔𝒕 𝑪𝒐𝒖𝒏𝒔𝒆𝒍𝒍𝒐𝒓, 𝑫𝒆𝒑𝒖𝒕𝒚 𝑯𝒆𝒂𝒅 𝒐𝒇 𝑫𝒆𝒍𝒆𝒈𝒂𝒕𝒊𝒐𝒏 𝒊𝒚𝒐 𝑯𝒆𝒂𝒅 𝒐𝒇 𝑷𝒐𝒍𝒊𝒕𝒊𝒄𝒂𝒍, 𝑷𝒓𝒆𝒔𝒔 𝒂𝒏𝒅 𝑰𝒏𝒇𝒐𝒓𝒎𝒂𝒕𝒊𝒐𝒏 𝒆𝒆 𝑬𝒖𝒓𝒐𝒑𝒆𝒂𝒏 𝑼𝒏𝒊𝒐𝒏 𝑫𝒆𝒍𝒆𝒈𝒂𝒕𝒊𝒐𝒏 to the Federal Republic of Somalia, kaas oo ka dhacay xarunta Midowga Yurub ee Muqdisho.

Kulanka ayaa diiradda lagu saaray xoojinta iskaashiga u dhexeeya SDRN, qurba-joogta Soomaaliyeed iyo Midowga Yurub, gaar ahaan sidii loo horumarin lahaa fursadaha iyo adeegyada taageeraya dadka Soomaaliyeed ee qurba-joogta ah ee dib ugu soo laabtay dalkooda.

Madaxda SDRN waxay kulanka ku soo bandhigeen doorka iyo muhiimadda ay SDRN ku leedahay isku xirka qurba-joogta, hay’adaha dowladda, bah-wadaagta caalamiga ah iyo bulshada Soomaaliyeed, iyadoo xoogga la saaray sidii aqoonta, xirfadaha, khibradaha iyo maalgelinta qurba-joogta loogu adeegsan lahaa horumarinta dalka.

Sidoo kale, waxaa laga wada hadlay fursadaha iskaashi ee ku saabsan tayeynta, awood-dhisidda iyo taageerada qurba-joogta dalka dib ugu soo laabatay, iyo sidii loo abuuri lahaa hannaan ay qurba-joogtu si wax-ku-ool ah uga qayb qaadan karaan nabadda, xasilloonida, horumarka dhaqaale iyo dhismaha hay’adaha dalka.

SDRN waxay uga mahadcelinaysaa Midowga Yurub iyo Marwo Karin Gatt-Rutter soo dhoweynta iyo wada-tashiga muhiimka ah, iyadoo rajaynaysa in kulankani uu noqdo bilowga iskaashi istiraatiiji ah oo waara, kaas oo fursado cusub u abuura qurba-joogta Soomaaliyeed ee dib ugu soo laabatay dalkooda iyo guud ahaan horumarka Soomaaliya.


European Union in SomaliaDiaspora Affairs Department دائرة شؤون المغتربينOPM Somalia

12/09/2026

𝐔𝐑𝐔𝐑𝐊𝐀 𝐐𝐔𝐑𝐁𝐀𝐉𝐎𝐎𝐆𝐀 𝐒𝐎𝐎𝐌𝐀𝐀𝐋𝐈𝐘𝐄𝐄𝐃 𝐈𝐘𝐎 𝐃𝐔𝐔𝐁𝐀𝐁𝐊𝐀 𝐃𝐇𝐀𝐐𝐀𝐍𝐊𝐀 𝐎𝐎 𝐊𝐀 𝐖𝐀𝐃𝐀 𝐇𝐀𝐃𝐋𝐀𝐘 𝐍𝐀𝐁𝐀𝐃𝐃𝐀, 𝐃𝐈𝐁-𝐔-𝐇𝐄𝐒𝐇𝐈𝐈𝐒𝐈𝐈𝐍𝐓𝐀 𝐈𝐘𝐎 𝐇𝐎𝐑𝐔𝐌𝐀𝐑𝐊𝐀 𝐒𝐎𝐎𝐌𝐀𝐀𝐋𝐈𝐘𝐀

10/09/2026

𝐔𝐑𝐔𝐑𝐊𝐀 𝐐𝐔𝐑𝐁𝐀𝐉𝐎𝐎𝐆𝐀 𝐒𝐎𝐎𝐌𝐀𝐀𝐋𝐈𝐘𝐄𝐄𝐃 𝐈𝐘𝐎 𝐃𝐔𝐔𝐁𝐀𝐁𝐊𝐀 𝐃𝐇𝐀𝐐𝐀𝐍𝐊𝐀 𝐎𝐎 𝐊𝐀 𝐖𝐀𝐃𝐀 𝐇𝐀𝐃𝐋𝐀𝐘 𝐍𝐀𝐁𝐀𝐃𝐃𝐀, 𝐃𝐈𝐁-𝐔-𝐇𝐄𝐒𝐇𝐈𝐈𝐒𝐈𝐈𝐍𝐓𝐀 𝐈𝐘𝐎 𝐇𝐎𝐑𝐔𝐌𝐀𝐑𝐊𝐀 𝐒𝐎𝐎𝐌𝐀𝐀𝐋𝐈𝐘𝐀

Waxaa maanta kulan qada-sharafeed oo si heer sare ah loo soo agaasimay isugu yimid xubnaha Somali Diaspora Returnees Network (SDRN), oo ah qurbo-joogta Soomaaliyeed ee dalka dib ugu soo laabatay, iyo qaar ka mid ah duubabka, isimada, odayaasha dhaqanka, imaamyada iyo ugaasyada Soomaaliyeed.

Kulanka waxaa sidoo kale ka qeyb galay aqoonyahanno, haween, dhallinyaro iyo ganacsato, iyadoo ujeeddadiisu ahayd isbarasho, kala warqaadasho iyo in la xoojiyo wada-shaqeynta u dhexeysa qurbo-joogta iyo hoggaanka dhaqanka Soomaaliyeed.

Intii uu kulanku socday, waxaa si gaar ah diiradda loogu saaray nabadda, dib-u-heshiisiinta, horumarka dalka iyo sidii xal waara loogu heli lahaa colaadaha ka jira qaar ka mid ah deegaannada Soomaaliya.

Qurbo-joogta ayaa kulanka ku muujisay garwaaqsiga muhiimadda ay dhaqanka Soomaaliyeed u leeyahay midnimada, nabadda iyo wadajirka bulshada, iyadoo la isku raacay in dhaqanka iyo qurbo-joogtu ay iska kaashadaan arrimaha nabadda, dib-u-heshiisiinta iyo horumarinta dalka.

Xoghayaha Guud ee SDRN, Eng. Bashiir Soofe, oo kulanka furay, ayaa sheegay in duubabka dhaqanka iyo qurbo-joogtu ay yihiin laba tiir oo muhiim ah oo Soomaaliya ka qeyb qaatay badbaadadeeda xilligii burburka dowladeed iyo kala-guurka, isla markaana ay door muuqda ku leeyihiin horumarka iyo dowlad-wanaagga maanta dalka ka hanaqaadaya.

Dhankiisa, Xaaji Macow Cumar Maxamed, Xoghayaha Dhaqanka iyo Nabadda ee SDRN, iyo Xuriya Xaaji Daahir, Xoghayaha Xiriirka Gobolka Banaadir, ayaa sheegay in kulanku uu qeyb ka yahay dadaallada lagu doonayo in Soomaaliya ay gaarto nabad waarta iyo dib-u-heshiisiin dhab ah.

Xassan Cabdullaahi Gaabane, Ku-simaha Agaasimaha Waaxda Qurbo-joogta ee Wasaaradda Arrimaha Dibadda Soomaaliya, ayaa tilmaamay in Wasaaraddu ay diyaar u tahay inay gacan iyo taageero siiso dadaallada ay iska kaashanayaan qurbo-joogta iyo dhaqanka Soomaaliyeed, gaar ahaan dhinacyada nabadda iyo horumarka.

Qaar ka mid ah duubabka, odayaasha dhaqanka iyo waxgaradka ka qeyb galay kulanka ayaa xusay in nabad waarta aysan ku imaan karin dadaal degdeg ah oo keliya, balse ay u baahan tahay dulqaad, wadahadal, kalsooni-dhisid iyo waqti.

Sidoo kale, Wasiiru-dowlaha Wasaaradda Arrimaha Gudaha ee Hirshabeelle, Xasan Cadaay, ayaa sheegay in Maamulka Hirshabeelle uu diyaar u yahay inuu taageero oo uu gacan ka geysto dadaallada wadajirka ah ee lagu xoojinayo nabadda iyo dib-u-heshiisiinta.

Guddoomiye Ku-xigeenka Golaha Qurbo-joogta Soomaaliyeed, Dr. Yuusuf Maxamed Warsame, ayaa sheegay in qurbo-joogta iyo dhaqanka Soomaaliyeed ay si wadajir ah uga shaqeyn doonaan sidii dalka looga hirgelin lahaa nabad waarta iyo xasillooni siyaasadeed iyo bulsho.

Ugu dambeyn, Guddoomiyaha Golaha Qurbo-joogta Soomaaliyeed, Prof. Cabdullaahi Maxamed Aadan Salaamullaah, ayaa tilmaamay muhiimadda ay leedahay in Golaha Qurbo-joogta iyo hoggaanka dhaqanka Soomaaliyeed ay midoobaan, ayna si wadajir ah uga shaqeeyaan nabadeynta, dib-u-heshiisiinta iyo horumarinta Soomaaliya.

Kulanka ayaa lagu soo gabagabeeyey is-afgarad guud oo ku aaddan xoojinta xiriirka ka dhexeeya qurbo-joogta, dhaqanka, dowladda iyo bulshada Soomaaliyeed, iyo in la dardargeliyo dadaallada lagu raadinayo nabad waarta oo dalka oo dhan gaarta.

— DHAMMAAD —

Affairs Department دائرة شؤون المغتربينOPM SomaliaVilla Somalia