17/12/2025
📍 KULANKA 2AAD | SAVE YOUR DAUGHTER INITIATIVE -SYDI
Caawa waxaa noo qabsoomay Kulankii Labaad ee dood-wadaaga taxanaha ah, kaas oo cinwaankiisu ahaa: “Dhibaatooyinka Badeecadaha Tayadoodu Liidato iyo Sida Wax Looga Qaban Karo”- Product Quality and Legal Responsibility: Need for Action
Kulankan ayaa si qoto dheer diiradda u saaray: Doorka Dowladda ee ilaalinta badqabka bulshada iyo xoojinta la xisaabtanka, Saameynta caafimaad ee badeecadaha tayadoodu liidato, gaar ahaan kuwa si toos ah u taabanaya haweenka iyo gabdhaha iyo Baahida loo qabo dhismaha hay’ad Quality Control oo madax-bannaan leh sharciyo adag, awood fulineed iyo kormeer joogto ah
Dooddu waxay taabanaysa muhiimadda ay leedahay in la helo nidaam sharciyeed oo wax-ku-ool ah, wacyigelin bulsho oo joogto ah iyo iskaashi u dhexeeya dowladda, khubarada caafimaadka iyo bulshada rayidka ah si loo xakameeyo badeecadaha khatarta ku ah nolosha iyo caafimaadka dadweynaha.
Waxaan u mahadcelinaysaa martidii, khubaradii iyo bahda Gole TV ee ka qayb qaatay dooddan wax-ku-oolka ah, una heelan sii wadidda u doodista iyo badbaadada bulshada