Forum for Awareness, Impact and Reform

09/11/2025

Naadiga Akhriska iyo Qoraalka Gobolka Sool
waxa uu qabtay Bandhigga buugga “Ilays” oo uu qoray qoraa Shucayb Cali Caabi — buug si qoto dheer uga hadlaya qiimaha iyo muhiimadda waxbarashada.

Bandhiggan oo ka dhacay magaalada Laascaanood ayaa ahaa mid si heer sare ah loo soo agaasimay, iyadoo ay ka soo qayb galeen qorayaal, aqoonyahanno, arday iyo dadweyne jecel akhriska iyo horumarinta aqoonta.

Naadigu wuxuu sii wadi doonaa dadaallada lagu dhiirrigelinayo akhriska, qorista iyo kobcinta fikirka bulshada gobolka.

Xafiiska warbaahin iyo xidhiidhka bulshada Naadiga A&Q Gobolka Sool
📖
🌟
✍️

03/11/2025

Maanta iyo booqashada iskoolada iyo jaamacadaha magaalada Laascaanood iyo bandhigga buuga ilays oo lagu soo bandhigayo magaalada Laascaanood 6/11/2025
Hotel rayaan

03/11/2025

Guddoomiyaha Naadiga Akhriska iyo Qoraalka Gobolka Sool waxa uu bulshada ku casuumayaa inay ka soo qaybgalaan bandhigga buugga Ilays,
oo lagu qaban doono Hotel Rayaan magaalada Laascaanood bisha 6/10/2025.

28/10/2025

Ogeysiis: Bandhigga Buugga "Ilays"

Waxaan si xushmad leh ugu martiqaadaynaa dhammaan bulshada reer lasacaanood, gaar ahaan dadka daneeya akhris-qoraalka iyo arrimaha bulshada, inay nagala soo qaybgalaan bandhigga Buugga "Ilays", oo uu qoray Qoraa Shucayb Cali Caabi.

Faahfaahinta Bandhigga:
📖 Buugga: Ilays
👤 Qoraa: Shucayb Cali Caabi
📍 Goobta: Rayan Hall, lasacaanood
📅 Taariikhda: 6-11-2025
🕒 Wakhtiga: 6:00 Makhribnimo

Bandhiggani wuxuu noqon doonaa fursad gaar ah oo aad ku dhageysan doontaan qoraaga buugga oo si toos ah u sharxaya nuxudhka buugga, fariimaha muhiimka ah ee uu xambaarsan yahay iyo casharada ku jira. Waxaa sidoo kale jiri doona:
- Gorfayn gaara
- Su’aalo iyo jawaabo
- Iyo helitaanka nuqulo buugga ah oo leh saxiixa qoraaga

Ka soo qaybgalkaagu waa noo muhiim.
Mahadsanid.

15/10/2025

Naadiga Akhriska iyo Qoraalka Gobolka Sool Waxa ay hambalyo iyo soo dhaweyn u dirayaan mudane: Axmed Maxamed Xasan (Garabey) oo loo doortay guddoomiyaha Naadiga Akhriska&Qoraalka D. Boocame oo ku soo biiray Naadiyada akhris-qoraalka degmooyinka dalka. Guddoomiyaha iyo garabihiisa waxaan Alle uga baryaynaa in uu la garabgalo kaalintooda ku aaddan howlaha horumarinta akhris-qoraalka dadka Soomaaliyeed.

Ku soo dhawaada howlaha horumarinta akhris-qoraalka bulshada Soomaaliyeed.

13/10/2025

Naadiga Akhriska iyo Qoraalka Gobolka Sool Waxa ay si heer sare ah u soo dhaweynayaan qabashada, Waqooyi Bari Book-Fair Carwada bugaagta waqooyi bari ee sanadkaan 2025.

WARGELIN MUHIIM AH.

MUDANE / MARWO

Mala socotaa?, in carwada buuggaagta waqooyi bari la qaban doono 11-14 December 2025 insha’allaah

Waxaa lagu qaban doonaa Laascanod caasimadda maamulka waqooyi bari.

Mudane / marwo wixii macluumaad ah, faahfahinno dheeri ah, xogta bandhigga iwm kala soco bogeenna Waqooyi Bari Book-Fair .

Maxamed Cali Xerow.

Agaasimaha carwada buugaagta waqooyi bari .

📚📚📚

25/09/2025

Naadiga Akhriska iyo Qoraalka Gobolka Sool waxa uu si rasmi ah u furaa diiwaangelinta xubnaha tooska ah ee firfircoon.

✅ Ka qayb qaado hawlaha naadiga
✅ Ka shaqee arrimaha bulshada adigoo tabaruc ah
✅ Kaalay barnaamijyada wacyigelinta, tartamada & munaasabadaha akhriska iyo qoraalka
✅ Kaalmeey horumarinta aqoonta & dhiirrigelinta bulshada

Xubnaha la diiwaangeliyo waxay heli doonaan kaar rasmi ah, tababaro, iyo fursado gaar ah.

💡 Haddii aad jeceshahay akhriska iyo qoraalka, isla markaana diyaar u tahay inaad si tabaruc ah uga shaqeyso arrimaha bulshada, ku soo biir hadda!
Iska diwaangeli https://forms.gle/Lj4yQ1FuEqEtPYQs7

Wabilaahi Towfiiq
Guddoomiyaha Naadiga Akhriska & Qoraalka Gobolka Sool
Cabdirashiid Cabdilaahi maxamed.

12/09/2025

10-ka Sebtembar 2025, Naadiga Akhriska iyo Qoraalka Gobolka Sool iyaga oo kaashanaya Midawga Ardayda Jaamacadda Ummadda Ilays ayaa si qurux badan u soo qaban-qaabiyay barnaamij aqooneed oo ciwaankiisu ahaa “Fursadaha Maanta iyo Kuwa Berri ee Caqliga Macmalka ah (AI)

Barnaamijku wuxuu qayb ka ahaa dadaallada lagu kobcinayo garaadka iyo hal-abuurka bulshada, isla markaana kor loogu qaadayo wacyiga ku saabsan mustaqbalka tignoolajiyada iyo suurtogalkeeda horumarineed ee gobolka.

10/09/2025

Hambalyo iyo bogaadin.

Guddoomiyaha Naadiga Akhriska & Qoraalka Gobolka Sool, waxa uu halkan hambalyo iyo bogaadin qiimo leh uga dirayaa Naadiga Akhriska & Qoraalka Gobolka Nugaal, gaar ahaan hoggaanka cusub ee la doortay.

Waxa rajaynaynaa hoggaanka cusub inuu noqdo mid bulshada Nugaal ku hoggaamiya aqoon, akhris iyo qoris tayo leh.

Naadiga Akhriska & Qoraalka Gobolka Sool waxa uu diyaar u yahay iskaashi iyo wada-shaqeyn joogto ah oo aan ku mideyno dardargelinta aqoonta, hal-abuurka iyo baraarugga bulshada Soomaaliyeed.

08/09/2025

𝐅𝐮𝐫𝐬𝐚𝐝𝐚𝐡𝐚 𝐒𝐡𝐚𝐪𝐨 𝐞𝐞 𝐌𝐚𝐚𝐧𝐭𝐚 𝐢𝐲𝐨 𝐊𝐮𝐰𝐚 𝐌𝐮𝐬𝐭𝐚𝐪𝐛𝐚𝐥𝐤𝐚 𝐞𝐞 𝐆𝐚𝐫𝐚𝐚𝐝𝐤𝐚 𝐌𝐚𝐜𝐦𝐚𝐥𝐤𝐚 𝐚𝐡 (𝐀𝐈).

Naadiga Akhriska iyo Qoraalka Gobolka Sool iyo Midawga Ardayda jaamacadda Ummadda Ilays waxa ay soo wada qaban qaabiyeen barnaamijka ‘Fursadaha Shaqo ee Maanta iyo Kuwa Mustaqbalka ee Caqliga Mahmalka ah’ oo uu soo jeedinayo Eng.Saadiq Abdirahaan khaliif barnaamimijka waxaa loogu talo galay inay ka faaidaystaan arday dhamaysay dugsiga sare iyo cid kasta oo danaynaysa inay wax badan ka ogaadaan garaadka macmalka ah (AI).

📍Goobta: Hoolka jaamacada ilays
🗓 10 September 6:00 pm

04/09/2025

Naadiga Akhriska iyo Qoraalka Gobolka Sool waxa uu bulshada iyo dhalinyarada jecel horumarka ogoysiinayaa inuu joogteyn doono barnaamijyada hormarineed ee uu qabtay.

03/09/2025

Barnaamijka La-talinta iyo Hagida Dhalinyarada

Mowduuca 1aad: Doorka akhriska iyo qoristu ku leeyihiin kobcinta garaadka dhalinyarada