Safe Reporters of Somalia - SRS

18/08/2026

16/08/2026

WEEKLY Report | Weerarada Internet-ka oo kordhay dumar suxufiyiin ah oo lagu dhibaateeyay Galmudug , saxafiyad lagu dhaawacay Muqdisho , Puntland State TV oo ku xadgubay gabadho suxufiyiin ah & Mascuud oo la sii daayay.

13/08/2026

Weriye Shukri Caabi oo lagu dhaawacay Muqdisho " Baaritaan deg deg ah ayaan dalbanaynaa"- SRS.

MUQDISHO- Ciidan ka tirsan dowladda Soomaaliya ayaa si xun u jirdilay suxufiyad Shukri Caabi Cabdi oo ka tirsan Radio-yaha & Telefishanka Shabeelle ee magaalada Muqdisho.

Suxufiyad Shukri ayaa ciidanka jirdilay ka dhaawacay gacanta iyadoo si xooggan loo garaacay ilaa qayb badan oo jirkeeda ah dhaawacyo kale uu soo gaaro . Falkan waxa uu ka dhacay galabta degmada Cabdicasiis ee Muqdisho.

" SRS wuxuu dalbanayaa in dhacdadan oo ah weerar lagu soo qaaday dhammaan warbaahinta Soomaaliyeed lagu sameeyo baaritaan deg deg ah , gacantana lagu soo dhigo cid kasta oo ku lug lahayd si cadaalad ay u hesho dhibanaha lana ciqaabo shaqsiyaadkii sida ula kaca ah ugu lugta lahaa"- Afhayeenka SRS Hanad Ali Guled .

Shukri Caabi waqtiga dhaawacan loo gaysanayay ayaa iyada & tiro kale oo suxufiyiin ah ku jiray shaqo maalmeedkooda caadiga ah iyadoo goobta ciidanka ay ka kala eryeen suxufiyiintii kale ee la socday.

Ma ah wax la caqbali karo sii socoshada tacdiyada loo gaysanayo suxufiyiinta oo hadba marxalad soo maryay iyadoo maanta la dhaawacay suxufiyad Shurki Caabi. Tan waa calamaad muujinaysa sida aan wax xushmad ah loogu haynin howlwadeenada warbaahinta.

13/08/2026

BOORAMA Xasan Sheekh Cali ayaa ugu xiran si sharci darra ah ‘’ Hala sii daayo ‘’- SRS.

Safe Reporters of Somalia - SRS wuxuu ka xun yahay xarigga sharci-darrada ah ee magaalada Boorama ee gobolka Awdal loogu gaystay Xasan Sheekh Cali Ismaaciil (Hasan Koranto) oo ah agaasimaha warbaahinta madaxa-bannaan ee GOODIR TV.

SRS wuxuu ugu baaqayaa Guddoomiyaha Gobolka Awdal, Cabdirashiid Xasan Mataan, iyo dhammaan masuuliyiinta ay khusayso inay si degdeg ah u caddeeyaan sababta xarigga, isla markaana ay dhowraan xuquuqda aasaasiga ah ee wariyaha iyo xorriyadda saxaafadda.

‘’ Hay’adaha Garsoorkka & kuwa amniga waa inay xaqiijiyaan xaqiijiyaan in wariye Xasan Sheekh Cali loo maro hannaan sharci oo caddaalad haddii ay jiraan wax eedeymo ahna loo soo bandhigo si waafaqsan sharciga ‘’ ayuu yiri Afhayeenka SRS Hanad Ali Guled.

Xorriyadda saxaafaddu waa tiir muhiim u ah bulshada iyo dowladnimada, waana dariiq ay muwaadiniintu ku helaan xog sugan, aragtiyo kala duwan iyo warar la xiriira arrimaha khuseeya noloshooda.

‘’Marka wariye la cabsi-geliyo ama lagu cadaadiyo inuu ka tanaasulo shaqadiisa, ma saameynayso oo keliya qofka wariyaha ah, balse waxay sidoo kale dhaawac ku tahay xaqa muwaadiniinta ee helitaanka xogta iyo xorriyadda hadalka ‘’ ayuu yiri Afhayeenka SRS Hanad Ali Guled.

08/08/2026

"Waan soo dhaweynayaa in DFS Baaqeena u hoggaansanto, lana sii daayo weriye Mascuud "- SRS

MOGADISHU - Safe Reporters of Somalia - SRS waxa soo dhaweynayaa in la sii daayo Weriye Mascuud Warse oo 40 maalin ku jiray gacanta Hay' adaha ammaanka dowladda Soomaaliya.

" in xoriyadiisa uu helo Weriye Mascuud waa talaabo mudan in la bogaadiyo dadaalkaas waxa gacan ka gaystay SRS iyo saxiibo kale kuwaas oo si joogta ah u qabanayay kulamo & bananabaxyo joogta ah oo lagu dalbanayay in suxufigan la sii daayo " Afhayeenk SRS Hanad Ali Guled.

Weriye Mascuud ayaa la sii daayay iyadoo lagu soo oogin wax eed ah , taas oo ka dhigan in si sharci darra ah ugu xirnaa magaalada Muqdiso tan waxay qayb ka tahay caburinta lagu hayo suxufiyiinta ka howlgala guud ahaan Soomaaliya.

SRS oo gudanaya waajibka ka saaran xuquuqda suxufiyiinta ayaa maanta Muqdisho ku qabtay banaanbax lagu dalbanayo sii deynta suxufigan oo ah maamulka Xogbile TV ee fadhigeedu yahay Muqdisho.

" Dowladda Soomaaliya waa in xil- gaar ah iska saartaa ilaalinta & badqabka howlwadeenada warbaahinta kuwaas oo u taagan sidii muwaadiniintu u heli lahayaeen xogta ay xaqa u leeyihiin " sidaas waxaa yiri markale Afhayeenka SRS Mr Hanad.

08/08/2026

" 48 saac oo uu xaq u lahaa inuu Garsoor u helo waxay dhashay 40 maalin in afduub loo sii haysto Muscuud Warsame "- Hanad Ali Guled Guddomiyaha SRS

20/07/2026

Weriye Shuceyb oo ku xiran Boosaaso -"Puntlad waa inay joojisaa xarigga joogtada ah ee suxufiyiinta"

BOOSAASO - Safe Reporters of Somalia - SRS wuxuu ka xun yahay xarigga sharciga baalmarsan ee magaalada Bosaaso gobolka Bari ee Puntland loogu gaystay Weriye Shuceyn Daad oo ka howlgala Sahal Cable TV tani waa mid halis ku ah xoriyadda saxaafadda & badqabka warbaahinta Puntland.

Xarigga Shucayb Daad ayaa noqonaya wariyihii afaraad ee lagu xiro Puntland tan iyo bishii Juun 2026, taas oo muujinaysa kororka cadaadiska lagu hayo warbaahinta madaxa-bannaan ee ka howlgasha deegaanada maamulka Puntland.

"SRS wuxuu ka walaacsan yahay bartilmaameedsiga soo noqnoqday ee saxafiyiinta Puntland ,caburinta saxafiyiintu waxay dhaawacaysaa ku dhaqanka sharciga, waxayna wiiqaysaa kalsoonida shacabka ay ku qabaan hay’adaha maamulka sidaas darteeda waa in xil gaar ah la iska saaraa badqabka suxufiyiinta " ayuu yiri Afhayeenka SRS Hanad Ali Guled .

SRS wuxuu ugu baaqeyaa Puntland in si degdeg ah oo shuruud la'aan ah loo sii daayo Wariye Shucayb Daad, lana joojiyo tallaabooyinka lagu caburinayo warbaahinta madaxa-bannaan ee ka howlgala deegaanadaas.

15/07/2026

"SUWEYS oo lagu sii daayay damanaad weli cadaaladu ma shaqeyn " - SRS.

GAROOWE - Suways Gacayte oo 13 maalin ku xirnayd xabsiga dhexe ee magaalada Garoowe ee Puntland ayaa maanta lagu sii daayay damaanad.

Tan waxay ka dhigan tahay in markasta loo yeeri karo suxufiyadan oo ka mid ah weriyayaasha firfircoon ee ka howlgala magaalada Puntland sidaas darteed SRS wuxuu ku baaqayaa in la baa'biyo dhamaan eedeymaha sharci darrada ee lagu soo oogay.

" Marnaba lama aqbali karo in suxufiyiinta loo xiro loo handada shaqadooda darteeda sidaas darteeda waa in la ilaaliyaa xoriyada saxaafadda taas oo keeni karta in la helo isla xisaabtan bulshada & maamulka" - Afhayeenka SRS Hanad Ali Guled .