Riyo Minorities Development Organization

19/03/2026

𝑯𝒂𝒎𝒃𝒂𝒍𝒚𝒐 𝑪𝒊𝒊𝒅 𝑾𝒂𝒏𝒂𝒂𝒈𝒔𝒂𝒏
‎
‎Ururka Riyo Minorities Development Organization wuxuu u dirayaa hambalyo diirran dhammaan ummadda Muslimka ah, munaasabadda Ciida awgeed.

Ciiddan kheyrkeeda iyo farxaddeeda Alle ha inoo wada dhigo mid nabad, midnimo iyo barwaaqo ku waarta.

19/02/2026

Ururka Riyo Minorities Development Organization R-MIDO Waxa u ugu hambalyeynayaa dhammaan ummadda Islaamka bilashada bisha barakaysan ee Ramadaan.

Ilaahay ha inaga yeelo kuwii ka faa'iideysta khayrka iyo barakadeeda.

Aamin aamin.

13/02/2026

10/02/2026

Cilmi iyo Caddaalad

Zaki Bade

09/02/2026

Cilmi iyo Cadaalad, 𝑸𝒂𝒚𝒃𝒕𝒂 2𝒂𝒂𝒅 𝒆𝒆 𝒔𝒂𝒘𝒊𝒓𝒓𝒂𝒅𝒂.

08/02/2026

𝑪𝒊𝒍𝒎𝒊 𝒊𝒚𝒐 𝑪𝒂𝒅𝒂𝒂𝒍𝒂𝒅

Ururka Riyo Minorities Development Organization (R-MIDO) ayaa soo qabtay dood cilmiyeed heer sare ah oo lagu soo bandhigay laguna gorfeeyay daraasad ballaaran oo uu diyaariyay 𝑫𝒓. 𝒁𝒂𝒌𝒂𝒓𝒊𝒆 𝑨𝒃𝒅𝒊 𝑩𝒂𝒅𝒆 (𝑷𝒉𝑫, 𝑫𝑮 (𝑵𝑬𝑪), 𝑺𝒐𝒄𝒊𝒐𝒍𝒐𝒈𝒊𝒔𝒕 & 𝑺𝒆𝒏𝒊𝒐𝒓.

Kulan aqooneedkan waxa uu diiradda saarayay falanqaynta xaaladaha asalka u ah, saamaynta taariikheed ee weli taagan, iyo jid-raacyada suurtagalka ah ee horumar bulsho ee Beelaha Gabooye, iyadoo la adeegsanayo hab-cilmiyeed iyo daliillo la hubo.

Doodda ayaa noqotay madal feker iyo aragti is-dhaafsi leh, halkaas oo lagu cabbiray xaqiiqooyinka jira, lagu adkeeyay baahida wacyigelin joogto ah, laguna soo jeediyay talooyin wax ku ool ah oo lagu gaari karo caddaalad bulsho, is-dhexgal dhab ah, iyo horumar waara.

Zaki Bade .

04/02/2026

𝐂𝐢𝐥𝐦𝐢 𝐢𝐲𝐨 𝐂𝐚𝐝𝐚𝐚𝐥𝐚𝐝.

Ururka Riyo Minorities Development Organization (R-MIDO) wuxuu qabanayaa dood cilmiyeed lagu falanqeynayo daraasad qoto dheer oo uu sameeyay 𝐃𝐫. 𝐙𝐚𝐤𝐚𝐫𝐢𝐞 𝐀𝐛𝐝𝐢 𝐁𝐚𝐝𝐞 (PhD, DG (NEC), Sociologist & Senior Researcher).

Daraasaddan waxay si xeeldheer u iftiimin doontaa sababaha asaasiga ah, raadadka taariikheed, iyo fursadaha horumarka bulsho ee Beelaha Gabooye, iyadoo lagu saleeyay cilmi-baaris iyo falanqayn aqooneed oo dhab ah.

Waxaa la filayaa in dooddu noqoto madal lagu falanqeeyo xaqiiqooyinka jira, lagu dhiirrigeliyo wacyigelin, isla markaana lagu raadiyo xalal wax ku ool ah oo horseeda caddaalad bulsho, is-dhexgal, iyo horumar waara.

01/01/2026

𝑯𝒂𝒎𝒃𝒂𝒍𝒚𝒐 𝑺𝒂𝒏𝒏𝒂𝒅𝒌𝒂 𝑪𝒖𝒔𝒖𝒃

Ururka Riyo Minorities Development Organization (R-MIDO) wuxuu hambalyo u dirayaa dhammaan bulshada Somaliland munaasabadda Sannadka Cusub. Waxaan rajaynaynaa in sannadkani noqdo mid nabad, horumar iyo fursado cusub u horseeda bulshada.

Sannad Wacan iyo Mustaqbal Wanaagsan.

27/12/2025

𝑯𝒂𝒎𝒃𝒂𝒍𝒚𝒐 & 𝑩𝒐𝒈𝒂𝒂𝒅𝒊𝒏
‎
‎Ururka Riyo Minorities Development Organization (R-MIDO) wuxuu farxad iyo bogaadin u dirayaa shacabka Jamhuuriyadda Somaliland iyo hoggaankeeda, munaasabadda aqoonsiga qaranka.
‎
‎Aqoonsigani wuxuu ka tarjumayaa adkaysiga bulshada, halgan miro-dhal ah, iyo dadaallo ku salaysan nabad, dimuqraadiyad iyo dhismaha dawladnimo waarta. Waa tallaabo taariikhi ah oo kor u qaadaysa rajo cusub, midnimo qaran, iyo mustaqbal ifaya oo ay yeelanayaan jiilasha Somaliland.
‎
‎Ururka R-MIDO wuxuu mar walba u taagan yahay taageeridda xaqa, caddaaladda iyo horumarka guud ee bulshada Somaliland.
‎
‎Hambalyo Guul iyo hormar waara Somaliland.

24/12/2025

Wasaaradda Ganacsiga iyo Dalxiiska Jamhuuriyadda Somaliland

24/12/2025

Ururka Riyo Minorities Development Organization Development Organization (R-MIDO) waxa uu maanta kulan miro-dhal ah la yeeshay Wasaaradda Ganacsiga iyo Dalxiiska Jamhuuriyadda Somaliland , oo uu hoggaaminayo Agaasimaha Guud ee Wasaaradda Mudane Maxamuud Xuseen “Jabaake”, isaga oo ay wehelinayeen Agaasimaha Waaxda Ganacsiyada Yaryar iyo Iskaashatooyinka iyo Agaasimaha Waaxda Ascaarta. Kulankan ayaa ka qabsoomay hoolka Wasaaradda, waxaana uu diiradda saaray horumarinta ganacsatada yaryar ee ay leeyihiin hooyooyinka ka minorities ah.
‎
‎Intii uu socday kulanku, R-MIDO waxa ay Wasaaradda kusoo bandhigtay daraasad ay ka sameysay 100 haweena oo ka tirsan minorities-ka, kuwaas oo ku hawlan ganacsiyada yaryar ee magaalada Hargeisa , si loo ogaado caqabadaha hortaagan kobaca ganacsiyadooda, sababaha keenay in qaar badan oo ka mid ahi u guulaysan waayaan, iyo dhibaatooyinka kala duwan ee ay maalin walba la kulmaan.
‎
‎Bandhigga daraasadda ayaa ahaa mid aad u muhiim ah, maadaama uu bixinayo xog sugan oo gacan ka geysan karta dejinta siyaasad iyo tallaabooyin wax-ku-ool ah. Gabagabadii kulanka, R-MIDO iyo Wasaaradda waxa ay isla qaateen in si wadajir ah loo gaadho tallaabooyin lagu wajahayo caqabadaha ka soo baxay daraasadda, isla markaana la iska kaashado helidda xalal waara oo horseeda horumar dhab ah iyo fursado cadaalad ah oo loo abuuro hooyooyinka ku jira ganacsiyada yaryar.