https://www.facebook.com/193404607186410/

Golaha Aqoonyahanada Afar-Waab Dhoobeey

Home
Somalia
Mogadishu
Golaha Aqoonyahanada Afar-Waab Dhoobeey

Contact information, map and directions, contact form, opening hours, services, ratings, photos, videos and announcements from Golaha Aqoonyahanada Afar-Waab Dhoobeey, Community Organization, Wadajir/Bulo Hubey Area, Mogadishu.

26/06/2026

𝙆𝙪𝙡𝙖𝙣 𝙇𝙖𝙜𝙪 𝙎𝙤𝙤 𝘿𝙝𝙤𝙬𝙚𝙮𝙣𝙖𝙮𝙖𝙮 𝙓𝙪𝙗𝙣𝙤 𝘾𝙪𝙨𝙪𝙗 𝙊𝙤 𝙆𝙪𝙨𝙤𝙤 𝙗𝙞𝙞𝙧𝙖𝙮 𝙂𝙤𝙡𝙖𝙝𝙖 𝘼𝙦𝙤𝙤𝙣𝙮𝙖𝙝𝙖𝙣𝙖𝙙𝙖 𝘼𝙛𝙖𝙧 𝙒𝙖𝙖𝙗-𝙙𝙝𝙤𝙤𝙗𝙚𝙚𝙮 𝙤𝙤 𝙆𝙖 𝘿𝙝𝙖𝙘𝙖𝙮 𝙈𝙪𝙦𝙙𝙞𝙨𝙝𝙤

MUQDISHO, [26-6-2026] – Waxaa magaalada Muqdisho ku qabsoomay kulan si heer sare ah loo soo agaasimay oo ay yeesheen Golaha Aqoonyahanada Afar-Waab Dhoobeey

Kulankan oo uu soo qabanqaabiyay Madaxa Arrimaha Bulshada ee Golaha Aqoonyahanada Afar-waab, Samafale Abuukar Shuute Hussein , ayaa ujeedkiisu ahaa mid lagu qaabilayay xubno cusub oo jeclaa in ay ku soo biiraan golaha.

Kulanka waxaa goobjoog ka ahaa qaar kamid ah madaxda ugu sarreysa golaha, oo ay ka mid yihiin:

Eng. Ozman Abbaz Ali – Xoghayaha Guud ee Golaha Aqoonyahanada.
Omar Hussein M Sharif – Xubin ka tirsan Guddiga Latalinta Golaha.
Maano Xaaji Maxamed – Xubin ka tirsan Guddiga Latalinta Golaha.

Saddexda Qodob Ee Ugu Muhiimsanaa Kulanka:

Faahfaahinta Golaha & Shuruudaha: Xubnaha cusub ayaa la siiyay sharaxaad ballaaran oo ku saabsan taariikhda golaha, ujeedooyinkiisa, iyo shuruudaha rasmiga ah ee looga baahan yahay qof kasta oo raba inuu xubin ka noqdo.
Is-dhaafsiga Su'aalaha iyo Jawaabaha:

Xubnaha rajada kaga jiro ku soo biirista golaha ayaa madaxda weydiiyay su'aalo muhiim ah, iyadoo madaxduna ay ka bixiyeen jawaabo waafi ah oo qanciyay dhammaan kaqaybgalayaashii kulanka.

Kulanka guud ahaan wuxuu ku soo dhamaaday jawi is-faham iyo guul ah, iyadoo xubnihii cusbaa ay si weyn u soo dhoweeyeen hannaanka shaqo ee golaha, halkaasna ay si rasmi ah uga mid noqdeen Golaha Aqoonyahanada Afar Waab-dhoobeey.

Goluhu wuxuu mar walba u furan yahay aqoonyahannada doonaya inay wax ku soo kordhiyaan horumarka bulshada, maantana waxaan si diiran u soo dhoweynaynaa dhiigga cusub ee nagu soo biiray."

--- DHAMAAD ---

22/06/2026

Madaxa Qorsheynta iyo Isku-dubaridka Samafalka Golaha Aqoonyahanada Afar-Waab Dhoobeey Marwo Sucaado Axmed Maxamuud ayaa ka qeyb gashay tababar aqoon-isweydaarsi ah oo cinwaankiisu ahaa “Saameynta Siyaasadaha Waxbarashada iyo Hufnaanta” kaas oo ay soo qabanqaabisay Dalladda EFASOM

Ujeeddada aqoon-isweydaarsigan ayaa ahayd in ururrada ka qeybgalay ay helaan faham guud oo ku saabsan adeegsiga aaladaha saameynta siyaasadda iyo daahfurnaanta, kuwaas oo ay ka mid yihiin kormeerka maaliyadda (Financing Observatory), warbixinnada dugsiyada, iyo xeer-hoosaadka anshaxa (Codes of Conduct).

Tababarku wuxuu sidoo kale diiradda saaray kor u qaadidda ka-qeybgalka ururrada bulshada rayidka ah ee la xiriira horumarinta tayada waxbarashada iyo isla xisaabtanka hay’adaha waxbarashada.

Aqoon-isweydaarsigan ayaa socdey muddo labo maalmood ah, 21–22 June 2026, ka qeybgalayaashu waxay heleen fursad ay ku xoojiyaan aqoontooda iyo xirfadahooda ku aadan saameynta siyaasadaha waxbarashada, hufnaanta

-Xafiiska Warfaafinta GAAWDH-

15/06/2026

📚✍️ Maanta waxaa si rasmi ah u bilowday 𝗜𝗺𝘁𝗶𝘅𝗮𝗮𝗻𝗸𝗮 𝗦𝗵𝗮𝗵𝗮𝗮𝗱𝗶𝗴𝗮 𝗙𝗮𝘀𝗮𝗹𝗸𝗮 8-𝗮𝗮𝗱 𝗲𝗲 𝗗𝘂𝗴𝘀𝗶𝗴𝗮 𝗗𝗵𝗲𝘅𝗲 ee sanad-dugsiyedka 𝟐𝟎𝟐𝟓–𝟐𝟎𝟐𝟔.✍️

Waxaan u rajeyneynaa dhammaan ardayda soomaaliyeed si gaar ah kuwa deegaanada Afar Waab-Dhoobeey 𝗴𝘂𝘂𝗹, 𝘅𝗮𝘀𝗶𝗹𝗹𝗼𝗼𝗻𝗶 iyo 𝗻𝗮𝘁𝗶𝗶𝗷𝗼𝗼𝘆𝗶𝗻 𝘄𝗮𝗻𝗮𝗮𝗴𝘀𝗮𝗻.

Alle ha u fududeeyo imtixaanka, hana ka dhigo kuwo ka miro-dhala dadaalkooda iyo hammigooda waxbarasho

-Xafiiska Warfaafinta GAAWDH-

15/06/2026

Qeyb ka Noqoshada Dalladda EFASOM

Wafdi uu hoggaaminayay Guddoomiyaha Golaha Aqoonyahanada Afar-Waab Dhoobeey (GAAWDH)Mudane Sayid Ahmed Abdulkadir ayaa booqasho rasmi ah ku tegay xarunta Dalladda Waxbarashada Soomaaliyeed ee EFASOM. Wafdiga ayaa ka koobnaa Guddoomiyaha Golaha, Xoghayaha Guud, iyo xubin ka tirsan Guddiga La-talinta ee GAAWDH. Sidoo kale, waxaa wafdiga ku weheliyay Dr. Sayid Xuseen Macallin Shariif, Madaxa Dacwada Islaamiga Soomaaliyeed.

Ujeeddada booqashadan ayaa ahayd isbarasho, xoojinta xiriirka wada-shaqeyneed, iyo ka mid noqoshada dalladda EFASOM. Intii kulanku socday, waxaa si qoto dheer looga wada hadlay muhiimadda waxbarashadu u leedahay horumarka bulshada, doorka ay hay’adaha waxbarashadu ka qaadan karaan kobcinta aqoonta, iyo sidii loo heli lahaa iskaashi wax ku ool ah oo lagu taageerayo dadaallada horumarinta waxbarashada.

Sidoo kale, kulanka waxaa lagu falanqeeyay caqabadaha ka jira deegaannada Afar Waab-Dhoobey ee dhanka waxbarashada, iyadoo la isla gartay muhiimadda ay leedahay in la helo xalal waara iyo taageero mideysan oo wax looga qabanayo baahiyaha waxbarasho ee bulshada deegaanka.

Golaha Aqoonyahanada Afar Waab-Dhoobey wuxuu si weyn u bogaadinayaa soo dhaweynta iyo wada-shaqeynta ay muujiyeen masuuliyiinta EFASOM, wuxuuna rajeynayaa in xiriirkani uu horseedo horumar wax ku ool ah iyo fursado cusub oo lagu xoojinayo tayada waxbarashada iyo adeegyada bulshada.

-Xafiiska warfaafinta GAAWDH-

14/06/2026

Muqaal soo koobaya sida ay u dhacday Xafladdii Caleema-saarka Guddoomiyaha Golaha Aqoonyahanada Afar-Waab Dhoobeey ansixinta Guddiga Fulinta, iyo dib-u-cusbooneysiinta Guddiga La-talinta Golaha Aqoonyahannada Afar Waab Dhoobey.

Munaasabaddan oo ahayd mid si heer sare ah loo soo agaasimay ayaa ka qabsoontay hoolka Hotel Harwanaag maalintii Jimcaha, 12-ka Juun 2026. Xafladda waxaa ka soo qayb galay dhammaan xubnaha golaha kuwaas oo marqaati ka noqday munaasabad muhiim u ah horumarinta iyo xoojinta hawlaha Golaha Aqoonyahannada Afar Waab Dhoobey.

Intii ay munaasabaddu socotay waxaa si rasmi ah loo caleema-saaray Guddoomiyaha GAAWDH, waxaana la ansixiyay xubnaha Guddiga Fulinta iyo Dib u cubooneysiinta Guddiga La-talinta oo dib loo habeeyay, si ay u sii xoojiyaan adeegga iyo horumarka golaha muddada soo socota.

Waxaan u rajaynaynaa dhammaan masuuliyiinta la magacaabay guul, hufnaan, iyo in ay si daacadnimo leh ugu adeegaan bulshada iyo himilooyinka golaha.

-Xafiiska Madaxa Warfaafinta GAAWDH-

12/06/2026

𝙈𝙖𝙜𝙖𝙘𝙖𝙖𝙗𝙞𝙨𝙩𝙖 𝙂𝙪𝙙𝙙𝙞𝙜𝙖 𝙁𝙪𝙡𝙞𝙣𝙩𝙖 𝙂𝙤𝙡𝙖𝙝𝙖 𝘼𝙦𝙤𝙤𝙣𝙮𝙖𝙝𝙖𝙣𝙣𝙖𝙙𝙖 𝘼𝙛𝙖𝙧 𝙒𝙖𝙖𝙗 𝘿𝙝𝙤𝙤𝙗𝙚𝙚𝙮

Guddoomiyaha Golaha Aqoonyahannada Afar Waab Dhoobeey, Mudane Sayid Ahmed Abdulkadir , ayaa si rasmi ah u magacaabay Guddigiisa Fulinta ah ee Golaha, taasoo si aqlabiyad ah u ansixiyeen golaha guud ee GAAWDH, guddiga wuxuu xilka hayn doona muddo labada sano ah.

Waxaan hambalyo iyo bogaadin u diraynaa xubnaha la magacaabay, waxaana Alle SWT uga baryeynaa inuu u fududeeyo gudashada waajibaadkooda, kana dhigo kuwo ku guuleysta xilka loo igmaday, si ay ugu adeegaan bulshada iyo horumarka Golaha Aqoonyahannada Afar Waab Dhoobeey.

-Madaxa Warfaafita GAAWDH-

31/05/2026

Waa qaar ka mid ah xubnaha Golaha Aqoonyahanada Afar-Waab Dhoobeey & marti sharaftii ka soo qeybgaley sanad guuradii Labaad & Doorashadii Gudoomiyaha Golaha.

31/05/2026

Diyaar garowgii xafladda sanad guurada Labaad & Doorashadii Gudoomiyaha Golaha Aqoonyahanada Afar-Waab Dhoobeey

26/05/2026

Ciid Wanaagsan

Munaasabadda Ciidda Carafada darteed dhamaan Golaha Aqoonyahanada Afar-Waab Dhoobeey waxa ay si wadajir ah ugu hambalyeynayaan umadaha Islaamka, bulsho weynta Soomaaliyeed si gaar ah reer Afar Dhoobeey farxadda ciidda darteed waxay u rajeynayaan sanado badan oo farxad leh.

Address

Wadajir/Bulo Hubey Area
Mogadishu

Website

facebook.com

Alerts

Be the first to know and let us send you an email when Golaha Aqoonyahanada Afar-Waab Dhoobeey posts news and promotions. Your email address will not be used for any other purpose, and you can unsubscribe at any time.

Golaha Aqoonyahanada Afar-Waab Dhoobeey

26/06/2026

22/06/2026

15/06/2026

15/06/2026

14/06/2026

12/06/2026

31/05/2026

31/05/2026

26/05/2026

Address

Website

Alerts

Shortcuts

Share

Category

Listing takedown request