Ururka Codka Isbadalka Dhalinyarada

17/02/2026

RAMADAN KARIIM
Dhamaan ummada soomaliyeed

21/01/2026

Asalaamu Calaykum dhalinyarada qimaha badn.

Waxaan si sharaf leh idiinkugu baqeyna inaad qeyb ka noqotaan Ururka Codka Isbeddelka Dhalinyarada Soomaaliyeed, oo ah dhaqdhaqaaq dhalinyaro u taagan isbeddel togan, midnimo, iyo horumar bulsho.

Haddii aad tahay dhalinyaro leh aragti, dareen waddaniyadeed, iyo rabitaan aad wax uga beddesho mustaqbalka dalka iyo bulshada, fadlan nagu soo biir oo ku soo biir WhatsApp Group-ka rasmiga ah ee ururka si aad uga mid noqoto wada-tashiga, abaabulka, iyo ficilka dhalinyarada.

👉 Ku soo biir Group-ka WhatsApp-ka halkan:
[https://chat.whatsapp.com/HgYpCfWWGZi8sQL2aBuCSn]

13/01/2026

WAR SAXAAFADEED

Ururka Codka Isbeddalka Dhalinyarada wuxuu si buuxda u taageerayaa go’aanka Dowladda Jamhuuriyadda Federaalka Soomaaliya ee ku aaddan laalidda heshiisyadii ay kula jirtay Dowladda Isutagga Imaaraadka Carabta. Go’aankan wuxuu muujinayaa difaac cad oo ku wajahan qarannimada, madax-bannaanida, iyo danaha istiraatiijiyadeed ee dalka.

Waxaan aaminsanahay in heshiis kasta oo caalami ah uu ku dhisnaado daah-furnaan, sharciyad, iyo ixtiraamka madaxbannaanida qaranka. Tallaabadan ay qaaday Dowladda Soomaaliya waxay caddeyneysaa in aan la aqbali karin wax faragelin ah ama heshiisyo dhaawacaya midnimada dhuleed, amniga, iyo masiirka siyaasadeed ee shacabka Soomaaliyeed.

Ururka Codka Isbeddalka Dhalinyarada wuxuu ku boorrinayaa:

In la xoojiyo midnimada qaran iyo isku-duubnida bulshada.

In la hubiyo in heshiisyada mustaqbalka ay noqdaan kuwo caddaalad ah, sharciyeysan, oo u adeegaya danaha shacabka.

In dhalinyarada lagu daro la-tashiga iyo kormeerka go’aannada waaweyn ee qaranka.

Ugu dambayn, urur ahaan waxaan adkeyneynaa in dhalinyarada Soomaaliyeed ay garab taagan yihiin Dowladda Soomaaliya marka ay qaadeyso tallaabooyin lagu ilaalinayo qarannimada, karaamada, iyo danaha dalka.

— Dhamaad —

PRESS STATEMENT

The Youth Voice for Change Organization expresses its full support for the decision taken by the Government of Federal Republic of Somalia to **cancel the agreements previously entered into with the Government of the United Arab Emirates. This decision represents a firm stand in defense of national sovereignty, independence, and Somalia’s strategic interests.

We firmly believe that any international agreement must be founded on transparency, legality, and full respect for national sovereignty. The step taken by the Government of Somalia sends a clear message that no agreement or external engagement should undermine the country’s territorial integrity, national security, or political future.

The Youth Voice for Change Organization calls for:

Strengthening national unity and social cohesion.

Ensuring that future agreements are fair, lawful, transparent, and aligned with the interests of the Somali people.

Actively involving youth voices in consultation, oversight, and decision-making on major national issues.

In conclusion, we reaffirm that Somali youth stand firmly with the Government of Somalia in taking principled decisions that safeguard sovereignty, dignity, and the long-term interests of the nation.

— End —

08/01/2026

Qudbada Gudoomiye ururka codka isbadalka dhalinyarada

Mudane: xassan abdi ali

BISMILLAAHIR-RAXMAANIR-RAXIIM
Walaalayaal dhalinyarada Soomaaliyeed,
Hooyooyin, aabayaal, aqoonyahanno iyo dhammaan shacabka sharafta leh ee Soomaaliyeed
Maanta waxaan halkaan idiinkula hadlayaa qalbi gubanaya, maskax ka fakaraysa mustaqbalka ummadda, iyo
dareen ka tarjumaya xanuunka ay ku jirto dhalinyarada Soomaaliyeed.
Dalkayna maanta ma aha mid ay ka
muuqato rajo buuxda, cadaalad iyo hoggaan daacad ah, balse waxa hareeyay dhibaatooyin is-biirsaday oo
ay sabab u yihiin siyaasiyiin caado-qaatayaal ah, damiir la'aan ku shaqeeya, kana doorbiday danahooda
gaarka ah danaha qaranka.
Dhalinyaradii Soomaaliyeed-kuwaas oo ah laf-dhabarta ummadda-waxay maanta ku nool yihiin xaalad
adag: shaqo la'aan baahsan, fursado xaddidan, waxbarasho tayo hooseysa, iyo niyad jab ka dhashay
hoggaan ku fashilmay masuuliyaddii loo igmaday. Halkii dhalinyarada la horumarin lahaa, la dhiirrigelin lahaa,
lana siin lahaa doorka ay xaqa u leeyihiin, waxaa la geliyay wareeg mugdi ah oo mustaqbal la'aan ah.
Waxaa nasiib darro ah in dalkii qani ku ahaa khayraadkiisa, taariikhdiisa, iyo dadkiisa geesiyaasha ah, maanta
lagu kala gato miisas shisheeye, iyadoo ay saxiixayaan siyaasiyiin aan matalin rabitaanka shacabka, kana
shaqeynaya dano shisheeye oo lid ku ah midnimada, madaxbannaanida, iyo sharafka Soomaaliya.
Ururka UCID wuxuu si cad u taagan yahay:
In dhalinyarada Soomaaliyeed ay noqdaan kuwa isku duuban, ka feejigan khiyaamada siyaasadeed, una
istaaga difaaca mustaqbalkooda.
Waxaan ugu baaqayaa dhalinyarada Soomaaliyeed meel kasta oo ay joogaan:
Ha u ogolaanina in la idinku ciyaaro magaca qabiil, dano been ah, ama ballanqaadyo marran. Isku
duubnaada. Aqoon ku hubeysnaada. Ka shaqeeya isbeddel dhab ah oo ku dhisan wacyi, midnimo, iyo
mas'uuliyad qaran.
UCID ma aha kaliya urur: waa codka isbeddelka, waa madal ay dhalinyaradu ku mideysan karaan, kuna
muujin karaan rabitaankooda ku aaddan Soomaaliya xor ah, midaysan, oo ay hoggaaminayaan dad daacad
ah.
Ugu dambayn, waxaan leeyahay:
Mustaqbalka Soomaaliya wuxuu ku jiraa gacmahiinna.

08/01/2026

Qudbada gudomiyaha
Ururka codka isbadalka dhalinyarada

27/12/2025

Ururka Codka isbadalka dhalinyarada.

Annaga oo ku hadleyna codka damiirka qaran ee shacabka Soomaaliyeed, kuna taagan ilaalinta midnimada, madax-bannaanida, iyo sharciga caalamiga ah, waxaan si cad oo aan leex-leexad lahayn u cambaaraynaynaa isku-day kasta oo lagu doonayo aqoonsi sharci-darro ah oo loo fidiyo Somaliland—arrin si toos ah u dhaawacaysa jiritaanka qaran ee Jamhuuriyadda Federaalka Soomaaliya.

Waxaan sidoo kale si adag uga digeynaa doorka iyo danaha ay dowlado shisheeye, gaar ahaan Israel, ka raadinayaan Geeska Afrika, kuwaas oo marar badan lagu arko in lagu maamulo dano amni, istaraatiijiyad milatari, iyo juqraafi-siyaasadeed, iyada oo aan loo tixgelin rabitaanka iyo danaha dhabta ah ee shacabka Soomaaliyeed.

Qodobbo Muhiim ah:

Aqoonsiga Somaliland waa sharci-darro
Talaabo kasta oo lagu doonayo aqoonsi gaar ah waxay jebinaysaa mabaa’diida Qaramada Midoobay, Midowga Afrika, iyo xeerarka caalamiga ah ee dhowraya midnimada dalalka jira.

Faragelinta Israel waa mid khatar ku ah xasilloonida gobolka
Ka-qaybgalka Israel ee heshiisyo ama qorsheyaal ku lug leh Somaliland wuxuu halis ku yahay nabadda Geeska Afrika, wuxuuna abuuri karaa colaado cusub iyo kala-shaki bulsho.

Go’aanno qarsoon lama aqbali karo
Heshiis kasta oo lagu gaaro dhul Soomaaliyeed, gaar ahaan mid la xiriira amni, dekedo, ama saldhigyo istaraatiiji ah, waa inuu maraa hannaan sharci ah oo ay ogyihiin shacabka iyo hay’adaha dastuuriga ah.

Shacabka Soomaaliyeed waa milkiilaha mustaqbalkooda
Mustaqbalka Soomaaliya laguma dhisi karo dano shisheeye, lagumana kala qaybin karo qorsheyaal dibadda laga soo maleegay.

09/12/2025

MAGACAABISTA MADAXA ARRIMAHA DIBADDA

Anagoo ka duulayna baahida loo qabo in la xoojiyo xiriirka caalamiga ah, iskaashiga diblomaasiyadeed, iyo matalaadda ururka meelaha caalamiga ah, waxaan maanta si rasmi ah u magacaabaynaa:

Abdirahman Yusuf Mohamed

Madaxa Arrimaha Dibadda (Head of International Relations)
Ururka Codka Isbeddalka Dhalinyarada

Magacaabistan waxay dhaqan galeysaa laga bilaabo maanta, waxaana laga sugayaa:

In uu hormariyo xiriirka ururka iyo hay’adaha caalamiga ah.

In uu matalo ururka shirarka, kulamada iyo madalaha dibadda.

In uu diyaariyo warbixinno iyo siyaasado la xiriira iskaashiga caalamiga ah.

In uu taageero dadaallada diblomaasiyadeed ee dhallinyarada Soomaaliyeed.

Waxaan ku kalsoon nahay in Abdirahman Yusuf Mohamed uu si daacadnimo, mas’uuliyad, iyo xirfad leh u gudan doono waajibaadka loo igmaday.

05/12/2025

JIMCO WANAGSAN

23/11/2025

URURKA CODKA ISBADALKA DHALINYARADA

Waa hannaan abaabulan oo ay hoggaaminayaan dhalinyaro ku mideysan difaaca dalka, horumarinta bulshada, iyo ilaalinta qiyamka diinta Islaamka. Waa dhaqdhaqaaq ku saleysan waddaniyad, karti, iyo ka go’naansho dib u dhiska qaranka, kaas oo ujeedadiisu tahay in dhalinyarada la siiyo door hoggaamineed oo dhab ah si ay uga qeyb qaataan xalinta caqabadaha jira.

Maanta aan bilowno,
Runta iyo riyada aan mideyno,
Cadowga jahligana aan jebinno,
Nuurka aqoonta aan shidno.

19/11/2025

WARGALIN!

Waxaan ku wargelinaynaa dhallinyarada Soomaaliyeed meel kasta oo ay joogaan in Ururka Codka Isbadalka Dhalinyarada uu furan yahay, islamarkaana uu diyaar u yahay inuu soo dhoweeyo qof walba oo raba inuu ka qayb qaato mideeynta bulshada somaliyeed.