SEES Somaliland

Home
Somalia
Burco
SEES Somaliland

SEES waa hay’ad maxalli ah oo kor u qaadda wacyiga bulshada, una heellan horumarinta fahamka dawlad-wanaagga, nabadda, iyo deegaanka.

Waxay si gaar ah diiradda u saartaa cilmi-baadhisyo ka tarjumaya baahiyaha bulshada si loo helo xalal waara.

25/05/2025

Guddoomiyihii h**e ee hay'adda SEES Maxamed Maxamuud Cabdikariim "Rabiic" oo ka qayb-galay xuska maalinta Qaran ee 18-ka May, oo ka dhacaysay Waddanka Uganda.

04/05/2025

ICLAAMIN: SHIRWAYNAHA ADEEGAYAASHA BULSHADA BURCO – 2025

Ururka waddaniga ah ee SEES waxa uu si rasmi ah ugu dhawaaqayaa in markii ugu horraysay la qaban doono Shirwaynaha Adeegayaasha Bulshada Burco, kaas oo noqon doona mid sannadle ah [Haddii Alle Ogolaado] oo lagu lafaguri doono arrimaha muhiimka ah ee khuseeya horumarka bulshada iyo kaalinta ay adeegayaasha bulshadu ku leeyihiin.

Shirwaynaha sannadkan 2025, waxa si gaar ah diiradda loo saari doonaa saddex qodob oo sal u noqon doona nuxurka kulanka:

1. Horumarinta Adeegyada Bulshada Burco: Waxaa laga wada tashan doonaa sidii loo horumarin lahaa adeegyada aasaasiga ah sida Laydhka, waxbarashada, caafimaadka, biyaha iyo nadaafadda.

2. Dhiirigelinta Wax Wada Qabsiga Bulshada: Waxaa laga doodi doonaa sida la iskugu xidhxidhi karo awoodaha bulshada Burco si wadajir loogu gaadho horumar waara.

3. U Diyaargarowga Doorashooyinka Golayaasha 2026: Waxaa si gaar ah loo eegi doonaa doorka ay adeegayaasha bulshada ku yeelan karaan doorashooyinka soo socda, gaar ahaan wacyigelinta, nabadgelyada, iyo dhiirigelinta ka qaybgalka.

Fiiro gaar ah: Muddada ka hadhay qabsoomidda shirwaynuhu waxa ay u furan tahay, aanuna ku dhiirrigelinayaa dhammaan daneeyayaasha in ay soo gudbiyaan aragtiyahooda iyo talooyinkooda ku aaddan qabanqaabada iyo qurxinta kulankan.

02/05/2025

Xarunta akhriska iyo qoraalka Burao Book Club waxa ay caawa Burco ku soo bandhigaysaa buug laga qoray Waddaniyadda iyo Dawladnimada Somaliland, waxan bogaadinaynaa qoraaga tacabka galiyay wax ka qorista mawduucan aadka muhimka u ah iyo xarunta soo bandhigaysa buugganba.

Ka SEES ahaan waxa aan muddooyinkii u danbeeyay ku hawlanayn dedaallo aan ku raadinaynno kuna dhiirri-gelinayno sidii manaahijta dalka loogu dari lahaa maadada Waddaniyadda, oo aan u aragno in ay laf dhabar u noqon karto soo saarista jiil anfaca dalkooda oo lexejeclo badani kaga jirto. Sidaas darteed waxa farxad noo ah in aan qayb-ka qaadanno fidinta buuggan iyo sidii dhallinyaradu uga faa'iidaysan lahayd aqoonta Waddaniyadeed ee uu xanbaarsan yahay.

Caawa 7:00 Fiidnimo.
Isha Burco Hotel.

01/05/2025

Sahan Dawladnimo (Q.2aad).
Qaabka ay dawladnimadu u dhisan tahay.

Waxa soo jeedinaysa: Sagal Maxamuud.

20/04/2025

Taxanaha Sahan Dawladnimo [Q.1aad].
Waa maxay dawladnimo?.

19/04/2025

"Saddex meelood buu horumarka Qaranku ka yimaaddaa...."

Kelmadda Qoraa Khaalid Ciise ee barnaamijka [Falanqaynta iyo filashooyinka waxqabaddada xukuumadda Somaliland ee 100-ka maalmood dhisan].

18/04/2025

Xog-ururinta xaaladda iyo xalka gaadiidka Bajaajta/Tigta ee magaalada Burco oo bilihii ugu danbeeyay socotay ayaa gabo-gabo ku dhow.

Wixii talo ah ee arrintan khusaysa waad nala soo wadaagi kartaan, si aanu ugu kabno xog-ururintan.

17/04/2025

Waxanu ka qayb-galnay tababar muhim ah oo ku saabsan Organizational Report Writing oo ay soo qaban-qaabiyeen machadka Jiheeye ee magaalada Burco.

Tababarkan oo socday muddo 3-maalmood ah oo uu soo jeedinayay Ustaad Sakariye Awguure ayaa waxa nagu metelayay xoghayaha SEES Ayaan Xasan Maxamuud iyo hoggaanka qaybo ka mid ah waaxaha hay'adda.

Waxanu uga mahadcelinaynaa Jiheeye iyo Ustaad Sakariyeba sida qiimaha leh ee ay isugu taageen buuxinta doorkaas muhimka iyo tababarrada ay fulinayaanba.

16/04/2025

Manaahijta dalka waa muhim in lagu daro maadada Waddaniyadda.

Hay'adda maxalliga ah ee SEES, waxa ay muddooyinkii u danbeeyay ku hawlanayd diyaarinta xog-ururin iyo warbixin bulsho oo lagu muujinayo ahmiyadda maadada waddaniyaddu ay u leedahay in lagu daro manaahijta dalkeenna.

Warbixintan oo dhawaan aanu soo bandhigi doonno [Insha Allaah] ayaa maraysa waji gabo-gabo ah, waxana markan tar-tan lagu qiimaynayo aqoonta waddaniyadeed ee ardayda dugsiyada sare ee Burco aanu ka furnay isla magaalada Burco.

15/04/2025

Guddoomiye ku xigeenka SEES Md. Mustafe Aadan Ducaale "Jalawo", Agaasimaha waaxda Deegaanka & Isbeddelka Cimilada SEES Md. Cabdicasiis Xiis Ismaaciil iyo xubno kale oo muhim ah ayaa ka qayb-galayay munaasibad hay'adda khayriga ah ee SOICO ay ku abaal-marinayeen hawl-wadeenno si mutadawacnimo ah uga shaqaynayay bishii Ramadaan barnaamij lagu quudinayay qoysas badan oo danyar ah, sidoo kalena lagu ciidsiinayay ubad agoomo ah oo ay fulinayeen bahda SOICO.

Barnaamijkan ayaa waxa qayb ka ahaa qaar ka mid ah ururada Bulshada Togdheer iyo hay’adda maxalliga ah ee SEES, waxana madashaas goob joog ahaa mas'uuliyiin ka socota laamaha dawladda, bahda waxbarashada iyo marti sharaf kale.

14/04/2025

Hay'adda Maxalliga ah ee SEES, waxa ay dhanbaal bogaadin ah u diraysaa Raxma Saleebaan Abokor—ardayad reer Burco ah oo ay ka muuqato dedaal, karti iyo himilo durugsani.

Iyada oo aan wali dugsigeedii dhammaysan, Raxma waxay ku dhiirratay qorista buuggeedii ugu horreeyay oo lagu magacaabo "Han-Kaab". Buuggani, waxa uu astaan u yahay go’aankeeda ah in ay nafteeda horumariso, isla markaana bulshada la wadaagto aqoonteeda ogaal iyo aragtideeda.
SEES, Raxma waxa ay u aragtaa in ay mudan tahay in la bogaadiyo, laguna garab istaago dariiqa ay cagta saartay. Waxay tusaale u tahay dhallinyarada kale ee jecel in ay horumariyaan naftooda, isla markaana ku dedaalaan in ay gaadhaan riyadooda.

Ugu dambayn, hambalyo Raxma, waad dedaashay!

12/04/2025

Waxqabaddada ay gobolada barigu ka filayaan xukuumaddii la doortay 13 Nov 2024.

Mustafe Aadan Ducaale "Jalawo". - Guddoomiye xigeenka SEES.

Address

Burao
Burco

Telephone

+252634772285

Website

http://sees-somaliland.org/

Alerts

Be the first to know and let us send you an email when SEES Somaliland posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to SEES Somaliland:

Shortcuts

Want your organization to be the top-listed Non Profit Organization in Burco?