Magan Forum

Magan Forum Magan is a non-partisan forum that aims to honor the persistence of Somalis & entrepreneurial success

16/05/2026

"Soomaaliya waxay leedahay 8.9 milyan oo hektar oo ah dhul la beeran karo, laakiin dhulkaas waa dhulka caadiga ee u diyaarsan in la beerto. Maanta, adduunka dhul kasta ayaa la beeri karaa."

— Ahmed Absie, Agaasimaha Green Media Initiative

14/05/2026

"Qofka maanta ka fekeraaya in uu ganacsi sameeyo, wuxuu ka fekerayaa sidii uu China alaab uga soo dhoofsan lahaa, ma jirto qof ay ku soo dhaceyso wax waddanka uu soo saaro in uu ganacsi ka sameeyo."

— Shamso Cabdiraxmaan, Supervisor, Asal Social

14/05/2026

"Nin aqoonyahan ah ayaa isku xilqaamay in uu beero miraha Qamadiga oo ah baahida hadda dalka ka jirta, 8 hektar ayuu beeray, qarash badan ayaa ka galay, wasiirka ayuuna isku dayay in uu la xariiro, intii uu wasiirka gaarin, agaasimayaasha ayaa dhex isbaaro u dhigtay."

— Abdinur Isse Badri, Agaasimaha Mustaqbal Media

13/05/2026

"Suuqyada waaweyn ee magaalada ama Supermarkets-ka waxaa laga helaa wax dalka laga heli karo oo uu kamid yahay Moos la soo fiiqay oo diyaarsan. Mid kamid ah suuqyadaas waxaan ku arkay Soor dibadda laga keenay, iyadoo Galleydii dalka la heli karo."

— Burhaan Diini Faarax, Agaasimaha Radio Kulmiye

12/05/2026

"Dhibaatooyinka Soomaaliya oo dhan waa wax la xariira wacyiga, wacyigaasna waxaa beddeli kara ficil."

— Iman Jama, Weriye Madaxbannaan

12/05/2026

"Waxaan la kulmay wiil 12 jir ahaa oo gacanta ku heystay maqaalin uu ka sameystay dun oo badda ku tuuraya, rejadiisana ay tahay in uu kalluun soo qabsado. Labo saacadood ayaan la joogay. Wuxuu soo qabsaday labo kalluun oo aad u yaryar, wuxuu igu yiri, labadaba maanta waxaan kula qadeynayaa hooyadey."

— Aweys Hassan Mohamed, Khabiir Warbaahin

11/05/2026

“Waxaan joognaa dal 15% keliya wax-soo-saarkiisa uu ku koobanyahay. Waxaa la sheegaa in 85% – 90% dhammaan badeecadiisa ay dibadda ka timaaddo.”

— Said Dirie, Xubin Golaha Sare ee Magan Forum

10/05/2026

“Maadaama sanadkan 2026 aan go’aansanay in aan diiradda saarno wax-soo-saarka dalka, dad badanna aan wareysanay, waxaa noo muuqaneysay duruufaha iyo culaysyada heysta dadka soo saara waxa aan guryaheena ku cunno, caqabadaha ay wajahayaan sida aysan u jirin cid ka war qabta.”

— Eng Hussein Sabrie, Xoghaya Golaha Sare ee Magan Forum

09/05/2026

“Waxaan go’aansanay in aan bulshada indhaheeda ku soo jeedino in ay gudaha waddanka wax ka soo saartaan.”

— Axmed Ceynab, Agaasimaha Magan Forum

07/05/2026

Muuqaalka guud ee kulanka Madasha Magan iyo madaxda warbaahinta dalka, kaas oo ujeedkiisu ahaa in laga doodo sida ay warbaahinta dalka door muuqda oo firfircoon uga qaadan lahayd horumarinta wax-soo-saarka dalka, gaar ahaan beeraha, xoolaha, iyo kalluunka.

Madasha Magan ayaa qabatay kulan wadatashi ah oo ay ka soo qeybgaleen qaar ka mid ah madaxda warbaahinta dalka iyo xeeld...
07/05/2026

Madasha Magan ayaa qabatay kulan wadatashi ah oo ay ka soo qeybgaleen qaar ka mid ah madaxda warbaahinta dalka iyo xeeldheerayaal warbaahineed. Ujeedka kulanka ayaa ahaa in laga doodo sida ay warbaahinta dalku door muuqda oo firfircoon uga qaadan lahayd horumarinta wax-soo-saarka dalka, gaar ahaan beeraha, xoolaha, iyo kalluunka.

Doodda ayaa dhammaan ka qeybgalayaashu ku tilmaameen mid aad muhiim u ah, waqtigeedana ku beegan, iyadoo xaaladda amniga cuntada ee Soomaaliya ay sii xumaaneyso, saameynta qalalaasaha caalamiga ah ee ka dhashay dagaalkii bariga dhexe ee hadda weli aan dhamaan, iyo ka gaabiska joogtada ee tebinta warbaahinta ee ku beegan saameynta dagaalku ku yeeshay nolosha bulshada Soomaalida.

Ka qeybgalayaashu waxa ay si wadajir ah iskugu raaceen in wax-soo-saarku mudanyahay fiiro iyo tebin warbaahineed oo aad uga ballaaran tan hadda jirta, iyagoo sidoo kale ka qeybgalayaashu ballanqaadeen in ay diyaarin doonaan barnaamijyo iyo xog-waranno si gaar ah u iftiiminaya guulaha iyo caqabadaha ka jira wax-soo-saarka dalka.

Madasha Magana ayaa dhankeeda ballan qaadday in ay fududeyn doonto helista, ilihii laga heli lahaa xogta wax-soo-saarka dalka sida beeraha, xoolaha iyo kalluunka.

Address

Zobe Small Road, Rayan Building, Wadajir District
Mogadishu

Telephone

+252610996633

Website

Alerts

Be the first to know and let us send you an email when Magan Forum posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Magan Forum:

Shortcuts

Share

Category