12/08/2025
Guddiga Hubinta iyo Ansixinta Golaha Wakiillada Dowlad Goboleedka Waqooyi Bari Soomaaliya oo ku jira marxaladda ugu dambeysay ee hubinta musharraxiinta
Guddiga Hubinta iyo Ansixinta Golaha Wakiillada Dowlad Goboleedka Waqooyi Bari Soomaaliya ayaa si rasmi ah ugu guda jira dhamaystirka marxaladdii ugu dambeysay ee hawsha hubinta iyo ansixinta musharraxiinta u taagan xubinnimada Golaha Wakiillada.
Guddigu ayaa uu muddo ka shaqeynaysay diiwaangelinta, hubinta shuruudaha musharraxiinta, iyo xaqiijinta inay buuxiyeen dhammaan qodobada sharciga ah ee looga baahan yahay musharraxiinta Golaha Wakiillada. Marxaladdan ugu dambeysa ayaa ah mid muhiim ah oo lagu xaqiijinayo in musharraxiinta la ansixiyay ay yihiin kuwo sharciyad iyo aqoonsi rasmi ah leh,
Guddoomiyaha Guddiga ayaa ku baaqay in dhammaan bulshada Waqooyi Bari ay taageeraan geedi socodka doorashada, iyadoo la raacayo hannaanka iyo xeerarka u degsan doorashada si loo hubiyo oo garab is taagan hawsha muhiimka ah ee guddigu wado, isaga oo bogaadiyey dadaalka iyo iskaashiga ay muujiyeen guddiga, musharraxiinta, iyo bulshada rayidka ah.
Waxaa sidoo kale la qorsheynayaa in guddigu uu soo bandhigo liiska musharraxiinta la ansixiyay maalmaha soosocda
Mahadsanid
