Safe Reporters of Somalia - SRS

Safe Reporters of Somalia - SRS Contact information, map and directions, contact form, opening hours, services, ratings, photos, videos and announcements from Safe Reporters of Somalia - SRS, Nonprofit Organization, Mogadishu.

Safe Reporters of Somalia -SRS is a non-profit, independent organization committed to protecting journalists, defending press freedom, and promoting ethical reporting across Somalia. Safe Reporters of Somalia -SRS is a non-profit, independent initiative dedicated to protecting and empowering journalists operating in Somalia’s high-risk and conflict-affected environment. The organization advocates for press freedom, promotes ethical journalism, and provides safety resources to ensure reporters can work without fear of harassment, violence, or censorship.

Maalinta Nabadda Aduunka & baaqa SRS ee xoojinta Nabadda.MOGADISHU-Maanta dunida waxaa laga xusayaa maalinta loo aqoonsa...
21/09/2026

Maalinta Nabadda Aduunka & baaqa SRS ee xoojinta Nabadda.

MOGADISHU-Maanta dunida waxaa laga xusayaa maalinta loo aqoonsaday Maalinta Nabadda Adduunka, iyadoo la adkeynayo maanta oo kale muhiimadda nabadda, la dhiiragalinayo wada-hadalka.

Warbaahintu waxay leedahay door muhiim ah oo ku aaddan horumarinta nabadda iyo xasilloonida bulshada, maadaama ay tahay aalad awood leh oo dadka ku wargelisa, isku xirta bulshada.

Safe Reporters of Somalia - SRS wuxuu aaminsan yahay in warbaahin masuuliyad leh ay kaalin muuqata ka qaadan karto dhiirrigelinta wada-hadalka, xoojinta is-dhexgalka bulshada, ka hortagga hadallada nacaybka .

‘’Xilliyada ay jiraan khilaafaadyo iyo xiisado bulsho, saxafiyiintu waxay door muhiim ah ka ciyaari karaan in bulshada la siiyo xog dhab ah oo dheellitiran, iyadoo laga fogaanayo warar aan la xaqiijin, hadallo hurin kara colaado iyo xog horseedi karta kala-qaybsanaan ‘’- Afhayeenka SRS Hanad Ali Guled .

"Waa nasiib-darro in golaha shacabka lagu dhibaateeyo Suxufiyiinta u adeegaya Bulshada"- SRS.MOGADISHU, - Safe Reporters...
19/09/2026

"Waa nasiib-darro in golaha shacabka lagu dhibaateeyo Suxufiyiinta u adeegaya Bulshada"- SRS.

MOGADISHU, - Safe Reporters of Somalia - SRS wuxuu si adag u cambaaraynayaan falka maanta ka dhacay xarunta Golaha Shacabka, halkaas oo wariyayaasha madaxabannaan loogu diiday inay gutaan waajibaadkooda shaqo, laguna soo rogay xayiraado baalmarsan xorriyadda saxaafadda.

Dhammaan suxufiyiinta ayaa si wadajir ah isaga soo dareeray fadhiga Baarlamaanka ee maanta go'aankan ayaa yimid markii maamulka Golaha Shacabka uu warfidiyeenka u diiday inay wareystaan xildhibaanada xilliga bareega salaadda, iyadoo lagu qasbay inaysan wax wareysi ah qaadi karin ilaa uu kulanku ka dhammaanayo.

"Waa nasiib-ka dhan ah xorriyadda saxaafadda in wariyayaashii madaxabannaan ee u adeegayay bulshada lagu dhex dhibaateeyo gurigii sharciga ee Golaha Shacabka. SRS ma aqbalayo cadaadiskaas, wuxuu garab taagan yahay go'aanka geesinimada leh ee ay wariyayaashu maanta qaateen ‘’- Safe Reporters of Somalia.

Tan waxay qayb ka tahay cadaadis in muddo ah lagu hayay suxufiyiinta xayiraadahan ,waxay xadgudub ku yihiin xaqa ay dadweynuhu u leeyihiin inay helaan xogta rasmiga ah ee matalayaashooda ,waxayna liddi ku yihiin qodobbada Dastuurka ee dammaanad-qaadaya xorriyadda hadalka & madaxbannaanida saxaafadda.

‘’Geerida Boqorka Bartamaha & Xasan Kaafi Qoyste waa khasaare soo gaaray bahda saxaafadda"-SRS.MOGADISHU, SOMALIA—Safe R...
19/09/2026

‘’Geerida Boqorka Bartamaha & Xasan Kaafi Qoyste waa khasaare soo gaaray bahda saxaafadda"-SRS.

MOGADISHU, SOMALIA—Safe Reporters of Somalia - SRS wuxuu tacsi ka dirayaa geerida ku timid laba suxufi oo muddo dheer si hagar la’aan ah ugu shaqeynayay shacabka Soomaaliyeed kuwaas oo kala :

01-Weriye Maxamed Aweys Muudey (Boqorka Bartamaha).

02- Weriye Xasan Kaafi Cabdiraxmaan Sheekh Isxaaq (Qoyste).

‘’Labadan marxuum waxay ahaayeen suxufiyiin karti leh, aqoon durugsanna u lahaa mihnadda saxaafadda iyaga oo cilmigooda ugu adeegay muwaadiniinta waxay ku suntanaayeen dadaal, waayo-aragnimo iyo u heellanida gudashada waajibaadka saxaafadeed waqti adag oo aan lagu dhiiranaan karin ayay u bareereen ka shaqaynta saxaafadda ‘’- SRS.

Safe Reporters of Somalia (SRS) wuxuu tacsi tiiraanyo leh u dirayaa qoysaska, ehelada, asxaabta iyo dhammaan bahda saxaafadda Soomaaliyeed ee ay ka geeriyoodeen Marxuum Maxamed Aweys Muudey iyo Marxuum Xasan Kaafi Cabdiraxmaan Sheekh Isxaaq.

Waxaan Allaah uga baryaynaa inuu naxariistii janno ka waraabiyo, qabrigoodana u waasiciyo, qoysaskii iyo bahda saxaafaddana uu samir iyo iimaan ka siiyo. Amin.

Innaa Lillaahi Wa Innaa Ilayhi Raajicuun.

HARGEYSA – Safe Reporters of Somalia - SRS waxaa walaac ku haya sii socoshada xarigga suxufiyiinta ka howlgala deegaanad...
10/09/2026

HARGEYSA – Safe Reporters of Somalia - SRS waxaa walaac ku haya sii socoshada xarigga suxufiyiinta ka howlgala deegaanada Somaliland kuwaas oo la kulmaya si joogta ah xarig & cagajulayn taas oo saameyn ku yeelatay shaqada warbaahinta.

Shalay 09-September -2026 magaalada Gebilay waxaa lagu xiray Hassan Saleban Harun Galaydh oo ah , maamulaha warbaahinta Galaydh TV ee fadhigoodu yahay magaalada Hargaysa ee Somalind.

Xabsiga magaalada Hargaysa ee Somaliland waxaa ku jira Abdiqani Hussein Abokor Baylood oo la xiray 29– Augost- 2026 kaas oo loo xiray wareysi uu ka qaaday abwaan Jiheeye oo si wayn loogu yaqaano sugaanta nabadda.

“Xarigga joogtada ah ee suxufiyiinta waxay ka hor imaanaysaa xorriyadda saxaafadda iyo xaqa bulshada u leedahay inay hesho xog madax-bannaan suxufigu ma aha dambiile wuxuu gudanayaa waajibaadkiisa shaqo waxaan ugu baaqeynaa Somaliland inay si degdeg ah u caddeeyaan sababta loo xiray suxufiyiintan, haddii ay jiraan eedeymo sharci ahna maxkamad horkeenaan’’ – Afhayeenka SRS Hanad Ali Guled.

Muddadii 21-ka bilood ahayd ee uu Madaxweyne Cabdiraxmaan Cirro xafiiska joogay, waxaa Somaliland lagu xiray 47 wariye taas oo ka dhigan in celcelis ahaan bishii la xiro 2-3wariye, waa in lamid ah in 13-kii maalmood oo kasta wariye loo taxaabo xabsiga.

07/09/2026

Maamulka iyo howlwadeenadda Warteelka Arlaadi waxay murugadda la qeybsanayaan qoyska iyo asxaabta wariye Bashiir Maxamed Cabdullaahi oo u dhintay dhaawacii kasoo gaarey dagaalkii Baydhabo ka dhacay September 3 2026.

Suxufi lagu toogtay Baydhabo oo geeriyooday ‘’ ‘’ –SRS.Safe Reporters of Somalia (SRS) wuxuu ka tacsiyeeynayaa geerida ...
07/09/2026

Suxufi lagu toogtay Baydhabo oo geeriyooday ‘’ ‘’ –SRS.

Safe Reporters of Somalia (SRS) wuxuu ka tacsiyeeynayaa geerida Alle ha u naxariistee Weriye Bashiir Maxamed Cabdullaahi, oo u geeriyooday dhaawacii kasoo gaaray dagaalladii ka dhacay magaalada Baydhabo 3-dii Sebtembar 2026.

Bashiir Maxamed Cabdullaahi wuxuu ka mid ahaa hawl-wadeennada Warbaahinta Arlaadi, gaar ahaan qaybta ka howlgasha magaalada Baydhabo.

‘’SRS waxa uu ka xunnyahay in weriye Bashiir uu naftiisa ku waayo colaadda ka taagan magaalada Baydhabo halkaas oo ay isku hayaan dhinacyada ku loolamaya maamulka. SRS wuxuu ku baaqayaa baaritaan in lagu sameeey dhacdadan uu ku nafwaayay Bashiir lana ilaaliyo badqabka suxufiyiinta halkaas ka shaqeeya.’’- Afhayeenka SRS Hanad Ali Guled.

SRS wuxuu ku baaqaynaa in ay si degdeg ah loo qaado tallaabooyin dheeraad ah oo lagu xaqiijinayo badqabka wariyeyaasha ka howlgala magaalada Baydhabo iyo deegaanada kale ee dalka oo si joogta ah ula kulma khatar .

SRS oo ka qayb galay Madasha Dowladnimada Soomaaliya (Somali Governance Forum 2026).MUQDISHO - Guddoomiyaha ahna Afhayee...
26/08/2026

SRS oo ka qayb galay Madasha Dowladnimada Soomaaliya (Somali Governance Forum 2026).

MUQDISHO - Guddoomiyaha ahna Afhayeenka Safe Reporters of Somalia - SRS Hanad Ali Guled ayaa maanta magaalada Muqdisho kaga qayb- galay Madasha Dowladnimada Soomaaliya (Somali Governance Forum 2026).

Madashan oo heerkeedi uu sareeyay waxaa soo qabanqaabiyay Somali Public Agenda waxaa diiradda lagu saaray helidda xal-dhexe, noocyada doorashooyinka, heshiiska siyaasadeed iyo mustaqbalka doorashooyinka Soomaaliya.

Shirkan ayaa magaalada Muqdisho ka socon doona laba maalin , iyadoo bulshada rayidka ee ka qayb - galaya talooyin ay ku biirinayaan madashan si loo helo xalal waaraa oo la xiriira arrimaha doorashooyinka oo muran badan uu ka jiro.

" SRS wuxuu u arkaa madalada noocaan oo kale ah mid ka qayb qaadanaya dowlad dhis & fahamka hanaanka & heerarka doorashooyinka si muwaadiniintu u fahmana jihada doorasho ee dalka u socdo " ayuu yir Afhayeenka SRS Hanad Ali Guled.

24/08/2026

SRS '' Waxaan garab taaganahay xrumaha lagu kobciyo xirafadda dhallinyarada Soomaaliyeed guud ahaan dalka ''

Hadalkan ayaa Afhayeenka SRS ka jeediyay munaasabad lagu daahfurayay xarunta Korrin institute oo lagu barto xirfadaha.

"Waan bogaadinaynaa xarumaha lagu dhisayo xirfadaha dhallinyarada Soomaaliyeed " - SRS.MOGADISHU - Guddoomiyaha ahna Afh...
22/08/2026

"Waan bogaadinaynaa xarumaha lagu dhisayo xirfadaha dhallinyarada Soomaaliyeed " - SRS.

MOGADISHU - Guddoomiyaha ahna Afhayeenka Safe Reporters of Somalia - SRS Mudane Hanad Ali Guled ayaa kaga qayb- galay magaalada Muqdisho xaflad lagu dahfurayay Machadka Korriin oo ka qayb- qaadanaya kor u qaadista xirfadda dhallinyarada Soomaaliyeed ee dhinaca Digital-ka.

Afhayeenka SRS ayaa ku bogaadiyay aas- aasiyaasha Machadka in ay buuxiyaan meelaha banaan ee waxtarka u leh dhallinyarada kuwaas oo u jihaystay barashada xirfadaha muhiimka u ah noloshooda.

"SRS wuxuu dhiiragalinayaa xaruumaha lagu barto xirfadaha sida Koriin oo kale oo diyaar u ah inuu daboolo baahida loo qabo barashada xirfadaha iyada oo lala jaanqaadayo hirarka tiknoolajayada ee aduunka uu ku socda iyadoo la iska indha-tiri karin sida Digitalka u bedelay hannaanka shaqo ee warbaahinta " ayuu ka sheegay Afhayeenka SRS munasabada daahfurka.

SRS wuxuu la shaqaynayaa dhammaan xarumaha ku howlan in kor loo qaado xirfadaha lagu dhisayo nolosha dhallinyarada Soomaliyeed maadama lagu jiro qarniga tiknoolajiyada dunida waxayna tani hoos u dhigi kartaa shaqo la' aan dhallinyarada.

Address

Mogadishu

Website

Alerts

Be the first to know and let us send you an email when Safe Reporters of Somalia - SRS posts news and promotions. Your email address will not be used for any other purpose, and you can unsubscribe at any time.

Shortcuts

Share

Category