Kaalmo Community Welfare

25/09/2026

11/09/2026

Somali Youth for Youth (SY4Y) iyo Kaalmo Community Welfare ayaa si rasmi ah u bilaabay mashruuca biyaha, kaas oo taageeraya shan dugsi oo ay saameeyeen abaarta iyo helitaanka biyaha nadiifka ah oo xaddidan.

📅 5–6 Sebtembar, waxaa shanta dugsi lagu gaarsiiyay 50,000 litir oo biyo nadiif ah, kuwaas oo kala ah:

🏫 Horyaal Secondary School
🏫 Indian Ocean Primary School
🏫 Nasruddin Primary School
🏫 Badbaado Primary School
🏫 Cadceed Primary School

Mashruucan wuxuu si toos ah u gaarsiinayaa taageero qiyaastii 1,500–2,100 carruur ah iyo shaqaalaha dugsiyada.

Tani waa wareeggii koowaad ee qaybinta biyaha, waxaana la qorsheeyay in biyo dheeraad ah si joogto ah loo gaarsiiyo dugsiyada, iyadoo ujeeddadu tahay in la wanaajiyo helitaanka biyaha nadiifka ah ee dugsiyada iyo bulshooyinka ku hareeraysan.

🎥 Muuqaalkani wuxuu muujinayaa gaarsiintii ugu horreysay ee biyaha iyo bilowga mashruuca ee goobta.

💧 Biyo Nadiif ah • Dugsiyo Caafimaad qaba • Bulsho Adag



Kaalmo Community Welfare

19/03/2026

Guddoomiyaha Hay’adda Kaalmo Community Welfare Mudane Iidle Aadan Mahamed ayaa hambalyada Ciidul Fidriga u diray dhammaan ummadda Muslimiinta meel walboo ay joogaan gaar ahaan Ummadda Soomaaliyeed.

EID MUBARAK

01/03/2026

Hay‘adda Kaalmo oo Deeq Raashin Gaarsiisay 120 Qoys oo danyar oo Nolol adag ku wajahaayay deegaanka Bilicsan ee duleedka magaalada Kismaayo.

Hay‘adda daryeelka bulshada ee Kaalmo oo waddo dadaalkeeda naf badbaadinta ee Raashin qeybinta bisha barakeysan ee Ramadaan ayaa deeq raashin ah gaarsiisay 120 qoys oo ay si daran u saameysay abaarta ka jirta dalka, kuwaas oo kunool deegaanka Bilicsan ee duleedka magaalada Kismaayo.

Deeqdan ayaa timid xilli ay qoysas badan oo dalka ah la daalaa dhacayaan nolol adag oo ka dhalatay roob la’aan soo noq noqatay, taas oo sababtay biyo yari iyo hoos u dhac ku yimid wax soo saarkii beeraha iyo xoolaha ee deegaanka.

Gudoomiyaha Hay’adda daryeelka bulshada ee Kaalmo Samafale Iidle Aadan Mahamed ayaa sheegay in hay’addu ay sii wadi doonto gurmadka iyo taageerada ay u fidinayso bulshada tabaaleysan iyadoo qorshaheedu yahay iney raashin gaarsiiso ilaa iyo 2000 oo Qoys, Wuxuu sidoo kale ugu baaqay bulshada iyo ganacsatada inay ka qeyb qaataan taageerada walaalahooda abaartu saameysay.

23/02/2026

Hay‘adda Kaalmo oo Deeq Raashin Gaarsiisay danyarta duleedka magaalada Baydhabo.

Hay‘adda daryeelka bulshada ee Kaalmo ayaa 100-kii Qoys ee labaad gaarsiisay deeq raashin dadka danyarta ee abaarta saameysay ee kunool duleedka magaalada Baydhabo ee xarunta Gobalka Bay.

Deeqda oo isugu jirto raashinka noocyadiisa kala duwan ayaa loogu talagalay iney afur ka dhigtaan dadka ay xoolaha ka dhamaadeen ee kunool duleedka Baydhabo.

Hay‘adda daryeelka bulshada ee Kaalmo oo kaashaneyso walaalaha Muxsiniinta ee ku xiran iyo Samafale Mahamed Abdisalaan (Kaariye) ayaa deeqdaasi gaarsiisay danyarta abaarta saameysay ee kunool duleedka magaalada Baydhabo.

23/02/2026

Hay‘adda Kaalmo oo Deeq Raashin ah Gaarsiisay Isbitaalka Dhimirka Xabeeb ee Magaalada Kismaayo.

Iyadoo lagu guda jiro 10-ka h**e ee bisha barakeysan ee Ramadaan ayaa Hay’adda Daryeelka bulshada ee Kaalmo waxay deeq raashin oo afurin ah gaarsiisay Isbitaalka Dhimirka Xabeeb ee magaalada Kismaayo, halkaas oo ay ku jiraan bukaano qaba xanuunka dhimirka ama maskaxda ah.
Deeqdan ayaa loogu talagalay taageeridda bukaannada iyo shaqaalaha xarunta inta lagu jiro bisha barakeysan ee Ramadaan, waxayna ka koobnayd raashinka noocyadiisa iyo qudaartii ay ku karsan lahaayeen.

Ugu dambeyn, deeqdan afurin ayaa noqotay mid farxad gelisay bukaannada iyo shaqaalaha xarunta, waxayna tusaale u tahay doorka ay Hay’adda Daryeelka bulshada ee Kaalmo ka qaadan karto daryeelka dadka u baahan taageerada gaarka ah.

06/02/2026

Alxamdu-lillaah waxaa Maanta inoo suurta galay Xarigjarka Ceelkii-Biyoodkii 8aad ee aan u qodnay Wallaalaha ay abaaraha Saamaysay.