Jiil Midaysan

Jiil Midaysan Jiil-midaysan waa jiil ka shaqeeya waddaniyadda bulshada,iyo isku duubnida Soomaaliyeed.

Madasha Jiil Mideysan ayaa si sharaf leh uga qeyb gashay casuumad qiimo badan oo ay soo qabanqaabisay Madasha Himilo You...
28/06/2026

Madasha Jiil Mideysan ayaa si sharaf leh uga qeyb gashay casuumad qiimo badan oo ay soo qabanqaabisay Madasha Himilo Youth.

Barnaamijkan oo ahaa tababar iyo aqoon-is-weydaarsi ayaa diiradda lagu saaray mowduucan

Dhibaatooyinka Casriga ah ee Horyaalla Gabdhaha Muslimiinta iyo Doorka Islaamku Ku Leeyahay Xallintooda.

Tababarka waxaa soo jeedisay Drs. Sacido Maxamed Xaashi, oo ah Senior Lecturer, iyadoo soo bandhigtay aqoon iyo wacyigelin ku saabsan caqabadaha casriga ah ee gabdhaha Muslimiinta iyo sida Islaamku u tilmaamayo xalalkooda.

Madasha Jiil Mideysan waxaa halkaas ku matalay Guddoomiye Ku-xigeenka madasha Hinda Abdinour.

Waxaan uga mahadcelineynaa Madasha Himilo Youth martiqaadka iyo dadaalka ay geliyeen qabashada barnaamijkan muhiimka ah.

30/05/2026

Waxaa si habsami leh u socda qaban-qaabada Shirweynaha Dhalinyarada Soomaaliyeed, kaas oo dhawaan ka furmi doona Muqdisho. Shirkan wuxuu noqon doonaa madal ay dhalinyaradu ku mideynayaan codkooda, ku wadaagayaan fikradahooda, isla markaana ku xoojinayaan wadajirka, nabadda, iyo horumarka dalka. Waa fursad muhiim ah oo lagu dhisayo doorka dhalinyarada ee mustaqbalka Soomaaliya. 🇸🇴✨

22/05/2026

Shaacinta Shirwaynaha dhalinyarada soomaliyed. Waxaan marar badan aragnay odayaal, siyaasiyiin, iyo qeybaha kala duwan ee bulshada oo gogol wada fadhiya, balse wali lamahelin madal rasmi ah oo dhalinyarada Soomaaliyeed ay iskugu yimaadaan si ay uga wada hadlaan aayahooda, fikirradooda, iyo waxa qalbiyadooda ka dhex guuxaya.

Maanta annagoo ku hadlayna codka dhalinyarada Soomaaliyeed kana soconna Madasha Jiil Mideysan waxaan gogol u dhignay dhammaan dhalinyarada Soomaaliyeed meel walbo oo ay joogaan. Waxaan rabnaa in codka dhalinyarada la maqlo, lana abuuro wada hadal ku dhisan is dhageysi, midnimo, iyo talo wadaag.

Waxaan rajeyneynaa in kulankaan uu noqdo bilow cusub oo dhalinyarada Soomaaliyeed ay door muuqda uga qaataan mustaqbalka dalka.

Waxaan qorsheyneynaa in dhalinyaro laga kala keeno gobollada dalka oo dhan si ay uga qeyb qaataan wada hadalkan furan oo ku saabsan mustaqbalka jiilka Soomaaliyeed

Madashu waa idiin furan tahay dhammaantiin. Soo dhawada. 💙🇸🇴

Waxaa si guul iyo qurux leh noogu qabsoomay workshop-kii qiimaha badnaa ee uu noo soo jeediyay Ustaad Khaliif Hassan, ka...
25/04/2026

Waxaa si guul iyo qurux leh noogu qabsoomay workshop-kii qiimaha badnaa ee uu noo soo jeediyay Ustaad Khaliif Hassan, kaas oo ku saabsanaa “Dhisidda Anshaxa Bulshada iyo Falsafadda Madaniga ah ee Ka Qayb-qaadashada Dawladnimada ee Dhallinyarada.

Kulankan wuxuu ahaa mid si qoto dheer u taabanayay muhiimadda ay dhallinyaradu u leeyihiin horumarka bulshada iyo ka qeybqaadashada dowladnimada isagoo kobcinayay fahamka iyo masuuliyadda jiilka soo koraya.

Waxaan si weyn ugu mahadcelineynaa dhammaan ka soo qeybgalayaasha ka faa’iideystay aqoonta iyo waayo-aragnimada la wadaagay galabta

Sidoo kale waxaan idiin ballanqaadeynaa in aan idiin keeni doonno barnaamijyo ka sii tayo iyo qurux badan Insha Allah wana sii wadi doonno abaabulka



WORKSHOPMadasha Jiil Mideysan waxay si sharaf leh ugu casuumaysaa dhammaan dhallinyarada iyo qaybaha kala duwan ee bulsh...
23/04/2026

WORKSHOP

Madasha Jiil Mideysan waxay si sharaf leh ugu casuumaysaa dhammaan dhallinyarada iyo qaybaha kala duwan ee bulshada inay ka soo qayb galaan workshop muhiim ah oo cinwaankiisu yahay

Dhisidda Anshaxa Bulshada iyo Falsafadda Madaniga ah ee Ka Qaybqaadashada Dawladnimada ee Dhallinyarada

Workshop-kan waxaa diiradda lagu saari doonaa:
• Kobcinta anshaxa wanaagsan ee bulshada
• Fahamka falsafadda madaniga ah iyo doorka muwaadinka
• Xoojinta kaalinta dhallinyarada ee ka qaybqaadashada dawladnimada
• Horumarinta fikirka hoggaamineed iyo mas’uuliyadda bulshada

Waxaa soo jeedinaya: Dr. Khaliif Hassan (Macallin & Qoraa)

Goobta: Labella Hall, Banaadir
Taariikhda: 25 April 2026
Waqtiga: 3:00 PM

Waxaa si diirran loogu casuumayaa dhammaan dhallinyarada iyo cid kasta oo xiisaynaysa inay ka faa’iideysato aqoon iyo aragti cusub

Kaalay ka mid noqo isbeddelka wanaagsan kuna biir dadaallada lagu dhisayo bulsho anshax leh iyo dhallinyaro firfircoon.

Madasha Jiil Mideysan

Qaar ka mid ah dhallinyarada ugu firfircoon ee Madasha Jiil Mideysan ayaa ka qeyb galay workshop muhiim ah oo aay soo qa...
19/04/2026

Qaar ka mid ah dhallinyarada ugu firfircoon ee Madasha Jiil Mideysan ayaa ka qeyb galay workshop muhiim ah oo aay soo qabanqaabiyeen Ururka Dhallinyarada Himilo.

Kulankan ayaa diiradda lagu saaray sidii dhallinyaradu si masuuliyad leh ugu adeegsan lahaayeen warbaahinta bulshada, loogana faa’iideyn lahaa dhinacyada wanaagsan, isla markaana looga hortagi lahaa saameynta taban ee ka imaan karta isticmaalkeeda. Tababar wax ku ool ah ayaa lagu siiyay ka qeybgalayaasha si ay u yeeshaan wacyi iyo xirfad ay si sax ah ugu maareeyaan baraha bulshada.

Tababarka waxaa bixiyay Ustaad Maxamed Ashari, oo door muuqda ka qaatay gudbinta aqoonta iyo kor u qaadista fahamka dhallinyarada, isaga oo si hufan uga qeyb qaatay horumarinta xirfadaha ka qeybgalayaasha.



Qaar ka mid ah hoggaanka Madasha Jiil Mideysan ayaa shaly si masuuliyad leh uga qeyb galay shir muhiim ah oo ay soo qab...
17/04/2026

Qaar ka mid ah hoggaanka Madasha Jiil Mideysan ayaa shaly si masuuliyad leh uga qeyb galay shir muhiim ah oo ay soo qabanqaabisay Wasaaradda Dhallinyarada iyo Isboortiga JFS kaas oo u hoggaaminayay Agaasimaha Guud ee Wasaaradda, Mudane Ahmed Yusuf Hassan.

Kulankan qiimaha badan ayaa diiradda lagu saaray xoojinta midnimada iyo wadajirka dhallinyarada Soomaaliyeed, dardargelinta ka qeyb qaadashada arrimaha bulshada, iyo u diyaar garowga munaasabadda qiimaha leh ee 15-ka May, oo ah Maalinta Dhallinyarada Soomaaliyeed.

Madasha Jiil Mideysan waxay arrintan u aragtaa tallaabo horumarineed oo muhiim ah isla markaana mudan bogaadin iyo dhiirrigelin. Waxaa naga go’an in aan si firfircoon ugaalin qaadanno horumarinta bulshada kobcinta awoodda dhallinyaradaiyo dhisidda mustaqbal ifaya oo ay hoggaamiyaan jiilalka cusub.

Waxaan sidoo kale bogaadinaynaa dadaallada joogtada ah ee Wasaaradda Dhallinyarada iyo dhammaan hay’adaha la shaqeeya kuwaas oo u taagan horumarinta iyo mideynta dhallinyarada Soomaaliyeed.


Xalay oo ay taariikhdu ahayd 15 April 2026 waxaa si heer sare ah oo xasuus mudan noogu qabsoomay kulan lagu maamuusayay ...
16/04/2026

Xalay oo ay taariikhdu ahayd 15 April 2026 waxaa si heer sare ah oo xasuus mudan noogu qabsoomay kulan lagu maamuusayay laguna soo dhaweynayay xubnaha cusub ee madasha Jiil Mideysan.

Kulankaasi wuxuu ahaa mid ka turjumayay bilow cusub oo rajo leh kuna dheehan isbarasho isfaham iyo mideyn. Waxaa si cad uga muuqatay firfircoonida iyo hamiga dhalinyarada taasoo mar kale caddeyn u ah in jiilka cusub uu diyaar u yahay qaadista masuuliyadda iyo hoggaaminta mustaqbalka.

Waxaan si weyn u rajeynaynaa in xubnaha cusub ay noqdaan tiir adag oo hormuud u noqda horumarka madasha isla markaana ay la yimaadaan fikrado cusub dadaal joogto ah iyo hal-abuur horseeda isbeddel muuqda.

Midnimada waa awood kala tagna waa liidasho Aan ka dhigno madashan meel ay ka hanaqaaddo wadajir horumar, iyo guul waarta

Mahadsanidiin welcome again🇸🇴



Doorka dhalinyaradda ee siyaasadda.
29/03/2026

Doorka dhalinyaradda ee siyaasadda.

27/03/2026

Marka la helo dhalinyaro isku aragti ah oo hal himilo wada leh wax badan ayaa la beddeli kara

Hadaa nahy madasha jiilmideysan mudadii yareed aan aas aasneen waxbdn ayaa nooqabsomay oo aay kamid yihiin inaan aad ugu qeyb qaadanay wacyigelinta dhalinyarada somaliyeed qasatan ardayda dugsiyada anagoo si gaar ah diiradda u saarnay ka hortagga tahriibka ka fogaanshaha qabyaaladda iyo kala qeybsanaanta anagoo kudhirigalinay iney wadankooda jecladaan xalad walbuu kusuganyahy meel udhaantana jirin Waxaan booqanay iskuullo badan waxaan qabanay doodo looga hadlayay xaaladaha dalka iyo xalalka suuragalka ah waxaan kaloo qabanay training no aqoon kororsi ah

Sidoo kale, waxaan gargaar caafimaad oo lacag la’aan ah u fududeynay dhowr qoys oo masaakiin ah oo ku noolaa kaamamka kuwaas oo aan awoodin qarashaadka isbitaalka. Waxaan si gaar ah ugu mahadcelineynaa isbitaalladii nala garab istaagay ee qeyb ka noqday howshan kheyriga ah

Rajadeennu waa in Madasha Jiil Mideysan ay noqoto mid mideysa dhalinyarada Soomaaliyeed kobcisa fikirka wanaagsan kana shaqeysa horumar waara oo dalkeenna ah🇸🇴

Address

Mogadishu

Website

Alerts

Be the first to know and let us send you an email when Jiil Midaysan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category