18/02/2026
Dhammaan shacabka Soomaaliyeed iyo guud ahaan Muslimiinta caalamka waxaan idiin ku hambalyeynayaa munaasabadda barakaysan ee bisha Ramadaan.
Bishan oo ku suntan naxariis, cibaado iyo is-cafis waxa ay fursad inoo ku tahay in aynu u istaagno taakulaynta dadkeenna danyarta ah, kana fududayno culayska nolasha.
Sidoo kale, waa in aynu badinnaa Rabbi-bariga iyo ducada, innagoo dalka iyo dadkaba ugu ducaynayna amni, nabad iyo barwaaqo.
Ugu danbayntii, dhammaan qaybaha bulshadeenna waxaan xasuusinayaa in ay dhexda u xirtaan daminta colaadaha sokeeye ee ka socda deegaanno badan oo ka mid ah dalka, maadaama nabadaynta iyo heshiisiinta dadka walaalaha ah ay ka mid tahay acmaasha ugu wanaagsan ee Alle loogu dhawaado, gaar ahaan maalmahan barakaysan.
Alle ha inaga aqbalo acmaasha wanaagsan.
kariim
