SIDRA Institute, Ministerial Hill, Behind the Immigration Building, Garoowe (2026)

Q: What is the address?

Ministerial Hill, Behind The Immigration Building

13/04/2026

Sababo la xiriira awoodda hay’adaha caafimaadka Soomaaliyeed oo daciif ah, nidaamka sharciyeynta iyo fulinta adeegyada caafimaadka ee qaybaha dowliga iyo kuwa gaarka loo leeyahay waa mid xaddidan. Waxaana kamid ah sharciyo iyo xeerar saldhig u ah bixinta rukhsadaha iyo aqoonsiga bixiyeyaasha adeegyada caafimaadka iyo xarumaha; soo dejinta, dhoofinta, iyo hubinta tayada daawooyinka iyo qalabka caafimaadka; diiwaangelinta iyo nidaaminta xirfadlayaasha caafimaadka; iyo waajibaadka gudbinta xogta caafimaadka.

Daraasad aan daabacnay dabayaaqadii 2024-kii waxay muujisay in inkasta oo siyaasadaha iyo qaab-dhismeedyada istiraatiijiyadeed ee caafimaad ay weli xaddidan yihiin, haddana ay socdaan horumarro iyo dib-u-habayn siyaasadeed oo ka socda heerarka Federaalka iyo Dowlad-goboleedyada si loo hagaajiyo loona xoojiyo nidaamka sharciyada caafimaadka ee Soomaaliya. Jadwalka hoose wuxuu soo bandhigayaa qaar ka mid ah sharciyada iyo xeerarka caafimaad ee muhiimka ah ee jira iyo kuwa maqan ee Puntland/Soomaaliya.

𝘟𝘰𝘨 𝘣𝘢𝘥𝘢𝘯 𝘬𝘢 𝘢𝘬𝘩𝘳𝘪𝘴𝘰 👉https://bit.ly/4tqscgy

07/04/2026

Tirada sii kordheysa ee dadka reer Puntland ee u safra dibadda si ay u helaan adeegyo caafimaad waxaa si weyn u sababa liidashada ka jira nidaamka caafimaadka gudaha. Qiyaastii 40% bukaanada ayaa u baxa dibadda sababo la xiriira qanacsanaan la’aan ku saabsan tayada adeegyada, gaar ahaan kalsooni yarida baaritaannada shaybaarka iyo heerarka dawooyinka la heli karo. Dhanka kale, 31% waxay u safraan dibadda maadaama adeegyada takhasuska sare ee ay u baahanyihiin aan gebi ahaanba laga helin gudaha gobolka.

Sidaas awgeed, bukaanno badan ayaa ku qasbanaada inay raadsadaan daryeel caafimaad oo heer sare ah dalal ay ka mid yihiin Hindiya, Itoobiya, iyo Kenya, iyagoo inta badan ku bixiya celcelis ka badan $8,500 bukaan kasta.

Faahfaahin dheeraad ah➡️https://bit.ly/4tqscgy

05/04/2026

Carruurta badankood weli ma helin tallaalka aasaasiga ah taas oo inta badan sabab u ah arrimo kala duwan sida dhaqan bulsho, juquraafi, iyo amniga. Arrimahan waxaa ka mid ah:

▶️Amni-darro iyo Colaado: Rabshadaha joogtada ah iyo xasilooni-darradu waxay xaddidaan helitaanka adeegyada caafimaadka meelaha qaarkood, sida goobaha ay maamulaan kooxaha hubeysan sida Al-Shabaab, taasoo ka dhigaysa mid adag in carruurta la gaarsiiyo tallaalka.

▶️Adeegyada Caafimaadka oo Xaddidan oo Kala Daadsan: Kaabayaasha caafimaadka ayaa daciif ah, shaqaale caafimaad la’aan jirta, iyo nidaamyo logistics iyo qaboojin aan ku filnayn, taasoo keenta in fursado tallaal la seego.

▶️Xog iyo Kormeer Liita: Tayada iyo kalsoonida xogta ku saabsan tallaalka ayaa liidata, taasoo adkeysa in si sax ah loo beegsado meelaha ugu baahan. Haddii xog sax ah aan laga helin cidda aan la tallaalin, dadaalladu ma noqonayaan kuwo qorshaysan.

▶️Arrimaha Dhaqan-bulsheed: Warar khaldan oo ku saabsan tallaalka, waxbarasho hoose ee waalidiinta, iyo caadooyinka dhaqanka ayaa keena shaki iyo diidmo tallaal.

▶️Caqabadaha Juquraafi: Dadka reer guuraaga ah, deegaanada miyiga fog, iyo meelaha ay adag tahay in la gaaro ayaa keenaya caqabado ku saabsan gaarsiinta tallaalka.

▶️Barakac iyo Socdaalka: Dadka gudaha ku barakacay iyo kooxaha reer guuraaga ah ayaa si joogto ah u socdaala, taasoo adkeysa raadraaca iyo tallaal joogto ah.

▶️Diiradda Siyaasadeed oo Yar: Siyaasadaha hadda jira ma aqoonsanayaan ama si gaar ah uma habeeyaan dadaallada loogu talagalay dadka “zero-dose” ah, taasoo keenaysa in qaybaha ugu nugul aan la gaarsiin tallaalka.

𝘏𝘢𝘭𝘬𝘢𝘯 𝘬𝘢 𝘢𝘬𝘩𝘳𝘪𝘴𝘰 𝘹𝘰𝘨 𝘣𝘢𝘥𝘢𝘯➡️https://bit.ly/4csr1HG

19/03/2026

𝗖𝗶𝗶𝗱𝘂𝗹-𝗙𝗶𝗱𝗿 𝗠𝘂𝗯𝗮𝗮𝗿𝗮𝗸

Waxaan idiin rajaynaynaa idinka iyo qoysaskiina nabad, barwaaqo, iyo caafimaad. Allaha ka dhigo ciiddan mid inoo keenta rajo cusub, xasillooni, iyo horumar waara.

19/03/2026

Iyadoo ay jirto dhimista ku timid barnaamijyada kaalmada dibadda ee ay bixiyaan dalalka deeq-bixiyeyaasha, dowladda Soomaaliya iyo daneeyayaasha kale waxay u baahan yihiin inay iska kaashadaan hirgelinta dib-u-habaynta maaliyadeed, hagaajinta maareynta dhaqaalaha, iyo kordhinta dakhliga gudaha. Gaar ahaan, waxaa lagama maarmaan ah inay xoojiyaan uruurinta dakhliga, dhiirrigeliyaan iskaashiga u dhexeeya dowladda iyo ganacsiga gaarka loo leeyahay, isla markaana maalgeliyaan waaxyaha muhiimka ah sida beeraha, kalluumeysiga, iyo xoolaha. Dadaalladan waxay ujeedadoodu tahay in la yareeyo ku-tiirsanaanta kaalmada dibadda, la xoojiyo adkeysiga dhaqaalaha, isla markaana la taageero horumar waara oo ka hanaqaada Soomaaliya.

Xog badan➡️https://bit.ly/3NWxBwF

16/03/2026

Qiimeynta khataraha istaraatiijiga ah ee lagu soo bandhigay policy brief-kii aan dhowaan daabacnay waxay tilmaamaysaa dhowr khatarood oo suurtagal ah oo la xiriira aqoonsiga Israa’iil ee Somaliland. Khatarahani waxay taabanayaan arrimo la xiriira madaxbannaanida qaranka, amniga, juqraafi-siyaasadeedka, dhaqaalaha, iyo diblomaasiyadda, kuwaas oo saameyn weyn ku yeelan kara xasilloonida iyo guud ahaan gobolka.

▶️Madaxbannaanida Qaranka (Sovereignty): Kala qeybsanaanta gudaha Soomaaliya, gaar ahaan tan u dhexeysa Dowladda Federaalka iyo Dowlad-goboleedyada sida Puntland iyo Jubaland, waxaa suuragal ah in ay ka faa’iidaystaan quwadaha dibadda, taas oo wiiqi karta midnimada iyo wadajirka qaranka.

▶️Amniga (Security): Suurtagalnimada in Israa’iil yeelato joogitaan militari ama ay samaysato xulufo cusub ayaa kordhin karta khataraha kooxaha xagjirka ah, gaar ahaan Al-Shabaab iyo ISIS, taas oo laga yaabo in ay colaado u soo wareejiso deegaanno h**e u ahaa kuwo xasilloon.

▶️Juqraafi-siyaasadeed (Geopolitics): Aqoonsigu waxa uu xeebaha Soomaaliya u rogi karaa goob ay ku loolamaan xoogaga ku jira dagaal wakiileedka ee Bariga Dhexe, gaar ahaan kuwa ku lug leh Iiraan iyo kooxda Xuutiyiinta ee Yemen, taas oo kordhin karta khatarta gantaallo iyo carqalado ku yimaada maraakiibta badda.

▶️Dhaqaalaha (Economic): Xasillooni-darro kasta waxay carqaladayn kartaa marinada ganacsiga badda ee muhiimka ah ee mara Badda Cas, taas oo keeni karta in caymiska maraakiibta qaali noqdo, maraakiib badanna ay maraan wadooyin kale, taas oo dhalin karta khasaare dhaqaale oo saameeya ganacsiga caalamiga ah iyo gaadiidka konteenarrada qaata.

▶️Diblomaasiyadda (Diplomacy): Wiiqida mabaadi’da aqoonsiga iyo ilaalinta dhuleed, walow aysan jirin dalal kale oo raacay tallaabada Israa’iil, waxay dhiirrigelin kartaa kala go’yo kale mustaqbalka; hase yeeshee, xaaladda hadda jirta arrintaasi weli uma muuqato mid si fudud u hirgeli karta.

Xog badan ka akhriso➡️https://bit.ly/46Q5E04

14/03/2026

Suurtagalnimada in Israa’iil ka dhisato saldhig militari Somaliland, gaar ahaan meel u dhow marin-badeedka Bab el-Mandeb, waxay siin kartaa Israa’iil faa’iido istaraatiiji ah oo la xiriirta kantaroolka marin-biyoodka muhiimka ah. Hase yeeshee, arrintaasi waxay sidoo kale kordhin kartaa khatarta weerarro aargoosi ah oo ay fuliyaan kooxaha ka soo horjeeda, kuwaas oo adeegsan kara gantaallo ama diyaarado aan duuliye lahayn.

Warbixin kooban (Policy Brief) oo aanu dhawaan daabacnay ayaa ka digtay in arrintan ay keeni karto in colaadaha gobolka ay sii fidaan, taas oo wiiqi karta xasilloonida gobolka isla markaana carqalad ku keeni karta muhiimadda istaraatiijiga ah ee marin-badeedka Bab el-Mandeb.

𝘗𝘰𝘭𝘪𝘤𝘺 𝘉𝘳𝘳𝘪𝘦𝘧𝘬𝘢 𝘰𝘰 𝘥𝘩𝘢𝘮𝘮𝘢𝘺𝘴𝘵𝘪𝘳𝘢𝘯 𝘩𝘢𝘭𝘬𝘢𝘯 𝘬𝘢 𝘢𝘬𝘩𝘳𝘪𝘴𝘰👉 https://bit.ly/46Q5E04

12/03/2026

𝗣𝗼𝗹𝗶𝗰𝘆 𝗕𝗿𝗶𝗲𝗳 𝗖𝘂𝘀𝘂𝗯

📄𝗛𝗲𝘀𝗵𝗶𝗶𝘀𝗸𝗮 𝗜𝘀𝗿𝗮𝗮’𝗶𝗶𝗹 𝗶𝘆𝗼 𝗦𝗼𝗺𝗮𝗹𝗶𝗹𝗮𝗻𝗱: 𝗦𝗮𝗮𝗺𝗲𝘆𝗻𝘁𝗮 𝘂𝘂 𝗸𝘂 𝘆𝗲𝗲𝗹𝗮𝗻 𝗸𝗮𝗿𝗼 𝗠𝗮𝗱𝗮𝘅-𝗯𝗮𝗻𝗻𝗮𝗮𝗻𝗶𝗱𝗮 𝗦𝗼𝗼𝗺𝗮𝗮𝗹𝗶𝘆𝗮, 𝗔𝗺𝗻𝗶𝗴𝗮 𝗚𝗼𝗯𝗼𝗹𝗸𝗮, 𝗶𝘆𝗼 𝗫𝗶𝗿𝗶𝗶𝗿𝗸𝗮 𝗖𝗮𝗮𝗹𝗮𝗺𝗶𝗴𝗮 𝗮𝗵

Burburkii dowladdii milatari ee uu hoggaaminayay Maxamed Siyaad Barre sannadkii 1991 ayaa sababtay in dowladnimadii Soomaaliya ay kala daadato, taasoo dhalisay dagaal sokeeye oo ku fiday dalka oo dhan. Waqooyiga Soomaaliya, Dhaqdhaqaaqa Waddaniga Soomaaliyeed (SNM) ayaa la wareegay gacan ku haynta inta badan dhulkii h**e ee Maxmiyaddii Ingiriiska ee Somaliland. Kadib shirar dib-u-heshiisiin ah oo ay ka qaybgaleen hoggaamiyeyaasha SNM, odayaasha dhaqanka iyo wakiillo bulshada ka socday, Guddiga Dhexe ee SNM ayaa 18-kii May 1991 ku dhawaaqay dib-u-soo celinta Jamhuuriyadda Somaliland iyadoo lagu salaynayo xuduudihii h**e ee Maxmiyaddii Ingiriiska. Tobannaan sano oo xigay Somaliland waxay dhistay nidaam maamul oo ka kooban odayaasha dhaqanka (Guurti) iyo hay’adaha dowliga ah, waxayna qabatay doorashooyin kala duwan. Inkastoo ay jirto xasillooni gudaha ah iyo hay’ado shaqeeya, haddana Somaliland weli ma helin aqoonsi caalami ah, waxaana sharci ahaan loo tixgeliyaa qayb ka mid ah Jamhuuriyadda Federaalka Soomaaliya.

Somaliland waxay sheegashada dhulkeeda ku salaysaa xuduudihii Maxmiyaddii Ingiriiska, oo si kooban u madax-bannaanayd 26-kii Juun 1960 ka hor inta aanay ku biirin Soomaaliya Talyaanigu maamulayay 1-dii Luulyo 1960. Si kastaba ha ahaatee, sheegashadeeda ku saabsan gobollada Sool iyo Sanaag muddo dheer ayay muran ka taagnaayeen. Bishii Agoosto 2023, xoogagga SSC-Khaatumo ayaa la wareegay Laascaanood iyo deegaanada ku xeeran, halka Dowladda Federaalka Soomaaliya ay Oktoobar 2023 aqoonsatay SSC-Khaatumo inay tahay maamul ku-meelgaar ah. Sidoo kale, bishii Luulyo 2025 shir dastuur oo ballaaran ayaa ku dhawaaqay dhismaha Dowlad-goboleedka Waqooyi-bari oo noqday dowlad-goboleedka lixaad ee Soomaaliya, taasoo si rasmi ah loo aqoonsaday 31-kii Luulyo 2025. Isbeddelladan ayaa wax ka beddelay xaqiiqooyinka dhuleed ee saldhigga u ahaa sheegashada madax-bannaanida Somaliland.

Sanadihii u dambeeyay Somaliland waxay kordhisay dadaallada diblomaasiyadeed iyo ololaha ay ku raadinayso aqoonsi caalami ah. Warbixino caalami ah ayaa sheegay in 2025 Maraykanka iyo Israa’iil ay la xiriireen qaar ka mid ah dalalka Bariga Afrika, oo ay Somaliland ka mid tahay, si ay u eegaan suurtagalnimada dib-u-dejinta Falastiiniyiinta laga barakiciyay Gaza, iyadoo Imaaraadka Carabtu door fududeyn ah ka qaadan karo. Somaliland waxay leedahay muhiimad juqraafiyeed oo sare maadaama ay ku taallo Gacanka Cadmeed una dhowdahay marinka Bab al-Mandeb oo ah marin ganacsi oo muhiim u ah ganacsiga iyo tamarta caalamka. Sidoo kale, heshiis is-afgarad ah oo ay 2024 kala saxiixdeen Itoobiya iyo Somaliland oo Itoobiya siinayay marin badeed Berbera ayaa sii kordhiyay xiisadaha gobolka. Markii Israa’iil 26-kii Diseembar 2025 si rasmi ah u aqoonsatay Somaliland, Dowladda Federaalka Soomaaliya si adag ayay u cambaareysay arrintaas, taasoo murankii siyaasadeed ee muddada dheer jiray u rogtay arrin weyn oo saameyn ku leh amniga iyo diblomaasiyadda gobolka. Warbixintan siyaasadeedkan kooban (policy brief) waxay falanqaynaysaa saameynta go’aankaas ku yeelan karo madax-bannaanida Soomaaliya, xasilloonida gobolka iyo xiriirka caalamiga ah.

𝘗𝘰𝘭𝘪𝘤𝘺 𝘉𝘳𝘳𝘪𝘦𝘧𝘬𝘢 𝘰𝘰 𝘥𝘩𝘢𝘮𝘮𝘢𝘺𝘴𝘵𝘪𝘳𝘢𝘯 𝘩𝘢𝘭𝘬𝘢𝘯 𝘬𝘢👉 𝘢𝘬𝘩𝘳𝘪𝘴𝘰https://bit.ly/46Q5E04

26/02/2026

Xagjirnimada rabshadaha wata ee waxa sababa dhibaatooyin isbiirsaday oo dhinacyada siyaasadda, bulshada iyo dhaqaalaha ah, sida colaadaha soo jiitamayay, dowladnimo daciif ah, iyo amni-darro baahsan. Shaqo la’aanta dhalinyarada, saboolnimada, faquuqidda bulsho, khilaafaadka qabiilka, musuqmaasuqa, iyo caddaalad la’aantu waxay abuuraan cabashooyin ay ka faa’iidaystaan kooxaha xagjirka ahi. Sidoo kale, barakaca, ka-reebitaanka bulsho, waxbarasho hooseysa, iyo fursado dhaqaale oo yar ayaa sii kordhiya nuglaanta dhalinyarada, taas oo u sahasha in lagu qaldo xagjirnimo laguna qoro kooxaha hubaysan.

𝘟𝘰𝘨 𝘣𝘢𝘥𝘢𝘯 𝘬𝘢 𝘢𝘬𝘩𝘳𝘰𝘴 𝘥𝘢𝘳𝘢𝘢𝘴𝘢𝘥𝘦𝘦𝘯𝘢𝘯 👉https://bit.ly/3P2wADs

18/02/2026

𝗥𝗮𝗺𝗮𝗱𝗮𝗮𝗻 𝗪𝗮𝗻𝗮𝗮𝗴𝘀𝗮𝗻 🌙

Waxaan dhammaan ummadda Muslimka ah ugu hambalyaynaynaa curashada bisha barakeysan ee Ramadaan. Ilaahay ha inaga aqbalo soonka, salaadda iyo camalka suuban, hana ka dhigo bishan mid kheyr, nabad iyo barako u horseedda dhammaanteen.

09/02/2026

Daraasaddeenna ku saabsan saameynta hakinta gargaarka USAID ee Soomaaliya waxay muujisay baahida degdegga ah ee loo qabo in la xoojiyo adkeysiga dhaqaale iyo ku-tiirsanaanta awoodda gudaha.

Si loo gaaro horumar waara, waxaan u soo jeedinay Dowladda Federaalka Soomaaliya iyo Dowlad-goboleedyadu in ay si wadajir ah uga shaqeeyaan dib-u-habaynta maareynta maaliyadda iyo nidaamka canshuuraha, xoojinta dakhliga gudaha, iyo dhiirrigelinta iskaashiga dowlad iyo ganacsiga gaarka loo leeyahay.

Maalgelinta waaxyaha muhiimka ah sida beeraha, kalluumaysiga, iyo xoolaha waxay kordhin karaan wax-soo-saarka dalka, yareyn karaan ku-tiirsanaanta gargaarka, abuuri karaan shaqooyin, isla markaana soo saari karaan dakhli waara.

Sidoo kale, daraasaddeennu waxay carrabka ku adkaynaysaa muhiimadda ay leedahay adkeynta isla-xisaabtanka iyo hufnaanta maaliyadeed, si loola dagaallamo musuqmaasuqa loona hubiyo in hantida dadweynaha si masuuliyad leh loo maareeyo.

Horumarka Soomaaliya wuxuu ku xiranyahay maamul wanaagsan, isla-xisaabtan, iyo ku-tiirsanaan awoodda gudaha.

𝘟𝘰𝘨 𝘣𝘢𝘥𝘢𝘯 𝘩𝘢𝘭𝘬𝘢𝘯 𝘬𝘢 𝘢𝘬𝘩𝘳𝘪𝘴𝘰👉📖 https://bit.ly/3NWxBwF

04/02/2026

Iyadoo maanta ay tahay , daraasadeenan ayaa muujisay in kansarku noqday dhibaato caafimaad oo sii kordhaysa gudaha iyo guud ahaan , isla markaana uu ka mid noqday sababaha ugu waaweyn ee keena xanuunno culus iyo dhimasho. Qiyaastii 8% bukaannadii la wareystay ayaa ee ka tagay Puntland una safray dibadda si ay u helaan daaweynta kansarka, ayaa muujinaysa in adeegyada gudaha ay aad u xaddidan yihiin. Dhakhaatiirtu waxay sheegeen in kiisaska kansarku sii kordhayaan, balse bukaanno badan aan si h**e loo ogaan cudurkooda, sababo la xiriira qalab la’aanta baaritaanka iyo ogaanshaha casriga ah.

Daraasaddu sidoo kale waxay ogaatay in adeegyada la xiriira daaweynta kansarka ay aad u kooban yihiin, isla markaana ay ku yar yihiin daaweynta kiimiko (chemotherapy) iyo shucaaca (radiotherapy). Sidaas darteed, bukaanno badan ayay ku qasabtaa inay dibadda u safraan, iyagoo ku bixinaya kharash aad u badan, taasoo culays dhaqaale ku keenta qoysaskooda. Natiijooyinkani waxay muujinayaan baahida degdegga ah ee loo qabo in Puntland laga hirgeliyo isbitaal heer sare ah oo bixiya adeegyada baarista iyo daaweynta kansarka.

𝘟𝘰𝘨 𝘣𝘢𝘥𝘢𝘯 𝘩𝘢𝘭𝘬𝘢𝘯 𝘬𝘢 𝘢𝘬𝘩𝘳𝘪𝘴𝘰👉https://bit.ly/3LTBi5A

SIDRA Institute

13/04/2026

07/04/2026

05/04/2026

19/03/2026

19/03/2026

16/03/2026

14/03/2026

12/03/2026

26/02/2026

18/02/2026

09/02/2026

04/02/2026

Address

Telephone

Website

Alerts

Contact The Organization

Shortcuts

Share

Category