Golaha Iskaashiga dhalinyarada Soomaaliyeed-GIDHSO

20/05/2025

Dhallinyarada Soomaaliyeed waa laf-dhabarta dalka haddii ay shaqo la'aan dareeman, waxa ay keeneeysaa rajo la'aan ku riixeyso tahriib khatar ah haddaba dowladda dhexe iyo maammul goboleedyada dalka waxa ay shaqo abuur ugu sameyn karaan Dhallinyarada Soomaaliyeed dhowr siyaaabood:-

1: Horumarinta waxbarashada farsamada iyo xirfadah: in lasameeyo xarumo tababbar farsamo dhallinyarada waxaa la siin karaa xarfado ay shaqo ku heli karaan ama ganacsi yar ku billaabi karaan.

2: Taageeridda ganacsiga yar yar iyo hal abuurka:
In la abuuro sanduuq ama barnaamij qarameed oo maalgaliya ganacsiyada yar yar dhallinyarada, la siiyo tababbar ganacsi loona billaabo ganacsiyo yar yar.

3: ka faa'iideysiga Tiknoolijiydda iyo shaqooyinka fog (online jobs) Dowladda dhexe iyo maammul goboleedyada dalka iyo Hay'aadaha gaarka waxa ay dhiirrigalin karaan barnaamijyo tababaraya dhallinyarada si ay u qabtaan shaqooyin online ah (freelancing, programming,design, translation, IWM).waxaa la sameyn karaa xurumaha shaqo fog intarnet oo leh dag dag ah iyo agab.

4: Maalgashiga beeraha iyo kheyraadka dalka
Dhallinyarada waxaa la gali karaa mashaariic beero, xoolo- dhaqasho, kalluumeysi iyo warashado yar yar oo qeyb ka naqon karo wax-soo-saarka gudaha, Dowladda dhexe iyo maammul goboleedyada dalka waxa ay fududeyn karaan helitaanka dhul beereed, qalab iyo suuq-geyn.

5: Dhisidda kaabayaasha dhaqaalaha: marka dalka laga dhiso waddooyin, dekado, garoomo iyo shirkadaha korontada shaqooyin toos ah kuwa dadban ayaa abuurmaaya, marshruuc walba oo dhisme ah waa fursad shaqo u ah kumannaan dhallinyaro ah. Ka faa’iideysanayaan.

6: La dagaalanka musuqmaasuqa iyo eexda shaqo : in shaqooyinka dowladda dhexe iyo maammul goboleedyada dalka iyo kuwa loo maro Hay'aadaha gaarka ah lagu saleeyo karti iyo hufnaan, taas waxa ay dhiirrigalineysaa dhallinyarada in ay rajo ka qabaan waddankooda halkii ay tahriibi lahaayeen.

Haddii Dowladda dhexe iyo maammul goboleedyada dalka ay si xeel dheer u wajahaan arrintaan waxa ay si dhab ah u joojin kartaa tahriibta oo ay dhallinyarada ugu beddali kartaa rajo, fursado iyo mustaqbal ay dalkooda ku dhistaan.

Dal Mid Ah, Dad Mid Ah!

Astaanteennu waa:
"Xeer dhowrsan, xoolo dhaqan, iyo xoog xakameysan.

19/01/2025

Awoodda dhallinyarada iyo isku tiirsanaantoodu
waa mid wax badan ka baddali karta horumarka bulshada.

Astaanteennu waa
"Xeer dhowrsan xoolo dhaqan iyo xoog xakameeysan

Awooda dalka waa dhallinyaro

08/01/2025

Dagaal wiilaa ku dhinto ee wiil kuma dhasho

Joojiyadagaalka

07/12/2024

Awooda dalka waa dhallinyaro

Awoodda Dhallinyarada Soomaaliyeed

Dhallinyarada Soomaaliyeed waxay ka mid yihiin hantida ugu qiimaha badan ee dalkeennu leeyahay. Iyaga oo ku dhowaad 80% ka ah bulshada, waxay awood iyo firfircooni u leeyihiin inay horseedaan isbeddelka bulshada, dhaqaalaha, iyo siyaasadda. Dhallinyaradu waxay leeyihiin hal-abuur cusub, fikrado horumarineed, iyo karti ay ku xallin karaan caqabadaha soo jireenka ah ee dalka. Haddii loo ogolaado hogaaminta iyo ka qeybgalka siyaasadeed, waxay xaqiijin karaan dowladnimo waarta oo ka tarjunta rabitaanka bulshada.

Dhibaatada ka dhalata in laga ilaaliyo hogaaminta dalka

In dhallinyarada laga ilaaliyo hogaaminta dalka waxay leedahay dhowr dhibaato oo saameyn ku leh mustaqbalka iyo horumarka qaranka:

1. Horumar la’aan siyaasadeed
Marka dhallinyarada laga fogeeyo hogaaminta, waxaa meesha ka baxa aragti cusub oo casri ah oo ka hortagi karta caqabadaha soo jireenka ah. Siyaasadda waxaa isku kooba koox duqoowday oo aan inta badan fahmin baahiyaha dhalinyarada iyo jiilalka cusub.

2. Kalsooni darro dhalinyarada ah
Dhallinyarada oo aan loo oggolaan inay qaataan masuuliyad waxay sababtaa in la dareemo kalsooni darro iyo niyad jab ku saabsan awoodda ay u leeyihiin inay wax ka beddelaan xaaladda dalka. Taas ayaa keenta in qaar ka mid ah dhallinyarada ay ku biiraan kooxo xagjir ah ama ka tahriibaan dalka.

3. Hoggaan kaabayaal ah oo maqnaanaya
Haddii dhallinyarada aan maanta la barin hogaaminta iyo ka qeybqaadashada siyaasadeed, mustaqbalka waxaa soo bixi doona hoggaamiye la’aan. Hoggaanka wanaagsan wuxuu u baahan yahay tababar iyo waayo-aragnimo oo laga dhaxlo waqti dheer.

4. Horumar dhaqaale oo dib u dhacaya
Dhallinyaradu waxay u taagan yihiin hal-abuurka iyo ganacsiyada cusub, kuwaas oo ah laf-dhabarta dhaqaalaha. Haddii aan loo oggolaan inay hoggaan ka noqdaan siyaasadda iyo dhaqaalaha, dhaqaalaha dalka wuxuu noqonayaa mid taagan oo ka tiirsan kaliya ilo dhaqaale oo kooban.

5. Fursadaha caalamiga ah oo luminaya
Dalalka horumaray waxay ku tiirsan yihiin dhallinyaradooda si ay u gaaraan horumar joogto ah. Soomaaliya oo aan siinayn dhallinyarada fursadaha hogaaminta waxay luminaysaa fursado caalami ah oo muhiim ah, sida maalgelinta iyo iskaashiga horumarineed.

Gunaanad

Haddii dhallinyarada Soomaaliyeed loo oggolaado inay kaalin muuqata ka qaataan hogaaminta dalka, waxay noqon doonaan furaha horumarka iyo midnimada bulshada. Waa muhiim in la abuuro jawi ku habboon oo lagu dhiirrigeliyo ka qaybgalka dhalinyarada, si loo xaqiijiyo dowladnimo waarta iyo bulsho hufan. Kala fogeynta dhallinyarada iyo siyaasadda waxay horseedaysaa dhibaatooyin muddo dheer saameynaya dalka oo dhan.

27/11/2024

Awooda dalkeena waa inaga dhallinyaro