12/06/2026
𝗚𝘂𝗱𝗱𝗼𝗼𝗺𝗶𝘆𝗮𝗵𝗮 𝗚𝗼𝗹𝗹𝗮𝗵𝗮 𝗕𝗼𝗼𝗿𝗸𝗮 𝗡𝗮𝗮𝗱𝗶𝗴𝗮 𝗔𝗸𝗵𝗿𝗶𝘀𝗸𝗮 𝗶𝘆𝗼 𝗤𝗼𝗿𝗮𝗮𝗹𝗸𝗮 𝗕𝗮𝗿𝗶 𝗼𝗼 𝗦𝗮𝗳𝗮𝗿 𝗦𝗵𝗮𝗾𝗼 𝘂𝗴𝘂 𝗔𝗺𝗯𝗮𝗯𝗮𝘅𝗮𝘆 𝗠𝘂𝗾𝗱𝗶𝘀𝗵𝗼
BOOSAASO, Soomaaliya – Waxaa maanta magaalada Boosaso ka ambabaxay Guddoomiyaha Gollaha Boorka ee Naadiga Akhriska iyo Qoraalka Bari, Mudane Ali Haider isagoo u ku sii jeeda caasimadda dalka ee Muqdisho. Safarkan ayaa ah mid shaqo oo muhiim u ah horumarinta akhris qoraalka.
Ujeeddooyinka Safarka
Safarka Guddoomiyaha ayaa diiradda lagu saari doonaa qodobada ay ka mid yihiin:
𝐖𝐚𝐝𝐚-𝐬𝐡𝐚𝐪𝐚𝐲𝐧 𝐢𝐲𝐨 𝐈𝐬𝐤𝐚𝐚𝐬𝐡𝐢: Kulamo lala yeelan doono naadiyada akhriska, akadeemiyada suugaanta, iyo hay’adaha ka shaqeeya weyneynta afka iyo dhaqanka ee ku sugan Muqdisho.
𝐗𝐢𝐫𝐢𝐢𝐫𝐤𝐚 𝐖𝐚𝐬𝐚𝐚𝐫𝐚𝐝𝐚𝐡𝐚: Kulamo lala qaadan doono mas'uuliyiin ka tirsan Wasaaradaha ay khuseyso arrimaha dhalinyarada iyo waxbarashada, si loo xoojiyo doorka naadigu ku leeyahay dhiirrigelinta aqoonta.
"Safarkan wuxuu weji cusub u furayaa Naadiga Akhriska iyo qoraalka Bari. Waxaan rajaynaynaa inaan caasimadda ka keenno iskaashi waara oo waxtar u leh bahda akhriska iyo qoraalka ee gobolka."
Naadiga Akhriska iyo Qoraalka Bari wuxuu mar walba u taagan yahay dhisidda bulsho aqoon iyo akhris ku dhex weyn tahay, safarkanna wuxuu qeyb ka yahay dadaallada isdhexgalka iyo kor u qaadista fanka iyo suugaanta Soomaaliyeed.
Xafiiska Warfaafinta iyo Xiriirka Dadweynaha Naadiga Akhriska iyo Qoraalka Bari
