What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00 Sunday 09:00 - 17:00

Golaha Xirfadlayaasha Caafimaad ee Haweenka Soomaaliyeed

Home
Somalia
Mogadishu
Golaha Xirfadlayaasha Caafimaad ee Haweenka Soomaaliyeed

Somali Women Health Professional Council ( SOWHELP )

( Is a Non-Profit-Organization ).

29/07/2026

Maalinta Caalamiga ah ee Cagaarshowga Adduunka (World Hepatitis Day) – 28 Luulyo
Cagaarshowgu (Hepatitis) waa xanuun saameeya beerka, waxaana laga hortagi karaa iyadoo la qaato tallaalka, la sameeyo baaritaan h**e, lana raaco hab nololeed caafimaad leh.
Ogaanshaha h**e wuxuu badbaadiyaa nolosha. Haddii aad dareento calaamado ama aad halis ugu jirto cudurka, tag xarunta caafimaadka ee kuugu dhow si laguu baaro.
Aan kor u qaadno wacyiga, aan yareyno faafitaanka cagaarshowga, isla markaana aan ilaalino caafimaadka beerkeenna.

SOWHELP Caafimaadku waa masuuliyad wadajir ah.

Golaha Xirfadlayaasha Caafimaad ee Haweenka Soomaaliyeed
Shirweynaha Caafimaad ee Haweenka Soomaaliyeed

01/07/2026

🇸🇴 Hambalyo 1-da Luulyo – Maalinta Xorriyadda Soomaaliyeed 🇸🇴

Golaha Xirfadlayaasha Caafimaadka ee Haweenka Soomaaliyeed (SOWHELP) wuxuu hambalyo iyo bogaadin u dirayaa dhammaan shacabka Soomaaliyeed meel kasta oo ay dunida ka joogaan munaasabadda 1-da Luulyo, oo ku beegan sannad-guurada 66-aad ee ka soo wareegtay midowgii gobollada Waqooyi iyo Koonfur iyo dhalashadii Jamhuuriyadda Soomaaliya.

Maalintan qiimaha badan waxay ina xusuusinaysaa halgankii geesiyaasha Soomaaliyeed u soo mareen xorriyadda, midnimada iyo qarannimada. Waa maalin dhiirrigelinaysa in aan sii xoojino wadajirka, nabadda, horumarka iyo adeegga bulshada.
Goluhu wuxuu ugu baaqayaa dhammaan shacabka Soomaaliyeed in ay ilaashadaan midnimada, wadajirka iyo wada noolaanshaha, si aynu u dhisno dal nabdoon oo horumar leh.
Hambalyo 1-da Luulyo! 🇸🇴
Guul, Nabad, Midnimo iyo Horumar ha u waarto Soomaaliya.

Golaha Xirfadlayaasha Caafimaad ee Haweenka Soomaaliyeed
Shirweynaha Caafimaad ee Haweenka Soomaaliyeed
Ministry of Health- Somalia
Wasaaradda Dhallinyarada iyo Isboortiga JFS

30/06/2026

Aasaasaha Golaha Xirfadlayaasha Caafimaadka ee Haweenka Soomaaliyeed, Drs Fatima Ismail Mohamed , ayaa maanta si rasmi ah uga qayb gashay shir-howleed ay soo qabanqaabisay Hay'adda Dhaxalreeb
Shirkan ayaa diiradda lagu saaray arrimaha shaqo la'aanta iyo tahriibka, kuwaas oo ka mid ah caqabadaha waaweyn ee saameeya bulshada, gaar ahaan dhallinyarada Soomaaliyeed.
Kulanka ayaa ahaa mid heerkiisu sareeyay, waxaana ka soo qayb galay khubaro, aqoonyahanno iyo masuuliyiin kala duwan. Intii uu shirku socday waxaa si qoto dheer looga dooday sababaha keena shaqo la'aanta iyo tahriibka, saameyntooda, iyo xalalka lagu yareyn karo.

Golaha Xirfadlayaasha Caafimaad ee Haweenka Soomaaliyeed wuxuu mar walba garab taagan yahay dadaallada lagu horumarinayo bulshada, laguna abuurayo fursado wax ku ool ah oo dhalinyarada ka fogeynaya shaqo la'aanta iyo tahriibka.

Shirweynaha Caafimaad ee Haweenka Soomaaliyeed
Ministry of Health- Somalia
Wasaaradda Dhallinyarada iyo Isboortiga JFS
Wasaaradda Haweenka iyo Horumarinta Xuquuqda Aadanaha -Mwhrd

28/06/2026

Guul Caafimaad oo Farxad Leh

Golaha Xirfadlayaasha Caafimaadka ee haweenka Soomaaliyeed ayaa ku guuleysteen inay gacan ka geystaan daaweynta bukaan Aabe Cali Maxamed Cali, oo 66 jir ah, kuna nool kaamka barakacayaasha. Aabe Cali waxa uu muddo ku dhow 10 sano la noolaa buro weyn, hase yeeshee duruufaha nololeed awgeed ma uusan awoodin qarashka qalliinka iyo daaweyntiisa.
Kadib dadaal iyo codsi ay Golaha u gudbiyeen Isbitaalka Jarmalka, maanta waxaa si guul leh loogu sameeyay qalliinka, waxaana Alle mahaddiis uu hadda ku sugan yahay xaalad caafimaad oo wanaagsan.

Waxaan si gaar ah ugu mahadcelineynaa maamulka isbitaalka, dhakhaatiirta, kalkaaliyeyaasha iyo dhammaan bahda caafimaadka ee si hagar la’aan ah u fuliyay qalliinkan una garab istaagay Aabe Cali.
Waxaan Alle SWT uga baryeynaa inuu siiyo caafimaad taam ah, bogsiin degdeg ah iyo cimri dheer oo barako leh.
Golaha Xirfadlayaasha Caafimaadka ee haweenka Soomaaliyeed waxay sii wadi doonaan u adeegidda bulshada, gaar ahaan dadka nugul ee aan awoodin kharashaadka adeegyada caafimaadka.
Alle ayaa mahad oo dhan iska leh.

Golaha Xirfadlayaasha Caafimaad ee Haweenka Soomaaliyeed
Shirweynaha Caafimaad ee Haweenka Soomaaliyeed
Ministry of Health- Somalia
Wasaaradda Dhallinyarada iyo Isboortiga JFS
German Hospital

24/06/2026

MAGACAABIS RASMI AH.

Guddoomiyaha Golaha Xirfadlayaasha caafimaad ee haweenka soomaaliyeed Dr. Safiya Mohamed Abdirahman, ayaa si rasmi ah ugu magacawday Dr. Salma Muxudiin xilka Guddoomiye Ku-xigeenka Golaha Xirfadlayaasha caafimaad ee haweenka soomaaliyeed .
Magacaabistan waxay qayb ka tahay dadaallada lagu xoojinayo hoggaanka, wada-shaqeynta, iyo horumarinta howlaha Golaha Xirfadlayaasha Caafimaad ee Haweenka Soomaaliyeed.

Waxaan hambalyo iyo bogaadin u diraynaa Dr. Salma Muxudiin, waxaana u rajaynaynaa guul iyo waxqabad wanaagsan in ay gudanayso mas’uuliyaddan cusub.
Hambalyo iyo guul.

Shirweynaha Caafimaad ee Haweenka Soomaaliyeed
Ministry of Health- Somalia
Wasaaradda Dhallinyarada iyo Isboortiga JFS

17/06/2026

Maamulka Sare ee Golaha Xirfadlayaasha Caafimaad ee Haweenka Soomaaliyeed isla markaana ah Aasaasaha Golaha, Drs Fatima Ismail Mohamed ayaa bixisay tababar ku saabsan Leadership and Team Work (Hoggaaminta iyo Wada-shaqeynta Kooxeed), kaas oo loo qabtay qaar ka mid ah xubnaha Golaha.

Tababarka waxaa si rasmi ah u furay Guddoomiyaha Golaha, Dr. Safiya Mohamed. Waxa uu ka dhacay Dhaxalreeb Hall, waxaana si gaar ah loogu talagalay gabdhaha xubnaha ka ah Golaha.
Ujeeddada tababarku waxay ahayd kor u qaadidda xirfadaha hoggaaminta, xoojinta wada-shaqeynta kooxeed, iyo horumarinta aqoonta xubnaha Golaha si ay door muuqda uga qaataan adeegyada caafimaadka iyo horumarka bulshada.

26/05/2026

🌙🤍 Ciid Mubaarak Team-keena Qaaliga ah 🤍🌙

Maalintaan barakeysan waxaan idiin rajeynaynaa farxad aan dhammaan, caafimaad, nabad iyo guulo is daba joog ah. Alle ha naga aqbalo acmaashii wanaagsanayd, hana inooga dhigo Ciiddaan mid kheyr iyo barako inoogu bilaabata.

Waxaan ku faraxsanahay inaan nahay hal team oo isku duuban, is taageerta, kuna socda dadaal iyo horumar joogto ah. Mahadsanidiin dhammaan dadaalkiina iyo garab istaaggiina.

Ciid wanaagsan dhammaan asxaabta, walaalaha iyo taageerayaasha team-keena.
Eid Mubarak Everyone

Golaha Xirfadlayaasha Caafimaad ee Haweenka Soomaaliyeed
Shirweynaha Caafimaad ee Haweenka Soomaaliyeed
Ministry of Health- Somalia
Wasaaradda Dhallinyarada iyo Isboortiga JFS

20/05/2026

Maanta waxa aan si sharaf leh uga qeyb galay daahfurka Diiwaangelinta Xog-dhowraha iyo Xog-adeegsadaha oo ay qabatay Hay’adda Ilaalinta Xogta Soomaaliyeed (Data Protection Authority).
Madashan muhiimka ah waxay ahayd mid lagu xoojinayo ilaalinta xogta, kor u qaadidda amniga macluumaadka, iyo dhisidda nidaam hufan oo lagu dhowro xogta muwaadiniinta Soomaaliyeed.
Waxaan soo dhoweyneynaa dadaallada lagu hormarinayo maamulka xogta dalka, annagoo aaminsan in ilaalinta xogtu ay door weyn ka qaadaneyso horumarka adeegyada caafimaadka iyo kalsoonida bulshada.

Golaha Xirfadlayaasha Caafimaad ee Haweenka Soomaaliyeed
Shirweynaha Caafimaad ee Haweenka SoomaaliyeedMinistry of Health- SomaliaWasaaradda Dhallinyarada iyo Isboortiga JFS

19/05/2026

Waxaa si heer sare ah oo qurux badan ugu qabsoontay magaalada Muqdisho munaasabadda xil-wareejinta Golaha Xirfadlayaasha Caafimaadka Golaha Xirfadlayaasha Caafimaad ee Haweenka Soomaaliyeed.
Munaasabaddan oo ahayd mid ay hareeyeen sharaf, farxad, iyo wadajir, ayaa Aasaasaha Golaha Dr. Drs Fatima Ismail Mohamed si rasmi ah xilka Guddoomiyenimo ugu wareejisay Guddoomiyaha cusub ee Golaha Dr. Safiya Mohamed Abdirahmaan iyadoo muddada 2sano soo socoto hogaamin doono golaha.

Munaasabadda ayaa ahayd mid muujisay horumar, isku duubni, iyo sii ambaqaadidda howlaha muhiimka ah ee Golaha u hayo bulshada.
Waxaan Guddoomiyaha cusub u rajeyneynaa guul, hormar, iyo hoggaan hufan.
Dhammaan xubnaha golaha waxaa la farayaa in ee si dhow ula shaqeyan xukumada cusub.

Ministry of Health- Somalia
Wasaaradda Dhallinyarada iyo Isboortiga JFS
Shirweynaha Caafimaad ee Haweenka Soomaaliyeed

Address

Degmada Hodan
Mogadishu

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00
Sunday	09:00 - 17:00

Telephone

+252612656420

Website

http://Www.Gxcgsom.com/

Alerts

Be the first to know and let us send you an email when Golaha Xirfadlayaasha Caafimaad ee Haweenka Soomaaliyeed posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Golaha Xirfadlayaasha Caafimaad ee Haweenka Soomaaliyeed:

Want your organization to be the top-listed Non Profit Organization in Mogadishu?