SIDRA PRIME

16/06/2026

Sanad Cusub oo Hijri ah oo Wanaagsan – 1448 Hijri
🌙

Munaasabadda curashada sannadka cusub ee Hijriga awgeed, waxaan hambalyo iyo bogaadin u diraysaa dhammaan ummadda Islaamka.

Waxaan Alle ka baryeynaa in sannadkan cusub uu noqdo mid ay ku suntan yihiin nabad, barwaaqo, horumar iyo wadajir, isla markaana uu inoo horseedo kheyr iyo guul dhinac walba leh.

14/06/2026

Aqoonsiga Israa’i1l ee Somaliland waxa uu sidoo kale la xiriiraa loollanka siyaasadeed iyo istiraatiijiyadeed ee ka socda gobolka. Iiraan waxay muddo dheer si dhow ula socotay ballaarinta saameynta Israa’i1l ee hareeraha Badda Cas, iyadoo u aragta arrin si toos ah u taabanaysa danahaheeda amni iyo istiraatiijiyeed. Tehran waxay dhaleeceysay booqashadii Wasiirka Arrimaha Dibadda Israa’i1l, Gideon Sa’ar, ku tagay Somaliland, iyada oo ku tilmaantay tallaabo ka hor imanaysa madaxbannaanida Soomaaliya.

Marka la eego xiisadda muddada dheer soo jiitamaysay ee u dhaxaysa Israa’i1l iyo Iiraan, taas oo sii xoogaysatay dhawaanahaan kadib weerarro iyo jawaabo militari oo toos ah, joogitaan amni oo Israa’i1l ku yeelato agagaarka marin-biyoodka Bab al-Mandab waxa laga yaabaa in loo arko qayb ka mid ah tartanka istiraatiijiyadeed ee labada dal. Sidaas awgeed, waxa jirta walaac ah in marinka Badda Cas uu isu beddelo goob kale oo ay si dadban ugu loollamaan quwadaha gobolka.

Xog badan ka akhriso halkan👉https://bit.ly/3QS0XO5

26/05/2026

Hambalyo Eid al-Adha dhammaan Muslimiinta adduunka 🌙

Alle ha naga aqbalo acmaasheena iyo allabariga, hana ina siiyo caafimaad, farxad iyo nabad waarta.

26/05/2026

17/05/2026

Maanta oo ku beegan Maalinta Caalamiga ah ee Dhiig-karka Adduunka ( ), sahanno aanu ka sameynay magaalada Garoowe oo lagu daraasaynayay noocyada cudurrada ay shacabka Soomaaliyeed ee Puntland dibadda ugu aadaan daaweynta, ayaa lagu ogaaday in dhiig-karku ka mid yahay cudurrada ugu yar ee loogu safro daaweyn dibadeed.

Si kastaba ha ahaatee, xogta laga helay Sahanka Caafimaadka iyo Tirakoobka Dadweynaha Puntland ee daraasaddeennu tixraacday ayaa muujisay in 5% xubnaha qoysaska Puntland ay qabaan ugu yaraan hal cudur oo daba-dheeraada, iyadoo boqolleydaasi sii kordhayso marka da’du kororto.

Sahanku wuxuu sidoo kale tilmaamay in cudurrada daba-dheeraada ee ugu badan ay yihiin dhiig-karka iyo cilladaha cadaadiska dhiigga (32%), macaanka (14%), cudurrada kelyaha (12%), madax-xanuunnada daba-dheeraada (9%), cudurrada beerka (9%), neefta (8%), iyo gaastariga/boogaha caloosha (7%).

Xog badan halkan ka akhriso➡️https://bit.ly/4tqscgy

27/04/2026

Kalluumaysiga sharci-darrada ah ee xad-dhaafka ah ayaa door weyn ka qaata kororka burcad-badeednimada, maadaama maraakiib shisheeye ay ku hawlan yihiin kalluumaysi aan la xakameyn oo burburiya kheyraadka badda, taas oo si weyn u dhaawacaysa nolol-maalmeedka kalluumaysatada Soomaaliyeed. Arrintani waxay keentaa in bulshooyinka xeebaha ku nool ay lumiyaan ilahoodii dhaqaale, taasoo ku riixaysa qaar ka mid ah inay u jeestaan burcad-badeednimo si ay u noolaadaan. Xaaladdan awgeed, burcad-badeednimada mararka qaarkood waxaa loo arkaa fal iska-caabin ah ama “is-difaac” ka dhan ah ku-tumashada iyo ka faa’iidaysiga kheyraadka badda ee ay sameeyaan shisheeyaha.

𝘋𝘢𝘳𝘢𝘢𝘴𝘢𝘥 𝘩𝘰𝘳𝘦 𝘰𝘰 𝘢𝘢𝘯 𝘢𝘳𝘳𝘪𝘯𝘵𝘢𝘯 𝘬𝘢 𝘴𝘢𝘮𝘢𝘺𝘯𝘢𝘺 𝘩𝘢𝘭𝘬𝘢𝘯 𝘬𝘢 𝘢𝘬𝘩𝘳𝘪𝘴𝘰👉https://bit.ly/4tAFacf

25/04/2026

Iyadoo aynu ku jirno xuska Toddobaadka Tallaalka , waxaa muhiim ah in la ogaado in siyaasadaha caafimaadka iyo tallaalka ee ka jira Soomaaliya ay weli leeyihiin daldaloolooyin waaweyn—iyagoo si gaar ah u beegsan carruurta aan wax tallaal ah qaadan (zero-dose) ama kuwa tallaalkoodu dhammaystirnayn, isla markaana ka maqan istaraatiijiyado si gaar ah loogu talagalay in lagu gaaro bulshooyinka ugu nugul.

Hallkan ka akhriso➡️https://bit.ly/4tAFacf

13/04/2026

Sababo la xiriira awoodda hay’adaha caafimaadka Soomaaliyeed oo daciif ah, nidaamka sharciyeynta iyo fulinta adeegyada caafimaadka ee qaybaha dowliga iyo kuwa gaarka loo leeyahay waa mid xaddidan. Waxaana kamid ah sharciyo iyo xeerar saldhig u ah bixinta rukhsadaha iyo aqoonsiga bixiyeyaasha adeegyada caafimaadka iyo xarumaha; soo dejinta, dhoofinta, iyo hubinta tayada daawooyinka iyo qalabka caafimaadka; diiwaangelinta iyo nidaaminta xirfadlayaasha caafimaadka; iyo waajibaadka gudbinta xogta caafimaadka.

Daraasad aan daabacnay dabayaaqadii 2024-kii waxay muujisay in inkasta oo siyaasadaha iyo qaab-dhismeedyada istiraatiijiyadeed ee caafimaad ay weli xaddidan yihiin, haddana ay socdaan horumarro iyo dib-u-habayn siyaasadeed oo ka socda heerarka Federaalka iyo Dowlad-goboleedyada si loo hagaajiyo loona xoojiyo nidaamka sharciyada caafimaadka ee Soomaaliya. Jadwalka hoose wuxuu soo bandhigayaa qaar ka mid ah sharciyada iyo xeerarka caafimaad ee muhiimka ah ee jira iyo kuwa maqan ee Puntland/Soomaaliya.

𝘟𝘰𝘨 𝘣𝘢𝘥𝘢𝘯 𝘬𝘢 𝘢𝘬𝘩𝘳𝘪𝘴𝘰 👉https://bit.ly/4tqscgy

07/04/2026

Tirada sii kordheysa ee dadka reer Puntland ee u safra dibadda si ay u helaan adeegyo caafimaad waxaa si weyn u sababa liidashada ka jira nidaamka caafimaadka gudaha. Qiyaastii 40% bukaanada ayaa u baxa dibadda sababo la xiriira qanacsanaan la’aan ku saabsan tayada adeegyada, gaar ahaan kalsooni yarida baaritaannada shaybaarka iyo heerarka dawooyinka la heli karo. Dhanka kale, 31% waxay u safraan dibadda maadaama adeegyada takhasuska sare ee ay u baahanyihiin aan gebi ahaanba laga helin gudaha gobolka.

Sidaas awgeed, bukaanno badan ayaa ku qasbanaada inay raadsadaan daryeel caafimaad oo heer sare ah dalal ay ka mid yihiin Hindiya, Itoobiya, iyo Kenya, iyagoo inta badan ku bixiya celcelis ka badan $8,500 bukaan kasta.



Faahfaahin dheeraad ah➡️https://bit.ly/4tqscgy