SIDRA Institute

12/08/2026

Warbixinta INTERPOL waxay soo bandhigaysaa xog muhiim ah oo ku saabsan xaaladda amniga internetka ee Afrika, waxayna xaqiijinaysaa weerarkii xogta ee nidaamka e-visa-da Soomaaliya. Hase yeeshee, warbixintu ma aysan soo bandhigin xog tirokoob oo kooban oo Soomaaliya si gaar ah u khusaysa marka la barbardhigo dalalka kale, taasoo adkaynaysa in si dhab ah loo qiimeeyo baaxadda iyo heerka khataraha amniga internetka ee dalka. Arrintani waxay cadayn u tahay macluumaadkii ay soo bandhigtay Policy Brief-ka ay SIDRA daabacday, oo muujisay xaaladda amniga internetka ee Soomaaliya, awoodda hay’adaha iyo dhinaca farsamada, xog-yaraanta jirta, fursadaha lagu xoojin karo amniga internetka, iyo talooyin siyaasadeed oo wax-ku-ool ah.

SIDRA Policy Brief-ka halkan ka akhrsio 👉 https://bit.ly/4xZLYm8

🚨 INTERPOL report finds AI linked to more than half of cybercrime in Africa

Cyberattacks are becoming faster, more scalable, and increasingly difficult for victims and platforms to detect, according to INTERPOL’s African Cyberthreat Assessment Report 2026.

The report points to a major shift: cybercrime has evolved into an industrialized, borderless ecosystem.

Key findings include:
🔵 55% of cybercrimes reported in Africa are AI-enabled.
🔵 Online scams are the most frequently reported form of cybercrime.
🔵 Financial services, telecoms, and government institutions are the hardest hit.
🔵 Cybercrime-related financial losses have more than doubled since 2024, rising to USD 484 million.
🔵 72% of surveyed countries reported scam centres, with the highest concentration in Southern and West Africa.
🔵 Criminals are bypassing biometric checks by creating AI-generated synthetic identities that combine real personal data with fabricated elements.

🔗 Find out more: https://www.interpol.int/News-and-Events/News/2026/INTERPOL-report-finds-AI-linked-to-more-than-half-of-cybercrime-in-Africa

04/08/2026

𝗣𝗼𝗹𝗶𝗰𝘆 𝗕𝗿𝗶𝗲𝗳 𝗖𝘂𝘀𝘂𝗯

Gaalkacyo waa mid ka mid ah magaalooyinka ugu istaraatiijisan Soomaaliya, balse sidoo kale waa meel ay nabaddu mar walba u baahan tahay ilaalin joogto ah. Sanado badan oo wadahadal, iskaashi amni iyo dadaallo nabadeed ah ayaa horseeday xasillooni la taaban karo, hase yeeshee isbeddelladii amni iyo siyaasadeed ee u dambeeyay waxay mar kale soo nooleeyeen walaac laga qabo in xiisaddu dib u soo cusboonaato.

Policy Brief-kan cusub ee SIDRA Institute wuxuu falanqeynayaa xaaladda amni ee Gaalkacyo, isagoo iftiiminaya sababaha keenaya xiisadaha jira, khataraha ka dhalan kara haddii aan la xakamayn, iyo saamaynta ay ku yeelan karto nabadda, amniga, dhaqaalaha, ganacsiga iyo dadaallada lagula dagaallamayo argagixisada oo ay hormuudka u yihiin Puntland iyo Galmudug.

Daabacaadu waxay sidoo kale muujinaysaa in Gaalkacyo aysan ahayn oo keliya magaalo taariikh ahaan muhiim u ah nabadda Soomaaliya, balse ay tahay marin istaraatiiji ah oo laf-dhabar u ah isku xirka ganacsiga, maalgashiga iyo horumarka dhaqaale ee gobolka. Sidaas darteed, ilaalinta xasilloonida Gaalkacyo waa arrin saameyn ku leh gobolka oo dhan, kana baxsan labada maamul ee Puntland iyo Galmudug.

SIDRA Institute wuxuu policy brief-kan ku soo bandhigaysaa talooyin ku saleysan caddeymo cilmi-baaris, kuwaas oo diiradda saaraya xoojinta wada-hadalka, iskaashiga amniga, ka hortagga colaadaha, iyo ilaalinta guulaha nabadeed ee la gaaray muddadii tobanka sano ee la soo dhaafay.

𝘏𝘢𝘭𝘬𝘢𝘯 𝘬𝘢 𝘢𝘬𝘩𝘳𝘪𝘴𝘰 𝘹𝘰𝘨 𝘣𝘢𝘥𝘢𝘯 👉 https://bit.ly/4wIQKDC

27/07/2026

Maxaa soo celceliya burcad-badeednimada ?

Daraasaddeenna, Piracy and Peril in Somalia: Economic Despair and Overfishing, waxay aqoonsatay afar sababood oo waaweyn oo ka dambeeya dib-u-soo-noqoshada burcad-badeednimada:

📉 Saboolnimada iyo dhaqaale xumada
🎣 Kalluumaysiga sharci-darrada ah ee shisheeyaha
⚖️ Maamul iyo sharci-fulin tabar daran
🌍 Goobta istaraatiijiga ah ee Soomaaliya

Natiijooyinka daraasaddu waxay muujinayaan in la-dagaallanka burcad-badeednimadu aanu ku koobnaan karin oo keliya roondooyinka ciidamada badda. Xal waara wuxuu u baahan yahay in wax laga qabto caqabadaha dhaqaale, maamulka, iyo maaraynta khayraadka badda ee salka u ah burcad-badeednimada.

Xog badan ka akhri 👉 https://bit.ly/4mVGLXp

15/07/2026

13/07/2026

Madasha Horumarinta Soomaaliya (SDF2026) waxaa nagala qaybgalaya: Saalim Saciid Saalim, oo ah Agaasimaha SIDRA.

14–15 Luulyo | Hotel Jazeera, Muqdisho.

12/07/2026

𝘔𝘢𝘳𝘬𝘢𝘢𝘥 𝘸𝘢𝘹 𝘣𝘢𝘳𝘵𝘰 𝘨𝘢𝘣𝘢𝘳, 𝘸𝘢𝘹𝘢𝘢𝘥 𝘮𝘢𝘢𝘭𝘨𝘦𝘭𝘪𝘯𝘢𝘺𝘴𝘢𝘢 𝘮𝘶𝘴𝘵𝘢𝘲𝘣𝘢𝘭𝘬𝘢 𝘣𝘶𝘭𝘴𝘩𝘰 𝘥𝘩𝘢𝘯.

Cilmi-baaris SIDRA Institute ay h**ey ugu samaysay helitaanka waxbarashada sare ee gabdhaha Puntland ayaa muujisay in gabdho badan ay weli wajahayaan caqabado ay ka mid yihiin guurka xilligga h**e ah ee gabadha yar, duruufaha dhaqaale, caadooyinka iyo aragtiyaha bulshada ee waxyeellada leh, amni darrada, iyo yaraanta haweenka ku dayashada mudan. Hase yeeshee, marka qoysaska iyo bulshadu taageeraan waxbarashada gabdhaha, waxay dhisaan qoysas adkaysi leh, bulshooyin caafimaad qaba, iyo koboc dhaqaale oo waara.

Xog badan halkan ka akhriso👉 https://bit.ly/3SYbqbN

09/07/2026

Policy Brief-keena waxay ku talinaysaa in hakinta maalgelinta USAID loo qaato cashar muujinaya baahida loo qabo in Soomaaliya ay ka baxdo ku-tiirsanaanta gargaarka dibadda. Si taas loo gaaro, waxay soo jeedinaysaa in la ballaariyo ilaha maalgelinta, la xoojiyo hay'adaha Soomaaliyeed, la maalgeliyo qaybaha wax-soo-saarka sida beeraha, xoolaha iyo kalluumeysiga, la kordhiyo dakhliga gudaha, isla markaana dowladda iyo hay'adaha maxalliga ahi ay hoggaan buuxa ka qaataan qorsheynta iyo hirgelinta horumarinta dalka. Tallaabooyinkan ayaa Soomaaliya ka caawinaya inay yeelato dhaqaale iyo hay'ado adkaysi leh, isla markaana ay yaraato ku-tiirsanaanta gargaarka dibadda marka ay dhacaan isbeddello ama hakad ku yimaadda maalgelinta caalamiga ah.

Halkan ka akhriso xog badan 👉https://bit.ly/44ST3rn

01/07/2026

waxay u baahan tahay inay si weyn u kordhiso maalgelinta amniga internetka (cybersecurity), iyadoo la xoojinayo hay'adaha qaranka, loo qoondeynayo miisaaniyad waarta, isla markaana SomCIRT laga dhigayo hay'ad si buuxda u shaqaysa. Policy brief-keena wuxuu adkaynayaa in "Soomaaliya ay si degdeg ah ugu baahan tahay nidaamyo aasaasi ah oo amniga internetka ah si loo ilaaliyo kaabeyaasha dijitaalka ee sii kobcaya," taas oo muujinaysa baahida loo qabo hannaan qaran oo isku dubbaridan, khubaro aqoon iyo xirfad leh, iyo tababbarro joogto ah oo la siiyo hay'adaha dowladda iyo kuwa gaarka loo leeyahay. Xoojinta amniga internetka ee dalka waxay u baahan tahay maalgelin degdeg ah iyo tallaabooyin hay'adeed oo wax-ku-ool ah.

𝘟𝘰𝘨 𝘣𝘢𝘥𝘢𝘯 𝘩𝘢𝘭𝘬𝘢𝘯 𝘬𝘢 𝘢𝘬𝘩𝘳𝘪𝘴𝘰👉📖 https://bit.ly/4xZLYm8

17/06/2026

Iyadoo maanta dunidu xusayso Maalinta Caalamiga ah ee La-dagaallanka Nabaad-guurka Dhulka iyo Abaarta, waxaa mudan in la xusuusto in abaaraha soo noqnoqda ee Soomaaliya aysan ka dhalan roob la’aan oo keliya. Daraasad SIDRA Institute uu sameeyay ayaa muujinaysa in xaalufka deegaanka uu door weyn ku leeyahay sii xumaanshaha xaaladaha abaarta. Luminta dhirta iyo daaqa, jarista keymaha, nabaad-guurka ciidda iyo maareyn la'aanta habboon ee dhulka ayaa si weyn u wiiqay awoodda deegaanka ee uu kaga hortagi karo abaarta.

Daraasaddu waxay sidoo kale tilmaamaysaa in kororka tirada dadka, magaaloobidda degdegga ah, daaqa xad-dhaafka ah iyo maamul xumada ku saabsan khayraadka dabiiciga ahi ay yihiin arrimaha ugu waaweyn ee hurinaya xaalufka deegaanka, taasoo Soomaaliya ka dhigaysa mid aad ugu nugul abaaraha soo noqnoqda.

𝘟𝘰𝘨 𝘣𝘢𝘥𝘢𝘯 𝘬𝘢 𝘢𝘬𝘩𝘳𝘪𝘴𝘰 👉https://bit.ly/3ShyS3m

16/06/2026

Sanad Cusub oo Hijri ah oo Wanaagsan – 1448 Hijri
🌙

Munaasabadda curashada sannadka cusub ee Hijriga awgeed, waxaan hambalyo iyo bogaadin u diraysaa dhammaan ummadda Islaamka.

Waxaan Alle ka baryeynaa in sannadkan cusub uu noqdo mid ay ku suntan yihiin nabad, barwaaqo, horumar iyo wadajir, isla markaana uu inoo horseedo kheyr iyo guul dhinac walba leh.